KIC News

လါနိၣ်ဝ့ဘၢၣ် ၂၆ သီ, ၂၀၂၄ နံၣ်, ခ့ၣ်အဲးစံၣ် ခ့ၣ်အဲၣ်ယူၣ်-ကီၢ်သူလ့ၤတၢ်ပၢချၢၣ်လွံၢ်ထူၣ်ကီၢ်ရ့ၣ်အပူၤဖဲအပူၤကွံၥ်လါနိၣ်ဝ့ဘၢၣ်(၁၄)သီအနံၤန့ၣ်ပယီၤသုးကီၣ်ကးခီၣ်ချ့သုးရ့ၣ် (ခမရ-၅၈၉)အပှၤတဂၤဟဲပၥ်လီၤတၢ်စုကဝဲၤဃုၥ်ဒီးစုကဝဲၤပီးလီတဖၣ်ဖဲလၢၢ်ဒိၣ်ကီၢ်ဆၣ်(သုးရ့ၣ်-၉)ဟီၣ်ကဝီၤအပူၤအဂ့ၢ်န့ၣ်ခ့ၣ် အဲၣ်ယူၣ်ထုးထီၣ်ပၥ်ဖျါဝဲဖဲမဟါလါနိၣ်ဝ့ဘၢၣ်(၂၆)သီအနံၤန့ၣ်လီၤ. ပယီၤသုးခီၣ်ချ့သုးရ့ၣ်(ခမရ-၅၈၉)အပှၤလၢဟဲပၥ်လီၤတၢ်စုကဝဲၤအံၤန့ၣ်မ့ၢ်ဝဲ(ကၠီၤမ့အီၤ)နီၢ်ကစၢ်နီၣ်ဂံၢ်(ပစ-၁၁၀၅၉၉)ဒီး (ကၠီၤမ့အီၤ)အံၤဒ်ခ့ၣ်အဲၣ်ယူၣ်ပၥ်လီၤပၥ်ဝဲပှၤသုးဖိလၢဟဲဟ့ၣ်လီၤအသးတၢ်မၤကျဲအိၣ်ဝဲအသိးန့ၣ်တၢ်ကွၢ်ထွဲကဟုကယၥ်အီၤဂ့ၤဂ့ၤဘၣ်ဘၣ်အဂ့ၢ်န့ၣ်လၢၢ်ဒိၣ်ကီၢ်ဆၣ်အပှၤကတိၤတၢ်ပၢပဒိၣ်စီၤဝါမုၢ်စံးဝဲဒ်အံၤန့ၣ်လီၤ. "ဘၣ်ထွဲဒီး(ခမရ-၅၈၉)အသုးဖိလၢအမ့ၢ်(ကၠီၤမ့အီၤ)န့ၣ်ဖဲလါနိၣ်ဝ့ဘၢၣ်(၁၄)သီအနံၤန့ၣ်ဟဲဟ့ၣ်လီၤအသးဃုၥ်ဒီးတၢ်စုကဝဲၤပီးလီ သ့ၣ်တဖၣ်မီၤနီၤ. ဒီးကတီၢ်ခဲအံၤန့ၣ်ဒ်ခ့ၣ်အဲၣ်ယူၣ်ထုးထီၣ်ပၥ်ဝဲဒၣ်သုးလၢဟဲဟ့ၣ်လီၤအသးတၢ်မၤကျဲအိၣ်အသိးန့ၣ်ပအံးထွဲကွၢ် ထွဲအီၤ,ပကဟုကယၥ်အီၤဂ့ၤဂ့ၤဘၣ်ဘၣ်လီၤ" အဂ့ၢ်စံးဘၣ်ခ့ၣ်အဲးစံၣ်-ကညီတၢ်ကစီၣ်န့ၣ်လီၤ. လၢန့ၣ်အမဲၥ်ညါ(ကၠီၤမ့အီၤ)လၢအဟဲပၥ်လီၤတၢ်စုကဝဲၤတဂၤအံၤတၢ်စုကဝဲၤပီးလီလၢအဝဲဟဲဟ့ၣ်လီၤဝဲသ့ၣ်တဖၣ်န့ၣ်ဒ်အမ့ၢ် MA-3(၁)ခိၣ်, ကျိဆၣ်ဒၢ(၅)ဘ့ၣ်, စုမ့ၣ်ပိၢ်(၁)ဖျၢၣ်, ၅.၅၆ချံအဖျၢၣ်(၁၅၀)သ့ၣ်တဖၣ်န့ၣ်လီၤ. ဒ်န့ၣ်အသိး(ကၠီၤမ့အီၤ)လၢဟဲဟ့ၣ်လီၤပၥ် လီၤတၢ်စုကဝဲၤတဂၤအံၤ(KNLA)သုးရ့ၣ်(၉)ဃုၥ်ဒီးလၢၢ်ဒိၣ်ကီၢ်ဆၣ်ဟ့ၣ်လၤကပီၤဝဲကျိၣ်စ့အကလီၢ်(၂၀)ကၠးအဂ့ၢ်န့ၣ်ခ့ၣ်အဲၣ်ယူၣ်တၢ်ပၥ်ဖျါပူၤအသိးသ့ၣ်ညါဘၣ်န့ၣ်လီၤ. (ကၠီၤမ့အီၤ)အံၤဘၣ်တၢ်ဖီၣ်န့ၢ်အီၤလၢသုးကီၣ်ကးတၢ်ထၢကမျၢၢ်တၢ်ဘၣ်ကဲသုးသဲးစးတၢ်ဘျၢတဆီဒီးဟဲလီၤဘၣ်မူဒါဖဲပယီၤသုး(ခမရ-၅၈၉)သုးရ့ၣ်အပူၤ,လၢအအိၣ်ဝဲဖဲကညီဒီကလုၥ်တၢ်ထူၣ်ဖျဲးသုးမုၢ်သုးရ့ၣ်(၉)တၢ်ပၢဟီၣ်ကဝီၤအပူၤအဂ့ၢ်န့ၣ်ပဒိၣ်စီၤဝါမုၢ်စံးအါ ထီၣ်ဝဲဒၣ်စ့ၢ်ကီးန့ၣ်လီၤ. "ပကွၢ်က့ၤသုးဖိလၢအဟဲဟ့ၣ်လီၤအသးတဂၤအံၤန့ၣ်လဲၤဘၣ်ထွဲအသးဒီးသုးကီၣ်ကးထုးထီၣ်ပၥ်ဝဲကမျၢၢ်တၢ်ဘၣ်ကဲသုးသဲးစးအံၤမီၤနီၤ. အဝဲမ့ၢ်ဝဲပှၤယူအီၣ်ကဲၣ်ရံး(ပှၤနီသိလ့ၣ်)ဖိတဂၤဒီးလၢတၢ်လဲၤတၢ်က့ၤအဖီခိၣ်န့ၣ်တၢ်ဖီၣ်န့ၢ်အီၤမီၤနီၤ. လၢတၢ်ဖီၣ်န့ၢ်အီၤအဖီခိၣ်န့ၣ်တၢ်သံကွၢ်အီၤလၢနကကဲသုးဧါ,နကနုၥ်လီၤလၢဃိၥ်ပူၤဧါဒ်န့ၣ်...

လါနိၣ်၀့ဘၢၣ် ၂၅ သီ, ၂၀၂၄ နံၣ်, ခ့ၣ်အဲးစံၣ် ခ့ၣ်အဲၣ်ယူၣ် ဒူသထူၣ်ကီၢ်ရ့ၣ် (သုးက့ ၁) သထူၣ်ကီၢ်ဆၣ်အပူၤ ပယီၤသုးကျိဖးဒိၣ်အဃိ ကျူမဲသ၀ီဖိလၢအလဲၤစံၣ်အိၣ် လ့ကိပူၤတဖၣ် တကီၢ်ခဲအံၤလိၣ်ဘၣ်၀ဲအီၣ်အီအိၣ်ဆိးလီၢ်ကျဲကသံၣ်ကသီတၢ်ဆီၣ်ထွဲမၤစၢၤအဂ့ၢ်န့ၣ် လီၢ်က၀ီၤပှၤဘၣ်မူဘၣ်ဒါ စံး၀ဲန့ၣ်လီၤ. သထူၣ်ကီၢ်ဆၣ် ကီးလၢၢ်ကရူၢ်အပူၤ သုးဟံန့ၢ်တၢ်စိတၢ်ကမီၤ၀ံၤလီၢ်ခံခီဖျိပယီၤသုးခးလီၤကျိဖးဒိၣ်ကဲထီၣ်သးတလီၢ်လီၢ်အဃိ ဖဲ(၂၀၂၃) လါစဲးပထ့ဘၢၣ်အခါန့ၣ် ကျူမဲသ၀ီဖိခဲလၢၥ်ဃၣ်ဃၣ်ဘၣ်ဃ့ၢ်ထီၣ်လဲၤစံၣ်အိၣ်ကဒုသးလၢ လ့ကိပူၤတၢ်ဘံၣ်တၢ်ဘၢ အလီၢ်အဂ့ၢ်န့ၣ် သ့ၣ်ညါဘၣ်န့ၣ်လီၤ....

လါနိၣ်ဝ့ဘၢၣ် ၂၄သီ, ၂၀၂၄နံၣ်, ခ့ၣ်အဲးစံၣ် ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ,မုၢ်တြီၢ်ကီၢ်ရ့ၣ်, သုးက့(၅) မၤန့ၢ်ကဒီးတၢ်စုကဝဲၤလၢ မးထီပယီၤသုးလၢအဃ့ၢ်ဖျိးသ့ၣ်တဖၣ်အအိၣ်အဂ့ၢ်သ့ၣ်ညါဘၣ်လၢကီၢ်ရ့ၣ်အပှၤဘၣ်မူဘၣ်ဒါအအိၣ်န့လီၤ. မးထီပယီၤသုးကလၢၤအံၤန့ၣ် ကညီဒီကလုၥ်တၢ်ထူၣ်ဖျဲးသုးမုၢ်ဒိၣ်(KNLA)သုးက့(၅)ဒီးတၢ်ပၢၢ်ဆၢသုးပၥ်ဖှိၣ်ကဝီၤတံၢ်ဒီးနုၥ်လီၤခးအဝဲသ့ၣ်အဃိဖဲလါနိၣ်ဝ့ဘၢၣ်(၂၂)သီအနံၤန့ၣ် ဟးထီၣ်ဃ့ၢ်ကွံၥ်ဝဲဒၣ်လၢအသုးကလၢၤအပူၤဒ်သိးကက့ၤလီၤကဒါဆူထွံၣ်သံအုၣ်ဒီးကတၢတံးတကပၤအဂီၢ်အဂ့ၢ်သ့ၣ်ညါဘၣ်န့ၣ်လီၤ. ဖဲအဝဲသ့ၣ်က့ၤလီၤအခါခီဖျိ(KNLA)သုးက့(၅)ဒီးသုးပၥ်ဖှိၣ်ခိးခးအဝဲသ့ၣ်ဖဲအပူၤကွံၥ်လါနိၣ်ဝ့ဘၢၣ် ၂၃သီအနံၤ,တၢ်လီၢ်ဖဲ ထွံၣ်သံအုၣ်ဒီးမးထီအဘၢၣ်စၢၤအဃိ တၢ်မၤန့ၢ်အါထီၣ်ကဒီးတၢ်စုကဝဲၤအမဲၥ်ညါပယီၤသုးသံ(၆)ဂၤအဂ့ၢ် ခ့ၣ်အဲၣ်ယူၣ်-မုၢ်တြီၢ်ကီၢ်ရ့ၣ်တၢ်ကစီၣ်ဒီးတၢ်ဘိးဘၣ်ရၤလီၤအပှၤဘၣ်မူဘၣ်ဒါ ကၠူလံယၢၣ်ခုၣ် စံးဘၣ်ဝဲခ့ၣ်အဲးစံၣ်-ကညီတၢ်ကစီၣ်ဒ်အံၤန့ၣ်လီၤ. အဝဲစံးဝဲလၢ“တၢ်ကစီၣ်ပိၥ်ထွဲတခါန့ၣ်, ဖဲ ၂၃သီအနံၤ, ပယီၤသုးလၢအအိၣ်မးထီတဖုန့ၣ် က့ၤလီၤဒီးပပှၤခိးထုးအီၤဒီးမ့ၣ်ပိၢ်,ခးတံၢ်အီၤအဃိတၢ်မၤန့ၢ်ကျိဒီးတၢ်ဖိတၢ်လံၤအါအါဂီၢ်ဂီၢ်န့ၣ်လီၤ.မ့မ့ၢ်ပယီၤသုးန့ၣ်သံ(၆)ဂၤန့ၣ်လီၤ.”အဂ့ၢ်စံးဝဲဒၣ်န့ၣ်လီၤ. လၢန့ၣ်အမဲၥ်ညါမးထီပယီၤသုးတၢ်စုကဝဲၤလၢကညီဒီကလုၥ်တၢ်ထူၣ်ဖျဲးသုးမုၢ်ဒိၣ်သုးက့(၅)ဒီးသုးပၥ်ဖှိၣ်မၤန့ၣ်ဝဲသ့ၣ်တဖၣ်န့ၣ် မ့ၢ်ဝဲ (MA1 – 9)ခိၣ်, (MA2...

လါနိၣ်၀့ဘၢၣ် ၂၂ သီ, ၂၀၂၄ နံၣ်, ခ့ၣ်အဲးစံၣ် ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ဒူသထူၣ်ကီၢ်ရ့ၣ်(သုးက့ ၁)သထူၣ်ကီၢ်ဆၣ်အပူၤ ဖဲအပူၤကွံၥ်စှၤသီအခါ ကညီဆူၣ်ချ့မၤစၢၤ၀ဲၤကျိၤတီခိၣ်ရိၣ်မဲ ဒုးအိၣ်ဖျဲၣ်ထီၣ်ကဒီး၀ဲ ၄ ၀ီတ၀ီ ဂံၢ်ခီၣ်ထံးကသံၣ်တၢ်မၤလိဖိ ၄၈ ဂၤ အဂ့ၢ်န့ၣ် သ့ၣ်ညါဘၣ်န့ၣ်လီၤ. လၢသထူၣ်ကီၢ်ဆၣ်တၢ်လီၢ်တတီၤအပူၤ ကညီဆူၣ်ချ့မၤစၢၤ၀ဲၤကျိၤ(KDHW)တီခိၣ်ရိၣ်မဲအိးထီၣ်၀ဲဒၣ် ဂံၢ်ခီၣ်ထံးကသံၣ် တၢ်မၤလိလၢ တၢ်ဆၢကတီၢ်ယံၤ၀ဲ(၆)လါအံၤ ဖဲလါနိၣ်၀့ဘၢၣ် ၁၈...

လါနိၣ်ဝ့ဘၢၣ် ၂၂သီ, ၂၀၂၄နံၣ်, ခ့ၣ်အဲးစံၣ် ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ, သုးက့(၅), မုၢ်တြီၢ်ကီၢ်ရ့ၣ်, ဒွဲၣ်လိကီၢ်ဆၣ် မးထီပယီၤသုးကလၢၤန့ၣ် ဖဲတနံၤအံၤ လါနိၣ်ဝ့ဘၢၣ် ၂၂သီ,ဂီၤခီ ၇နၣ်ရံၣ်ဘျဲၣ်အဆၢကတီၢ်န့ၣ် ကညီဒီကလုၥ်တၢ်ထူၣ်ဖျဲးသုးမုၢ်ဒိၣ်သုးက့(၅)သုးပၥ်ဖှိၣ်ထီၣ်မၤန့ၢ်ကွံၥ်ဝဲဒၣ်အသိးတၢ်မၤန့ၢ်ဃုၥ်ဒီးတၢ်စုကဝဲၤတနီၤအဂ့ၢ် သ့ၣ်ညါဘၣ်လၢ ခ့ၣ်အဲၣ်ယူၣ်-မုၢ်တြီၢ်ကီၢ်ရ့ၣ် အပှၤဘၣ်မူဘၣ်ဒါအအိၣ်န့ၣ်လီၤ. မးထီသုကလၢၤလၢပၥ်ဖှိၣ်ဂံၢ်ဘါဒီးကူစ့ၣ်အံၤန့ၣ် ဖဲတနံၤအံၤဂီၤခီအဆၢတကီၢ် သုးက့(၅)ဒီးသုးပၥ်ဖှိၣ်ထီၣ်မၤန့ၢ်ကွံၥ်ဝဲဒၣ်အဂ့ၢ် ခ့ၣ်အဲၣ်ယူၣ်-မုၢ်တြီၢ်ကီၢ်ရ့ၣ် တၢ်ကစီၣ်ဒီးတၢ်ဘိးဘၣ်ရၤလီၤအပှၤဘၣ်မူဘၣ်ဒါ ကၠူလံယၢၣ်ခုၣ် စံးဝဲဒ်အံၤန့ၣ်လီၤ. အဝဲစံးဝဲလၢ“တၢ်သံတၢ်ဘၣ်ဒိတအိၣ်ဘၣ်.သုးကလၢၤဝဲအံၤပၥ်ဖှိၣ်ဂံၢ်ဘါဒီး ကူစ့ၣ်ပယီၤသုးသ့ၣ်တဖၣ်န့ၣ်လီၤ.ဖဲတနံၤဂီၤခီ(၇)နၣ်ရံၣ်ဘျဲၣ်အဆၢကတီၢ်န့ၣ်...

လါနိၣ်ဝ့ဘၢၣ် ၂၂ သီ, ၂၀၂၄ နံၣ်, ခ့ၣ်အဲးစံၣ် ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢဒူပျၥ်ယၥ်ကီၢ်ရ့ၣ်,ကီးတရံးကီၢ်ဆၣ်ဟီၣ်ကဝီၤအပူၤပှၤလီၢ်အိၣ်ကမှံဖိလၢအိၣ်ဆိးကစၢၢ်က လိပှၢ်လၢ်ကျါသ့ၣ်တဖၣ်မ့ၢ်လၢတၢ်ဆီၣ်ထွဲမၤစၢၤလီၤစှၤကွံၥ်ဝဲအဃိလၢတၢ်လုၢ်အီၣ်နီၢ်ခိၣ်သးသမူအဂီၢ်အဝဲသ့ၣ်ဘၣ်ကုၢ်ဆါအီၣ်ဝဲသွဲၣ်လးအဂ့ၢ်ကမျၢၢ်ပှၤလီၢ်အိၣ်ကမှံဖိသ့ၣ်တဖၣ်စံးဝဲဒၣ်န့ၣ်လီၤ. ကမျၢၢ်ပှၤကလီၢ်အိၣ်ကမှံဖိသ့ၣ်တဖၣ်အံၤမ့ၢ်လၢအိၣ်ဆိးတၢ်ဆၢကတီၢ်ဟဲယံၤထီၣ်ဝဲအဖီခိၣ်လၢတၢ်လုၢ်အီၣ်သးသမူတကပၤကီခဲထီၣ်ဝဲအဃိဘၣ်ကုၢ်မၤအီၣ်ဝဲသွဲၣ်လးန့ၣ်လီၤ. တကီၢ်ခါခဲအံၤန့ၣ်သွဲၣ်လးတထၢၣ်န့ၣ်အပှ့ၤအိၣ်ဝဲ(၈,၀၀၀)ကၠးတုၤ(၁၀,၀၀၀)ကၠးအ ဘၢၣ်စၢၤဒီးအပှ့ၤဂ့ၤဝဲအဂ့ၢ်န့ၣ်ကမျၢၢ်ပှၤလီၢ်အိၣ်ကမှံဖိတဂၤစံးဝဲဒ်အံၤန့ၣ်လီၤ. အဝဲစံးဝဲလၢ "မ့ၢ်ယံၤထီၣ်န့ၣ်ကအီၣ်ကအီအဂီၢ်တၢ်ကီတၢ်ခဲအိၣ်ဝဲလီၤ. တနီၤနီၤန့ၣ်မၤတၢ်မၤဆါတၢ်မ့ၢ်ဂ့ၤ,ဃုအီၣ်တၢ်ဒိး တၢ်လၣ်မ့ၢ်ဂ့ၤဆါအီၣ်ဝဲဒီးဘှါၡဲဝဲဒ်န့ၣ်လီၤ. အခဲအံၤန့ၣ်သွဲၣ်လးအပှ့ၤဂ့ၤဘျီတၢ်ကုၢ်ဆါဝဲမီၤနီၤ." အဂ့ၢ်န့ၣ်ပှၤလီၢ်အိၣ်ကမှံပိၥ်မုၣ်တ ဂၤစံးဝဲန့ၣ်လီၤ. တနံၣ်အံၤ(၂၀၂၄)နံၣ်အတီၢ်ပူၤအံၤကမျၢၢ်ပှၤလီၢ်အိၣ်ကမှံဖိသ့ၣ်တဖၣ်ဒိးန့ၢ်ဘၣ်ဝဲတၢ်ဆီၣ်ထွဲမၤစၢၤတအိၣ်အါအါလၢၤဘၣ်ဒီးလီၤစှၤကွံၥ်ဝဲအဃိပှၤလီၢ်အိၣ်ကမှံဖိလၢအဖံးအမၤတၢ်တကဲဘၣ်သ့ၣ်တဖၣ်အဂီၢ်ဘၣ်ဘှါၡဲဝဲအတၢ်လုၢ်အီၣ်နီၢ်ခိၣ်သးသမူကီကီခဲခဲအဂ့ၢ်န့ၣ်ပှၤလီၢ်အိၣ်ကမှံဖိလၢအဂၤတဂၤစံးဝဲဒ်အံၤစ့ၢ်ကီးန့ၣ်လီၤ. အဝဲစံးဝဲလၢ "တၢ်တနံၣ်ညါအံၤန့ၣ်တၢ်မၤစၢၤတဟဲအါအါလၢၤဘၣ်. ပှၤသးပှၢ်သ့ၣ်တဖၣ်ကမၤတၢ်ကရၢၢ်တအိၣ်,ကျိၣ်စ့စ့ၢ်ကီးတ အိၣ်သ့ၣ်တဖၣ်ဒုဘၣ်ထဲးဂံၢ်ထဲးဘါကီကီခဲခဲလီၤ. ဘၣ်အီၣ်ဘၣ်အီဖှီၣ်ဖှီၣ်ယၥ်ယၥ်လီၤ." အဂ့ၢ်န့ၣ်စံးဝဲဒၣ်န့ၣ်လီၤ. ကီးတရံးကီၢ်ဆၣ်ဟီၣ်ကဝီၤအပူၤခီဖျိလၢတၢ်ဒုးတၢ်ယၤအဃိကမျၢၢ်ပှၤလီၢ်ကဝီၤဖိသ့ၣ်တဖၣ်ဘၣ်ဃ့ၢ်အိၣ်ကဒုအသးလၢကစၢၢ်ကလိ,ပှၢ်လၢ်ကျါအပူၤဒီးတုၤတကီၢ်ခါခဲအံၤန့ၣ်တက့ၤဘၣ်ဒံးဘၣ်အမဲၥ်ညါတၢ်ဆီၣ်ထွဲမၤစၢၤစ့ၢ်ကီးလီၤစှၤကွံၥ်ဝဲအဃိဘၣ်ထဲးဂံၢ်ထဲးဘါကုၢ်ဆါအီၣ်ဝဲသွဲၣ်လး,တၢ်ဒိးတၢ်လၣ်လၢဟးထီၣ်ပှၢ်ပူၤသ့ၣ်တဖၣ်အကလုၥ်ကလုၥ်အသိးပှၤသးပှၢ်,ပှၤလၢတၢ်အိၣ်ဆူၣ်အိၣ်ချ့တဂ့ၤသ့ၣ်တဖၣ်အဂီၢ်ခီန့ၣ်ကဲထီၣ်ဝဲတၢ်ကီတၢ်ခဲဖးဒိၣ်အဂ့ၢ်ပှၤလီၢ်အိၣ်ကမှံဖိသ့ၣ်တဖၣ်စံးဝဲန့ၣ်လီၤ.

လါနိၣ်၀့ဘၢၣ် ၂၁ သီ, ၂၀၂၄ နံၣ်, ခ့ၣ်အဲးစံၣ် ထံကီၢ်ဒီးပှၤကလုၥ်တၢ်ဖံးတၢ်မၤန့ၣ်တမ့ၢ်ပှၤတဂၤတဖံးတၢ်မၤဘၣ်မ့မ့ၢ်တခီမ့ၢ်၀ဲပှၤအါဂၤတၢ်မၤဒီးဘၣ်ဂ့ၤသကိးအါဂၤအဃိ ဖိလံၤသူၣ်ဘီၣ်သးစၢ်ခဲအံၤတဖၣ်မ့ၢ်၀ဲခိၣ်နၢ်လီၤအဂ့ၢ်န့ၣ် ဒူသထူၣ်ကီၢ်ရ့ၣ်ခိၣ် ပဒိၣ်စီၤစိမၠ့း စံးလီၤ၀ဲဖဲလါနိၣ်၀့ဘၢၣ် ၁၅ သီ တၢ်မၤခိၣ်နၢ်တၢ်တီခိၣ်ရိၣ်မဲတၢ်ပၢတၢ်ြပးဒီးတၢ်ပၢဆှၢရဲၣ်ကျဲၤကမျၢၢ်တၢ်ပျၢ်တၢ်မၤလိမူးတၢ်ရဲၣ်တၢ်ကျဲၤအပူၤန့ၣ်လီၤ. ခ့ၣ်အဲၣ်ယူၣ် ဒူသထူၣ်ကီၢ်ရ့ၣ် သုးက့(၁)ဟီၣ်က၀ီၤအပူၤ ဒ်သိးတၢ်တီခိၣ်ရိၣ်မဲကဂ့ၤဒိၣ်ထီၣ်အဂီၢ် ဖဲတလါအံၤလါနိၣ်၀့ဘၢၣ် ၄ သီ တုၤ ၁၄ သီန့ၣ် ကီရ့ၣ်ပှၤဘၣ်မူဘၣ်ဒါတီခိၣ်ရိၣ်မဲဟ့ၣ်၀ဲခိၣ်နၢ်တၢ်တီခိၣ်ရိၣ်မဲတၢ်ပၢတၢ်ြပးဒီး တၢ်ပၢဆှၢရဲၣ်ကျဲၤကမျၢၢ်...

လါနိၣ်ဝ့ဘၢၣ် ၂၁သီ, ၂၀၂၄နံၣ်, ခ့ၣ်အဲးစံၣ် ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ, သုးက့(၄), ဘျံးဒဝဲၢ်ကီၢ်ရ့ၣ်, ဟီၣ်ကဝီၤပူၤ ဖဲလါနိၣ်ဝ့ဘၢၣ်ထီၣ်သီအဆၢကတီၢ် သုးခိးကီၣ်ဆၢ (BGF) သ့ၣ်တဖၣ်နုၥ်လီၤဟူးဂဲၤဝဲဒၣ်အဂ့ၢ် လီၢ်ကဝီၤတၢ်ကစီၣ်တနီၤပၥ်ဖျါဝဲဒၣ်န့ၣ်လီၤ. လၢတၢ်ဂ့ၢ်ဝဲအံၤအဖီခိၣ်န့ၣ် တၢ်ကစီၣ်တဖၣ်န့ၣ်မ့ၢ်ဒ်သိး ထံဖိကီၢ်ဖိကထံၣ်ကမၣ်ပကညီဖိဒီးလၢပကဒဲကဒဲကအ့ၣ်လိၥ်သးအဂီၢ် မ့ၢ်ဝဲတၢ်မၤလီၤဖးသွံၣ်တၢ်ရဲၣ်တၢ်ကျဲၤအဂ့ၢ် ကညီဒီကလုၥ်တၢ်ထူၣ်ဖျဲးသုးမုၢ်ဒိၣ် (KNLA) သုးရ့ၣ်(၁၂), သုးဒ့(၂)ကစၢၢ်ဒိၣ်ဘီသိၣ်သုးဒ့အသုးဒ့ခိၣ် သုးခိၣ် ဘၣ်အူသ့ၣ် စံးဘၣ်ဝဲ ခ့ၣ်အဲးစံၣ်-ကညီတၢ်ကစီၣ်ဒ်အံၤန့ၣ်လီၤ. အဝဲစံးဝဲလၢ“တၢ်ဝဲန့ၣ်တမ့ၢ်ဘၣ်. တၢ်ကစီၣ်ကမၣ်လီၤ.ကဲထီၣ်ဒ်သိးဒီးပှၤဒုးအ့ၣ်လိၥ်တၢ်လီၤ.တမ့ၢ်တၢ်ကစီၣ်အမ့ၢ်အတီဘၣ်.တၢ်ကစီၣ်ဝဲအံၤပှၤဟဲသံကွၢ်ယၤဖးအါလံ.ပအိၣ်လၢတၢ်မဲၥ်ညါလီၤ.မ့မ့ၢ်န့ၣ်ပကဘၣ်သ့ၣ်ညါလီၤ....

လါနိၣ်ဝ့ဘၢၣ် ၂၀သီ, ၂၀၂၄နံၣ်, ခ့ၣ်အဲးစံၣ် ခ့ၣ်အဲယူၣ်-ကညီဒီကလုၥ်စၢဖှိၣ်ကရၢ ကီၢ်သူလ့ၤတၢ်ပၢ သုးက့(၅),မုၢ်တြီၢ်ကီၢ်ရ့ၣ် စးထီၣ်လါနိၣ်ဝ့ဘၢၣ်(၁)သီ တုၤ (၁၅)သီအနံၤန့ၣ် တၢ်ဒုးကဲထီၣ်ဝဲလၢကညီဒီကလုၥ်တၢ်ထူၣ်ဖျဲးသုးမုၣ်ဒိၣ် သုးက့(၅)ဒီးသုးကီၣ်ကးအဘၢၣ်စၢၤအိၣ်ဝဲ(၁၃)ဘျီအဂ့ၢ် မ့ၣ်အဲၣ်ယူၣ်-မုၢ်တြီၢ်တၢ်ကစီၣ်ပၥ်ဖျါဝဲ လါနိၣ်ဝ့ဘၢၣ် ၁၉သီအနံၤန့ၣ်လီၤ. လၢခံခီခံကပၤတၢ်ဒုးကဲထီၣ်(၁၃)ဘျီဒ်အံၤအဖီခိၣ် သုးကီၣ်ကးအပှၤတကပၤသံ (၇၇),ဒီးလၢအကျါန့ၣ်ပၣ်ဃုၥ်ဝဲ သုးရ့ၣ်ခိၣ်(၁)ဂၤဒီး သုးရ့ၣ်ခိၣ်(၂)တဂၤအဂ့ၢ် ခ့ၣ်အဲၣ်ယူၣ်-မုၢ်တြီၢ်တၢ်ကစီၣ်ပၥ်ဖျါဝဲဒၣ်အသိးလၢသုးက့(၅)တကပၤစ့ၢ်ကီးဘၣ်ဒိအိၣ်ဝဲ(၈)ဂၤအဂ့ၢ် ခ့ၣ်အဲၣ်ယူၣ်မုၢ်တြီၢ်ကီၢ်ရ့ၣ်စံးဝဲဒၣ်န့ၣ်လီၤ. လၢန့ၣ်အမဲၥ်ညါ ကူးစ့ၣ်ပယီၤသုးလၢအထုးလီၤကွံၥ်သးလၢအသုးကလၢၤဒီးဂုၤက့ၤခံ က့ၤပၥ်ဖှိၣ်ဖဲမးထီ ပယီၤသုးကလၢၤစ့ၢ်ကီးတၢ်ဒုးကဲထီၣ်ဝဲခဲအံၤခဲအံၤအဂ့ၢ်သ့ၣ်ညါဘၣ်လၢ လီၢ်ကဝီၤပှၤဟ့ၣ်တၢ်ကစီၣ်ဖိအအိၣ်န့ၣ်လီၤ. ဒ်န့ၣ်အသိး...

လါနိၣ်ဝ့ဘၢၣ် ၂၀သီ, ၂၀၂၄နံၣ်, ခ့ၣ်အဲးစံၣ် ခ့ၣ်အဲၣ်ယူၣ်ကညီဒီကလုၥ်စၢဖှိၣ်ကရၢ, ဒူပျၥ်ယၥ်ကီၢ်ရ့ၣ်,ဝီၢ်ရ့ၣ်ကီၢ်ဆၣ်, ဃိၣ်သၢဖျၢၣ်ဝ့ၢ် အပူၤ, ဖဲတနံၤအံၤမုၢ်ထူၣ်ထီၣ်အဆၢကတီၢ်န့ၣ် တၢ်ကဲထီၣ်သးလၢတၢ်မၤသံဝဲပှၤဟံၣ်ဖိဃီဖိ(၃)ဒီးအကျါန့ၣ်ပၣ်ဃုၥ်ဒီးဖိသၣ်(၇)နံၣ်တဂၤအဂ့ၢ်သ့ၣ်ညါဘၣ်လၢလီၢ်ကဝီၤပှၤဘၣ်မူဘၣ်ဒါအအိၣ်န့ၣ်လီၤ. ကမျၢၢ်(၃)ဂၤလၢဘၣ်တၢ်မၤသံအီၤန့ၣ်အိၣ်ဝဲဖဲဃိၣ်သၢဖျၢၣ်ဝ့ၢ် ကဝီၤဒ့(၂)ဒီးတၢ်ကဲထီၣ်သးအဂ့ၢ်အကျိၤဒီး ဘၣ်တၢ်မၤသံအီၤလၢမတၤတဂၤလဲၣ်န့ၣ်တၢ်လူၤဃုသ့ၣ်ညါဝဲအဖၢမုၢ်အဂ့ၢ် ဒံၣ်မိၣ်ကရ့ၣ်စံၣ်တၢ်ဘၣ်ဘျုးကညီသုးမုၢ်ဒိၣ်(DKBA) တီနီၢ်မုၢ်နုၤဒုးယၤဟီၣ်ကဝီၤနီၣ်ဂံၢ်(၂)အဒုးယၤခိၣ်သုးခိၣ်ဒိၣ်စိစီၤ A One စံးဘၣ်ခ့ၣ်အဲးစံၣ်-ကညီတၢ်ကစီၣ်ဒ်အံၤန့ၣ်လီၤ. အဝဲစံးဝဲလၢ“အဝဲသ့ၣ်န့ၣ်အိၣ်လၢ ဃိၣ်သၢဖျၢၣ်ဝ့ၢ်, ကဝီၤဒ့(၂)န့ၣ်လီၤ.တၢ်ကဲထီၣ်သးအဂ့ၢ်အကျိၤန့ၣ်တၢ်ဃုသ့ၣ်ညါအီၤအဖၢမုၢ်န့ၣ်လီၤ. မ့ၢ်ဝံၤမးကဒုးသ့ၣ်ညါက့ၤ.”အဂ့ၢ်စံးဝဲဒၣ်န့ၣ်လီၤ. ဟံၣ်ဖိဃီဖိလၢဘၣ်တၢ်မၤသံအီၤ(၃)ဂၤန့ၣ်မ့ၢ်ဝဲ အူယခဲၣ် သးနံၣ်(၆၂)မၤတၢ်လၢ ပဒိၣ်လီမ့ၣ်အူကရူၢ်အိၣ်ဘှံး, အူယခဲၣ်ဖိမုၣ် ဒီၣ်သ့ၣ်သ့ၣ်သူၤ...