လါစဲးပထ့ဘၢၣ် ၉သီ, ၂၀၂၅နံၣ်, ခ့ၣ်အဲးစံၣ်,
ကီၢ်ကၠီၣ်တဲၣ်-ကီၢ်ပယီၤကီၢ်ဆၢ ကညီကီၢ်စဲၣ် စွ့ၣ်ကိၣ်ကိၤဟီၣ်ကဝီၤပူၤ အိၣ်လဲၣ်တၢ်လံၣ်အီၣ်ကျိၣ်စ့တၢ်ဖံးတၢ်မၤဒီးပှၤလၢအဘၣ်ထွဲဘၣ်ဃး ခဲလၢၥ် Target (၉)ခါဖီၣ်ဃံးဝဲဒၣ် ကီၢ်အမဲရကၤ ကျိၣ်စ့ဝဲၤကျိၤကိတိၥ် ဘိးဘၣ်ရၤလီၤဝဲဖဲ လါစဲးပထ့ဘၢၣ်(၈)အနံၤအဆၢကတီၢ်န့ၣ်လီၤ.
ကီၢ်အမဲၥ်ရကၤ Target(၉)ခါန့ၣ်မ့ၢ်ဝဲဒၣ်ပှၤကညီ(၃)ဂၤဒီးခီပနံၣ်(၆)ခါအဂ့ၢ်သ့ၣ်ညါဘၣ်န့ၣ်လီၤ.ပှၤကညီ(၃)ဂၤလၢအပၣ်ဃုၥ်လၢ ကီၢ်အမဲရကၤတၢ်ဖီၣ်ဃံးစရီပူၤသ့ၣ်တဖၣ်န့ၣ်မ့ၢ်ဝဲ (BGF)မ့တမ့ၢ်(KNA)သုးခိၣ်ကျၢၢ်ဖိစၤတ့ၤဝ့,စီၤမ့မ့အူဒီး သုးခိၣ်ခၠံၣ်သူၣ်အသကိးလၢမၤသကိးတၢ်ဒီးအီၤတကီၢ်ခါခဲအံၤဘၣ်လီၤလၢကီၢ်ကၠီၣ်တဲၣ်တၢ်ဒုးဃုၥ်ပူၤလၢအမ့ၢ် SHE ZHIJIANGသ့ၣ်တဖၣ်အဂ့ၢ် ပၥ်ဖျါဝဲလၢကီၢ်အမဲရကၤအလံၥ်တၢ်တၢ်ပၥ်ဖျါအပူၤန့ၣ်လီၤ.
ဒ်န့ၣ်အသိးခီပနံၣ်လၢ အပၣ်ဃုၥ်လၢကီၢ်အမဲရကၤ အတၢ်ဖီၣ်ဃံးစရီအပူၤသ့ၣ်တဖၣ်န့ၣ်မ့ၢ်ဝဲ Myanmar Yatia international Holding Group Co.LTD.(Myanmar Yatai), ခၠံၣ်လ့မၠဲၣ် တၢ်ခူၣ်စၢၢ်ထးဒီးစဲးဖီကဟၣ်ခီပနံၣ်,ခၠံၣ်လ့မၠဲၣ်တိၣ်ယိတၣ်ခီပနံၣ်,ခၠံၣ်လ့မၠဲၣ်ခီပနံၣ်, စွ့ၤမၠ့ၣ်သီၤယ့ တၢ်ထုးထီၣ်စဲးဖီကဟၣ်ခီပနံၣ်,ဒီး Yatai International Holding Group limted သ့ၣ်တဖၣ် ပၣ်ဃုၥ်ဝဲဒၣ်အဂ့ၢ်သ့ၣ်ညါဘၣ်န့ၣ်လီၤ.
ရၤမတံဝ့ၢ်ဟီၣ်ကဝီၤ,စွ့ၣ်ကိၣ်ကိၤပူၤ Yatia new city လၢသုးခိၣ်ခၠံၣ်သူဒီးအသကိး She Zhijiang သူၣ်ထီၣ်ဘှီထီၣ်ဝဲအံၤန့ၣ်မ့ၢ်ဝဲဒၣ်တၢ်လံၣ်အီၣ်ကျိၣ်စ့အလီၢ်ဖးဒိၣ်တခါဒီးအပူၤကွံၥ်(၈)နံၣ်န့ၣ် မ့ၢ်ဝဲဒၣ်သဝီဖိတဖျၢၣ်လၢသူမွဲကျိကၢၢ်နံၤဒီးအခဲအံၤန့ၣ်အဝဲသ့ၣ်ဆီတလဲက့ၤဝဲဒၣ်ဆူ တၢ်တၤကျိၣ်တၤစ့လီၢ်,တၢ်ရၤလီၤတၢ်မူၤတၢ်ဘှီးလီၢ်,တၢ်ဆါလီၤအီၣ်သးလီၢ်ဒီးတၢ်လံၣ်အီၣ်ကျိၣ်စ့လၢဟီၣ်ခိၣ်ဒီဖျၢၣ် အလီၢ်တခါအဂ့ၢ် ကီၢ်အမဲရၤကၤစံးဝဲဒၣ်န့ၣ်လီၤ.
ဒ်လါစဲးပထ့ဘၢ(၈)သီအနံၤ ကီၢ်အမဲရၤ ကျိၣ်စ့ဝဲကျိၤကိတိၥ်အတၢ်ပၥ်ဖျါအိၣ်ဝဲအသိးန့ၣ် ခီဖျိ အ့ရှၢၣ်မုၢ်ထီၣ်အလံၤထံး တၢ်လံၣ်အီၣ်လီအီၣ်ကျိၣ်စ့တၢ်ဖံးတၢ်မၤအဃိ ကီၢ်အမဲရကၤထံဖိကီၢ်ဖိဘၣ်ဃးကွံၥ်ဝဲကျိၣ်စ့အစှၤကတၢၢ် ဒီလၣ်အကကွဲၢ်(၁၀)အိၣ်ဝဲဒၣ်အဖီၣ်ခိၣ် စးထီၣ်ဝဲဒၣ်တၢ်ဖီၣ်ဃံးဒ်အံၤလီၤအဂ့ၢ်စံးဝဲဒၣ်န့ၣ်လီၤ.
ပှၤကညီလၢအပၣ်ဃုၥ်လၢကီၢ်အမဲရကၤတၢ်ဖီၣ်ဃံးစရီပူၤသ့ၣ်တဖၣ်န့ၣ် အဝဲသ့ၣ်တၢ်န့ၢ်ပၢဘၣ်မ့ၢ်အိၣ်လၢကီၢ်အမဲရကၤပူၤန့ၣ်ဘၣ်တၢ်ဟံးန့ၢ်ကွံၥ်ဝဲဒၣ်ဒီး မ့မ့ၢ်လၢတၣ်ဖံးတၢ်မၤခီပနံၣ်သ့ၣ်တဖၣ်န့ၣ် အဝဲသ့ၣ်မၤသကိးတၢ်ဒီး ကီၢ်အမဲရၤကၤတၢ်ဖံးတၢ်မၤခီပနံၣ်တန့ၢ်လၢၤဘၣ်အသိးတၢ်ပံးကွံၥ်အဝဲသ့ၣ်လၢကလဲၤဆူကီၢ်အမဲရကၤပူၤအမဲၥ်ညါတၢ်ပံးကွံၥ်အဝဲသ့ၣ်(bank account)ဒီး တၢ်မၤမုၢ်ကျိၤဝဲၤကွၥ်ဒီးထံဂုၤကီၢ်ဂၤအဆၢတဲၥ်ကွံၥ်ကဲထီၣ်သ့ဝဲဒၣ်အသိး ထံကီၢ်တဘ့ၣ်ဂ့ၤတဘ့ၣ်ဂ့ၤမ့ၢ်မၤသကိးတၢ်ဒီးပှၤလၢအပၣ်ဃုၥ်လၢကီၢ်အမဲရကၤတၢ်ဖီၣ်ဃံးစရီပူၤသ့ၣ်တဖၣ်န့ၣ် ကီၢ်အမဲရကၤဟံးန့ၢ်ဝဲဒၣ်အရ့သ့ဝဲဒၣ်စ့ၢ်ကီးန့ၣ်လီၤ.
ဒ်န့ၣ်အသိးဖဲအပူၤကွံၥ် ၂၀၂၅နံၣ်,လါမ့ၤ အဆၢကတီၢ်စ့ၢ်ကီး သုးခိၣ်စီၤခၠံၣ်သူၣ် အဖိခွါခံဂၤလၢအမ့ၢ် စီၤထူအဲၣ်မူဒီးစီၤခၠံၣ်ခၠံၣ်သ့ၣ်တဖၣ် ကီၢ်အမဲရကၤဟံးန့ၢ်အဝဲသ့ၣ်ဂ့ၢ်ဝီအသိး တၢ်ကရၢကရိလၢအမ့ၢ် BGF လၢကပျိၥ်လဲသးဆူ KNA စ့ၢ်ကီး ပၥ်ပနီၣ်ဝဲလၢအမ့ၢ် တၢ်ကရၢကရီလၢမၤကမၣ်ကွီၢ်မ့ၣ် အဂ့ၢ်ကီၢ်အမဲရကၤဘိးဘၣ်ရၤလီၤတ့ၢ်ပၥ် အိၣ်ဝဲဒၣ်န့ၣ်လီၤ.
