လါယူၤလံ ၃ သီႇ ၂၀၂၃ နံၣ်ႇ ခ့ၣ်အဲးစံၣ်
ပယီၤသုးကျိၤနုာ်လီၤမၤဒုးယၤတၢ်ဟူးတၢ်ဂဲၤဒီးကမၤဆူၣ်ထီၣ်ဒုးယၤတၢ်ဟူးတၢ်ဂဲၤအဂီၢ် ကျဲလၢတၢ်ပာ်ပနီၣ်၀ဲသ့ၣ်တဖၣ်အံၤ ဒ်တၢ်ပာ်ပနီၣ်တၢ်ဆၢကတီၢ်အသိးတဘၣ်ဟးထီၣ်က့ၤလီၤဘၣ်အဂ့ၢ်န့ၣ် ကလံၤထံးသုးဟီၣ်က၀ီၤ(နီၣ်ဂံၢ် ၂)ထုးထီၣ်ဟ့ၣ်ပလီၢ်၀ဲဖဲလါယူၤလံ ၁ သီအနံၤန့ၣ်လီၤႉ
စးထီၣ်ဟါခီ ၆ နၣ်ရံၣ်တုၤလၢဂီၤခီ ၆ နၣ်ရံၣ်န့ၣ် တၢ်တဘၣ်ဟးထီၣ်က့ၤလီၤလၢ ၀့ၢ်တကူၣ်–မါတလ့ ကျဲလီၢ်လံၤႇ ၀့ၢ်တကူၣ်–မါတလ့ကျဲမုၢ်ဖးဒိၣ်စံၣ်တၢ်ယံၤႇ ပကိ–စ့ၣ်တီကျဲဒီး တလၢၤကီၢ်ဆၣ်ပူၤ ၀့ၢ်တကူၣ်–မိၣ်တမးကျဲႇ ၀့ၢ်တကူၣ်–ဖၣ်အၣ်ကျဲသ့ၣ်တဖၣ်အံၤဘၣ်အဂ့ၢ်န့ၣ် လံာ်တၢ်ပာ်ဖျါအပူၤ ပာ်ဖျါ၀ဲန့ၣ်လီၤႉ
လၢန့ၣ်အမဲာ်ညါကျဲမုၢ်လၢတၢ်ပာ်ပနီၣ်ဃာ်၀ဲလၢတဘၣ်လ့ၢ်ထီၣ်လ့ၢ်လိၤဘၣ်သ့ၣ်တဖၣ်အံၤ မုၢ်ဆါခီအဆၢကတီၢ် သိလ့ၣ်တဖၣ်ဖဲလ့ၢ်ထီၣ်လ့ၢ်လိၤအကတီၢ်ကဘၣ်ထုးလီၤအသိလ့ၣ်မဲာ်ထံကလၤဒီး ဖဲတၢ်ဒီသဒၢကမျၢၢ်သုးကိးပတုာ် သမံသမိးတၢ်အခါ ကတူၢ်လိာ်သမံသမိးသးဂ့ၤဂ့ၤအဂ့ၢ်န့ၣ် လံာ်တၢ်ပာ်ဖျါပူၤ ပာ်ဖျါ၀ဲန့ၣ်လီၤႉ
လံာ်တၢ်ကလုၢ်လၢတၢ်ထုးထီၣ်၀ဲအံၤၦၤလၢအမ့တလူၤပိာ်မၤထွဲ၀ဲဘၣ်တဖၣ်တၢ်ဂ့ၢ်မ့ဟဲကဲထီၣ်သးတမံၤမံၤန့ၣ် တမ့ၢ်လၢသုးဟီၣ်က၀ီၤ(နီၣ်ဂံၢ် ၂)ကဟံးမူဒါဘှါဆှဲ၀ဲဘၣ်အဂ့ၢ်န့ၣ် လံာ်တၢ်ပာ်ဖျါအပူၤ စံး၀ဲန့ၣ်လီၤႉ
