လါစဲးပထ့ဘၢၣ် ၉သီ, ၂၀၂၆နံၣ်, ခ့ၣ်အဲးစံၣ်,
ကဟံးထီၣ်ဖီၣ်ထီၣ်ဝဲ သုးကရူၢ်ဂ့ၢ်ဝီ အဂီၢ် ကဘၣ်ဆီတလဲဝဲတၢ်ကတိၤအဖျၢၣ်တဖၣ်ဆူ တၢ်မၤနီၢ်ကီၢ်အဂ့ၢ် (Burma Campaign UK) ပှၤနဲၣ်တၢ် နၣ်စိယၣ်ဖါ ဆီၣ်သခူထီၣ်ဃ့ထီၣ်ဝဲ ဘီမုၢ်စၢဖှိၣ်ကရၢ ပှၤဂ့ၢ်ဝီခွဲးယၥ်ကီၣ်ကး(UN Human Rights Council ) အဂ့ၢ်, သ့ၣ်ညါဘၣ်န့ၣ်လီၤ.
(Burma Campaign UK)ပှၤနဲၣ်တၢ် အတၢ်ဆီၣ်သခူဃ့ထီၣ်အံၤ မ့ၢ်ဝဲဖဲ တၢ်ဆှၢဃီၤတၢ်ဂီၤမူအတၢ်ကတိၤလီၤ တၢ် လၢ (၆၃)ဝီတဝီ (Human Rights Council) တၢ်အိၣ်ဖှိၣ် ဖဲတၢ်မၤအီၤလၢ လါစဲးပထ့ဘၢၣ် အပူၤ အဂ့ၢ်,သ့ၣ်ညါ ဘၣ် န့ၣ်လီၤ
ကပတုၥ်ကွံၥ်သုးကရူၢ်အတၢ်ဖံးတၢ်မၤအၢအဂီၢ် ထံဂုၤကီၢ်ဂၤအတၢ်ဟူးဂဲၤအံၤ ထဲဒၣ်လံၥ်ကဘျံးပၤအဖီခိၣ်န့ၣ် တလၢထီၣ်ပှဲၤထီၣ်ဝဲဒၣ်ဘၣ်ဒီး တၢ်ကဘၣ်ဒုးလိၣ်ထီၣ်ဖးထီၣ်ဝဲတၢ်ကတိၤဆူတၢ်ဖံး တၢ်မၤတံၢ်နီၢ်အဂ့ၢ်,( (Burma Campaign UK) ပှၤနဲၣ်တၢ် နၣ်စိယၣ်ဖါ) ကတိၤပၥ်ဖျါထီၣ်ဝဲဒၣ်န့ၣ်လီၤ.
တၢ်ဆီၣ်တခူဃ့ထီၣ်ဝဲ ဘီမုၢ်စၢဖှိၣ်ကရၢ ပှၤဂ့ၢ်ဝီခွဲးယၥ်ကီၣ်ကး အဖီခိၣ်,အဝဲစံးဝဲလၢ “တၢ်ဆီၣ်သနံးမ့ၢ်ဂ့ၤ, တၢ်ဆီၣ်တ ခူမ့ၢ်ဂ့ၤ လၢထံကီၢ်တဖၣ်အံၤအဖီခိၣ် မ့ၢ်အိၣ်အကျိၤကျဲအါဘိမး ထံကီၢ်ပဒိၣ် တဖၣ် န့ၣ်ကအိၣ်ဒီးထံရုၢ်ကီၢ်သဲး တၢ်သး စၢၢ်ဆၢ တၢ်သးဆူၣ်လၢကဟံးထီၣ် ဖီၣ်ထီၣ်ဝဲတၢ် အရ့န့ၣ်လီၤ. အဝဲသ့ၣ်တၢ်အိၣ် ဖှိၣ်ပူၤ ယပၥ်ဖျါထီၣ် တၢ်ဂ့ၢ်တၢ်ကျိၤ အါမံၤအကျါ တၢ်ဂ့ၢ်ခိၣ်သ့ၣ်လၢယတဲပၥ်ဖျါထီၣ်န့ၣ် မ့ၢ်ဝဲဒၣ် တၢ်ကဟံန့ၢ် သုးမီၤ စိရိၤအရ့တုၤလီၤတီၤလီၤ အဂီၢ် န့ၣ်လီၤ.”
လၢတၢ်ကလူၤပိၥ်မၤထွဲ ထံဂုၤကီၢ်ဂၤတၢ်ဘျၢသဲစးအဂီၢ် ဘီမုၢ်စၢဖှိၣ်ကရူၢ်ကရၢအံၤ ဃ့ထီၣ်ဝဲ ကီၢ်ပယီၤသုး ကရူၢ်တဖၣ် ယံၤ ဝဲလၢ (၃၃)နံၣ်ဃၣ်ဃၣ်လံဘၣ်ဆၣ်, တုၤလၢခဲအံၤ တၢ်မိၢ်လံၤမိၢ်ပှၢ် တအိၣ်ဖျါထီၣ်ဝဲဒၣ်ဘၣ်အဂ့ၢ်, နၣ်စိယၣ်ဖါ က တိၤဒုးနဲၣ် ပၥ်ဖျါထီၣ် ဝဲဒၣ်လၢ တၢ်အိၣ်ဖှိၣ် တၢ်ရဲၣ်တၢ်ကျဲၤအပူၤန့ၣ်လီၤ.
လၢန့ၣ်အမဲၥ်ညါ ဘီမုၢ်စၢဖှိၣ်ကရၢ ပှၤဟီၣ်ခိၣ်ဖိခွဲးယၥ် ကီၣ်ကးကရၢ အံၤမၤဝဲတၢ်ဆၢတဲၥ်ဒီးလံၥ်ရၤလၢ အဘၣ်ထွဲဒီး ကီၢ်ပယီၤ ထံကီၢ် အဂ့ၢ်ကျိၤအိၣ်ဝဲ ကိးနံၣ်ဒဲးဘၣ်ဆၣ်, ဟံးထီၣ်ဝဲ ပယီၤသုးကရူၢ်အရ့တုၤလီၤတီၤလီၤတအိၣ်ဝဲ နီတမံၤ ဘၣ်ဒံးဘၣ်အဂ့ၢ်, နၣ်စိယၣ်ဖါ ကတိၤပၥ်ဖျါဃုၥ်ဝဲ န့ၣ်လီၤ.
ဒ်န့အသိး, အတၢ်ပၥ်ဖျါထီၣ်အဖီခိၣ်, ဘီမုၢ်စၢဖှိၣ်ကရၢ ပှၤဘၣ်မူဘၣ်ဒါတနီၤ ထံၣ်ဝဲလၢမ့ၢ်တၢ်လၢ အဂ့ၤဒီး အသဟီၣ် ဆူၣ်တခါ အဂ့ၢ်,သ့ၣ်ညါဘၣ်န့ၣ်လီၤ.
