Home တၢ်ကစီၣ် ကရ့ၣ်နံၣ်ကမျၢၢ်ၦၤဃ့ၢ်မှံဟးဖျိးတဖၣ်လိၣ်ဘၣ်တၢ်အီၣ်တၢ်အီဒီးဆ့ကၤကလၢၤ

ကရ့ၣ်နံၣ်ကမျၢၢ်ၦၤဃ့ၢ်မှံဟးဖျိးတဖၣ်လိၣ်ဘၣ်တၢ်အီၣ်တၢ်အီဒီးဆ့ကၤကလၢၤ

387
0

လါဒံၣ်စ့ဘၢၣ် ၁၂ သီႇ ၂၀၂၂ နံၣ်ႇ ခ့ၣ်အဲးစံၣ်

(ကရ့ၣ်နံၣ်)ကီၢ်စဲၣ်ပူၤခီဖျိတၢ်ဒုးတၢ်ယၤအဃိကမျၢၢ်တဖၣ်ဘၣ်ဃ့ၢ်မှံဟးဖျိး၀ဲဒီးကတီၢ်ခဲအံၤစ့ၢ်ကီး ခီဖျိတၢ်ချံၣ်ဒိၣ်ထီၣ်လံအဃိလိၣ်ဘၣ်၀ဲတၢ်အီၣ်တၢ်အီဒီးဆ့ကၤကလၢၤတဖၣ်အဂ့ၢ်န့ၣ် ၦၤလၢမၤစၢၤၦၤဃ့ၢ်မှံဟးဖျိးတဖၣ်စံး၀ဲန့ၣ်လီၤႉ

တၢ်ဒုးကဲထီၣ်အကတီၢ်ကမျၢၢ်ၦၤဃ့ၢ်တၢ်ဒုးဖိလၢအလဲၤစံၣ်အိၣ်ၦၢ်ပူၤကစၢၢ်ကလိကျါႇအဘူးအတံၢ်သ၀ီတဖၣ်အံၤခီဖျိအ၀ဲသ့ၣ်ဘၣ်ဟးသုးလီၢ်သုးကျဲအိၣ်လံလၢလွံၢ်ဘျီယဲၢ်ဘျီလံအဃိတၢ်အီၣ်တၢ်အီတကူတလၢ၀ဲဘၣ်အသိးကတီၢ်ခဲအံၤခီဖျိတၢ်ချံၣ်ဒိၣ်ထီၣ်လံအဃိလိၣ်ဘၣ်၀ဲဆ့ကၤကလၢၤအဂ့ၢ်န့ၣ်သးစၢ်တဂၤလၢမၤစၢၤၦၤဃ့ၢ်မှံဟးဖျိးအံၤစံး၀ဲန့ၣ်လီၤႉ

“ကမျၢၢ်တနီၤန့ၣ်ဘၣ်ဟးသုးလီၢ်ခဲအံၤခဲအံၤအဃိဆိမိၣ်၀ဲမ့သံဒီးသံလီၤအဲၣ်ဒိးက့ၤအိၣ်လၢအဟံၣ်လံႉမ့ၤနါက့ဘၣ်အီၣ်သၢဘျီန့ၣ်ဘၣ်ပာ်ဖှိၣ်အီၣ်ခံဘျီဒ်န့ၣ်အိၣ်မီၤနီၤႉမ့ဖှံၣ်မ့ၤဖှိးမ့အိၣ်န့ၣ်အ၀ဲသ့ၣ်လိဃ့ပာ်၀ဲဒီးၦၤမၤဘူၣ်လီၤတၢ်ဖိမ့တဟဲဘၣ်မ့တအီၣ်ဘၣ်မ့ၤဘၣ်န့ၣ်က့ၤချီအီၣ်ကဒါ၀ဲဒီးထံချီဒ်န့ၣ်လီၤႉၦၤမၤဘူၣ်လီၤတၢ်ဖိအိၣ်နါက့(ကရ့ၣ်နံၣ်ကီၢ်စဲၣ်) ဒီတဘ့ၣ်အပူၤၦၤဃ့ၢ်မှံဟးဖျိးအိၣ်လၢအကလီၢ်ညါအဃိမၤဖဲမၤန့ၢ်အသိးလီၤမီၤနီၤ” အဂ့ၢ်န့ၣ်စံးဘၣ်ခ့ၣ်အဲးစံၣ်–ကညီတၢ်ကစီၣ်န့ၣ်လီၤႉ

တကးဒံးဘၣ်ဖဲအပူၤကွံာ်လါဒံၣ်စ့ဘၢၣ် ၃ သီအခါစ့ၢ်ကီးလၢကရ့ၣ်နံၣ်ကီၢ်စဲၣ်(ဒံၤမီစိၤကီၢ်ဆၣ်)ဒီကမံသ၀ီပူၤန့ၣ် တၢ်ဒုးကဲထီၣ်၀ဲလၢပယီၤသုးဒီးကရ့ၣ်နံၣ်ဒီကလုာ်ဂၢၤသးကရၢ(KNDF)အဘၢၣ်စၢၤအဃိ ပယီၤသုးခးလီၤကျိဖးဒိၣ်တကးဒံးဘၣ်ကဘီယူၤစ့ၢ်ကီးဟဲခးလီၤတၢ်အဂ့ၢ်န့ၣ်(KNDF)ထုးထီၣ်ပာ်ဖျါ၀ဲဖဲတၢ်တနံၤဃီ၀ဲန့ၣ်လီၤႉ

ကမျၢၢ်လၢအဃ့ၢ်တၢ်ဒုးတဂၤစံး၀ဲ“ကမျၢၢ်လၢအိၣ်ဘူးတၢ်ဒုးကဲထီၣ်အလီၢ်ကပိၤကပၤတဖၣ်န့ၣ်ဟးစံၣ်အိၣ်လၢတၢ်လီၢ်ပူၤဖျဲးအလီၢ်လံႉဟးစံၣ်နါက့ယံၤထီၣ်လံအဃိလီၤဘၣ်တၢ်ကီတၢ်ခဲဒိၣ်မးႉအီၣ်အီနါက့တဘၣ်ဂီၢ်ဘၣ်ႉလၢအံၤတကပၤတၢ်ချံၣ်ဒိၣ်မးအဃိဆ့ကၤကလၢၤနါက့လိၣ််စ့ၢ်ကီးလီၤႉလၢ(ဒီပီၤကူ)န့ၣ်ၦၤဃ့ၢ်မှံဟးဖျိးအိၣ်ဒံးႉအ၀ဲသ့ၣ်အိၣ်ဘူးဒီးတၢ်ဒုးကဲထီၣ်အလီၢ်ဘၣ်ဆၣ်မ့ခူၣ်ထံပူၤန့ၣ်ထံထီၣ်အဃိဘၣ်ဂီၢ်ဒီးအိၣ်ဒံး၀ဲဖဲန့ၣ်လီၤ”အဂ့ၢ်န့ၣ်စံးဘၣ်ခ့ၣ်အဲးစံၣ်–ကညီတၢ်ကစီၣ်န့ၣ်လီၤႉ

ကတီၢ်ခဲအံၤလၢ(ဒံၤမီစိၤကီၢ်ဆၣ်)ကိသၤသ၀ီမုၢ်ထီၣ်ဒီးသ့စူၤလဲႇဒီကမံသ၀ီတကပၤန့ၣ်ပယီၤသုးကျိၤနုာ်လီၤဟူးဂဲၤ၀ဲဒီးခီဖျိဒုးယၤတၢ်ဖ့ၣ်စၢႇတၢ်ဒုးကဲထီၣ်အဃိဖဲအပူၤကွံာ်လါဒံၣ်စ့ဘၢၣ် ၃ သီအနံၤန့ၣ် (KNDF)ထုးထီၣ်လံာ်ဃ့ကညးကမျၢၢ်လၢတဘၣ်ဟးထီၣ်က့ၤလီၤလၢသ၀ီခိၣ်သ၀ီဃၢၤဘၣ်ႇတဘၣ်က့ၤအိၣ်လၢသ၀ီပူၤဒံးဘၣ်န့ၣ်လီၤႉ