လါယူၤလံ ၂သီ, ၂၀၂၆နံၣ်, ခ့ၣ်အဲးစံၣ်,
ကီၢ်ကၠီၣ်တဲၣ်-ကီၢ်ပယီၤကီၢ်ဆၢ,ကၣ်ခၠနၣ်ဘူၤရံၣ်ကီၢ်ရ့ၣ်,ဆဲၤယီးဝ့ၢ်ကျဲကီၢ်ဆၢတၢ်လီၢ်တတီၤအပူၤ ဖဲအပူၤကွံၥ်လါမ့ၤအတီၢ်ပူၤကီၢ်ကၠီၣ်တဲၣ်သိလ့ၣ်တခိၣ် ဘၣ်တၢ်ခးအီၤဒီးဒွဲၣ်အူကွံၥ်အီၤလၢ ကညီဖီၣ်စုကဝဲၤကရူၢ်တဖုအိၣ်အဖီခိၣ်ဒ်သိးတၢ်မူးတၢ်ရၢ်ကဖျါထီၣ်ဝဲချ့ချ့ဒီးတၢ်ကဟံးန့ၢ်ဝဲအရ့တုၤလီၤတီၤလီၤကသ့အဂီၢ်,ကၠီၣ်တဲၣ်တကပၤစးထီၣ်ဟူးဂဲၤဝဲဒၣ်လံအဂ့ၢ်, ကၠီၣ်တဲၣ်(Kanchanaburi News)တၢ်ကစီၣ်ပၥ်ဖျါထီၣ်ဝဲဒၣ်ဖဲလါယူၤလံ(၁)သီအနံၤန့ၣ်လီၤ.
လၢတၢ်ဟံးထီၣ်ဝဲပှၤမၤကမၣ်တၢ်ဖိကရူၢ်ကရၢအံၤအရ့လၢအဆိအချ့အဂီၢ်,တကီၢ်ခါခဲအံၤပှၤဟူးဂဲၤလၢထံဆၢကီၢ်ဆၢပှၤဂ့ၢ်ဝီဘၣ်ထွဲကၠီၣ်တဲၣ်ထံဖိကီၢ်ဖိ(RapeeChamnanruea)အံၤမဟါလါယူၤလံ(၁)သီအနံၤအပူၤမၤဝဲတၢ်ထံၣ်လိၥ်ဒီးတၢ်သမံသမိးဆဲၤယီးပၢၤကီၢ်ပှၤဘၣ်မူဘၣ်ဒါတဖၣ်အိၣ်ဝဲအဂ့ၢ်,ပၥ်ဖျါထီၣ်ဝဲစ့ၢ်ကီးန့ၣ်လီၤ.
ဒီးတၢ်ထံၣ်လိၥ်သးဒီးဆဲၤယီးပၢၤကီၢ်ပှၤဘၣ်မူဘၣ်ဒါဝံၤအလီၢ်ခံ(Rapee)ဘိးဘၣ်ပၥ်ဖျါဝဲဒၣ်လၢ
“ပှၤတဂၤလၢ်လၢ်လၢအမ့မၤကမၣ်တၢ်လၢကၠီၣ်တဲၣ်ထံကီၢ်တဘ့ၣ်အံၤအပူၤန့ၣ်တၢ်ကဘၣ်ဟံးထီၣ်ဝဲအရ့ဒ်ကီၢ်ကၠီၣ်တဲၣ်တၢ်ဘျၢသဲးစးအိၣ်ဝဲအသိးန့ၣ်လီၤ.ဘၣ်ဃးတၢ်ကဲထီၣ်သးအံၤပှၤမၤကမၣ်တၢ်တဖၣ်အကျါမ့မ့ၢ်ပှၤတခီထံတခီကီၢ်လၢအဖီၣ်ဝဲအနံၣ်(၁၀)တၢ်ဂီၤ(မ့တမ့ၢ်)(PinkCard)န့ၣ်,ပၢြပးဝဲၤကျိၤကဘၣ်ထုးကွံၥ်ဝဲအတၢ်ဂီၤတၢ်ဖီၣ်”အဂ့ၢ်ကၠီၣ်တဲၣ်တၢ်ကစီၣ်သန့တဖၣ်ပၥ်ဖျါထီၣ်ဝဲဒၣ်န့ၣ်လီၤ.
လၢန့ၣ်အမဲၥ်ညါ,တပျဲဝဲပှၤမၢးဖိဒ်အံၤသ့ၣ်တဖၣ်နုၥ်လီၤလၢကီၢ်ကၠီၣ်တဲၣ်ပူၤဒီးမၤလီၤဝဲကၣ်ခၠၤနၣ်ဘူၤရံၤလီၢ်ကဝီၤပှၤဘၣ်မူဘၣ်ဒါခိၣ်နၢ်တဖၣ်အမံၤဒီးထံဖိကီၢ်ဖိကမျၢၢ်တဖၣ်အသူးသ့ၣ်လၤကပီၤဘၣ်အဂ့ၢ်,(Rapee)စံးစ့ၢ်ကီးဝဲအဂ့ၢ်တၢ်ကစီၣ်ပၥ်ဖျါဝဲစ့ၢ်ကီးန့ၣ်လီၤ.
ကီၢ်ကၠီၣ်တဲၣ်-ကီၢ်ပယီၤကီၢ်ဆၢကၣ်ခၠၤနၣ်ဘူရံၤလၢအစဲဘူးလိၥ်ဝဲအသးဒီးခ့ၣ်အဲၣ်ယူၣ်ဘျံးဒဝဲၢ်ကီၢ်ရ့ၣ်သုးက့(၄)ထံမိၢ်ပှၢ်ခံဟီၣ်ကဝီၤအံၤအပူၤကွံၥ်လါမ့ၤ(၈)သီအနံၤအပူၤတၢ်ခိးခးဒီးဒွဲၣ်အူအီၣ်ကွံၥ်ဝဲကၠီၣ်တဲၣ်ပှၤဘၣ်မူဘၣ်ဒါလၢအမၤစၢၤတၢ်ဖဲထံဆၢကီၢ်ဆၢတဂၤအသိလ့ၣ်တခိၣ်ကဲထီၣ်တ့ၢ်ဝဲအသးအဂ့ၢ်,သ့ၣ်ညါဘၣ်န့ၣ်လီၤ.
တၢ်ခိးခးဒွဲၣ်အူၣ်ဝဲသိလ့ၣ်ဘျီဝဲအံၤသိလ့ၣ်အပူၤကၠီၣ်တဲၣ်ပှၤဘၣ်မူဘၣ်ဒါဒီးအပှၤခဲလၢၥ်ပၣ်ဝဲ(၄)ဂၤဒီးအဝဲသ့ၣ်တဖၣ်အံၤခီဖျိဃ့ၢ်ပူၤဖျဲးထီၣ်ကွံၥ်ဝဲအသးအဖီခိၣ်ပူၤဖျဲးထီၣ်ဝဲလၢတၢ်လီၤဘၣ်ယိၣ်အပူၤဘၣ်ဆၣ်,မ့မ့ၢ်သိလ့ၣ်တခီဘၣ်တၢ်ဒွဲၣ်အူအီၣ်ကွံၥ်ဝဲဒီတခိၣ်အဂ့ၢ်,သ့ၣ်ညါဘၣ်န့ၣ်လီၤ.
တကတီၢ်ဃီ, တၢ်ခိးခးဒီးဒွဲၣ်အူဝဲကၠီၣ်တဲၣ်ကီၢ်ဆၢပှၤဘၣ်မူဘၣ်ဒါအသိလ့ၣ်ဘျီဝဲအံၤန့ၣ်,တၢ်ဘၣ်ထွဲအိၣ်ဝဲဒီးကီၢ်သူလ့ၤသုးမုၢ်ဒိၣ်(KTLA)ကရူၢ်ကရၢဒီးပှၤလၢလဲၤခိးခးတၢ်တဖၣ်အံၤမ့ၢ်ဝဲ(သုးခိၣ်အဲၣ်ခွံ)ကရူၢ်ကရၢအပှၤတဖၣ်အဂ့ၢ်,တၢ်ကစီၣ်ရၤလီၤဝဲအသးန့ၣ်လီၤ.
ဒ်န့ၣ်အသိး,တၢ်ကဲထီၣ်သးအလီၢ်အံၤတမ့ၢ်လၢဘျံးဒဝဲၢ်ကီၢ်ရ့ၣ်(သုးက့ ၄) ဟီၣ်ကဝီၤပူၤလိၤလိၤ ဘၣ်ဒီး မ့မ့ၢ်တခီ ခီဃီၤဝဲဆူကီၢ်ကၠီၣ်တဲၣ်တၢ်ပၢပူၤကအိၣ်လၢ(၃)ကံလိမံထၢၣ်လံအဖီခိၣ် ဘၣ်ဃး (KTLA)ခးဝဲကၠီၣ်တဲၣ်ထံဖိကီၢ်ဖိအံၤ မ့ၢ်တၢ်ကဲထီၣ်အဆိကတၢၢ်တဘျီအဂ့ၢ်န့ၣ် လီၢ်ကဝီၤပှၤဘၣ်မူဘၣ်ဒါစံးဝဲန့ၣ်လီၤ.
