KIC News

လါမ့ၤ ၂၀ သီႇ ၂၀၂၄ နံၣ်ႇ ခ့ၣ်အဲးစံၣ် လၢကီၢ်ကၠီၣ်တဲၣ်-ကီၢ်ပယီၤကီၢ်ဆၢ မဲၢ်ဆီး၀့ၢ်ပူၤ ဖဲလါမ့ၤ ၁၈ သီ ဂီၤခီ ၇ နၣ်ရံၣ်အဆၢကတီၢ်န့ၣ် (Myanmar Health Support-MHS)ကရူၢ် မၤ၀ဲဒၣ်(MHS Summer Cup 2024)ဖျၢၣ်ထူတၢ်ပြၢမူးတၢ်ရဲၣ်တၢ်ကျဲၤတခါလၢ (We R Soccer...

လါမ့ၤ ၁၈ သီႇ ၂၀၂၄ နံၣ်ႇ ခ့ၣ်အဲးစံၣ် လၢခ့ၣ်အဲၣ်ယူၣ် ဒူသထူၣ်ကီၢ်ရ့ၣ်(သုးက့ ၁) သထူၣ်ကီၢ်ဆၣ်အပူၤ ဖဲမဟါလါမ့ၤ ၁၇ သီ တနံၤဃီအတီၢ်ပူၤ ပယီၤသုးခးလီၤကျိဖးဒိၣ်(၉)ဖျၢၣ်အဃိ ကမျၢၢ်ဘၣ်ဒိ(၁)ဂၤဒီးဟံၣ်ဟးဂီၤ၀ဲဒၣ်(၄)ဖျၢၣ်အဂ့ၢ်န့ၣ် ကီၢ်ရ့ၣ်ၦၤဘၣ်မူဘၣ်ဒါ ဆှၢထီၣ်တၢ်ကစီၣ်အသိးသ့ၣ်ညါဘၣ်န့ၣ်လီၤႉ သထူၣ်ကီၢ်ဆၣ်ပူၤ ဖဲလါမ့ၤ ၁၇ သီ ဂီၤခီ ၁၁ နၣ်ရံၣ်ဘျဲၣ်အဆၢကတီၢ် ပယီၤသုးခီၣ်သုးရ့ၣ်(ခမရ-၉)လၢအိၣ်...

လါမ့ၤ ၁၇သီႇ ၂၀၂၄နံၣ်ႇ ခ့ၣ်အဲးစံၣ်ႇ ဖဲလါမ့ၤ(၁၄)သီအနံၤန့ၣ် ကီၢ်ပယီၤကလုာ်ဒူၣ်ခိၣ်နၢ်လၢအထီဒါ၀ဲသုးကီၣ်ကးတဖၣ် လဲၤထံၣ်လိာ်သးဒီး ကီၢ်ယပၣ်ထံဂုၤကီၢ်ဂၤ၀ဲၤကျိၤ ကိာ်တိာ်ခိၣ်-၂ KOMURA Masahiro ဒီးဖဲန့ၣ်အဆၢကတီၢ် (KNU) ကညီဒီကလုာ်စၢဖှိၣ်ကရၢဃ့ထီၣ်၀ဲယပၣ်ပဒိၣ်ဃုာ်ဒီးသိၣ်မှံၤထံကီၢ်တဖၣ် လၢကဟ့ၣ်တၢ်ဆီၣ်သနံး ဆူ သုးကီၣ်ကးအအိၣ်အဂ့ၢ်န့ၣ် ခ့ၣ်အဲၣ်ယူၣ် ကရၢခိၣ် ပဒိၣ်စီၤကွဲၤထူ၀့ စံးဘၣ်ခ့ၣ်အဲးစံၣ်-ကညီတၢ်ကစီၣ် ဖဲတနံၤအံၤလါမ့ၤ(၁၇)သီအနံၤန့ၣ်လီၤႉ တၢ်လဲၤထံၣ်လိာ်သးဒီးကီၢ်ယပၣ်ထံဂုၤကီၢ်ဂၤ၀ဲၤကျိၤ...

လါမ့ၤ ၁၇ သီႇ ၂၀၂၄ နံၣ်ႇ ခ့ၣ်အဲးစံၣ် လၢခ့ၣ်အဲၣ်ယူၣ်-ကညီဒီကလုာ်စၢဖှိၣ်ကရၢ မုၢ်တြီၢ်ကီၢ်ရ့ၣ်(သုးက့ ၅)တၢ်ပၢဟီၣ်က၀ီၤအပူၤ လါမ့ၤ ၁၅ သီ အတီၢ်ပူၤ တၢ်ဒုးကဲထီၣ်၀ဲ(၄၆)ဘျီဒီးဖဲန့ၣ်ပယီၤသုးတကပၤသံ၀ဲဒၣ်(၁၇)ဂၤႇဘၣ်ဒိ(၇)ဂၤအဂ့ၢ်န့ၣ် မုၢ်တြီၢ်တၢ်ကစီၣ် ထုးထီၣ်ပာ်ဖျါ၀ဲဖဲမဟါလါမ့ၤ ၁၆ သီအနံၤန့ၣ်လီၤႉ (သုးက့ ၅)ဟီၣ်က၀ီၤ စးထီၣ်တလါအံၤလါမ့ၤ ၁ သီတုၤလၢ ၁၅ သီအနံၤ တၢ်ဒုးကဲထီၣ်၀ဲဒၣ်လၢဟီၣ်က၀ီၤ...

လါမ့ၤ ၁၆ သီႇ ၂၀၂၄ နံၣ်ႇ ခ့ၣ်အဲးစံၣ် ခ့ၣ်အဲၣ်ယူၣ်-ကီၢ်သူလ့ၤတၢ်ပၢဘျံးဒ၀ဲၢ်ကီၢ်ရ့ၣ် လၢၢ်ကဆီကီၢ်ဆၣ်ဟီၣ်က၀ီၤအပူၤ ခီဖျိလၢဟီၣ်က၀ီၤဒုးယၤ တၢ်သဘံၣ်သဘုၣ်တၢ်အိၣ်သးအဃိ ၦၤမၤအီၣ်သဲးဖိသ့ၣ်တဖၣ်ဘၣ်ကွၢ်ဆၢမဲာ်ဘၣ်၀ဲကျဲတၢ်ကီတၢ်ခဲဒီးသဲး အၦ့ၤ စ့ၢ်ကီးတအိၣ်ဘၣ်အဂ့ၢ်န့ၣ်လၢၢ်ကဆီကီၢ်ဆၣ်မနိၣ်ရိၣ်ဟီၣ်က၀ီၤၦၤမၤအီၣ်သဲးဖိတဂၤစံး၀ဲဒၣ်န့ၣ်လီၤႉ အ၀ဲစံး၀ဲလၢ “ယမၤအီၣ်သဲးသၣ်န့ၣ်အခဲအံၤယတဆါဘၣ်လၢၤန့ၣ်အိၣ်ဒံး၀ဲလီၤႉ ခီဖျိလၢကျဲန့ၣ်တၢ်ဒုးတၢ် ယၤအိၣ်ထီၣ်၀ဲထီဘိလၢကျဲဒီတဘိညါမီၤနီၤႉအဃိန့ၣ်တၢ်လဲၤထီၣ်က့ၤလီၤစ့ၢ်ကီးကီထီၣ်ခဲထီၣ်၀ဲဒိၣ်မးလၢတၢ်တီဆှၢ၀ဲဒၣ်သဲးသၣ်မ့ၢ်ဂ့ၤႇ တၢ်ဖိတၢ်လံၤအဂၤသ့ၣ်တဖၣ်ဆူခူပူၤ၀့ၢ်ပူၤမီၤနီၤႉ ပူၤကွံာ်လၢညါခါတချုးဒံး လၢသုးကီၣ်ကးဟံန့ၢ်ဆူၣ်ကွံာ်တၢ်စိတၢ်ကမီၤဘၣ်န့ၣ်ပဆါဘၣ်သဲးသၣ်တပီၢ်န့ၣ်(၄၀၀၀)ဘျဲၣ်တုၤလၢ(၅၀၀၀)လီၤႉ အခဲခဲအံၤန့ၣ်သဲးသၣ်တပီၢ်န့ၣ်အဆူၣ်ကတၢၢ်အိၣ်၀ဲဒၣ်(၂၇၀၀)ဒီး(၂၈၀၀)ထဲန့ၣ်လီၤႉ အၦ့ၤလီၤ၀ဲတ ၀ာ်ဃၣ်ဃၣ်ညါမီၤနီၤ” အဂ့ၢ်န့ၣ်စံးဘၣ်ခ့ၣ်အဲးစံၣ်-ကညီတၢ်ကစီၣ်န့ၣ်လီၤႉ လၢန့ၣ်အမဲာ်ညါခီဖျိလၢကျဲတၢ်လဲၤတၢ်က့ၤကီခဲ၀ဲဒီးသဲးသၣ်စ့ၢ်ကီးအၦ့ၤတဂ့ၤဘၣ်အဃိၦၤမၤအီၣ်သဲးဖိသ့ၣ်တဖၣ် ဘၣ်ပာ်ဖှိၣ်အ၀ဲသ့ၣ်သဲးသၣ်လၢဒဲပူၤႇ ပျီပူၤဒ်န့ၣ်လီၤဒီးဒ်န့ၣ်အသိးအ၀ဲသ့ၣ်ဘၣ်ယိၢ်စ့ၢ်ကီး၀ဲလၢအ၀ဲ...

လါမ့ၤ ၁၆ သီႇ ၂၀၂၄ နံၣ်ႇ ခ့ၣ်အဲးစံၣ်ႇ WAN-IFRA WIN(၂၀၂၄နံၣ်)အဂီၢ်တၢ်ဟ့ၣ်မၤလၤကပီၤ၀ဲ Women In News Editorial Leadership Award (၃)ဂၤအကျါ မုၢ်ထီၣ်ကလံၤထံးခၢၣ်စး (KIC)ကညီတၢ်ကစီၣ် ၦၤနဲၣ်တၢ်ဒီးလၢအမ့ၢ်စ့ၢ်ကီး အဲးဒံးထၢၣ်ခိၣ်ကျၢၢ် နါဖီဂ့ၤ...

လါမ့ၤ ၁၆ သီႇ ၂၀၂၄ နံၣ်ႇ ခ့ၣ်အဲးစံၣ် လၢခ့ၣ်အဲၣ်ယူၣ်-ကညီဒီကလုာ်စၢဖှိၣ်ကရၢ ဒူသထူၣ်ကီၢ်ရ့ၣ်(သုးက့ ၁) သထူၣ်ကီၢ်ဆၣ်အပူၤ တၢ်လဲၤမၤပိၢ်ဖးထီၣ် တပျဲကျိတိၤ၀ံၤစးထီၣ်လါမ့ၤ ၁၁ သီတုၤလၢ ၁၃ သီလၢသၢသီအတီၢ်ပူၤ ခီဖျိပယီၤသုးခးလီၤကျိဖးဒိၣ်တပယူာ်ဃီ အဃိ လီၢ်က၀ီၤကမျၢၢ်အဂၤ(၄၀၀၀)ဘျဲၣ်ဘၣ်ဃ့ၢ်ထီၣ်၀ဲဒၣ်အဂ့ၢ်န့ၣ် ဒူသထူၣ်ကီၢ်ရ့ၣ် တၢ်ကစီၣ်ထုးထီၣ်ပာ်ဖျါ၀ဲ အသိး သ့ၣ်ညါဘၣ်န့ၣ်လီၤႉ ဖဲလါမ့ၤ...

လါမ့ၤ ၁၅ သီႇ ၂၀၂၄ နံၣ်ႇ ခ့ၣ်အဲးစံၣ် ခ့ၣ်အဲၣ်ယူၣ်-ကီၢ်သူလ့ၤတၢ်ပၢ တီအူကီၢ်ရ့ၣ် သုးက့(၂) ထီၣ်တထူၣ်ကီၢ်ဆီၣ်အပူၤ ဖဲပူၤကွံာ်လါမ့ၤ(၁၃)သီ ဟါခီ(၉)နၣ်ရံၣ်တခီအဆၢကတီၢ် ခီဖျိပယီၤကီၣ်ကးအံၤပညိၣ်ပာ်ပနီၣ်ခးလီၤကျိဖးဒိၣ်ဆူ(ယွၤလ့ကိ)သ၀ီပူၤ အဃိ ဘၣ်သံကမျၢၢ်(၄)ဂၤအကျါပာ်ဃုာ်ပိာ်မုၣ်(၂)ဂၤဒီး ဘၣ်ဒိ(၃)ဂၤအဂ့ၢ်န့ၣ် ထီတထူၣ်ကီၢ်ဆၣ်ၦၤဘၣ်မူ ဘၣ်ဒါ စံး၀ဲ န့ၣ်လီၤႉ စယဲၤကၠံ ပယီၤသုး(ခလရ-၇၃)အၦၤတဖၣ်အံၤ တၢ်ဒုးတၢ်ယၤကဲထီၣ်တအိၣ်ဘၣ်ဘၣ်ဆၣ် ပယီၤသုးအံၤပ ညိၣ် ပာ်ပနီၣ်၀ဲကမျၢၢ်တဖၣ်ဒ်ဒုၣ်ဒါအသိးအဃိ...

လါမ့ၤ ၁၅ သီႇ ၂၀၂၄ နံၣ်ႇ ခ့ၣ်အဲးစံၣ် လၢခ့ၣ်အဲၣ်ယူၣ် ဒူသထူၣ်ကီၢ်ရ့ၣ်(သုးက့ ၁)သထူၣ်ကီၢ်ဆၣ်အပူၤ ဖဲတနံၤအံၤလါမ့ၤ ၁၅ သီ ဂီၤခီ ၉ နၣ်ရံၣ် အဆၢကတီၢ်န့ၣ် ပယီၤသုးလၢအဟံတၢ်ဘံၣ်တၢ်ဘၢဖဲတပျဲကျိတိၤအခိၣ်အဃၢၤတဖၣ်အံၤ တၢ်ပၢၢ်ဆၢသုးပာ်ဖှိၣ် လဲၤတ့ၢ်လီၤ၀ဲဒီးဒြိအဂ့ၢ်န့ၣ် လီၢ်က၀ီၤၦၤဘၣ်မူဘၣ်ဒါ စံး၀ဲအသိးသ့ၣ်ညါဘၣ်န့ၣ်လီၤႉ ဖဲအပူၤကွံာ်လါမ့ၤ ၁၁ သီအနံၤန့ၣ် တၢ်လဲၤမၤပိၢ်ဖးထီၣ်၀ဲဒၣ်တပျဲကျိတိၤအံၤအဃိတိၤလီၤၦီၢ်ဟးဂီၤ၀ဲဒၣ်ဒီတဘိဒီး တကီၢ်ခါခဲအံၤသုကီၣ်ကးအံၤဒ်သိးလ့ၢ်ထီၣ်လ့ၢ်လိၤကညီအဂီၢ်...

လါမ့ၤ ၁၄ သီႇ ၂၀၂၄ နံၣ်ႇ ခ့ၣ်အဲးစံၣ် ခ့ၣ်အဲၣ်ယူၣ်-ကီၢ်သူလ့ၤတၢ်ပၢချၢၣ်လွံၢ်ထူၣ်ကီၢ်ရ့ၣ်သုးက့(၃)လၢၢ်ဒိၣ်ကီၢ်ဆၣ်ဟီၣ်က၀ီၤအပူၤဘီကထၣ်ပ ယီၤသုးကီၣ်ကးသုးကလၢၤတဖျၢၣ်လၢအိၣ်ဆီလီၤအသးထီၣ်ဘးလၢ(၅၀)နံၣ်ဃၣ်ဃၣ်အတီၢ်ပူၤအံၤထုးလီၤကွံာ်သးအဂ့ၢ်ချၢၣ်လွံၢ်ထူၣ်ကီၢ်ရ့ၣ်အၦၤဘၣ်မူဘၣ်ဒါသ့ၣ်တဖၣ်စံး၀ဲဒၣ်န့ၣ်လီၤႉ ပယီၤသုး(ဘီကထၣ်)သုးကလၢၤလၢအိၣ်လၢၢ်ဒိၣ်ကီၢ်ဆၣ်အပူၤအံၤန့ၣ်ခီဖျိကညီဒီကလုာ်တၢ်ထူၣ်ဖျဲးသုးမုၢ်ဒိၣ်(KNLA)ကညီဒီကလုာ်ဂၢၤသးကရၢ(KNDO)သုးပာ်ဖှိၣ်သ့ၣ်တဖၣ်လဲၤက၀ီၤတံာ်ခး၀ဲအဃိဖဲလါမ့ၤ(၇)သီအနံၤမုၢ်နၤခီအဆၢကတီၢ်န့ၣ်ပယီၤသုးကီၣ်ကးအံၤဂုာ်က့ၤ၀ဲအခံအဂ့ၢ်ချၢၣ်လွံၢ်ထူၣ်ကီၢ်ရ့ၣ်နဲၣ်ရွဲၣ်သဃဲၤပဒိၣ်စီၤနဲၣ်ထူဘၠဲစံး၀ဲဒ်အံၤန့ၣ်လီၤႉ “ပၦၤလဲၤက၀ီၤတံာ်ဃာ်၀ဲဒီးခး၀ဲဒီးစုဘျၢ(စနဲဖၢၣ်)ကျိဒီးဒြိမီၤနီၤႉ တၢ်လဲၤက၀ီၤခးအီၤအံၤတံာ်တာ်၀ဲကအိၣ် လၢခံနွံဃၣ်ဃၣ်ညါ အသီ(၁၀)ဒုဘျဲၣ်မီၤနီၤႉ မ့ၢ်လၢတၢ်က၀ီၤခးအီၤကိးနံၤဒဲးဃၣ်ဃၣ်အဃိန့ၣ်အ၀ဲသ့ၣ်ကၢ ထီၣ်၀ဲအခံဒီးက့ၤ၀ဲဒၣ်လီၤႉ အ၀ဲသ့ၣ်က့ၤလီၤ၀ဲဖဲလါမ့ၤ(၇)သီဟါခီအနံၤန့ၣ်ဒီးလါမ့ၤ(၈)သီအနံၤန့ၣ်ပၦၤလဲၤ ထီၣ်ရှဲလဲကွံာ်၀ဲတၢ်လီၢ်တၢ်ကျဲလၢာ်လံမီၤနီၤႉ လၢသုးကလၢၤပူၤန့ၣ်တအိၣ်နီၤတဂၤလၢၤဘၣ်ႉ ဘီကထၣ်သုး ကလၢၤန့ၣ်တမ့ၢ်လၢၦၤထီၣ်တဖှိမၤန့ၢ်အီၤဒ်န့ၣ်ဘၣ်ႉ တၢ်က၀ီၤခး၀ဲလၢဒြိဒီးစနဲဖၢၣ်အဃိန့ၣ်ဂုာ်က့ၤ၀ဲအခံမီၤ နီၤႉ ဒီးမ့ၢ်တက့ၤဂုာ်က့ၤအခံဒုတၢ်ကဂဲၤအီၤလီၤ”အဂ့ၢ်စံးဘၣ်ခ့ၣ်အဲးစံၣ်-ကညီတၢ်ကစီၣ်န့ၣ်လီၤႉ လၢန့ၣ်အမဲာ်ညါပယီၤသုးလၢအဂုာ်က့ၤအလီၢ်ခံသ့ၣ်တဖၣ်အံၤက့ၤဂုာ်က့ၤ၀ဲအခံလၢ(တိၤသ့ၣ်ဖူ)သ၀ီအဃၢၤတကပၤလၢကပာ်ဖှိၣ်ထီၣ်က့ၤအသးဒီးအသုးဂံၢ်ဘါလၢအဟဲထီၣ်သ့ၣ်တဖၣ်အဂ့ၢ်ပဒိၣ်စီၤနဲၣ်ထူဘၠဲစံးအါထီၣ်၀ဲဒၣ်န့ၣ်လီၤႉ ဘီကထၣ်ပယီၤသုးကလၢၤ၀ဲအံၤန့ၣ်ဘၣ်တၢ်စးထီၣ်ဟူးဂဲၤက၀ီၤတံၢ်ဃာ်အီၤလၢလါအ့ဖြ့ၣ်(၂၂)သီအနံၤလံဒီးသုးကလၢၤအပူၤပယီၤသုးလၢအိၣ်ဆီလီၤအသးတဖၣ်န့ၣ်မ့ၢ်၀ဲခီၣ်သုးရ့ၣ်(ခလရ-၅၇)ဒီးအၦၤနီၣ်ဂံၢ်လၢအိၣ် တ့ၢ်က့ၤဂုာ်က့ၤ၀ဲအခံခဲလၢာ်အိၣ်၀ဲ(၃၀)ဂၤဘျဲၣ်အဂ့ၢ်သ့ၣ်ညါဘၣ်န့ၣ်လီၤႉ လၢအသီ(၁၀)ဘျဲၣ်တၢ်က၀ီၤတံၢ်ခး၀ဲပယီၤသုးကီၣ်ကးအံၤအဃိပယီၤသုးသံဘၣ်ဒိဘၣ်ထံးခဲလၢာ်(၂၀)ဂၤဃၣ်ဃၣ်အသိးဒီးဖဲတၢ်လဲၤထီၣ်ရှဲလဲကွံာ်၀ဲဘီကထၣ်ပယီၤသုးကလၢၤအဆၢကတီၢ်တၢ်တမၤန့ၢ်တၢ်စုက၀ဲၤနီတမံၤဘၣ်မ့ၢ်လၢသုးကီၣ်ကးအံၤက့ၤစိာ်ဃုာ်၀ဲဒီးတၢ်စုက၀ဲၤသ့ၣ်တဖၣ်အဂ့ၢ်သ့ၣ်ညါဘၣ်န့ၣ်လီၤ ဒ်န့ၣ်အသိးသုးကလၢၤ၀ဲအံၤန့ၣ်အိၣ်သူၣ်လီၤအသးထီၣ်ဘးလၢအနံၣ်(၅၀)ဃၣ်ဃၣ်လံဒီးသုးကလၢၤ၀ဲအံၤပူၤန့ၣ်တနံၣ်တဘျီမ့တမ့ၢ်ခံနံၣ်တဘျီဆီတလဲၤ၀ဲအသုးရ့ၣ်အၦၤသ့ၣ်တဖၣ်အိၣ်၀ဲအဂ့ၢ်သ့ၣ်ညါဘၣ်န့ၣ်လီၤႉ ဒ်န့ၣ်အသိးချၢၣ်လွံၢ်ထူၣ်ကီၢ်ရ့ၣ်ဟီၣ်က၀ီၤဒီတဘ့ၣ်အပူၤစးထီၣ်လၢသုးကီၣ်ကးဟံန့ၢ်ဆူၣ်တၢ်စိတၢ်ကမီၤ၀ံၤအလီၢ်ခံတၢ်ထီၣ်ဒုးမၤန့ၢ်ကွံာ်၀ဲပယီၤသုးကီၣ်ကးသုးကလၢၤအိၣ်၀ဲခဲလၢာ်(၁၈)ဖျၢၣ်ပာ်ဃုာ်ဒီးဘီကထၣ်သုးကလၢၤဒီးမ့မ့ၢ်ပယီၤသုးကလၢၤလၢအဂုာ်က့ၤ၀ဲအခံန့ၣ်အိၣ်၀ဲခဲလၢာ်န့ၣ်အဖျၢၣ်(၁၀)အဂ့ၢ်သ့ၣ်ညါဘၣ်လၢချၢၣ်လွံၢ်ထူၣ်ကီၢ်ရ့ၣ်အၦၤဘၣ်မူဘၣ်ဒါအအိၣ်န့ၣ်လီၤႉ