ဒီပုၢ်ဝဲၢ်ကဲထီၣ်ဒုၣ်ဒါ
၁. ထံမူကျိလၢယွၤလီၤဆှံ
ၦၤထံၣ်ဒ်တၢ်စုၣ်အထံ
ထံမိၢ်ၦၢ်ကျိလၢယွၤလီၤ
ဟံၣ်ဒူၣ်ထၢဖိလၤကပီၤ
၂. ပထံၣ်ဒီးပကွၢ်တဖျါ
ကျိၣ်စ့ကျၢၢ်ဘၢပမဲ၁်နါ
သ့ၣ်ညါဒီးဆိမိၣ်တတုၤ
မ့ၢ်ထံရူၢ်ကီၢ်သဲးတၢ်ဒုး
၃. ပီၢ်ရီသဲစးအိၣ်ဘၣ်ဆၣ်
မ့ၢ်ဒၣ်လၢၦၤဟၢဖၢဆၣ်
မ့ၣ်အူအီၣ်ထံလီၢ်ကီၢ်ပူၤ
အီၣ်ထံဖိသံဂီၤသကုၤ
၄. “ယၤ” ဒိၣ်စိဂု၁်ဟံးထံဆၣ်
တၢ်သးကွံကဲထီၣ်သရၣ်
တၢ်လံၣ်တၢ်လီအိၣ်ထီၣ်ထီ
လီၢ်ကဝီၤဖိထံၣ်တၢ်ကီ
၅. စၢၤသီစိၤဖိလံၤတၢ်မူ
သါထီၣ်သါလီၤသးကိၢ်အူ
မုၢ်လၢ်ဆၢမ့ၢ်ၦၤကဲဒိၣ်
တဝီဖိအီၣ်အီတအိၣ်
၆. ထံကီၢ်လၢပအိၣ်ဆိးအံၤ
တၢ်အၢတၢ်သီအိၣ်ကိးနံၤ
ခိၣ်ဒိၣ်နၢ်လဲၢ်အဘျၣ်အါ
ဒီပုၢ်ဝဲၢ်ကဲထီၣ်ဒုၣ်ဒါ.
လၢ
တၢ်အဲၣ်ကကွဲၢ်ကဘီ
စီၤကီၢ်ဖျါစ့ (တီနီၢ်ဖိ)
၂၂.၅.၂ဝ၂၃
