လါယူၤ ၅ သီ, ၂၀၂၆ နံၣ်, ခ့ၣ်အဲးစံၣ်
မုၢ်တြီၢ်ကီၢ်ရ့ၣ်(သုးက့ ၅)ဖၣ်ပူၣ်ဝ့ၢ်လၢတၢ်ဒုးတၢ်ယၤကဲထီၣ်ဝဲအံၤ ဖဲမဟါလါယူၤ ၄ သီ မုၢ်ဘူးကထူၣ် ၁၁း၂၀ မံးနံးအဆၢ ကတီၢ် န့ၣ် သုးမီၤစိရိၤကဘီယူၤလဲၤ တ့ၢ်လီၤဝဲမ့ၣ်ပိၢ်လၢကဝီၤဒ့(၃)ပူၤ အဃိ ကမျၢၢ်ဟံၣ်အူအီၣ်ဟးဂီၤဝဲ(၃)ဖျၢၣ်အဂ့ၢ်န့ၣ် သ့ၣ်ညါဘၣ် န့ၣ်လီၤ.
တကီၢ်ခါခဲအံၤလၢကထီၣ်မၤဆှဲကွံၥ်ဖၣ်ပူၣ်သုးကလၢၤအံၤအဂီၢ် ဒုးယၤတၢ်ဖ့ၣ်စၢဆဲးကဲထီၣ်ဒံးဝဲလၢဟီၣ်ကဝီၤ ကညီဒီကလုၥ် တၢ်ထူၣ်ဖျဲးသုးမုၢ်ဒိၣ် (KNLA)သုးပၥ်ဖှိၣ်ဒီးပယီၤသုးအဘၢၣ်စၢၤအဂ့ၢ်န့ၣ် (သုးက့ ၅)ပှၤကတိၤတၢ်ပၢ ပဒိၣ်စီၤထိၣ်ရီဘ့ၤ စံးဝဲန့ၣ်လီၤ.
“ဖဲမဟါန့ၣ်ပယီၤသုးကဘီယူၤဟဲခးလီၤတၢ်ဖဲဖၣ်ပူၣ် ကဝီၤဒ့ ၃ ပူၤန့ၣ်. ဖဲန့ၣ်ဟံၣ်အူအီၣ်ဟးဂီၤ(၃)ဖျၢၣ်. အကဲဝဲကမျၢၢ် အဟံၣ်ခဲလၢၥ်လီၤ. ခဲအံၤမ့မ့ၢ်လၢတၢ်ဒုးတၢ်ယၤဒုဂၢၢ်ထီၣ်ကဒါဖဲအကြၢးတစဲး.ဂၢၢ်ထီၣ်နါက့တမ့ၢ်လၢပှၤအိၣ်ဘှံးဘၣ်. နါက့မ့ကွၢ် ဖဲမဟါဒီး အတဟါခီဒု ဆူၣ်ဒိၣ်မီၤနီၤ. တၢ်ဒုးဒုထီၣ်ထီၣ်လီၤလီၤဒ်အံၤလီၤ”အဂ့ၢ်န့ၣ် စံးဘၣ်ခ့ၣ်အဲးစံၣ်-ကညီတၢ်ကစီၣ် ဖဲတဟါအံၤ န့ၣ်လီၤ.
ဖါပူၣ်ဒုးယၤသုးကလၢၤလၢတၢ်ပၢၢ်ဆၢကဝီၤခးဝဲန့ၢ်လၢခံနံၣ်ဃၣ်ဃၣ်အံၤ စးထီၣ်လါယူၤထီၣ်ထီၣ်အံၤန့ၣ် ဟီၣ်ကဝီၤ တၢ်ပၢၢ်ဆၢ သုးပၥ်ဖှိၣ်ကရူၢ်လဲၤထီၣ်ခးကဒီးဝဲဒီး ဖဲန့ၣ်ပယီၤသုးအံၤသူဝဲဒၣ်ကဘီယူၤအါဘ့ၣ် ဟဲခးလီၤစၢၤဝဲတၢ်လၢတၢ်ဒုး ကဲထီၣ်လီၢ် အခိၣ်အဃၢၤဒိၣ်ဒိၣ်မုၢ်မုၢ်လီၤ.
လၢတၢ်န့ၣ်အဃိတၢ်ဒုးကဲထီၣ်ဘျီဝဲန့ၣ်အပူၤပယီၤသုးတကပၤသံဘၣ်ဒိဘၣ်ထံးအမဲၥ်ညါ(KNLA)တကပၤတၢ်သံတၢ်ဘၣ်ဒိဘၣ်ထံး အိၣ်ဝဲအဂ့ၢ် သ့ၣ်ညါဘၣ်လၢ(social media)ပူၤတဆီအိၣ်ဝဲဘၣ်ဆၣ် ဘၣ်ဃးတၢ်သံတၢ်ဘၣ်ဒိဘၣ်ထံးတၢ်အိၣ်သးအံၤန့ၣ် ဟီၣ်ကဝီၤ ပှၤဘၣ်မူဘၣ်ဒါထုးထီၣ်ပၥ်ဖျါပၥ်ဂၢၢ်ပၥ်ကျၢၤတအိၣ်နီမံၤဘၣ်န့ၣ်လီၤ.
(သုးက့ ၅)အမဲၥ်ညါအပူၤကွံၥ်လါယူၤထီၣ် ၂ သီ လၢ(သုးက့ ၆)ဂီၤလ့ၤဒုးယၤသုးကလၢၤတၢ်ဒုးအတီၢ်ပူၤအခါန့ၣ်စ့ၢ်ကီး ခီဖျိပယီၤသုးအံၤသူဝဲဒၣ်ကဘီယူၤဟဲခးလီၤဝဲတၢ်ဒိၣ်ဒိၣ်မုၢ်မုၢ်အဃိ ဟီၣ်ကဝီၤ(KNLA)တကပၤစ့ၢ်ကီးသဂၢၢ်ဘၣ်ဝဲဒီးတၢ်သံ တၢ်ဘၣ်ဒိဘၣ် ထံးအိၣ်ဝဲ အဖီခိၣ် ဘၣ်ဂုၤကဒါလီၢ်ခံဘၣ်ဟဲအိၣ်ထီၣ်အဂ့ၢ်န့ၣ် သ့ၣ်ညါဘၣ်န့ၣ်လီၤ.
တကီၢ်ခါခဲအံၤလၢ(သုးက့ ၅),(သုးက့ ၆),(သုးက့ ၄)ဒီး(သုးက့ ၁)ဟီၣ်ကဝီၤအပူၤ ပယီၤသုးအံၤလၢကထီၣ်ဒိၣ်စိက့ၤ တၢ်လီၢ်တၢ်ကျဲ တၢ်လီၢ်လၢအဘၣ်ဟ့ၣ်ဆှူဝဲတဖၣ်အံၤဒီးသုးကလၢၤလၢအတလီၤဒံးဘၣ်တဖၣ်အံၤသုတဘၣ်ဟ့ၣ် ဆှူဝဲတဂ့ၤအဂီၢ်န့ၣ် သုးဂံၢ်ဘါအါအါဂီၢ်ဂီၢ်ဟဲထီၣ်ဟူးဂဲၤဝဲဒၣ်အဂ့ၢ်န့ၣ် သ့ၣ်ညါဘၣ်န့ၣ်လီၤ.