ကမၤမိၢ်-ကတၢတံၥ်ကျဲဒုးယၤတၢ်ဖ့ၣ်စၢဆဲးကဲထီၣ်ဒီးတၢ်မၤန့ၢ်ကဒီးပယီၤသုးအကျိ(၃)ခိၣ်

လါစဲးပထ့ဘၢၣ် ၁၇ သီ, ၂၀၂၆ နံၣ်, ခ့ၣ်အဲးစံၣ်

ခ့ၣ်အဲၣ်ယူၣ် မုၢ်တြီၢ်ကီၢ်ရ့ၣ်(သုးက့ ၅)ဒွဲၣ်လိကီၢ်ဆၣ် ကမၤမိၢ်-ကတၢၢ်တံၥ်ကျဲဟီၣ်ကဝီၤအပူၤ တၢ်ဒုးဆဲးကဲထီၣ် ဝဲဒီး ပယီၤသုးကျိၤလၢအဟဲထီၣ်ဟူးဂဲၤတဖၣ်(KNLA)နုၥ်လီၤခးကဒီးဝဲအဃိ မၤန့ၢ်ကဒီးဝဲကျိ(၃)ခိၣ်အဂ့ၢ်န့ၣ် သ့ၣ်ညါဘၣ်လၢ လီၢ်ကဝီၤပှၤဘၣ် မူဘၣ်ဒါအအိၣ်န့ၣ်လီၤ.

ဖဲမဟါလါစဲးပထ့ဘၢၣ် ၁၆ သီအနံၤန့ၣ် လၢလ့ဖိထၣ်ကရူၢ် နိၤဃဲထၣ်ဟီၣ်ကဝီၤအပူၤ ကညီဒီကလုၥ်တၢ်ထူၣ်ဖျဲးသုးမုၢ်ဒိၣ် (KNLA) သုးပၥ်ဖှိၣ်နုၥ်လီၤခးကဒီးဝဲပယီၤသုးလၢတၢ်ဒ့ၣ်စၢၤဒီး ဖဲန့ၣ်မၤန့ၢ်ဝဲ MA-1 ၂ ခိၣ်, MA-3 တခိၣ် ပၥ်ဖှိၣ်ခဲလၢၥ်(၃)ခိၣ်ဒီး ပယီၤသုးသ့ၣ်တဖၣ်အံၤမ့ၢ်ဝဲသုးကျိၤတဒူၣ်ဃီလၢအဟဲထီၣ်ဟူးဂဲၤတ့ၢ်ဝဲဖဲလါမ့ၤအခါအံၤတဖၣ်န့ၣ်လီၤ.

တချုးတၢ်ကဲထီၣ်သးအံၤဒံးဘၣ်ဖဲလါစဲးပထ့ဘၢၣ် ၁၄ သီအနံၤန့ၣ်စ့ၢ်ကီး ပယီၤသုးကျိၤလၢအဟဲထီၣ်ဟူးဂဲၤဖဲ ဝၣ်သိခိၣ်ဟီၣ်ကဝီၤ ပူၤအံၤတဖၣ်ဒီး(KNLA)အဘၢၣ်စၢၤတၢ်ဒုးကဲထီၣ်ဝဲဒီး လၢတၢ်ဒုးဘျီဝဲန့ၣ်အပူၤတၢ်ပၢၢ်ဆၢသုးကရူၢ်မၤန့ၢ်ဒံးဝဲကျိ(၃)ခိၣ် ကဲထီၣ်ဒံးဝဲန့ၣ်လီၤ.

ကမၤမိၢ်-ကတၢတံၥ်ကျဲလၢတၢ်ဒုးကဲထီၣ်တၢ်ဆၢကတီၢ်န့ၢ်ဝဲ(၄)လါဘျဲၣ်အံၤန့ၣ် ပယီၤသုးလၢဟဲထီၣ်ဟူးဂဲၤဖဲန့ၣ်တဖၣ် ဒ်သိးဆဲးလဲၤထီၣ် ဝဲဆူဖၣ်ပူၣ်ကန့ၢ်အဂီၢ် သူဝဲကဘီယူၤ,ကျိဖးဒိၣ်,ဒြိ ဟးခးလီၤတၢ်ဂုၥ်ကျဲးစၢးဝဲလၢကျဲအဘိဘိဘၣ်ဆၣ် ထီၣ်ဝဲတန့ၢ် တုၤလၢခဲအံၤအိၣ်ကတၥ်ထီဒံးအသးဖဲကတၢတံၥ်ဟီၣ်ကဝီၤဒီး ဒုးယၤတၢ်ဖ့ၣ်စၢဆဲးကဲထီၣ်ဝဲလၢခံခီခံကပၤ အဘၢၣ်စၢၤအဖၢမုၢ်န့ၣ်လီၤ.