လါယူၤလံ ၁ သီ, ၂၀၂၅ နံၣ်, ခ့ၣ်အဲးစံၣ်
တလၢၤကီၢ်စဲၣ်-ယ့ကီၢ်ဆၣ်ဟီၣ်ကဝီၤအပူၤပယီၤသုးကလၢၤတဖျၢၣ်လၢအိၣ်(အါယူၣ်တီၤ)သဝီလၢအမ့ၢ်ဝဲ(ခမရ-၃၄၃)သုးကလၢၤလူၢ်အံၤ(ယ့ဘလူ)တၢ်ပၢၢ်ဆၢသုးကရူၢ်ထီၣ်မၤန့ၢ်ကွံၥ်ဝဲဒၣ်ဖဲတနံၤအံၤလါယူၤလံ(၁)သီအနံၤအဂ့ၢ်တၢ်ပၢၢ်ဆၢသုးကရူၢ်အပှၤဘၣ်မူဘၣ်ဒါပၥ်ဂၢၢ်ပၥ်ကျၢၤစံးဝဲဒၣ်န့ၣ်လီၤ.
ပယီၤသုးကလၢၤလူၢ်အဝဲအံၤန့ၣ်ဘၣ်တၢ်စးထီၣ်ဒုးအီၤဖဲတနံၤအံၤဂီၤခီ(၅)နၣ်ရံၣ်အဆၢကတီၢ်ဒီးဖဲ(၅း၄၅)မံးနံးအဆၢကတီၢ်န့ၣ်တၢ်ထီၣ်မၤန့ၢ်ကွံၥ်ဝဲဒၣ်အဂ့ၢ်(ယ့ဘလူ)တၢ်ပၢၢ်ဆၢသုးကရူၢ်အပှၤဘၣ်မူဘၣ်ဒါတဂၤစံးဝဲဒၣ်ဒ်အံၤန့ၣ်လီၤ.
အဝဲစံးဝဲလၢ “ဖဲတဂီၤညါအံၤလီၤတၢ်နုၥ်လီၤခးဝဲဒၣ်သုးကလၢၤမီၤနီၤ. သုးကီၣ်ကးသုးကလၢၤလူၢ်တဖျၢၣ်လၢအိၣ် (ခမရ-၃၄၃)သုး ဟီၣ်ကဝီၤအပူၤန့ၣ်ပဝဲ(ယ့ဘလူ)သုးကရူၢ်ထီၣ်မၤန့ၢ်ကွံၥ်ဝဲဒၣ်န့ၣ်လီၤ.” အဂ့ၢ်စံးဝဲဒၣ်န့ၣ်လီၤ.
လၢန့ၣ်အမဲၥ်ညါလၢတၢ်ထီၣ်ဒုးဘျီဝဲအံၤအပူၤန့ၣ်(ယ့ဘလူ)သုးကရူၢ်အပှၤဘၣ်သံကွံၥ်ဝဲဖဲတၢ်ဒုးအပူၤတဂၤအဂ့ၢ်အဝဲစံးအါထီၣ်ဝဲန့ၣ်လီၤ.
(ယ့ဘလူ)တၢ်ပၢၢ်ဆၢသုးကရူၢ်အံၤန့ၣ်မ့ၢ်ဝဲဖီၣ်စုကဝဲၤကရူၢ်တဖုလၢအဟူးဂဲၤမၤဝဲဒုးယၤရဲၣ်ကျဲၤဖဲ(တလၢၤကီၢ်စဲၣ်,ယ့ကီၢ်ဆၣ်ဟီၣ်ကဝီၤအပူၤလၢတၢ်ထီဒါပၢၢ်ဆၢဝဲသုးမီၤစိရိၤလၢအဟံးန့ၢ်ဆူၣ်တၢ်စိတၢ်ကမီၤတဖုအံၤဒီးပှၤလၢဘၣ်ထွဲဒီးသုးကီၣ်ကးသ့ၣ်တဖၣ်အဂ့ၢ်သ့ၣ်ညါဘၣ်န့ၣ်လီၤ.
