လါအီးကထိဘၢၣ် ၁၂ သီ, ၂၀၂၆ နံၣ်, ခ့ၣ်အဲးစံၣ်
ပယီၤသုးအ(ကာကင်း)တၢ်လီၢ်တခါလၢအိၣ်ဆီလီၤသးဖဲခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ဘျံးဒဝဲၢ်ကီၢ်ရ့ၣ်(သုးက့ ၄) ဟီၣ်ကဝီၤအပူၤအံၤ ဖဲတဂီၤအံၤန့ၣ် ဟီၣ်ကဝီၤကညီဒီကလုၥ်တၢ်ထူၣ်ဖျဲးသုးမုၢ်ဒိၣ်(KNLA)သုးပၥ်ဖှိၣ် နုၥ်လီၤခးဝဲဒီး မၤန့ၢ်ဝဲ ကျိချံပှၥ်သၣ်အမဲၥ်ညါသံဘၣ်ဒိတစှၤန့ၢ်(၁၅)ဂမအဂ့ၢ်န့ၣ် ကီၢ်ရ့ၣ်တၢ်ကစီၣ်ထုးထီၣ်ပၥ်ဖျါဝဲန့ၣ်လီၤ.
ဖဲတနံၤလါအီးကထိဘၢၣ် ၁၂ သီ ဂီၤခီ ၇း၃၀ အဆၢကတီၢ်န့ၣ် ခီၣ်သုးရ့ၣ်(ခလရ-၂၈၅)သုးရ့ၣ် (ကာကင်း)သုးကလၢၤတဖျၢၣ်လၢ လၢအအိၣ် ဆီလီၤသးဖဲပလီၣ်(ပုလော)ကရူၢ် မကၠံကိ(မကျည်းကုန်း)သဝီဃၢၤအံၤ ဘၣ်တၢ်နုၥ်လီၤခးအဝဲ သ့ၣ်လၢ KNLA သိၣ်ဒူစိ ဒီးကမျၢၢ်တၢ်ဒီသဒၢသုး(PDF)သုးပၥ်ဖှိၣ်သ့ၣ်တဖၣ်အံၤန့ၣ်လီၤ.
လၢ(KNLA)သုးပၥ်ဖှိၣ်အတၢ်နုၥ်လီၤခးပယီၤသုး(ကာကင်း)သုးကလၢၤဘျီဝဲအံၤ ပယီၤသုးသံဝဲ(၁၀)ဂၤ,ဘၣ်ဒိဘၣ်ထံး(၅)ဂၤ ဒီး မ့မ့ၢ်ပှၤလၢအဂၤသ့ၣ်တဖၣ်န့ၣ်ဃ့ၢ်ဖျိးထီၣ်ကွံၥ်ဝဲအဂ့ၢ်န့ၣ် ခ့ၣ်အဲၣ်ယူၣ် အလံၥ်တၢ်ပၥ်ဖျါအပူၤ ပၥ်ဖျါဝဲန့ၣ်လီၤ.
ဒ်န့ၣ်အသိးပယီၤသုးသံဘၣ်ဒိဘၣ်ထံးအမဲၥ်ညါ တၢ်ပၢၢ်ဆၢသုးပၥ်ဖှိၣ်ကရူၢ်မၤန့ၢ်ဝဲ MA-1(၁)ခိၣ်, MA-3 (၁)ခိၣ်, OG(၁)ခိၣ်, AK(၁)ခိၣ် (၆၀ မမ)ကျိတခိၣ်ဃုၥ်ဒီး ကျိချံပှၥ် သၣ်လၢ အဂၤတနီၤအဂ့ၢ်န့ၣ် သ့ၣ်ညါဘၣ်န့ၣ်လီၤ.
လၢၢ်မုၢ်လါကီၢ်ဆၣ်အပူၤ အပူၤကွံၥ်လါမ့ၤ ၁၉ သီအခါန့ၣ်စ့ၢ်ကီး လၢၢ်ဖးဒိၣ်ပယီၤသုးကလၢၤလၢအိၣ်ဆီလီၤသးန့ၢ် အနံၣ် (၂၀)ဘျဲၣ်အံၤ ဘၣ်တၢ်ထီၣ်ဒုးမၤန့ၢ်အီၤလၢဟီၣ်ကဝီၤ(KNLA),(KNDO)သုးပၥ်ဖှိၣ်ထီၣ်မၤန့ၢ်ဝဲဒီးဖဲန့ၣ်မၤန့ၢ်ဃုၥ်ဝဲ စုကဝဲၤကျိ ချံပှၥ်သၣ်ဒံးန့ၣ်လီၤ.