“ကျီၢ်ပျၢဘုဒီး ကျီၢ်အီၣ်ဘု”

“ကျီၢ်ပျၢဘုဒီး ကျီၢ်အီၣ်ဘု”

၁.ဟီၣ်ခိၣ်ပမ့ၢ်ၦၤတမှံၤ သုးလီၢ်သုးကျဲကိးမုၢ်နံၤ
ပထံနီၢ်ကီၢ်တီတအိၣ် ဟးအိၣ်သကုၤဝးဟီၣ်ခိၣ်
ပထံပကီၢ်တအိၣ်ဃိ မ့ၢ်ဆိမိၣ်လီၤသးဘၣ်ဒိ
ခွဲးယ၁်တု၁်သိးဒီးလီၢ်လၤ လ့ၤတက့ၤတအိၣ်ဒီးၦၤ

၂.ပတၢ်အိၣ်မူလၢဟီၣ်ခိၣ် အိၣ်ၦဲၤဝဲထဲတၢ်ဘၣ်ယိၣ်
ဒ်ပကဲထီၣ်ၦၤကညီ ဘၣ်ခီဖျိတၢ်အၢတၢ်သီ
ပဝဲၦၤကညီကလု၁် လိၣ်ဘၣ်ဝဲဟီၣ်ခိၣ်တၢ်မု၁်
ဆၢမၤတၢ်ဂ့ၤမၤဘျုးတၢ် ဆူဖိလံၤသူၣ်ဘီၣ်သးစၢ်

၃.ကညီခိၣ်နၢ်ကဒဲဒဲ ကွၢ်ကပၤလိ၁်သးအိၣ်ဝဲ
ဖိလံၤသးစၢ်တူၢ်ဘၣ်ဝဲ ထီၣ်ထီလံ ထုးလီၤကွံ၁်ဝဲ
ဖိလံၤတနီၤလၢလီၤဃံၢ် တုၤဒၣ်လဲ၁်ထူတံၢ်ယီၢ်တံၢ်
တပိၢ်တလိၣ်ဒီးပဒဲ မ့ၢ်ပကညီအတၢ်လဲၤကျဲ

၄.ကညီခိၣ်နၢ်ဒီးသးၦၢ် ကွၢ်ကပၤကွံ၁်ၦၤသးစၢ်
ဒိၣ်စိလၢဖိလံၤဖီခိၣ် တၢ်ထံၣ်ဆိဆူညါတအိၣ်
တၢ်ဖှီၣ်တၢ်ယ၁်ဂံၢ်ခိၣ်သ့ၣ် တၢ်ဟဲနု၁်ဒ်သိးတန့ၢ်
နၣ်ရံၣ်နံၤသီမၤၦဲၤသိး ဒိးန့ၢ်က့ၤတၢ်တဒ်သိး

၅.ကျီၢ်ပျၢဘုဒီးကျီၢ်အီၣ်ဘု ကျီၢ်လၢပျၢဘုတအီၣ်ဘု
မ့ၢ်ဒၣ်ကျီၢ်နၢ်က့ၣ်တဒု ကျီၢ်ဖိ ၦၤတဒုးအီၣ်ဘု
စုခီၣ်လီၤဘှံးတပျၢဘု ကျီၢ်ကစၢ်ဒိတီၢ်ဆဲးဆု
ဒ်န့ၣ်အသိးပကညီ အိၣ်ဝဲဒီးတၢ်မ့ၢ်တၢ်တီ.

၆.ကညီဖိဧၢ သ့ၣ်ညါနဲ ပတၢ်ဂံၢ်စၢ်အိၣ်ဖဲလဲၣ်
တမ့ၢ်လၢ ကလု၁်ဂၤဃိ မ့ၢ်တၢ်ကတိၤ “ယၤ” ဒိၣ်စိ
နၦၤကလု၁်ဒၣ်နဝဲ နလိ၁်ဘၢလိ၁်ကွီၢ်ကွံ၁်နဲ
ကလု၁်ဂၤထံၣ်သ့ၣ်ညါထွဲ ကညီဖိတၢ်မူအကျဲ.

လၢတၢ်အဲၣ်ကကွဲၢ်ကဘီ
စီၤကီၢ်ဖျါစ့ (တီနီၢ်ဖိ)