လါယူၤလံ ၂၈သီ, ၂၀၂၆နံၣ်, ခ့ၣ်အဲးစံၣ်,
ပကိကီၢ်ခီဒိၣ်, အိၣ်တွ့ကီၢ်ဆၣ် ကၠီၣ်တါသဝီအပူၤ သဝီဒီတဖျၢၣ်ဃၣ်ဃၣ် ပှၤတူၢ်ဘၣ်ဝဲ မိၢ်ပှၢ်ထီၣ်ဂီၤ တၢ်လိၤသးတၢ် ဆါဒီး ခိၣ်ဃၢၤဆူၣ်ချ့တၢ်အံးထွဲကွၢ်ထွဲ ကသံၣ်သရၣ်တအိၣ်ဘၣ်အဃိ တၢ်ဆါကဘျါအဂီၢ် လိၣ်ဘၣ်တၢ်ကူစါယါဘှါ အဂ့ၢ် လီၢ်ကဝီၤဖိတဖၣ်စံးဝဲန့ၣ်လီၤ.
ထ့းမဲၤသဝီလၢ ဘၣ်တၢ်သ့ၣ်ညါဝဲအါလၢ ကၠီၣ်တါသဝီအံၤစးထီၣ်လၢ အပူၤကွံၥ်လါယူၤအပူၤ ဟံၣ်တဖျၢၣ်အပူၤ ဟံၣ်ဖိဃီဖိ တဖၣ် တူၢ်ဘၣ်တၢ်လိၤသးတၢ်ဆါ န့ၣ်လီၤ. တၢ်ဟ့ၣ်ကသံၣ်ဒၢးအိၣ်ဝဲဘၣ်ဆၣ် ကသံၣ်သရၣ် တအိၣ်ထီ ဘိဘၣ်အဃိ ဘၣ်တၢ်ကူစါယါဘျါဝဲလၢကတီၢ်ဖုၣ်အဂီၢ်ဒီး တၢ်ဆါတၢ်အိၣ်သး နးထီၣ်ဝဲဒၣ်အဂ့ၢ် သဝီဖိတဖၣ်စံးဝဲန့ၣ်လီၤ.
“ပှၤဖူဝဲမိၢ်ဂံၥ်ဖိဒီးသနးခါကိၣ်လိၣ်ဘၣ်ဆၣ် တကိညၢ်ဘၣ်.အသးဒီးတၢ်မ့ဝၥ်ဝဲန့ၣ် ကဲထီၣ်ဒ်သိးတၢ်ဖှီတကွီၤ တကွီၤန့ၣ်လီၤ. မ့တဝၥ်အိၣ်တကဲဘၣ်.ကဲထီၣ်သးမိၢ်ပှၢ်ဒီတဂၤ ဒီး ဟံၣ်ဒီတဖျၢၣ်န့ၣ်လီၤ.”အဂ့ၢ် ကၠီၣ်တါသဝီ လီၢ်ကဝီၤ ပိၥ်ခွါတဂၤစံးဝဲန့ၣ်လီၤ.
တၢ်လိၤသးတၢ်ဆါအံၤ စးထီၣ်လၢ တၢ်စူၤလီၤသီသီအဆၢကတီၢ် တုၤလၢခဲအံၤတလီၤမၢ် ဘျါကွံၥ်ဝဲဒံးဘၣ်အသိး တၢ်ဆါအံၤ ဂံၢ်ခီၣ်ထံးကဲထီၣ်သးဒ်လဲၣ်အဂ့ၢ်န့ၣ်,တသ့ၣ်ညါဝဲဘၣ်အဂ့ၢ် လီၢ်ကဝီၤဖိတဖၣ်စံးဝဲန့ၣ်လီၤ.
လၢန့ၣ်အမဲၥ်ညါ, ကၠီၣ်တါသဝီအံၤ ကသံၣ်သရၣ်အိၣ်ဒၣ်ထဲ ကသံၣ်သရၣ်မုၣ်ဒုးအိၣ်ဖျဲၣ်ဖိဆံးတဂၤဒီး ခိၣ်ဃၢၤဒူသဝီပူၤစ့ၢ်ကီး ကသံၣ်သရၣ်လၢသ့ၣ်ညါနၢ်ပၢၢ် တၢ်ဆူးတၢ်ဆါဂ့ၢ်ကျိၤ တအိၣ်ဝဲဘၣ်အဖီခိၣ် တၢ်ဆါအံၤကဲထီၣ်သးအါထီၣ်ဝဲန့ၣ်လီၤ.
ကၠီးတါသဝီလီၢ်ကဝီၤပိၥ်ခွါတဂၤစံးဝဲလၢ “ကသံၣ်ဒၢးန့ၣ်မ့ၢ်ဒၣ် သဝီဃၢၤ တဖျၢၣ်န့ၣ် အိးထီၣ်လီၤ. ထံရူၢ်ကီၢ်သဲးတၢ် အိၣ်သးအဖီခိၣ်, ကသံၣ်သရၣ် တအိၣ်အါအါဘၣ်. အဝဲသ့ၣ် သဝီကစၢ်သ့ၣ်တဖၣ်န့ၣ် ဘၣ်ဟဲဒုးနဲၣ်သးလၢ ပသဝီ သရၣ်မုၣ်ဒုးအိၣ်ဖျဲၣ်ဖိသၣ် အအိၣ်န့ၣ်လီၤ. တၢ်လိၤသးတၢ်ဆါအံၤပှၤဆဲးကသံၣ် တကိၢ်ညၢ်ဘၣ် ဟဲအါထီၣ်ဝဲန့ၣ်လီၤ.”အဂ့ၢ်စံးဝဲန့ၣ်လီၤ.
ကၠီၣ်တါ သဝီအံၤ တအိၣ်ယံၤဝဲဒီး ဝ့ၢ်ဘၣ်ဆၣ် ခီဖျိသိလ့ၣ်ယီၢ် (စဲးကဲး) အသိပှ့ၤအဃိ လီၢ်ကဝီၤဖိတဖၣ်အါတက့ၢ် တလဲၤထီၣ်ကူစါယါဘျါအသးလၢ ဝ့ၢ်ပူၤဘၣ်န့ၣ်လီၤ.
ဒ်န့ၣ်အသိး, သဝီပူၤ သူၣ်စၢ်သးဘီၣ်တဖၣ် လဲၤဖံးလဲၤမၤတၢ်လၢ ကီၢ်ချၢ အဃိ အိၣ်ဒၣ်ထဲ သူၣ်က့သးပှၢ် ဒီး ဟးထီၣ်ဟးလီၤကီခဲဝဲအဂ့ၢ် လီၢ်ကဝီၤဖိတဖၣ်စံးဝဲန့ၣ်လီၤ.