Home တၢ်ကစီၣ် ပယီၤပဒိၣ်ဒီး သုးမုၢ်ဒိၣ်ဘိးဘၣ်ရၤလီၤ၀ဲ AA လၢၦၤပူထီၣ်လီထီၣ်တၢ်ကရူၢ်အံၤ မ့ၢ်တၢ်ဟ့ၣ်ပလီၢ်ဆူ ကလုာ်ဒူၣ်တၢ်ပၢၢ်ဆၢအဂၤတဖၣ်အဂ့ၢ်န့ၣ် IKO စံး၀ဲ

ပယီၤပဒိၣ်ဒီး သုးမုၢ်ဒိၣ်ဘိးဘၣ်ရၤလီၤ၀ဲ AA လၢၦၤပူထီၣ်လီထီၣ်တၢ်ကရူၢ်အံၤ မ့ၢ်တၢ်ဟ့ၣ်ပလီၢ်ဆူ ကလုာ်ဒူၣ်တၢ်ပၢၢ်ဆၢအဂၤတဖၣ်အဂ့ၢ်န့ၣ် IKO စံး၀ဲ

784
0

လါအ့ြဖ့ၣ် ၁၅သီႇ ၂၀၂၀ နံၣ်ႇ စးအဲၣ်ဆူ

ကီၢ်ပယီၤပဒိၣ်ဒီး သုးမုၢ်ဒိ ဘိးဘၣ်ရၤလီၤ၀ဲ ရခၢၣ်သုးမုၢ်ဒိၣ် (AA)အံၤလၢ ၦၤပူထီၣ်လီထီၣ်တၢ်ကရူၢ်အံၤဒီး လဲၤထီၣ်ဒုး၀ဲ ရခၢၣ်တၢ်ဂ့ၢ်အံၤ လီၤဂာ်ဒ်သိး မ့ၢ်တၢ်ဟ့ၣ်ပလီၢ်ဆူ ကလုာ်ဒူၣ်တၢ်ပၢၢ်ဆၢကရူၢ်အဂၤတဖၣ်အဂီၢ် စ့ၢ်ကီးလီၤအဂ့ၢ်န့ၣ် ဖဲလါအ့ြဖ့ၣ် ၁၄သီအနံၤ ဟီၣ်ခိၣ်ဒီဘ့ၣ်ကညီကရၢ –IKO ထုးထီၣ်၀ဲလံာ်တၢ်ပာ်ဖျါဒီး စံး၀ဲဒၣ်န့ၣ်လီၤႉ

ရခၢၣ်သုးမုၢ်ဒိၣ် (AA) အံၤ စးထီၣ်လၢတၢ်မၤ၀ဲတၢ်တဲသကိး ထံလီၢ်ကီၢ်ပူၤတၢ်မုာ်တၢ်ခုၣ်အခါလံၤလံၤန့ၣ် မ့ၢ်တၢ်ကရၢကရိတဖုလၢ အပၣ်ဃုာ်တ့ၢ်လံလၢတၢ်မၤသကိးတၢ်အပူၤန့ၣ်လီၤႉ တကီၢ်ခါထံ လီၢ်ကီၢ်ပူၤတၢ်မုာ်တၢ်ခုၣ်အဂီၢ် မ့ၢ်တၢ်ဆၢကတီၢ်လၢတၢ်ထံၣ်လိာ်တၢၣ်ပီၣ်တဲသကိးအကတီၢ်အသိးႇ မၤ၀ဲဒၣ်တၢ်ထီၣ်ဒုး ရခၢၣ်သုးမုၢ်ဒိၣ် (AA) ဒိၣ်ဒိၣ်မုၢ်မုၢ်အံၤ မ့ၢ်တၢ်လၢအြတီမၤတံာ် တာ်၀ဲကလုာ်ဒူၣ်တဖၣ်အတၢ်မုၢ်လၢ်ကွၢ်စိလၢအမ့ၢ်“တၢ်ကသူၣ်ထီၣ်ကီၢ်စၢဖှိၣ်ဖဲၣ်ြဒၢၣ်အတၢ်တိာ်ကျဲၤ”အံၤန့ၣ် လီၤႉ ခီဖျိလၢပယီၤပဒိၣ်ႇသုးမုၢ်ဒိၣ်အတၢ်ပာ်သးအံၤအဃိတၢ်မုာ်တၢ်ခုၣ်အတၢ်တိာ်ကျဲၤလၢတၢ်ကဆဲးလဲၤခါ ဆူညါအဂီၢ် ကဲထီၣ်၀ဲဒၣ်တၢ်ကီတၢ်ခဲအဂ့ၢ်န့ၣ် IKO စံး၀ဲန့ၣ်လီၤႉ

IKO ၦၤကတိၤတၢ်ပၢ စီၤစီၣ်နီၤ စံး၀ဲ “ပယီၤပဒိၣ်အံၤဘိးဘၣ်ရၤလီၤ၀ဲလၢ ရၢၣ်ခၢၣ်သုးမုၢ်ဒိၣ် (AA) အံၤမ့ၢ်၀ဲ ၦၤပူထီၣ်လီထီၣ်တၢ်ကရူၢ်ဒီး လဲၤထီၣ်ဒုး၀ဲတၢ်ဂ့ၢ်အံၤန့ၣ် ပထံၣ်၀ဲဒၣ်လၢတၢ်အံၤလီၤဂာ်ဒ်သိး မ့ၢ်တၢ်ဒုးသ့ၣ်ညါဟ့ၣ်ပလီၢ်ဆူ ကလုာ်ဒူၣ်ဖီၣ်စုက၀ဲၤကရူၢ်လၢအဂၤတဖၣ်အဂီၢ်န့ၣ်လီၤႉ တၢ်ကရၢကရိတဖၣ်အံၤစ့ၢ်ကီး ကီၢ်ပယီၤသုးမုၢ်ဒိၣ်တဖၣ်မ့ၢ်လိၣ်ဘၣ်၀ဲန့ၣ် ကိးဆၢကတီၢ်ဒဲးဘိး ဘၣ်ရၤလီၤ၀ဲဒၣ်လၢအတဖိးသဲစးသ့၀ဲဒၣ်လီၤန့ၣ် ပ၀ဲသ့ၣ်တဖၣ်ပပဲာ်ထံနီၤဖး၀ဲလီၤႉ အဲၣ်ဒိးတဲ၀ဲန့ၣ် မ့ၢ်တလူၤပိာ်မၤထွဲဘၣ်န့ၣ် သုကဘၣ်ကဲဒ်သိးရခၢၣ်အသိးလီၤန့ၣ်” အဂ့ၢ်န့ၣ် စံးဘၣ်ခ့ၣ်အဲးစံၣ်လီၤႉ

ဖဲအပူၤကွံာ် လါမးရှး ၂၃ သီအနံၤန့ၣ် ထံလီၢ်ကီၢ်ပူၤကိတိာ်၀ဲၤကျိၤအံၤ ဘိးဘၣ်ရၤလီၤ၀ဲဒၣ်လၢ ရၢၣ်ခၢၣ်သုးမုၢ်ဒိၣ် (AA) အံၤ မ့ၢ်တၢ်ကရၢကရိတဖုလၢအတဖိးသဲစး ၀ံၤအလီၢ်ခံ ခၠီကီၢ်စဲၣ် ဒီး ရၢၣ်ခၢၣ်ကီၢ်စဲၣ်တဖၣ် တၢ်ဒုးဟဲကဲထီၣ်၀ဲဒၣ်(AA) ဒီး ကီၢ်ပယီၤသုးမုၢ်ဒိၣ်တဖၣ်အဘၢၣ်စၢၤဒိၣ်ဒိၣ်မုၢ်မုၢ်န့ၣ်လီၤႉ

ဒ်န့ၣ်အသိး ရခၢၣ်ကီၢ်စဲၣ်ဒီး ခၠီကီၢ်စဲၣ် ကီၢ်ဆၣ်ပာ်ဖှိၣ်(၉)ဘ့ၣ်အပူၤစ့ၢ်ကီး တၢ်ကးတံၢ်ကွံာ်၀ဲအ့ထနဲးလီ ကျိၤတဖၣ်အသိး တၢ်ဘိးဘၣ်ရၤလီၤ၀ဲ (AA) မ့ၢ် ၦၤပူထီၣ်လီထီၣ်တၢ်၀ံၤအလီၢ်ခံ ၦၤမၤတၢ်ကစီၣ်ဖိလၢအဆဲးကျိးဒီး ပာ်ဖျါထီၣ်တၢ်ကစီၣ်တဖၣ် ကိတိာ်၀ဲၤကျိၤအံၤ ဖီၣ်၀ဲၦၤမၤတၢ်ကစီၣ်ဖိဒီးဟံးန့ၢ်အရ့အိၣ်၀ဲဒၣ်အသိးႇ ကးတံၢ်ကွံာ်၀ဲကီၢ်ပူၤတၢ်ကစီၣ်သန့တနီၤ အ ( Website) တဖၣ်န့ၣ်လီၤႉ

လၢန့ၣ်အမဲာ်ညါ ကီၢ်ပယီၤသုးမုၢ်ဒိၣ်အံၤ ခီဖျိလၢမၤ၀ဲဒၣ်တၢ်ထီၣ်ဒုးဒီးကဘီယူၤအဃိ ဟီၣ်က၀ီၤကမျၢၢ်တဖၣ် ဘၣ်ဒိဘၣ်ထံးဒီးသံ၀ဲဒၣ်အိၣ်၀ဲအသိးႇ လၢသ၀ီပူၤခီဖျိလၢကျိဖးဒိၣ်တဖၣ်လီၤတဲာ်ဒီးပိၢ်ဖးထီၣ်၀ဲဒၣ်အဃိ ဟီၣ်က၀ီၤသ၀ီဖိတဖၣ် ဘၣ်ဒိဘၣ်ထံး၀ဲဒီးသံ၀ဲဒၣ်အိၣ်၀ဲဒီး ၦၤလၢအဃ့ၢ်ပူၤဖျဲးအသးတဖၣ်အိၣ်၀ဲဒၣ်လၢအကလီၢ်ညါအဂ့ၢ်န့ၣ် သ့ၣ်ညါဘၣ်လီၤႉ

ခီဖျိလၢကီၢ်ပယီၤသုးမုၢ်ဒိၣ်မၤ၀ဲဒၣ်တၢ်ထီၣ်ဒုးအံၤအဃိ ရၢၣ်ခၢၣ်ထံဖိကီၢ်ဖိကမျၢၢ်တဖၣ် ဘၣ်ဒိဘၣ်ထံးသံ၀ဲဒၣ်အဖီခိၣ် IKO ထီဒါ၀ဲဒူဒူကိၤကိၤအဂ့ၢ်ဒီးႇ ခီဖျိလၢတၢ်ဆါသံသြတိာ် အံၤအဃိ ကဘၣ်ပတုာ်ကွံာ်တၢ်ဒုးတၢ်ယာ်န့ၣ် ဟီၣ်ခိၣ်ဒီဘ့ၣ်ဘီမုၢ်စၢဖှိၣ်ကရၢ ပတံဃ့ကညး၀ဲအကတီၢ် ကီၢ်ပယီၤပဒိၣ်ဒီး သုးမုၢ်ဒိၣ်တဖၣ်မၤအါထီၣ်၀ဲတၢ်ဒုးတၢ်ယၤအဂ့ၢ်န့ၣ် IKO လံာ်တၢ်ပာ်ဖျါအပူၤ ပာ်ဖျါ၀ဲန့ၣ်လီၤႉ

ဆၢကတီၢ်ခဲဲအံၤစ့ၢ်ကီး ကီၢ်ပယီၤထံဖိကီၢ်ဖိကမျၢၢ်တဖၣ် သဂၢၢ်ဘၣ်ဒီးဟီၣ်ခိၣ်ဒီဘ့ၣ်တၢ်ဆါသံသြတိာ်အကတီၢ် ရခၢၣ်ကီၢ်စဲၣ်ဃုာ်ဒီးကလုာ်ဒူၣ်ဟီၣ်က၀ီၤတဖၣ်အပူၤန့ၣ် တူၢ်ဘၣ်၀ဲဒၣ်သုးမုၢ်ဒိၣ်အတၢ်ထီၣ်ဒုးဒိၣ်ဒိၣ်မုၢ်မုၢ်ဒီး ကလုာ်ဒူၣ်ထံဖိကီၢ်ဖိကမျၢၢ်လၢတၢ်ကမၣ်တအိၣ်နီတမံၤဒီး အတၢ်အိၣ်မူတၢ်ဘံၣ်တၢ်ဘၢအဂီၢ် ပဒိၣ်ဒီး သုးမုၢ်ဒိၣ်တဖၣ် ကပတုာ်ကွံာ်၀ဲထံကီၢ်ဒီဘ့ၣ်တၢ်ပတုာ်တၢ်ခးတဘျီဃီန့ၣ် IKO လံာ်တၢ်ပာ်ဖျါအပူၤ ဃ့ထီၣ်၀ဲန့ၣ်လီၤႉ

ဒ်န့ၣ်အသိး ရခၢၣ်ကီၢ်စဲၣ်အမဲာ်ညါ ကညီကီၢ်စဲၣ်ႇ ယိၤဒိၣ်ကီၢ်စဲၣ် ကလုာ်ဒူၣ်ဖီၣ်စုက၀ဲၤ ကရူၢ်လၢအဆဲးလီၤစုမုၢ်ကျၢၢ်တဖၣ် အဟီၣ်က၀ီၤပူၤစ့ၢ်ကီး ကီၢ်ပယီၤသုးမုၢ်ဒိၣ်တဖၣ် ဖီၣ်မၤဆါမၤနး ၦၤသ၀ီဖိတဖၣ် တကးဘၣ်အမဲာ်ညါ မၤသံ၀ဲဒၣ်သ၀ီဖိတဖၣ်အိၣ်၀ဲအဂ့ၢ်န့ၣ် ဟီၣ်က၀ီၤပူၤ ၦၤအိၣ်ခိးကွၢ်ၦၤဂ့ၢ်၀ီခွဲးယာ်တၢ်ကရၢကရိတဖၣ် ထုးထီၣ်ရၤလီၤ၀ဲတၢ်ကစီၣ်တဖၣ်န့ၣ်လီၤႉ

လၢတၢ်ဂ့ၢ်အံၤအဖီခိၣ် ၦၤအိၣ်ခိးကွၢ်ဒီးဃိထံသ့ၣ်ညါၦၤဂ့ၢ်၀ီခွဲးယာ်တဖၣ်လၢအမ့ၢ် ၦၤဂ့ၢ်၀ီတၢ်ကရၢကရိႇ ပိာ်မုၣ်တၢ်ကရၢကရိတဖၣ်ႇ ဂံၢ်ခီၣ်ထံးတၢ်ကရၢကရိတဖၣ်တကးဘၣ်အမဲာ်ညါ ကလုာ်ဒူၣ်ဖီၣ်စုက၀ဲကရူၢ်တနီၤ ဆီၣ်တခူထီၣ်ဒီးဃ့ထီၣ်၀ဲဒၣ် ပယီၤသုးမုၢ်ဒိၣ်အံၤလၢ တဘၣ်မၤ၀ဲတၢ်ထီၣ်ဒုးတၢ်လၢကလုာ်ဒူၣ်ဟီၣ်က၀ီၤအပူၤဘၣ်ဒီး ကဘၣ်ဘိးဘၣ်ရၤလီၤ၀ဲ ထံကီၢ်ဒီဘ့ၣ် တၢ်ပတုာ်တၢ်ခးအံၤ ဖဲ (Covid-19) ကဲထီၣ်သးအကတီၢ်အံၤန့ၣ်လီၤႉ

ဟီၣ်ခိၣ်ဒီဘ့ၣ် ကညီကရၢ –IKO အံၤ ဘၣ်တၢ်ကရၢကရိထီၣ်အီၤလၢ ကညီတၢ်ကရၢကရိ အဖု ၃၀ဘျဲၣ် လၢ ကီၢ်အ့ရှါႇ ပစံၣ်ဖံၣ်ႇ ကီၢ်ယူရပၤဒီး ကလံၤစိးကီၢ်အမဲရံၣ်ကၤသ့ၣ်တဖၣ်အံၤ ဖဲ ၂၀၁၄ နံၣ်ႇ လါစဲးပထ့ဘၢၣ်န့ၣ်လီၤႉ