လါအီကူး ၃၁ သီ, ၂၀၂၆ နံၣ်, ခ့ၣ်အဲးစံၣ်
ပယီၤသုးကျိၤလၢအဟဲထီၣ်ဝဲဆူခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ဘျံးဒဝဲၢ်ကီၢ်ရ့ၣ်(သုးက့ ၄)လၢၢ်ဒိၣ်စိကီၢ်ဆၣ်အပူၤအံၤ တဖၣ် တၢ်ခိးခးအဝဲသ့ၣ်လၢကျဲအဃိ သံဝဲ(၁၂)ဂၤဒီးမၤန့ၢ်ဃုၥ်ဝဲတၢ်စုကဝဲၤကျိချံပှၥ်သၣ်သ့ၣ်တဖၣ်အဂ့ၢ်န့ၣ် ကီၢ်ရ့ၣ်အတၢ်ထုးထီၣ်ပၥ်ဖျါပူၤအသိးသ့ၣ်ညါဘၣ်န့ၣ်လီၤ.
ဖဲလါအီကူး ၂၉ သီ ဂီၤခီ ၆း၃၀ အဆၢကတီၢ် ပယီၤသုးကျိၤတဖၣ်ဟဲထီၣ်နုၥ်လီၤဝဲဆူလၢၢ်ဒိၣ်စိကီၢ်ဆၣ် တၢ်ပၢၢ်ဆၢဟီၣ်ကဝီၤ တုၤဃီၤဝဲဖဲမီၤမဲၤစှီၤ(မောင်မယ်ရှောင်)သဝီဃၢၤအခါ ဘၣ်တၢ်ခိးခးအဝဲသ့ၣ်လၢဟီၣ်ကဝီၤကညီဒီကလုၥ်တၢ်ထူၣ်ဖျဲး သုးမုၢ်ဒိၣ် (KNLA) သုးရ့ၣ်(၁၂) သုးဒ့-၅, သုးရ့ၣ်(၁၀) သုးဒ့-၄ ဒီး ဒဝဲၢ်ဒီကလုၥ်တၢ်ထူၣ်ဖျဲးသုးမုၢ်ဒိၣ်(DNLA)သုးပၥ်ဖှိၣ် သ့ၣ်တဖၣ်အံၤ န့ၣ်လီၤ.
ဒီးဖဲလၢတၢ်ဒုးကဲထီၣ်ဘျီဝဲန့ၣ်အပူၤ ပယီၤသုးတကပၤသံဝဲ(၁၂)ဂၤတကးဒံးဘၣ်လၢန့ၣ်အမဲၥ်ညါ(KNLA)သုးပၥ်ဖှိၣ်မၤန့ၢ်ဝဲ MA-1 (၆)ခိၣ်ဒီး MA-3 (၂)ခိၣ်ဃုၥ်ဒီးကျိချံပှၥ်သၣ်သ့ၣ်တဖၣ်န့ၣ်လီၤ.
ဖဲအပူၤကွံၥ်လါအီကူး ၂၄ သီအခါန့ၣ်စ့ၢ်ကီး ပယီၤသုးလၢဟဲထီၣ်ဟူးဂဲၤဝဲဖဲလၢၢ်မုၢ်လါကီၢ်ဆၣ် မစီ(မဇော)ကရူၢ်ပူၤတဖၣ်အံၤ ဘၣ်တၢ်နုၥ်လီၤခးအဝဲသ့ၣ်လၢဟီၣ်ကဝီၤကညီဒီကလုၥ်ဂၢၤသးကရၢ(KNDO) သုးရ့ၣ်-၇ အပှၤအဃိ ဖဲန့ၣ်တၢ်မၤန့ၢ်ဒံးဝဲစုကဝဲၤ ပီးလီ ကဲထီၣ်ဒံးဝဲန့ၣ်လီၤ.
တကီၢ်ခါခဲအံၤ ခ့ၣ်အဲၣ်ယူၣ် ဘျံးဒဝဲၢ်ကီၢ်ရ့ၣ်အပူၤ လၢကထီၣ်ဒိၣ်စိက့ၤဟီၣ်ကဝီၤအဂီၢ်ပယီၤသုးကျိၤဟဲထီၣ်ဟူးဂဲၤဝဲအဃိ ဒုးယၤတၢ်ဖ့ၣ်စၢဆဲးကဲထီၣ်ဒံးဝဲအဖၢမုၢ်န့ၣ်လီၤ.