KIC News

လါအီကူး ၂၄ သီႇ ၂၀၂၃ နံၣ်ႇ ခ့ၣ်အဲးစံၣ် လၢကရ့ၣ်နံၣ်ကီၢ်စဲၣ် ဖလူၤစိၤကီၢ်ဆၣ်ဒီးဒံၤမီၣ်စိၤကီၢ်ဆၣ်အပူၤ ခီဖျိတၢ်ဘံၣ်တၢ်ဘၢတၢ်အိၣ်သးအဃိ နီၢ်ကစၢ်တၢ်ထဲးဂံၢ်ထဲးဘါၦၤလီၢ်အိၣ်ကမှံကၠိတဖၣ်အါဒၣ်တက့ၢ်ဘၣ်တၢ်ကးတံၢ်ဃာ်အီၤတစိၢ်တလီၢ်န့ၢ်လၢအလါလံ အဂ့ၢ်န့ၣ် ကမျၢၢ်ၦၤဃ့ၢ်မှံဟးဖျိးတဖၣ်စံး၀ဲအသိးသ့ၣ်ညါဘၣ်န့ၣ်လီၤႉ လၢဖလူၤစိၤကီၢ်ဆၣ်အပူၤတၢ်ဒုးဆူၣ်ထီၣ်၀ဲဒီးနီၢ်ကစၢ်တၢ်ထဲးဂံၢ်ထဲးဘါကၠိလၢတၢ်အိးထီၣ်၀ဲလၢၦၤလီၢ်အိၣ်ကမှံ ဖိဒံဖိသၣ်တဖၣ်အဂီၢ်အံၤအါဒၣ်တက့ၢ်တၢ်ကးတံၢ်အီၤန့ၢ်လၢအလါလံဒီးဖဲအပူၤကွံာ်တနွံအခါကၠိလၢအက့ၤအိးထီၣ်ကဒါတဖၣ်ခီဖျိကဘီယူၤဟဲဆှၣ်တၢ်တပယူာ်ဃီအဃိဘၣ်ကိၢ်ဘၣ်ဂီၤလၢတၢ်ဘံၣ်တၢ်ဘၢအဂီၢ်အဂ့ၢ်န့ၣ် လီၢ်က၀ီၤကမျၢၢ်တဂၤ စံး၀ဲန့ၣ်လီၤႉ အ၀ဲစံး၀ဲလၢ“ဖဲအပူၤကွံာ်တလါဘျဲၣ်ဘျဲၣ်အခါန့ၣ်ၦၤဘၣ်ပံးကွံာ်ကၠိခဲလၢာ်လီၤႉဖဲတၢ်တနွံခံနွံအတီၢ်ပူၤအံၤ ကၠိက့ၤအိးထီၣ်ကဒါတဖျၢၣ်ခံဖျၢၣ်ဒံးႉခီဖျိကဘီယူၤဟဲဆှၣ်တၢ်အဃိၦၤဖိသၣ်က့ၤစံၣ်ကွံာ်ခဲလၢာ်လီၤႉၦၤအဲၣ်ဒိးက့ၤအိးထီၣ်ကဒါကၠိဘၣ်ဆၣ်က့ၤအိးထီၣ်တဘူၣ်ဒံးဘၣ်”အဂ့ၢ်န့ၣ် စံးဘၣ်ခ့ၣ်အဲးစံၣ်–ကညီတၢ်ကစီၣ် န့ၣ်လီၤႉ လၢဖလူၤစိၤဒီးဒံၤမီၣ်စိၤကီၢ်ဆၣ်အပူၤခီဖျိပယီၤသုးကဘီယူၤဟဲခးလီၤတၢ်ခဲအံၤခဲအံၤအဃိလၢၦၤကၠိဖိတၢ်ဘံၣ်တၢ်ဘၢ အဂီၢ်ဘၣ်ပံးကွံာ်ကၠိသ့ၣ်တဖၣ်ဒ်အံၤလီၤအဂ့ၢ်န့ၣ် ကရ့ၣ်နံၣ်ဂ့ၢ်၀ီခွဲးယာ်ကရူၢ်(KnHRG) စံး၀ဲအသိး သ့ၣ်ညါဘၣ်န့ၣ်လီၤႉ KnHRG ၦၤနဲၣ်တၢ် ကိၤဘညါ စံး၀ဲလၢ“ပယီၤသုးန့ၣ်ပမ့အိးထီၣ်ကၠိန့ၣ်အ၀ဲသ့ၣ်ဟဲတ့ၢ်လီၤမ့ၣ်ပိၢ်လီၤႉ...

လါအီကူး ၂၃ သီႇ ၂၀၂၃ နံၣ်ႇ ခ့ၣ်အဲးစံၣ် လၢတနီသရံၣ်ကီၢ်ခီဒိၣ် လီလိကီၢ်ဆၣ်အပူၤ ခီဖျိပယီၤသုးဂုာ်ကျဲးနုာ်လီၤမၤအါထီၣ်အသုးဂံၢ်ဘါလၢကျဲအဘိဘိ အဃိ လီၢ်က၀ီၤကမျၢၢ်တဖၣ်ကဟးထီၣ်က့ၤလီၤလၢတၢ်ပလီၢ်ပဒီပူၤအဂ့ၢ်န့ၣ် လီလိကီၢ်ဆၣ် တၢ်ဒီသဒၢကမျၢၢ်သုးကရူၢ်(LLPDF)ထုးထီၣ်ဟ့ၣ်ပလီၢ်၀ဲဖဲမဟါလါအီကူး ၂၂ သီအနံၤန့ၣ်လီၤႉ တလါအံၤလါအီကူးအတီၢ်ပူၤလၢလီလိကီၢ်ဆၣ်အပူၤပယီၤသုးအံၤပျိာ်လဲထီၣ်အသးဒ်ၦၤဟးဆါအီၣ်(ယ့ၤကဲ)ဖိႇ ၦၤဆါခိၣ်သခၢၣ်ႇယၣ်ႇချီၣ်ႇချီၣ်ထူႇၦၤဆါခိၣ်ဆူၣ်ဖိဒီးတကးဒံးဘၣ်အ၀ဲသ့ၣ်သူ၀ဲဒၣ်(Ambulance)သိလ့ၣ်ႇ ကျးထီၣ်၀ဲသီခါဖၠၣ်အလံာ်တၢ်ပနီၣ်လၢသိလ့ၣ်လိၤမၤအါထီၣ်အသုးဂံၢ်ဘါလၢကျဲအကလုာ်ကလုာ်အဂ့ၢ်န့ၣ် (LLPDF)တၢ်ဘိးဘၣ်ရၤလီၤမူဒါခိၣ်တဂၤ စံး၀ဲန့ၣ်လီၤႉ အ၀ဲစံး၀ဲလၢ“ပယီၤသုးတဖၣ်န့ၣ်ဟဲထီၣ်ပျိာ်လဲအသးလၢကျဲအမံၤမံၤအဃိကမျၢၢ်တဖၣ်ကအိၣ်လၢတၢ်ပလီၢ်ကဒီ မီၤနီၤႉဖီၣ်စုက၀ဲၤကရူၢ်မ့ဟဲလၢပဟီၣ်က၀ီၤပူၤပမ့တသ့ၣ်ညါချုးဘၣ်န့ၣ်ပဘၣ်သးအုးလၢကကမၣ်လိာ်သးဒီးပယီၤသုးလီၤႉခီဖျိလၢအ၀ဲသ့ၣ်မၤအါထီၣ်သုးဂံၢ်ဘါအဃိအခိၣ်သ့ၣ်န့ၣ်ကမျၢၢ်ကအိၣ်ဘၣ်လၢတၢ်ပလီၢ်ပူၤကိးဂၤဒဲး”အဂ့ၢ်န့ၣ် စံးဘၣ်ခ့ၣ်အဲးစံၣ်–ကညီတၢ်ကစီၣ်န့ၣ်လီၤႉ တကးဒံးဘၣ်လၢန့ၣ်အမဲာ်ညါကမျၢၢ်လၢအိၣ်(လီလိကီၢ်ဆၣ်)ပူၤတဖၣ်စးထီၣ်ဟါခီ ၈ နၣ်ရံၣ်တုၤလၢ ဂီၤခီ ၄...

လါအီကူး ၂၃ သီႇ ၂၀၂၃ နံၣ်ႇ ခ့ၣ်အဲးစံၣ် လၢခ့ၣ်အဲၣ်ယူၣ်–ကညီဒီကလုာ်စၢဖှိၣ်ကရၢ ဒူပျာ်ယာ်ကီၢ်ရ့ၣ်(သုးက့ ၆)ဟီၣ်က၀ီၤ ကီးတရံးကီၢ်ဆၣ် ဂီၤလ့ၤသ၀ီအပူၤ ဖဲလါအီကူး ၂၂ သီ ဂီၤခီ အဆၢကတီၢ် ခီဖျိပယီၤသုးခးနါစိၤကျိဖိတဖၣ်အဃိ ဘၣ်၀ဲဒၣ်ၦၤဘိးဘုခ့ဒီဖိမိၢ်(၂)ဂၤအဂ့ၢ်န့ၣ် လီၢ်က၀ီၤကမျၢၢ်စံး၀ဲန့ၣ်လီၤႉ ပယီၤသုးခီၣ်ချ့သုးရ့ၣ်(ခမရ–၅၅၉)လၢအိၣ်ခူသူၣ်ဖဲဂီၤလ့ၤသ၀ီကပၤ သီခါဖၠၣ်မဲာ်ညါ ဘုခ့ကျီးပူၤ လၢအနီၣ်ဂံၢ်ကအိၣ် အဂၤ(၂၀)ဃၣ်ခၣ်အံၤ ခီဖျိအ၀ဲသ့ၣ်ခး၀ဲၦၤဘိးဘုခ့ဒီဖိမိၢ်(၂)ဂၤအံၤဒီးကျိဖိလၢတၢ်ဂ့ၢ်တအိၣ် နီတမံၤဘၣ်အဃိ...

လါအီကူး ၂၃ သီႇ ၂၀၂၃ နံၣ်ႇ ခ့ၣ်အဲးစံၣ် လၢခ့ၣ်အဲၣ်ယူၣ်–ကညီဒီကလုာ်စၢဖှိၣ်ကရၢ(သုးက့ ၃)တၢ်ပၢဟီၣ်က၀ီၤ ချၢၣ်လွံၢ်ထူၣ်ကီၢ်ရ့ၣ် လၢၢ်ဒိၣ်ကီၢ်ဆၣ်အပူၤ ဖဲအပူၤကွံာ်စှၤသီအခါခီဖျိပယီၤသုးကဘီယူၤဟဲခးလီၤတၢ်အဃိဘၣ်သံ၀ဲလီၢ်က၀ီၤကမျၢၢ်ၦၤပိာ်မုၣ်(၁)ဂၤအသိး ခီဖျိကဘီယူၤဟဲဆှၣ်တၢ်ကိးမုၢ်နံၤဒဲးတုၤလၢခဲအံၤတစုအဃိကမျၢၢ်တဖၣ်အိၣ်ဒီးဘၣ်ယိၣ်ဘၣ်ဘှီအဂ့ၢ်န့ၣ် သ့ၣ်ညါဘၣ်လၢဟီၣ်က၀ီၤဂံၢ်ခီၣ်ထံးတၢ်ကစီၣ်အအိၣ်န့ၣ်လီၤႉ စးထီၣ်ဖဲအပူၤကွံာ်လါအီကူး ၁၆ သီလီၢ်ခံတုၤလၢခဲအံၤတစု ခီဖျိပယီၤသုးကဘီယူၤဟဲဆှၣ်တၢ်ကိးမုၢ်နံၤဒဲးအဃိ လီၢ်က၀ီၤကမျၢၢ်တဖၣ်ဘၣ်အိၣ်လၢတၢ်ပလီၢ်ပဒီတၢ်ပျံၤတၢ်ဖုးအပူၤဒီး ဖဲအပူၤကွံာ်စှၤသီအခါန့ၣ် ကဘီယူၤဟဲခးလီၤတၢ် လီၤတဲာ်၀ဲလိၤလိၤလၢဟံၣ်တဖျၢၣ်အခိၣ်အဃိဖံသးၦၢ်အနံၣ်(၇၀)ဘျဲၣ်တဂၤသံ၀ဲအဂ့ၢ်န့ၣ် လီၢ်က၀ီၤၦၤပိာ်မုၣ်တဂၤ စံး၀ဲန့ၣ်လီၤႉ အ၀ဲစံး၀ဲလၢ“မုၢ်နၤခီန့ၣ်ပဒွဲၣ်မ့ၣ်အူမးတဘူၣ်ဘၣ်ႉကဘီယူၤဟဲဆှၣ်တၢ်ဒီယုၢ်အဃိမ့လီၤတဲာ်အခီၣ်ထံးတဖျၢၣ်န့ၣ် ပဘၣ်ပာ်လၢတၢ်ဘူၣ်ဒီးတချုးအ၀ဲသ့ၣ်ဟဲတ့ၢ်လီၤ၀ဲဒံးဘၣ်န့ၣ်ပဘၣ်ဟးပလဲာ်စိသးလီၤႉအါဒၣ်တက့ၢ်ဟံၣ်ကိးဖျၢၣ်ဒဲးန့ၣ်ခူၣ်ဃာ်တၢ်ပူၤအဃိလၢမုၢ်နၤခီန့ၣ်ၦၤနုာ်လီၤမံလၢတၢ်ပူၤႉတၢ်ဒုးမ့ကဲထီၣ်တတီၤတီၤလံန့ၣ်ပယီၤသုးဟဲတ့ၢ်လီၤမ့ၣ်ပိၢ်လၢသ၀ီပူၤလီၤႉလၢအ၀ဲတနံၤန့ၣ်ကဘီယူၤဟဲခးလီၤတၢ်လီၤတဲာ်ဘၣ်၀ဲလၢၦၤဟံၣ်ခိၣ်လိၤလိၤဖဲန့ၣ်ဖံသးၦၢ်တဂၤန့ၣ်သံ၀ဲ”အဂ့ၢ်န့ၣ် စံးဘၣ်ခ့ၣ်အဲးစံၣ်–ကညီတၢ်ကစီၣ်ဖဲ ၂၁...

လါအီကူး ၂၃ သီႇ ၂၀၂၃ နံၣ်ႇ ခ့ၣ်အဲးစံၣ် လၢဖၣ်အၣ်ကီၢ်ရ့ၣ် တၢ်ကြဲၢ်ကီၢ်ဆၣ်အပူၤ စးထီၣ်ဖဲတလါအံၤလါအီကူး ၁၆ သီန့ၣ် ခီဖျိပံၢ်တခးသ၀ီလီၢ်ခံ ကီၢ်သူလ့ၤတီၤခၢၣ်သးကၠိအံၤ ၦၤကၠိဖိအိၣ်တဆူၣ်အိၣ်တချ့ဘၣ်အါအဃိ တၢ်ပံးကွံာ်၀ဲကၠိတစိၢ်တလီၢ်အဂ့ၢ်န့ၣ် သ့ၣ်ညါဘၣ်န့ၣ်လီၤႉ ပံၢ်တခးသ၀ီလီၢ်ခံ ကီၢ်သူလ့ၤတီၤခၢၣ်သးကၠိအံၤ ၦၤကၠိဖိနီၣ်ဂံၢ်အိၣ်၀ဲ(၁၉၂)ဂၤဒီး တကီၢ်ခါခဲအံၤ ၦၤကၠိဖိအိၣ်တဆူၣ်အိၣ် တချ့ဘၣ်အနီၣ်ဂံၢ်ကအိၣ်လၢတ၀ာ်ဃၣ်ဃၣ်ညါအသိးပၠၤကၠိဖိလၢအအိၣ်တဆူၣ်အိၣ်တချ့ဘၣ်တဖၣ်အါဒၣ်တက့ၢ်န့ၣ်မ့ၢ်၀ဲၦၤ(KG)တီၤဖုၣ်ကၠိဖိတဖၣ်လီၤအဂ့ၢ်န့ၣ် ကၠိသရၣ်§မုၣ်တဖၣ် စံး၀ဲန့ၣ်လီၤႉ ကၠိသရၣ်မုၣ်တဂၤစံး၀ဲလၢ“အစးထီၣ်ကဲထီၣ်သးန့ၣ်ဖဲလါအီကူး ၁၆ သီအခါန့ၣ်မီၤနီၤႉ...

လါအီကူး ၂၂ သီႇ ၂၀၂၃ နံၣ်ႇ ခ့ၣ်အဲးစံၣ် လၢတနီသရံၣ်ကီၢ်ခီဒိၣ် ဒ၀ဲၢ်၀့ၢ်ပူၤ တလါအံၤအတီၢ်ပူၤခီဖျိဟုသးဒီးသိၦ့ၤထီၣ်ကွ့ၢ်ကွ့ၢ်အဃိ လီၢ်က၀ီၤကမျၢၢ်ၦၤဃ့ၢ်မှံဟးဖျိးလၢအဟဲထီၣ်စံၣ်အိၣ်ဖဲ၀့ၢ်ပူၤသ့ၣ်တဖၣ်အံၤထံၣ်ဘၣ်၀ဲတၢ်ကီတၢ်ခဲဟဲအါထီၣ်အဂ့ၢ်န့ၣ် ၦၤဃ့ၢ်မှံဟးဖျိးတဖၣ်စံး၀ဲန့ၣ်လီၤႉ စးထီၣ်ဖဲလါအီကူးထီၣ်အခီၣ်ထံးတနွံအခါန့ၣ်လၢဒ၀ဲၢ်၀့ၢ်ပူၤခီဖျိသိဒီးဟုသးအၦ့ၤထီၣ်ဒိၣ်ထီၣ်ကွ့ၢ်ကွ့ၢ်အဃိ (ကီၢ်ဒိၣ်ပူၤ)ကီၢ်ဆၣ်တၢ်လီၢ်အါတီၤလီၢ်က၀ီၤကမျၢၢ်လၢအဟဲစံၣ်အိၣ်ဖဲဒ၀ဲၢ်၀့ၢ်ပူၤ(ကၠဲၣ်စါပၠ့ၤ)က၀ီၤဒ့ပူၤတဖၣ်အံၤ ထံၣ်ဘၣ်၀ဲတၢ်ကီတၢ်ခဲအဂ့ၢ်န့ၣ် လီၢ်က၀ီၤကမျၢၢ်ပိာ်မုၣ်လၢအဃ့ၢ်တၢ်ဒုးတဂၤ စံး၀ဲဒ်အံၤန့ၣ်လီၤႉ အ၀ဲစံး၀ဲလၢ“အၦ့ၤထီၣ်(၂)ဆးညါလံႉဟုသးတတလီးန့ၣ်(၆၀၀၀)ကၠးႉမ့မ့ၢ်ဟုသးလၢအတဂ့ၤအါအါဘၣ် တတလီးန့ၣ်အၦ့ၤထီၣ်တုၤလၢ(၄၀၀၀)ကၠးလံႉသိတပီၢ်န့ၣ်အၦ့ၤအိၣ်(၈၀၀၀)ကၠးႉမ့မ့ၢ်အရွဲၤတဆံၦ့ၤန့ၣ်ထီၣ်တုၤလၢ (၈၀၀)လံႉတၢ်ဖံးတၢ်မၤတအိၣ်ဘၣ်ဘျီကျိၣ်စ့တၢ်ကီတၢ်ခဲအိၣ်မီၤနီၤႉကိၢ်ညၢ်လၢဟံၣ်လဲတထီၣ်ဘၣ်ႉလၢညါခါ (ခီၣ်ဖံၣ်)တဘိၣ်န့ၣ်အၦ့ၤအိၣ်(၂၅၀)ကၠးလီၤဘၣ်ဆၣ်ခဲအံၤအၦ့ၤထီၣ်တုၤလၢ(၃၅၀)ကၠးလံ”အဂ့ၢ်န့ၣ် စံးဘၣ်ခ့ၣ်အဲးစံၣ်–ကညီတၢ်ကစီၣ်န့ၣ်လီၤႉ လၢန့ၣ်အမဲာ်ညါဖဲအပူၤကွံာ်လါယူၤလံအခါန့ၣ်သိတလံးထၢၣ်တဘူန့ၣ်အၦ့ၤအိၣ်ထဲ(၄၅၀၀)ကၠးလီၤဒီးဘၣ်ဆၣ် တလါအံၤလါအီကူးအံၤအၦ့ၤထီၣ်တုၤလၢ(၅၅၀၀)ကၠးလံအသိးမ့မ့ၢ်ပဲသိတလံးထၢၣ်တဘူန့ၣ်အပူၤကွံာ်အၦ့ၤအိၣ် (၅၄၀၀)ကၠးဒီးခဲအံၤအၦ့ၤထီၣ်တုၤလၢ(၆၀၀၀)ကၠးညါလံအဂ့ၢ်န့ၣ် လီၢ်က၀ီၤကမျၢၢ်စံး၀ဲန့ၣ်လီၤႉ လၢန့ၣ်အမဲာ်ညါလၢလီၢ်က၀ီၤဒူသ၀ီတဖၣ်အပူၤတၢ်ဒုးဆဲးကဲထီၣ်၀ဲဒီးခီဖျိပယီၤသုးတၢ်သမံသမိးတြဲၤလီၢ်သ့ၣ်တဖၣ်အံၤပံးဃာ်၀ဲကျဲအဃိ သ၀ီပူၤၦၤကမျၢၢ်တဖၣ်တၢ်ကီတၢ်ခဲအိၣ်ထီၣ်လၢကဟးထီၣ်က့ၤလီၤအဂ့ၢ်န့ၣ် လီၢ်က၀ီၤကမျၢၢ်စံး၀ဲ န့ၣ်လီၤႉ လီၢ်က၀ီၤသ၀ီဖိတဂၤစံး၀ဲလၢ“လၢတၢ်ကနုာ်လီၤ၀့ၢ်ပူၤန့ၣ်ပယီၤသုးပံးဃာ်ကျဲလၢသ၀ီတကပၤန့ၣ်မီၤနီၤႉ...

လါအီကူး ၂၂ သီႇ ၂၀၂၃ နံၣ်ႇ ခ့ၣ်အဲးစံၣ် လၢခ့ၣ်အဲၣ်ယူၣ်–ကညီဒီကလုာ်စၢဖှိၣ်ကရၢ ချၢၣ်လွံၢ်ထူၣ်ကီၢ်ရ့ၣ် ကီၢ်ဆၣ်(၃)ဘ့ၣ်အပူၤ စှၤသီအတီၢ်ပူၤအံၤ သုးမီၤစိရိၤမၤတဲာ်ကွံာ်အ့ထနဲးတၢ်ဆဲးကျိးအကျိၤတဖၣ်ဒီးဟဲခးလီၤတၢ်ဒီးကဘီယူၤလၢဟီၣ်က၀ီၤဖဲန့ၣ်တဖၣ်အပူၤအဂ့ၢ်န့ၣ် သ့ၣ်ညါဘၣ်လၢကညီဂ့ၢ်ဂီၢ်အူတၢ်တိစၢၤမၤစၢၤကမံးတံးအအိၣ်န့ၣ်လီၤႉ တချုးဒံးလၢသုးမီၤစိရိၤကဘီယူၤဟဲခးလီၤတၢ်လၢချၢၣ်လွံၢ်ထူၣ် မူႇလၢၢ်ဒိၣ်ႇဆီထံးကီၢ်ဆၣ်(၃)ဘ့ၣ်အံၤအပူၤ ဒံးဘၣ်သၢသီအခါန့ၣ်ဒီးအ၀ဲသ့ၣ်ကဘီယူၤဟဲခးလီၤတၢ်၀ံၤစှၤသီန့ၣ် သုးမီၤစိရိၤက့ၤအိးထီၣ်ကဒါက့ၤအ့ထနဲး တၢ်ဆဲးကျိးအကျိၤတဖၣ်အဂ့ၢ်န့ၣ် ကညီဂ့ၢ်ဂီၢ်အူတၢ်တိစၢၤမၤစၢၤကမံးတံာ် စံး၀ဲန့ၣ်လီၤႉ သုးမီၤစိရိၤအံၤဒ်သိးတၢ်မၤကမၣ်ၦၤဂ့ၢ်၀ီခွဲးယာ်လၢအဟဲကဲထီၣ်သးလၢဟီၣ်က၀ီၤပူၤတဖၣ်အံၤဒီး ၦၤဟံၣ်ၦၤဃီဟးဂူာ် ဟးဂီၤတၢ်အိၣ်သးသ့ၣ်တဖၣ်အံၤသုတထီၣ်လၢ(စိၣ်ရှၢၣ်မံၣ်ဒံၣ်ယၢၣ်)ပူၤချုးဆၢချုးကတီၢ်တဂ့ၤ အဂီၢ်န့ၣ်အ၀ဲသ့ၣ် မၤတဲာ်ကွံာ်အ့ထနဲးအကျိၤဒ်အံၤလီၤအဂ့ၢ်န့ၣ် ကညီဂ့ၢ်ဂီၢ်အူတၢ်တိစၢၤမၤစၢၤကမံးတံာ် ၦၤဘၣ်မူဘၣ်ဒါတဂၤ စံးဘၣ်ခ့ၣ်အဲးစံၣ်–ကညီတၢ်ကစီၣ်ဒ်အံၤန့ၣ်လီၤႉ “လၢပအိၣ်တကပၤအံၤပယီၤသုးမၤတဲာ်ကွံာ်လီတဲစိအကျိၤမီၤနီၤႉတချုးလၢကဘီယူၤဟဲခးလီၤတၢ်(၃)သီန့ၣ်ဒီး...

လါအီကူး ၂၂ သီႇ ၂၀၂၃ နံၣ်ႇ ခ့ၣ်အဲးစံၣ် လၢတလၢၤကီၢ်စဲၣ် ဒူသထူၣ်ကီၢ်ရ့ၣ် ကၠဲးထိၣ်ကီၢ်ဆၣ်အပူၤ ဖဲအပူၤကွံာ်စှၤသီအခါ ခီဖျိပယီၤသုးကျိၤနုာ်လီၤအိၣ်လၢ (ဇီးကုန်း)သ၀ီပူၤအဃိ လီၢ်က၀ီၤကမျၢၢ်တဖၣ်ဘၣ်ဃ့ၢ်ထီၣ်၀ဲဒၣ်ဒီး ပယီၤသုးတဖၣ်အံၤအိၣ်လၢသ၀ီပူၤတုၤလၢခဲအံၤ တစုအဃိ တၢ်ကီတၢ်ခဲအိၣ်လၢကက့ၤဆူဟံၣ်အဂ့ၢ်န့ၣ် လီၢ်က၀ီၤကမျၢၢ်စံး၀ဲန့ၣ်လီၤႉ ဖဲလါအီကူး ၁၆ သီအခါ ပယီၤသုးအဟဲနုာ်လီၤတဖၣ်အံၤဒီးတၢ်ပၢၢ်ဆၢသုးပာ်ဖှိၣ်အဘၢၣ်စၢၤတၢ်ဒုးကဲထီၣ်၀ဲဒီး ခီဖျိပယီၤသုးခးလီၤကျိဖးဒိၣ်အဃိ(ဇီးကုန်း)သ၀ီဃုာ်ဒီးကယၣ်၀့စ့ၣ်ႇပတီၣ်စူၣ်ႇရှါစုၣ်သ၀ီ လီၢ်က၀ီၤကမျၢၢ်တဖၣ် ဘၣ်ဃ့ၢ်ထီၣ်၀ဲဒၣ်န့ၣ်လီၤႉ တၢ်ခးလိာ်သးကဲထီၣ်ဖဲန့ၣ်၀ံၤလီၢ်ခံမ့မ့ၢ်သ၀ီလၢအဂၤတဖၣ်န့ၣ်က့ၤအိၣ်လၢအဟံၣ်အဃီလံဘၣ်ဆၣ် မ့မ့ၢ်လၢ(ဇီးကုန်း)သ၀ီပူၤခီန့ၣ်ခီဖျိပယီၤသုးအိၣ်ဆီလီၤတုၤလၢခဲအံၤတစုတဃိက့ၤအိၣ်လၢဟံၣ်တဘူၣ်ဒံးဘၣ် အဂ့ၢ်န့ၣ်...

လါအီကူး ၂၂ သီႇ ၂၀၂၃ နံၣ်ႇ ခ့ၣ်အဲးစံၣ် ကသ့ၣ်လၢၦၤဘုၣ်၀ဲလၢကညီကီၢ်စဲၣ်ပူၤသ့ၣ်တဖၣ်အံၤ ခီဖျိၦၤ(ဘံၣ်ယဲနၣ်)ထံဖိကီၢ်ဖိဟဲၦ့ၤ၀ဲအါအဃိ ကသ့ၣ်အၦ့ၤဂ့ၤ၀ဲဒိၣ်မးအဂ့ၢ်န့ၣ် သ့ၣ်ညါဘၣ်လၢၦၤဘုၣ်ကသ့ၣ်ဖိတဖၣ်အအိၣ်န့ၣ်လီၤႉ အပူၤကွံာ်ကသ့ၣ်ဖးထီၣ်န့ၢ်လၢအလါတဒုန့ၣ်အၦ့ၤအိၣ်ထဲ(၆)ကလီၢ်လီၤဒီးဘၣ်ဆၣ်ခဲအံၤအၦ့ၤအိၣ်တုၤလၢအကလီၢ် (၁၀)ညါအသိး ခီဖျိကသ့ၣ်အၦ့ၤဂ့ၤအဃိၦၤဘုၣ်ကသ့ၣ်ဖိတဖၣ်ဘၣ်ဂီၢ်၀ဲဒိၣ်မးအဂ့ၢ်န့ၣ် သ့ၣ်ညါဘၣ်လၢဖၣ်အၣ်၀့ၢ် ၦၤဘုၣ်ကသ့ၣ်ဖိတဖၣ်အအိၣ်န့ၣ်လီၤႉ “ကသ့ၣ်ဖိလၢအမဲထီၣ်ဒံးထဲလွံၢ်ဘ့ၣ်တဒုန့ၣ်ၦၤဟဲဂုာ်ၦ့ၤအကလီၢ်(၁၀)ဆူဖီခိၣ်လီၤႉၦၤ(ဘံၣ်ယဲနၣ်)ထံဖိကီၢ်ဖိ ဟဲလီၤ ၦ့ၤ၀ဲတုၤလၢကီၢ်ဆၢညါႉအ၀ဲသ့ၣ်တဲ၀ဲလၢက့ၤဘုၣ်ကွၢ်ကီ၀ဲဒ်န့ၣ်လီၤႉကသ့ၣ်အၦ့ၤဂ့ၤဒ်အံၤအဃိၦၤဘုၣ်ကသ့ၣ်ဖိတဖၣ်ဘၣ်ဂီၢ်၀ဲဒိၣ်မး”အဂ့ၢ်န့ၣ် ဖၣ်အၣ်၀့ၢ် စီၤဖၣ်တၤ လၢအဘုၣ်ကသ့ၣ်အံၤ စံးဘၣ်ခ့ၣ်အဲးစံၣ်–ကညီတၢ်ကစီၣ် ဖဲလါအီကူး ၂၀ သီအနံၤန့ၣ်လီၤႉ လၢကညီကီၢ်စဲၣ် ဖၣ်အၣ်ႇကီးတရံးႇလူၢ်ပျဲၢ်ကီၢ်ဆၣ်ဒီးအ့ၤဒူၣ်ဟီၣ်က၀ီၤတကပၤန့ၣ် ၦၤဘုၣ်ကသ့ၣ်အါမးဒီး...

လါအီကူး ၂၁ သီႇ ၂၀၂၃ နံၣ်ႇ ခ့ၣ်အဲးစံၣ် လၢတနီသရံၣ်ကီၢ်ခီဒိၣ် ယ့ၤဖၠူၤကီၢ်ဆၣ်အပူၤ ပယီၤသုးကျိၤနုာ်လီၤလၢအသီတဆံအတီၢ်ပူၤန့ၣ် နုာ်လီၤဟံ၀ဲဒၣ် ဟံၣ်အဖျၢၣ်(၂၀၀)ဘျဲၣ်ပူၤကမျၢၢ်အတၢ်ဖိတၢ်လံၤဒီးဒွဲၣ်အူအီၣ်ကွံာ်၀ဲဟံၣ်တနီၤအဂ့ၢ်န့ၣ် လီၢ်က၀ီၤကမျၢၢ်စံး၀ဲအသိးသ့ၣ် ညါဘၣ်န့ၣ်လီၤႉ လၢ(ယ့ၤဖၠူၤ)ကီၢ်ဆၣ် နဘူၣ်လဲၤလီၢ်က၀ီၤ ဒူသ၀ီတကပၤန့ၣ် စးထီၣ်ဖဲအပူၤကွံာ်လါအီကူး ၈ သီတုၤလၢ ၁၈ သီ လၢအသီတဆံအတီၢ်ပူၤ ပယီၤသုးကျိၤနုာ်လီၤခးလီၤကျိဖးဒိၣ်လၢမုၢ်နၤခီတကးဒံးဘၣ်အမဲာ်ညါ အ၀ဲသ့ၣ်နုာ်လီၤဟံ ၦၤကမျၢၢ်အတၢ်ဖိတၢ်လံၤလၢဟံၣ်ပူၤအဂ့ၢ်န့ၣ် လီၢ်က၀ီၤကမျၢၢ်စံး၀ဲန့ၣ်လီၤႉ ယ့ၤဖၠူၤကီၢ်ဆၣ်...