လါအီကူး ၁၉ သီႇ ၂၀၂၀ နံၣ်ႇ စီၤရှါ
ကညီဒီကလုာ်ဒံၣ်မိၣ်ကရဲၣ်တ့ၣ်ပၣ်တံၣ် -KNDP လံာ်ဘိးဘၣ်သ့ၣ်ညါ အထံၣ်(၁၀)အံၤ ဖဲလါအီကူး ၁၃ သီအနံၤ ထုးထီၣ်ပာ်ဖျါ၀ဲ၀ံၤအလီၢ်ခံ ၦၤဟ့ၣ်တၢ်ဖးဖိကမျၢၢ်သ့ၣ်တဖၣ်ဒ်သိးကသ့ၣ်ညါဘၣ်၀ဲအဂီၢ် ကဆဲးဟူးဂဲၤမၤ၀ဲဒၣ်အဂ့ၢ်န့ၣ် ပၣ်တံၣ် ၦၤပၢၤလီၢ်ဆ့ၣ်နီၤ မါအီၤပၠံၤစိ စံး၀ဲန့ၣ်လီၤႉ
“လံာ်ဘိးဘၣ်သ့ၣ်ညါအံၤ တၢ်တီၣ်ထီၣ်၀ဲဒၣ်လၢ KNDP (Facebook page) အပူၤလံန့ၣ်လီၤႉ ဟးနီၤလီၤ လၢအကစၢ်ကျိၤစ့ၢ်ကီးအိၣ်၀ဲလီၤႉ မ့ၢ်တုၤလၢတၢ်လီၤကရၢကရိလၢအဖိးသဲစးမး ကဆဲးလဲၤ၀ဲလီၤ” အဂ့ၢ်န့ၣ် စံးဘၣ်ခ့ၣ်အဲးစံၣ် ဖဲလါအီကူး ၁၈ သီအနံၤန့ၣ်လီၤႉ
KNDP လံာ်ဘိးဘၣ်သ့ၣ်ညါအပူၤ ပၣ်ဃုာ်၀ဲဒၣ်ဒီး တၢ်လုၢ်အီၣ်နီၢ်ခိသးသမူတၢ်အီၣ်ကူအီၣ်ၦဲၤႇ ကဒိးန့ၢ်ဘၣ် တၢ်ဖံးတၢ်မၤအကျိၤအကျဲအဂီၢ်ႇ မုၢ်ကျိၤ၀ဲၤကွာ်ႇ ခိၣ်ဃၢၤန့ဆၢၣ်သုတဘၣ်ဒိဘၣ်ထံးတဂ့ၤအဂီၢ်ႇ တၢ်မူၤတၢ်ဘှီးကလီၤဆံးလီၤစှၤအဂီၢ်ႇ ကလုာ်ဒူၣ်လံာ်လဲၢ်ႇ တၢ်ကစိာ်ကဖီထီၣ်တၢ်ဆဲးတၢ်လၤႇ ဒီးတၢ်မုာ်တၢ်ခုၣ်သ့ၣ်တဖၣ်အံၤ တၢ်ကဂုာ်ကျဲးဟူးဂဲၤ၀ဲအဂ့ၢ်န့ၣ် ပၣ်တံၣ်ၦၤဘၣ်မူဘၣ်ဒါတဖၣ် စံး၀ဲလီၤႉ
တၢ်ဘိးဘၣ်ရၤလီၤလံာ်ကျိၤအပူၤတၢ်ဂ့ၢ်တၢ်ကျိၤသ့ၣ်တဖၣ်အံၤ လၢအနီၢ်ကီၢ်ကီၢ်တၢ်မၤဖျါထီၣ်အမိၢ်လံၤမိၢ်ၦၢ်အလီၢ်စ့ၢ်ကီး လၢအဘၣ်ထွဲတဖၣ် ဒ်အမ့ၢ် ၦၤကူၣ်ဘၣ်ကူၣ်သ့ဖိႇ တၢ်ကရၢကရိတဖၣ် တသ့ဖဲအသ့ကဆဲးကျိးပာ်ဖှိၣ်ထီၣ်သးဒီးဟူးဂဲၤ၀ဲဒၣ်အဂ့ၢ်န့ၣ် ပၣ်တံၣ် ၦၤပၢၤလီၢ်ဆ့ၣ်နီၤ မါအီၤပၠံၤစိ စံး၀ဲန့ၣ်လီၤႉ
ကညီဒီကလုာ်ဒံၣ်မိၣ်ကရဲၣ်တ့ၣ်ပၣ်တံၣ် (Karen National Democratic Party-KNDP) အံၤ ကညီကီၢ်စဲၣ်ပူၤ ကညီထံရူၢ်ကီၢ်သဲးပၣ်တံၣ် ၄ ပၣ်တံၣ်ႇ ပၣ်တံၣ်ကရၢဖိတဖၣ်ပာ်ဖှိၣ်ထီၣ်သးဒီးဒုးအိၣ်ထီၣ်၀ဲန့ၣ်လီၤႉ ဖဲ၂၀၁၈ နံၣ်ႇ လါဖ့ၤဘြူၤအါရံၤ ၂၂ သီအနံၤန့ၣ် ကီၢ်ဆၢဖှိၣ် တၢ်ဃုထၢခီၣ်မံရှၢၣ် ထုးထီၣ်ဘိးဘၣ်ရၤလီၤ၀ဲဒၣ်လၢအမ့ၢ် ထံရူၢ်ကီၢ်သဲးလၢအဖိးသဲစးန့ၣ်လီၤႉ
