လါအီးကထိဘၢၣ် ၂၉ သီႇ ၂၀၂၀ နံၣ်ႇ စးအဲၣ်ဆူ
ဖဲကညီကီၢ်စဲၣ်ႇ မၠၣ်၀တံၣ်ကီၢ်ဆၣ်အပူၤ ဖီၣ်စုက၀ဲၤကရူၢ်ခံဒူၣ်အၦၤတဖၣ် တၢ်ဂဲၤလိာ်ကွဲ (game)ကျးလၢအအိးထီၣ်၀ဲတဖၣ်ဒီး တၢ်တၤကျိၣ်တၤစ့အလီၢ်တနီၤန့ၣ် ဖဲတလါအံၤ လါအီးကထိဘၢၣ်လၢာ်အတီၢ်ပူၤ တၢ်ကဘၣ်ထုးကွံာ်၀ဲလၢအ၀ံၤန့ၣ် ကီၢ်စဲၣ် ပဒိၣ်ခၢၣ်စး တၢ်ဘံၣ်တၢ်ဘၢဒီးကီၢ်ဆၢဂ့ၢ်၀ီကိာ်တိာ်အံၤ ဖဲလါအီးကထိဘၢၣ် ၂၀ သီအနံၤန့ၣ် ထီဒါဒုးသ့ၣ်ညါဆှၢထီၣ်၀ဲလံာ်အဂ့ၢ်န့ၣ် သ့ၣ်ညါဘၣ်န့ၣ်လီၤႉ
တၢ်ဂဲၤလိာ်ကွဲကျးတဖၣ်ဒီးတၢ်တၤကျိၣ်တၤစ့လီၢ်တဖၣ်အံၤ လၢသ့ၣ်ၦၢ်ဟီၣ်ခိၣ်အ့ရံၣ်ယၣ်အပူၤ တၢ်ဟ့ၣ်အခွဲးတအိၣ်ဘၣ်ဒီးတ့ထီၣ်၀ဲဒၣ်လီၤအဃိ ဖဲတလါအံၤလါလၢာ်န့ၣ် တၢ်ကဘၣ်ထုးကွံာ်၀ဲတုၤလၢအ၀ံၤန့ၣ် ကီၢ်ဆၢဘံၣ်ဘၢကိတိာ် သုးခိၣ်ဒိၣ်စိ မၠိမ့နီၤ ထီဒါဒုးသ့ၣ်ညါ၀ဲဒၣ်န့ၣ်လီၤႉ တၢ်ဂဲၤလိာ်ကွဲ(game)ဒီး တၢ်တၤကျိၣ်တၤစ့အလီၢ်တဖၣ်အံၤ ဖဲမၠၣ်၀တံၣ်ကီၢ်ဆၣ်ႇ ဖလူသ၀ီကရူၢ်ႇ ကၠီးခဲးသ၀ီႇ ကၠီးခဲးပျံၤကွီၤ နီၣ်ဂံၢ်(၃၁)တၢ်လီၢ် သ့ၣ်ၦၢ်ဟီၣ်ခိၣ်အ့ရံၣ်ယၣ်(၃ႉ၀၀)အ့ကၢၣ်အပူၤအံၤ...
လါအီးကထိဘၢၣ် ၂၈ သီႇ ၂၀၂၀ နံၣ်ႇ စီၤမၠၣ်အူသၣ်
ကညီကီၢ်စဲၣ် ကၠၤအ့စ့ၣ်ကၠံကီၢ်ဆၣ် ကညီဒီကလုာ်စၢဖှိၣ်ကရၢ -KNU ဒီး မိၣ်ကီၢ်သီပၣ်တံၣ်ကရူၢ်တဖၣ် လၢအပၢဆှၢကျဲၣ်ကျီ၀ဲတီၤပီၣ်လီၢ်က၀ီၤ သ၀ီ ၂၄ ဖျၢၣ်အံၤ ထံရူၢ်ကီၢ်သဲးပၣ်တံၣ်တဖၣ် နုာ်လီၤကရၢကရိတၢ်ဖးဘျ့ဘျ့ဆှီဆှီသ့၀ဲလံအဂ့ၢ်န့ၣ် မိၣ်ကီၢ်သီပၣ်တံၣ်(NMSP)အံၤ ဖဲလါအီးကထိဘၢၣ် ၂၅ သီအနံၤန့ၣ် ထုးထီၣ်ဘိးဘၣ်ရၤလီၤ၀ဲဒၣ်န့ၣ်လီၤႉ
မိၣ်ကီၢ်သီပၣ်တံၣ် တၢ်တြီဆၢ covid-19 လီၢ်ခၢၣ်သးကမံးတံာ်အံၤ ဖဲအပူၤကွံာ် လါစဲးပထ့ဘၢၣ် ၁၁ သီအနံၤန့ၣ် ထုးထီၣ်၀ဲဒၣ်ဘၣ်ထွဲတၢ်ဆါသံသတြိာ်တၢ်သိၣ်တၢ်သီတနီၤလၢ တၢ်ကဘၣ်လူၤပိာ်မၤထွဲ၀ဲအံၤ ဖဲလါအီးကထိဘၢၣ် ၂၅ သီအနံၤန့ၣ် မၤကဆှၣ်လီၤ၀ဲတၢ်သိၣ်တၢ်သီလံဒီး ဒ်တၢ်ပာ်လီၤ၀ဲဒၣ်တၢ်သိၣ်တၢ်သီအသိး ၦၤနီၣ်ဂံၢ်တဘၣ်အါန့ၢ်...
လါအီးကထိဘၢၣ် ၂၇ သီႇ ၂၀၂၀ နံၣ်ႇ စးအဲၣ်ဆူ
ဖဲလါအီးကထိဘၢၣ် ၂၆ သီအနံၤန့ၣ် ပယီၤသုးမုၢ်ဒိၣ်ထုးထီၣ်ပာ်ဖျါဘိးဘၣ်ရၤလီၤ၀ဲဒၣ်လၢ KNU ဖီၣ်၀ဲသရၣ်ကၠိခိၣ်တဂၤတၢ်ဂ့ၢ်အံၤအဖီခိၣ် KNU သမၢဒီးက့ၤခီၣ်ဆၢကဒါ၀ဲအဂ့ၢ်န့ၣ် သ့ၣ်ညါဘၣ်န့ၣ်လီၤႉ
ကညီကီၢ်စဲၣ်ႇ ဖၣ်ပူၣ်ကီၢ်ဆၣ်ႇ မးထီဒူသ၀ီကရူၢ်ႇ မးထီသ၀ီ ဂံၢ်ခီၣ်ထံးတီၤဖုၣ်ကၠိခိၣ်သရၣ်တဂၤလၢအမ့ၢ် အူမၠ့ၣ်စီၣ်အံၤ KNU တကပၤ ဖီၣ်က့ၤကိး၀ဲအဂ့ၢ်န့ၣ် ဖဲလါအီးကထိဘၢၣ် ၂၆ သီအနံၤ သုးမုၢ်ဒိၣ်တၢ်ဘိးဘၣ်ရၤလီၤတၢ်ကစီၣ်လၢအမ့ၢ်အတီကရူၢ်အံၤ ထုးထီၣ်ပာ်ဖျါ၀ဲဒၣ်တၢ်ကစီၣ်န့ၣ်လီၤႉ
သရၣ်ကၠိခိၣ် အူမၠ့ၣ်စီၣ်အံၤ KNU ဖီၣ်၀ဲဒၣ်ဒီး အဖိခွါအံၤကဘၣ်ကဲသုးလၢ KNU အပူၤအဂီၢ် ဖဲအပူၤကွံာ် လါအီးကထိဘၢၣ် ၂၁ သီအနံၤ မၤ၀ဲဒၣ်တၢ်ခီလဲလိာ်သးလၢထံၣ်ကီာ်ထၣ်သ၀ီပူၤန့ၣ်လီၤႉ...
လါအီးကထိဘၢၣ် ၂၆ သီႇ ၂၀၂၀ နံၣ်ႇ စီၤရှါ
လၢကဟဲ လါနိၣ်၀့ဘၢၣ် ၈ သီ တၢ်ကမၤ၀ဲ ၂၀၂၀ တၢ်ဃုထၢဖးဒိၣ် တၢ်ဟးကရၢကရိတၢ်ဖးအတီၢ်ပူၤ လၢကညီကီၢ်စဲၣ်အပူၤ ကညီဒီကလုာ်ဒံၣ်မိၣ်ကရဲၣ်တ့ၣ်ပၣ်တံၣ် -KNDP ဒီး ကလုာ်ဒံၣ်မိၣ်ခြ့ၣ်စံၣ်ကရၢစိ = NLD ပၣ်တံၣ်တဖၣ် တၢ်ဟးကရၢကရိတၢ်အဂံၢ်အဘါဂ့ၤ၀ဲအဂ့ၢ်န့ၣ် သ့ၣ်ညါဘၣ်န့ၣ်လီၤႉ
ကညီကီၢ်စဲၣ်အပူၤ တၢ်ဃုထၢခဲအံၤအဂီၢ် ပၣ်တံၣ် ၁၄ ပၣ်တံၣ် ဒီး ခၢၣ်စးလၢ ကနုာ်ဒိးဃုထၢသးလၢနီၢ်တဂၤတဖၣ် ကနုာ်လီၤဒိးတပြၢသးန့ၣ်လီၤႉ လၢတကီၢ်ခါဆၢကတီၢ်ခဲအံၤ KNDP ဒီး NLD ပၣ်တံၣ်တဖၣ်န့ၣ် တၢ်ဟးကရၢကရိတၢ်အဂံၢ်အဘါဖျါအါန့ၢ်ဒံး ထံရူၢ်ကီၢ်သဲးပၣ်တံၣ်လၢအဂၤတဖၣ်လီၤအဂ့ၢ်န့ၣ်...
ထံဖိကီၢ်ဖိလံ၁်အုၣ်သး (ကီၢ်ဂီၤဖိ)
အိၣ်သမှံၤလၢၦၤထံကီၢ် တၢ်ဘီၣ်ညီတအိၣ်ပဂီၢ်
အိၣ်ကဒုလၢထံကီၢ်ဆၢ လဲၤက့ၤဖံးမၤတဘံၣ်ဘၢ
အိၣ်ဖျဲၣ်ကီၢ်ပယီၤဘၣ်ဆၣ် လံ၁်ခိၣ်ကျၢၢ်တအိၣ်ဒံးဘၣ်
ထံဖိကီၢ်ဖိလံ၁်အုၣ်သး ၦၤထူလံၤဖိလိၣ်ဘၣ်ရး
ကလု၁်ဒူၣ်ၦၤထူလံၤဖိ အိၣ်ဆိးလၢကစၢၢ်ကလိ
ပၢၤခိၣ်ပၢၤထံးဒီးဘ့လ၁် အိၣ်သကုၤခိခိၣ်ၦၢ်လ၁်
ထံဖိကီၢ်ဖိမံၤစရီ ကီၢ်ရ့ၣ်ႇ ကီၢ်ဆၣ်ဒူသဝီ
ဂံၢ်ထံးစၢၤသွဲၣ်မံၤပ၁်ဖှိၣ် ထံဖိကီၢ်ဖိအတၢ်လိၣ်
ဟံၣ်ဒူၣ်ဃီထၢလံ၁်ခိၣ်လၢၢ် ဖိလံၤလီၤစၢၤဘၣ်ဖီၣ်ဂၢၢ်
ဟံၣ်ဃီလံ၁်ခိၣ်လၢၢ်တအိၣ် လံ၁်အုၣ်သးတဘၣ်ဆိမိၣ်
လံ၁်အုၣ်သးထံဖိကီၢ်ဖိ မ့ၢ်တအိၣ်လဲၤက့ၤတဖျိ
တၢ်ဂီၤလံ၁်အုၣ်သးတအိၣ် ခီထံခီကီၢ်ခွဲးတၢ်အိၣ်
ထံကီၢ်ပဒိၣ်ဒီးဘျီၣ်ဒိၣ် မီၢ်သီမီၢ်လါ ကလူးဒိၣ်
ပီၢ်ရီဃု၁်ဒီးစံၣ်ညီၣ်ကွီၢ် ကီၢ်ဒိၣ်ႇ ကီၢ်စဲၣ်ဃု၁်ပၢၤကီၢ်
ပၢထံကီၢ်ဆီၣ်ဘံးဆီၣ်ဘၢ ထံဖိဒၣ်လဲ၁်လိ၁်ကွီၢ်ဘၢ
မီၤစိရိၤမၤဘျၣ်မၤလီ ဒ်ၦၤထူလံၤတထီၣ်ဖီ
ကညီမ့ၢ်တ့လံ၁်ခိၣ်ကျၢၢ် လ.ဝ.က.ရူတဘၢရၢၢ်
ထီရီၤကညီမံၤမဲ၁်ညါ မၣ်ဒီး မီၤ ဆီသလဲအါ
စႇ နါႇ စီၤႇ နီၢ် မံၤမ့ၢ်ပၣ် လ.ဝ.က.တတူၢ်လိ၁်ဘၣ်
တၢ်န့ၣ်အဃိကညီဖိ သးတအိၣ်ဒိကီၢ်ဂီၤဖိ
ဝီၢ်သြဲတဖၣ်
လံ၁်ခိၣ်ကျၢၢ်ႇ လံ၁်ခိၣ်လၢၢ် - ဖးဖီမုၢ်စရီ (သန်းခေါင်စာရင်း ) Census; household list
ထံဖိကီၢ်ဖိလံ၁်အုၣ်သးႇ...
လါအီးကထိဘၢၣ် ၂၃ သီႇ ၂၀၂၀ နံၣ်ႇ စးဖါရှီ
၀့ၢ်တကူၣ်ကီၢ်ခီဒိၣ် ကညီကလုာ်ဂ့ၢ်၀ီပတြီာ်ခၢၣ်စးတဖၣ်အံၤ ဖဲတၢ်ဟးကရၢကရိတၢ်ဖးအကတီၢ် တၢ်စံးတၢ် ကတိၤလၢအဖျါ ဒ်ကမၤလီၤဖးကညီကဒဲကဒဲတၢ်ဃူတၢ်ဖိးဒီး တၢ်တဘၣ်ဟးကရၢကရိတၢ်ဒ် ဟ့ၣ်တၢ်အၢၣ်လီၤလၢတၢ်မၤဖျါထီၣ်တသ့ဘၣ်န့ၣ် ၀့ၢ်တကူၣ် ကလံၤထံးဒီးကလံၤစိးကီၢ်ရ့ၣ် ကညီ လံာ်လဲၢ်ဒီးတၢ်ဆဲးတၢ်လၤကမံးတံာ်တဖၣ် ထုးထီၣ်ပာ်ဖျါ၀ဲဒၣ်လံာ်တၢ်ပာ်သးဒီးစံး၀ဲန့ၣ်လီၤႉ
ဖဲတၢ်ဟးကရၢကရိတၢ်ဖးအတီၢ်ပူၤ ၦၤလၢအဟ့ၣ်ဂံၢ်ဟ့ၣ်ဘါဆီၣ်ထွဲ၀ဲကညီကလုာ်ဂ့ၢ်၀ီပတြီာ်ခၢၣ်စးတနီၤ ဟးကရၢကရိတၢ်ဖးလၢအတလိၤတဃီၤတၢ်ဂ့ၢ်တဖၣ်အဃိ ကညီကလုာ်တဖၣ်အဘၢၣ်စၢၤ တၢ်ဃူတၢ်ဖိးဟးဂီၤသ့ၣ်၀ဲဒၣ်အဖီခိၣ် ဖဲလါအီးကထိဘၢၣ် ၂၀ သီအနံၤ ဘၣ်တၢ်ထုးထီၣ်၀ဲလံာ်တၢ် ပာ်သးအံၤလီၤအဂ့ၢ်န့ၣ် ကညီလံာ်လဲၢ်ဒီးတၢ်ဆဲးတၢ်လၤကမံးတံာ်ၦၤဘၣ်မူဘၣ်ဒါတဖၣ် စံး၀ဲန့ၣ်လီၤႉ
၀့ၢ်တကူၣ်ကလံၤထံးကီၢ်ရ့ၣ် ကညီလံာ်လဲၢ်ဒီးတၢ်ဆဲးတၢ်လၤကမံးတံာ် နဲၣ်ရွဲၣ် စးမ့မ့ စံး၀ဲလၢ “အခဲအံၤ ၦၤလၢအဟးကရၢကရိန့ၢ်တၢ်လၢပတြီာ်ခၢၣ်စးအဂီၢ်တဖၣ်န့ၣ် သူ၀ဲတၢ်သူၣ်ဟ့သးဟ့တၢ်ကတိၤတဖၣ်ႇ အဒိ တၢ်တဲဟးဂီၤ ကညီပတြီာ်ခၢၣ်စးတဖၣ်န့ၣ်...
လါအီးကထိဘၢၣ် ၂၁ သီႇ ၂၀၂၀ နံၣ်ႇ ခ့ၣ်အဲးစံၣ်
ခ့ၣ်အဲၣ်ယူၣ်=ကညီဒီကလုာ်စၢဖှိၣ်ကရၢ အၦၤသုးဖိလၢအဟံ၀ဲတၢ်ဘံၣ်တၢ်ဘၢသ့ၣ်တဖၣ် ခးပလီၢ်၀ဲ ပယီၤသုးကဘီယူၤတဘ့ၣ် ခီဖျိလၢဟးဆှၣ်၀ဲဒၣ်တၢ်လၢ အ၀ဲသ့ၣ်တၢ်ပၢဟီၣ်က၀ီၤအဖီခိၣ်အဃိအဂ့ၢ်န့ၣ် ဖဲလါအီးကထိဘၢၣ် ၁၉ သီအနံၤန့ၣ် KNU ထုးထီၣ်ပာ်ဖျါ၀ဲတၢ်ကစီၣ် ဖဲအ၀ဲဲသ့ၣ်(website)အပူၤန့ၣ်လီၤႉ
ဖဲအပူၤကွံာ် လါအီးကထိဘၢၣ် ၁၇ သီအနံၤန့ၣ် ကလံၤထံး ကီၢ်ခီသုး၀ဲၤလီၢ်ခိၣ်သ့ၣ်(တပခ) ဒုးယၤခိၣ် သုးခိၣ်ဒိၣ်စိ အီၤစိမ့ဒီး အၦၤသုးဖိ ၄ ဂၤ ဟဲဒိး၀ဲဒၣ်ကဘီယူၤ စးထီၣ်ဟးထီၣ်၀ဲဒၣ်ဖဲတီအူသုးကလၢၤ၀ံၤ အလီၢ်ခံ ဟ့ၣ်ဒုးသ့ၣ်ညါ၀ဲဒၣ်ပ၀ဲသ့ၣ်တဖၣ်တအိၣ်ဘၣ်ဒီး ဟးဆှၣ်တၢ်လၢ KNU သုးက့(၅) လူၢ်သီကီၢ်ဆၣ်အပူၤ ဖဲန့ၣ်လီၢ်က၀ီၤဖိတဖၣ်ထံၣ်၀ဲဒၣ်ဒီး ဒ်ဟီၣ်က၀ီၤတၢ်ဘံၣ်တၢ်ဘၢအသိး KNLA...
လါအီးကထိဘၢၣ် ၂၀ သီႇ ၂၀၂၀ နံၣ်ႇ စးဖါရှီ
အ့ၣ်ယၣ်၀တံၣ်ကီၢ်ခီဒိၣ် ဘျီၣ်ဒိၣ်တၢ်ဖးဟီၣ်က၀ီၤ ကညီကလုာ်ဒူၣ်ကလုာ်ဂ့ၢ်၀ီအဂီၢ် လၢကဟဲ ၂၀၂၀ တၢ်ဃုထၢဖးဒိၣ်အံၤ ကညီၦၤဟ့ၣ်တၢ်ဖးဖိအနီၣ်ဂံၢ်အိၣ်၀ဲ(၁၀ ကလီၢ်)ဃၣ်ဃၣ်အဂ့ၢ်န့ၣ် သ့ၣ်ညါဘၣ် ဖဲလါအီးကထိဘၢၣ် ၁ သီအနံၤစရီပူၤအသိးန့ၣ်လီၤႉ
အ့ၣ်ယၣ်၀တံၣ်ကီၢ်ခီဒိၣ် ကညီဂ့ၢ်၀ီပတြီာ်ခၢၣ်စးလၢအမ့ၢ် ကညီကလုာ်ပၣ်တံၣ် -KNDP မါမ့ယဲထွ့ စံး၀ဲလၢ “ကီၢ်ခီခီၣ်မံရှၢၣ်အံၤ တနံၤအံၤဃုသ့ၣ်ညါဒီး မ့ၢ်ဘၣ်တယးကွၢ်န့ၣ် ဒ်လါအီးကထိဘၢၣ် ၁ သီအနံၤစရီအသိး ကညီဂ့ၢ်၀ီ ၦၤဟ့ၣ်တၢ်ဖးဖိပာ်ဖှိၣ်ခဲလၢာ်အိၣ်၀ဲ(၉၉၉ႇ၅၃၁)ဂၤန့ၣ်လီၤႉ စရီကျၢၢ်တံၢ်ခီဒုတဟဲဒံးဘၣ်ႉ ကအါထီၣ်ကစှၤလီၤဒုအိၣ်၀ဲလီၤႉ ကအါထီၣ်တစဲးဒီးကလီၤစှၤတစဲးဖိလီၤႉ အကလီၢ် ၁၀ န့ၣ် အိၣ်သ့၀ဲဒၣ်လီၤ” အဂ့ၢ်န့ၣ် စံးဘၣ်ခ့ၣ်အဲးစံၣ်လီၤႉ
လၢန့ၣ်အမဲာ်ညါ...
လါအီးကထိဘၢၣ် ၁၉ သီႇ ၂၀၂၀ နံၣ်ႇ စီၤရှါ
၂၀၂၀ တၢ်ဃုထၢအံၤ ကဟ့ၣ်တၢ်ဖးထဲလၢ ပၣ်တံၣ်ဒီးခၢၣ်စးလၢအဘှါရှဲထံသူတၢ်ဂ့ၢ်ကီန့ၢ်တဖၣ်လီၤအဂ့ၢ်န့ၣ် ဖၣ်အၣ်၀့ၢ်ႇ ဃိၣ်လိာ်ကျိ မုၢ်နုာ်တကပၤ လီၢ်က၀ီၤၦၤဟ့ၣ်တၢ်ဖးဖိတဖၣ် စံး၀ဲန့ၣ်လီၤႉ
ယ့ၤတွ့ကိသ၀ီဖိ နါထူလဲၤ စံး၀ဲလၢ“ပၦ့ၤအီထံအီၦဲၤထီၣ်၀ဲဒၣ် ၁ နံၣ်လံန့ၣ်လီၤႉ သ၀ီပူၤထံသ့ၣ်တဖၣ် ကက့ၤဂ့ၤထီၣ်ကဒါဒ်အပူၤကွံာ်အသိးဒီး က့ၤအီကဒါကန့ၢ်တစိၤသးအဂီၢ် ကဟ့ၣ်တၢ်ဖးလၢ ၦၤလၢအဘှါရှဲ၀ဲန့ၢ်သ့ၣ်တဖၣ်လီၤ” အဂ့ၢ်န့ၣ် စံးဘၣ်ခ့ၣ်အဲးစံၣ် ဖဲလါအီးကထိဘၢၣ် ၁၃ သီအနံၤန့ၣ်လီၤႉ
လၢန့ၣ်အမဲာ်ညါ ၦၤမၤဘူၣ်ထံဖိတဖၣ်တအိၣ်ဘၣ်အဆၢကတီၢ်န့ၣ် ၦၤလၢမုၢ််ကျိၤ၀ဲၤကွာ်တဘၣ်ဂီၢ်ဘၣ်ဒွါတဖၣ် သူ၀ဲဒၣ်ထံကမျၢအံၤလီၤဒီး ခါဆူမဲာ်ညါတၢ်အိၣ်ဆူၣ်အိၣ်ချ့တၢ်ဂ့ၢ်ကီတဖၣ်အဂီၢ် ၦၤလၢကအုၣ်ကီၤအသး တအိၣ်ဒံးဘၣ်အဃိ လိၣ်ဘၣ်ခၢၣ်စးတဖၣ်လၢ အတမၤဘၣ်ဒိဘၣ်ထံး၀ဲဒၣ်သ၀ီဖိဘၣ်ဒီး ဘှါရှဲထံတၢ်ဂ့ၢ်ကီန့ၢ်၀ဲလီၤအဂ့ၢ်န့ၣ် နါထူလဲၤ ဆဲးစံး၀ဲန့ၣ်လီၤႉ
ဖဲ၂၀၁၉...
၂၀၂၀ နံၣ် ကီၢ်ပယီၤတၢ်ဃုထၢဒီးတကီၢ်ခါအတၢ်အိၣ်သး
တံနိ (သ၀ီတါ)
ကီၢ်စၢဖှိၣ်တၢ်ဃုထၢခီၣ်မရှ့ၣ်ဘိးဘၣ်သ့ၣ်ညါလီၤ၀ဲႇ ကီၢ်ပယီၤထံကီၢ်ဒီတဘ့ၣ်(၅)နံၣ်တဘျီတၢ်ဃုထၢ တၢ်ကမၤအီၤဖဲလါနိၣ်၀့ဘၢၣ်(၈)သီႇ အဃိတၢ်ဆၢကတီၢ်အိၣ်တ့ၢ်က့ၤဒၣ်ထဲစှၤနွံန့ၣ်လီၤႉ တၢ်ဃုထၢထီၣ်ပဒိၣ်အသီလၢကဘၣ်တီခိၣ်ရိၢ်မဲပၢပြးကဒီးတၢ်လၢ(၅)နံၣ်တဖုအံၤႇ မ့ၢ်တၢ်ဂ့ၢ်အကါဖးဒိၣ်တမံၤလၢဆၢကတီၢ်ကဟဲခါဆူညါခီထံကီၢ်အဘူၣ်အတီၢ်အဂီၢ်န့ၣ်လီၤႉ
ထံကီၢ်ဒီဘ့ၣ်တၢ်ဃုထၢမ့ၢ်တုၤဃီၤတဘျီလၢ်လၢ်ႇ လၢကီၢ်ပယီၤထံဖိကီၢ်ဖိဒီးကမျၢၢ်တဖၣ်အသးပူၤန့ၣ် အိၣ်ဒီးတၢ်သးဒ့ဒီႇ တၢ်ထံၣ်တရှဲႇ အတၢ်နာ်အီၣ်တအိၣ်လၢပယီၤသုးမုၢ်ဒိၣ်အသုးကရူၢ်တဖုအံၤဒီး ပဒိၣ်လၢအန့ၢ်စိန့ၢ်ကမီၤတဖၣ်အဖီခိၣ်ဘၣ်ထီဘိစ့ၢ်ကီးန့ၣ်လီၤႉ တၢ်န့ၣ်စ့ၢ်ကီးမ့ၢ်လၢထံဖိကီၢ်ဖိတဖၣ် လဲၤခီဖျိဘၣ်တ့ၢ်၀ဲ–တၢ်လံၣ်အီၣ်လီအီၣ်အီၤႇတၢ်မၤကဘျံးကဘျၣ်အီၤႇတၢ်မၤတရီတပါအီၤႇ တၢ်မၤသံမၤ၀ီဒီးတၢ်ဟံးစိဟံးကမီၤပၢဆူၣ်ပၢစိးအီၤလၢကီၢ်ပယီၤသုးမီၤစိရိၤကရူၢ်တဖုအံၤ အတၢ်ပၢဖီလာ်လၢအနံၣ်(၅၀)ဘျဲၣ် အတီၢ်ပူၤအဘူးအလဲအဃိလီၤႉ
ပမ့ၢ်ကွၢ်ကဒါက့ၤတၢ်ဃုထၢလၢအပူၤကွံာ်ႇ ဘၣ်တၢ်မၤအီၤစးထီၣ်လၢ ၁၉၆၀–၁၉၉၀–၂၀၁၅ နံၣ် အတၢ်ဃုထၢတဖၣ်န့ၣ်ႇ န့ၤ၀့သုးမီၤစိရိၤပဒိၣ်ပၢတၢ်(၂၆)နံၣ်ႇ သါရွှ့ၤသုးမီၤစိရိၤပဒိၣ်ပၢတၢ်(၂၂)နံၣ်ႇ ဒီးသ့စ့ၤ(သုးပဒိၣ်တ၀ာ်ကမျၢၢ်ပဒိၣ်တ၀ာ်)ပၢတၢ်(၅)နံၣ်ႇ သုးပဒိၣ်ပၢတၢ်ခဲလၢာ်(၅၃)နံၣ်အတီၢ်ပူၤ ကီၢ်ပယီၤထံဖိကီၢ်ဖိတဖၣ် ဘၣ်အိၣ်လၢသုးပဒိၣ်အတၢ်ပၢဆူၣ်ဆီၣ်တံၢ်မၤနၢၤတၢ်အဖီလာ်နးနးကျံၤကျံၤ ယံာ်ယံာ်ထၢထၢအဃိႇ တုၤဃီၤဆူ ၂၀၁၅ နံၣ် တၢ်ဃုထၢတဘျီႇ ထံကီၢ်ဒီတဘ့ၣ်ဟ့ၣ်ဖှိၣ်၀ဲတၢ်ဖးဆူ NLD ကရၢခဲလၢာ်ႇ နာ်၀ဲလၢ NLD...