ခ့ၣ်အဲးစံၣ် – KIC News

လါအီကူး ၁၉ သီႇ ၂၀၂၀ နံၣ်ႇ စီၤရှါ ကညီဒီကလုာ်ဒံၣ်မိၣ်ကရဲၣ်တ့ၣ်ပၣ်တံၣ် -KNDP လံာ်ဘိးဘၣ်သ့ၣ်ညါ အထံၣ်(၁၀)အံၤ ဖဲလါအီကူး ၁၃ သီအနံၤ ထုးထီၣ်ပာ်ဖျါ၀ဲ၀ံၤအလီၢ်ခံ ၦၤဟ့ၣ်တၢ်ဖးဖိကမျၢၢ်သ့ၣ်တဖၣ်ဒ်သိးကသ့ၣ်ညါဘၣ်၀ဲအဂီၢ် ကဆဲးဟူးဂဲၤမၤ၀ဲဒၣ်အဂ့ၢ်န့ၣ် ပၣ်တံၣ် ၦၤပၢၤလီၢ်ဆ့ၣ်နီၤ မါအီၤပၠံၤစိ စံး၀ဲန့ၣ်လီၤႉ “လံာ်ဘိးဘၣ်သ့ၣ်ညါအံၤ တၢ်တီၣ်ထီၣ်၀ဲဒၣ်လၢ KNDP (Facebook page) အပူၤလံန့ၣ်လီၤႉ ဟးနီၤလီၤ လၢအကစၢ်ကျိၤစ့ၢ်ကီးအိၣ်၀ဲလီၤႉ မ့ၢ်တုၤလၢတၢ်လီၤကရၢကရိလၢအဖိးသဲစးမး ကဆဲးလဲၤ၀ဲလီၤ” အဂ့ၢ်န့ၣ် စံးဘၣ်ခ့ၣ်အဲးစံၣ် ဖဲလါအီကူး ၁၈ သီအနံၤန့ၣ်လီၤႉ KNDP လံာ်ဘိးဘၣ်သ့ၣ်ညါအပူၤ ပၣ်ဃုာ်၀ဲဒၣ်ဒီး တၢ်လုၢ်အီၣ်နီၢ်ခိသးသမူတၢ်အီၣ်ကူအီၣ်ၦဲၤႇ ကဒိးန့ၢ်ဘၣ်...

လါအီကူး ၁၈ သီႇ ၂၀၂၀ နံၣ်ႇ စးအဲၣ်ဆူ ၀့ၢ်တကူၣ်ပူၤ ဖဲလါအီကူး ၁၂ သီအနံၤ တၢ်မၤလၤကပီၤ၀ဲဒၣ်ကညီမၤထူရၤမုၢ်နံၤအံၤ ၦၤလၢအတီခိၣ်ရိၣ်မဲတၢ်ရဲၣ်တၢ် ကျဲၤတဖၣ်ဒီး ၦၤလၢအဆီၣ်ထွဲဟ့ၣ်ဂံၢ်ဟ့ၣ်ဘါတၢ်တဖၣ်အံၤ လီၢ်က၀ီၤၦၤဘၣ်မူဘၣ်ဒါတဖၣ် ဖီၣ်ဒီးဟံအရ့အံၤအဖီခိၣ် ထုးကွံာ်အီၤတဘျီဃီန့ၣ် ကညီကမျၢၢ်တၢ်ကရၢကရိတဖၣ် ဖဲလါအီကူး ၁၇ သီအနံၤန့ၣ် ထုးထီၣ်၀ဲလံာ်တၢ်ပာ်ဖျါဒီး ဃ့ထီၣ်၀ဲဒၣ်န့ၣ်လီၤႉ ၦၤလၢအတီခိၣ်ရိၣ်မဲမၤလၤကပီၤ ကညီမၤထူရၤမုၢ်နံၤတဖၣ်ဒီး ၦၤလၢအဆီၣ်ထွဲဟ့ၣ်ဂံၢ်ဟ့ၣ်ဘါတၢ်တဖၣ်အံၤ တၢ်ဟံး၀ဲအရ့အဖီခိၣ် ထီဒါ၀ဲတဲာ်တဲာ်ဖျုဖျုဒီး တၢ်လိာ်ဘၢလိာ်ကွီၢ်တဖၣ် ထုးကွံာ်အီၤတဘျီဃီန့ၣ် ကညီတၢ်တိစၢၤမၤစၢၤတၢ်မုာ်တၢ်ခုၣ်ၦာ်ဘျးစဲ -KPSN ဒီး ဟီၣ်ခိၣ်ဒီဘ့ၣ်ကညီကရၢ -IKO တဖၣ် ဖဲလါအီကူး ၁၇ သီအနံၤန့ၣ် ထုးထီၣ်၀ဲလံာ်တၢ်ပာ်ဖျါစုာ်စုာ်ဒီးဃ့ထီၣ်၀ဲဒၣ်န့ၣ်လီၤႉ KPSN ၦၤကတိၤတၢ်ပၢ...

လါအီကူာ် ၁၇ သီႇ ၂၀၂၀ နံၣ်ႇ စီၤထိလ့ ကညီဒီကလုာ်ဒံၣ်မိၣ်ကရဲၣ်တ့ၣ်ပၣ်တံၣ် (KNDP) ၦၤဟ့ၣ်ကူၣ်တၢ်ဖိတဂၤ လဲၤထံၣ်လိာ်သးဒီး ကီၢ်ပယီၤတၢ်ဒီသဒၢ သုးရိၣ်မဲခိၣ်ကျၢၢ် သုးခိၣ်ကျၢၢ်စိရိၤ မ့အီၤလဲၤ ဒီး ထံရူၢ်ကီၢ်သဲးပၣ်တံၣ်တၢ်ထံၣ်လိာ်တၢၣ်ပီၣ်သကိးအံၤန့ၣ် တမ့ၢ်၀ဲ ပၣ်တံၣ်လီၢ်ခၢၣ်သးပၢဆှၢတၢ်ကမံးတံာ်ကရူၢ် အတၢ်ပာ်သးဘၣ်အဂ့ၢ်န့ၣ် ၦၤပၢၤလီၢ်ဆ့ၣ်နီၤ မါအီၤပၠံၤစိ စံးဘၣ်ခ့ၣ်အဲးစံၣ် ဖဲလါအီကူး ၁၅ သီအနံၤန့ၣ်လီၤႉ အ၀ဲစံး၀ဲလၢ “ဖဲအပူၤကွံာ်သၢသီလွံၢ်သီခါန့ၣ် အ၀ဲဆဲးကျီး၀ဲဒၣ်ယၤဒီးလီတဲစိလီၤႉ သုးအံၤအဲၣ်ဒိးထံၣ်၀ဲလီၤ ကဘၣ်လဲၤဧါႉ ပ၀ဲသ့ၣ်တဖၣ်ဒီးသုးန့ၣ် တၢ်ဆဲးကျိးမနုၤမးတအိၣ်ဘၣ်ႉ ယတဲလၢတလိၣ်လဲၤဘၣ်လီၤႉ မ့မ့ၢ်လၢပၣ်တံၣ်လီၢ်ခၢၣ်သးပၢဆှၢတၢ်ကမံးတံာ် (CEC) န့ၣ် မၤတၢ်အိၣ်ဖှိၣ်စ့ၢ်ကီးတအိၣ်၀ဲဘၣ်ႉ တၢ်တဟ့ၣ်အခွဲးလၢကဘၣ်လဲၤန့ၣ် တအိၣ်ဘၣ်”...

လါအီကူာ် ၁၇ သီႇ ၂၀၂၀ နံၣ်ႇ န့ၣ်နီၣ် ကညီကီၢ်စဲၣ် မၠၣ်၀တံၣ်၀့ၢ်ပူၤ ဖဲလါအီကူာ် ၁၂ သီ မုၢ်ဟါအဆၢကတီၢ်န့ၣ် တၢ်ဘၣ်ဘျုးဒံၣ်မိၣ်ခြ့ၣ်စံၣ် ကညီသုးမုၢ်ဒိၣ် -DKBA သုးဖိတဂၤလၢ ဖီၣ်ဒီးမၢၣ်ဒၢၣ်၀ဲကမျၢၢ်တဂၤအံၤန့ၣ် ဒ်သုးတၢ်သိၣ်တၢ်သီအိၣ်၀ဲအသိး တၢ်ကဟံအရ့တုၤလီၤတီၤလီၤအဂ့ၢ်န့ၣ် သုးၦၤဘၣ်မူဘၣ်ဒါစံး၀ဲန့ၣ်လီၤႉ ဖဲအပူၤကွံာ် လါအီကူာ် ၁၂ သီ မုၢ်နၤခီ ၉ နၣ်ရံၣ်အဆၢကတီၢ် အူမၠိ၀့လၢအအိၣ်ဖဲ မၠၣ်၀တံၣ်၀့ၢ်ႇ နီၣ်ဂံၢ်(၃)က၀ီၤဒ့ႇ ကၠၤခ့ကျဲအံၤ တၢ်ဖီၣ်က့ၤကိးအီၤ၀ံၤတၢ်မၤဒၢၣ်မၤလိာ်အီၤဒီးတၢ်မၤပျံၤမၤဖုးအီၤဒီးကျိ လၢအမ့ၢ် DKBA ကရူၢ် ထဲၣ်မၠဲၣ်သူၤအံၤ တၢ်ဖီၣ်ဒုးဃာ်အီၤလၢလီၢ်ခၢၣ်သး၀ဲၤလီၢ်ခိၣ်သ့ၣ်သုးကလၢၤဒီး ဒ်သုးတၢ်သိၣ်တၢ်သီအိၣ်၀ဲအသိး တၢ်ကဟံးအရ့တုၤလီၤတီၤလီၤအဂ့ၢ်န့ၣ်...

လါအီကူာ် ၁၄ႇ ၂၀၂၀ နံၣ်ႇ စးဖါရှီ ကညီဒီကလုာ်ခိၣ်နၢ် စီၤဘးအူကၠံ အိၣ်တၢ်လီၢ်လၢအမ့ၢ် အ့ၣ်ယၣ်၀တံၣ်ကီၢ်ခီႇ ကၣ်ကၠံထီၣ်ကီၢ်ဆၣ်ႇ ဘဲကယဲးသ၀ီ စီၤဘးအူကၠံဘျီၣ်ပူၤ တၢ်မၤလၤကပီၤ၀ဲဒၣ် နံၣ် ၇၀ ၦဲၤ ကညီမၤထူရၤမုၢ်နံၤအံၤန့ၣ် ကမျၢၢ်လၢအကထိဟဲထီၣ်၀ဲဒၣ်ဒီး မူးတၢ်ရဲၣ်တၢ်ကျဲၤ၀ံၤ၀ဲဒၣ်ဂ့ၤဂ့ၤဘၣ်ဘၣ်န့ၣ်လီၤႉ ၦၤလၢအတီခိၣ်ရိၣ်မဲပၣ်ဃုာ်ဟူးဂဲၤတၢ်တဂၤစံး၀ဲ “ပမၤ၀ဲဒၣ်ကညီမၤထူရၤမုၢ်နံၤအံၤန့ၣ် ၀ံၤ၀ဲဂ့ၤဂ့ၤဘၣ်ဘၣ်န့ၣ်လီၤႉ လီၢ်က၀ီၤၦၤဘၣ်မူဘၣ်ဒါတဖၣ် တဘၣ်မၤဘၣ်န့ၣ်ဟဲတြီ၀ဲတအိၣ်၀ဲဒၣ်ဘၣ်ဆၣ် ဒ်မူဒါအ သိးဟံတၢ်ကစီၣ်သံဒိးသံကွၢ်၀ဲခီဒု အိၣ်၀ဲလီၤ” အဂ့ၢ်န့ၣ် စံးဘၣ်ခ့ၣ်အဲးစံၣ်လီၤႉ ၀့ၢ်တကူၣ်ပူၤ တၢ်မၤ၀ဲဒၣ် နံၣ် ၇၀ ၦဲၤ ကညီမၤထူရၤမုၢ်နံၤ ၦၤလၢအတီခိၣ်ရိၣ်မဲတၢ်တနီၤ လီၢ်က၀ီၤၦၤ ဘၣ်မူဘၣ်ဒါတဖၣ် တၢ်ဖီၣ်က့ၤကိး၀ဲအိၣ်၀ဲဘၣ်ဆၣ် မ့မ့ၢ်ဘဲကယဲးကညီမၤထူရၤမုၢ်နံၤအံၤန့ၣ် တၢ်တြီမၤတံာ်တာ်တအိၣ်၀ဲဘၣ်ဒီး တၢ်မၤ၀ဲဒၣ်တၢ်ရဲၣ်တၢ်ကျဲၤ၀ံၤ၀ဲဂ့ၤဂ့ၤဘၣ်ဘၣ်အဂ့ၢ်န့ၣ်...

လါအီကူာ် ၁၃ သီႇ ၂၀၂၀ နံၣ်ႇ စးအဲၣ်ဆူ တကီၢ်ခါ တၢ်မုာ်တၢ်ခုၣ်တၢ်လဲၤကျဲအဖီခိၣ် ဒ်သိးကလဲၤသးဂ့ၤဂ့ၤအဂီၢ်မုၢ်လၢ်ပာ်၀ဲအသိး အနးကတၢၢ် အဂီၢ်စ့ၢ်ကီး ကြၢးအိၣ်ကတဲာ်ကတီၤသးအဂ့ၢ်န့ၣ် ကညီဒီကလုာ်တၢ်ထူၣ်ဖျဲးသုးမုၢ်ဒိၣ် -KNLA သုးရိၣ်မဲခိၣ်ကျၢၢ် သုးခိၣ်ကျၢၢ်ဒိၣ်ဒိ စီၤကၠီၤနံၤ စံးလီၤ၀ဲဒၣ် ဖဲလါအီကူာ် ၁၂ သီ လၢအလီၤဘၣ်၀ဲ နံၣ် ၇၀ ၦဲၤ ကညီမၤထူရၤမုၢ်နံၤအပူၤ န့ၣ်လီၤႉ “ပမၤ၀ဲဒၣ်တၢ်ပတုာ်တၢ်ခးအံၤ န့ၢ်၀ဲဒၣ် ၈ နံၣ်လံဘၣ်ဆၣ် လၢပကလုာ်တဖၣ်အဂီၢ် တၢ်သးလီၤပလိာ် လၢအရ့ဒိၣ်တဖၣ် တဒိးန့ၢ်ဘၣ်နီတမံၤဒံးဘၣ်ႉ တုၤလၢမုၢ်မဆါတနံၤအံၤတစု ထံကီၢ်ဒီဘ့ၣ်တၢ်ပတုာ်တၢ်ခး လၢအပၣ်ဃုာ်၀ဲခဲလၢာ်အံၤ ပဘိးဘၣ်ရၤလီၤတန့ၢ်ဒံး၀ဲဘၣ်ႉ...

လါအီကူာ် ၁၂ သီႇ ၂၀၂၀ နံၣ်ႇ ခ့ၣ်အဲးစံၣ် ၂၀၁၉ နံၣ်အဂီၢ် ခ့ၣ်အဲၣ်ယူၣ်–ကညီဒီကလုာ်စၢဖှိၣ်ကရၢ နဲၣ်ရွဲၣ်ခိၣ်ကျၢၢ်လီၢ်လံၤ ပဒိၣ်မါရှၣ်လါဖါ သးစၢ်ခိၣ်နၢ်ဖိခိၣ်ဖးအံၤ ဒ်သိးတၢ်ကူၣ်ဘၣ်ကူၣ်သ့ကလဲၤထီၣ်လဲၤထီအဂီၢ် ၦၤလၢအဟူးဂဲၤတၢ်လၢ ကညီတၢ်ကူၣ်ဘၣ်ကူၣ်သ့ဒီး တၢ်ဆဲးတၢ်လၤ၀ဲၤကျိၤ (KECD) လၢအမ့ၢ် စီၤဆၣ်န့ၢ်သီ ဒိးန့ၢ်ဘၣ်၀ဲအဂ့ၢ်န့ၣ် ဖဲလါအီကူာ် ၁၁ သီအနံၤန့ၣ် ဖါဖီၣ်ဒ့ရှၢၣ် ထုးထီၣ်ဘိးဘၣ်ရၤလီၤ၀ဲဒၣ်န့ၣ်လီၤႉ သးစၢ်ဖိခိၣ်နၢ်ခိၣ်ဖးအံၤ တၢ်စးထီၣ်ဟ့ၣ်၀ဲဖဲ ၂၀၀၈ နံၣ်ဒီး ခိၣ်ဖးအံၤအဂီၢ် ကညီသးစၢ်တဂၤလၢ်လၢ်လၢ အတီခိၣ်ရိၣ်မဲဟူးဂဲၤမၤတၢ်လၢၦၤအါဂၤအဂီၢ် ကညီသးစၢ်တဂၤဂ့ၤတဂ့ၤ တၢ်ဃုထၢဟ့ၣ်လီၤ၀ဲဒၣ်ဒီး ဘၣ်ထွဲဒီး တနံၣ်အံၤတၢ်ဃုထၢခိၣ်ဖးတဖၣ်န့ၣ် ပဒိၣ်မါရှၣ်လါဖါအဖိခွါဒိၣ် ပဒိၣ်စီၤစ့စ့ဖါ စံး၀ဲဒ်အံၤလီၤႉ “အတၢ်လဲၤခီဖျိတပတီၢ်ဘၣ်တပတီၢ်ဒီး အတၢ််ဟူးတၢ်ဂဲၤတဖၣ်န့ၣ်...

လါအီကူာ် ၁၀ သီႇ ၂၀၂၀ နံၣ်ႇ စီၤမၠၣ်အူသၣ် ကညီကီၢ်စဲၣ်အပူၤ ၂၀၁၉–၂၀၂၀ တၢ်သိၣ်လိနံၣ်အဂီၢ် ကၠၤအ့စ့ၣ်ကၠံကီၢ်ဆၣ်အံၤ ၦၤဖျိထီၣ်ပ ဒိၣ်တၢ်ဒိးစဲးအနီၣ်ဂံၢ်အါကတၢၢ်ဒီး လၢကီၢ်စဲၣ် ကၠိလၢအဖျိအါကတၢၢ်စ့ၢ်ကီး မ့ၢ်၀ဲဒၣ်ကၠၤအ့စ့ၣ်ကၠံကီၢ်ဆၣ်လီၤအဂ့ၢ်န့ၣ် သ့ၣ်ညါဘၣ်လၢ ကီၢ်စဲၣ်တၢ်ကူၣ်ဘၣ်ကူၣ်သ့၀ဲၤကျိၤ ၦၤဘၣ်မူဘၣ်ဒါအအိၣ်န့ၣ်လီၤႉ လၢကီၢ်စဲၣ်ပူၤ ပဒိၣ်တၢ်ဒိးစဲး တၢ်သမံသမိးလံာ်၀ဲၤကျိၤတၢ်လီၢ် ၅၀ ခါန့ၣ် ၦၤကၠိဖိနုာ်လီၤဒိးစဲးခဲလၢာ်အိၣ်၀ဲ ၂၀ႇ၆၅၂ ဂၤ ဒီး ဖဲန့ၣ်ၦၤမၤနၢၤတၢ်ခဲလၢာ် ၅ႇ ၈၈၆ ဂၤ အကျါ ကၠၤအ့စ့ၣ်ကၠံကီၢ်ဆၣ်အံၤ ၦၤမၤနၢၤတၢ်အမျး ကယၤအအါကတၢၢ်ဒီး လၢကီၢ်စဲၣ်တပၤန့ၣ် ၦၤဖျိထီၣ်ပဒိၣ်တၢ်ဒိးစဲးဟဲအါထီၣ်ဒိၣ်န့ၢ်ဒံးအပူၤကွံာ်နံၣ်အဂ့ၢ်န့ၣ် ကီၢ်စဲၣ်တၢ်ကူၣ်ဘၣ်ကူၣ်သ့ခိၣ် သရၣ် အူငွ့ၣ်စိ...

လါအီကူာ် ၈ သီႇ ၂၀၂၀ နံၣ်ႇ စးအဲၣ်ဆူ ဖဲအ့ၣ်ယၣ်၀တံၣ်ကီၢ်ခီဒိၣ် တၢ်လီၢ်တနီၤန့ၣ် ဖဲတသီခံသီအံၤအတီၢ်ပူၤ ခီဖျိလၢတၢ်စူၤအါ၀ဲအဃိ ပါတနီၣ်ကီၢ်ဆၣ် တီကၠီဒူသ၀ီကရူၢ်အပူၤ တဘျုၣ်ကျီးလၢတၢ်သူၣ်၀ဲသ့ၣ်တဖၣ် လီၤဘျၢ၀ဲဒီးဟးဂီၤ၀ဲဒၣ်အဂ့ၢ်န့ၣ် သ့ၣ်ညါဘၣ်လီၤႉ စးထီၣ်ဖဲလါအီကူာ်ထီၣ်သီအကတီၢ်န့ၣ် ဖဲဒူသ၀ီကရူၢ်ပူၤ လၢအတစှၤန့ၢ်ဒံး သ၀ီ ၁၅ ဖျၢၣ် သဂၢၢ်ဘၣ်၀ဲဒၣ်ဒီးထံဒိၣ်ထီၣ်တၢ်အိၣ်သးတဖၣ်အဃိ တဘျုၣ်လၢတၢ်သူၣ်လီၤဃာ်၀ဲအနီၣ်ဂံၢ်တဖၣ် ဟးဂီၤ၀ဲဒၣ်တ၀ာ်ညါအဂ့ၢ်န့ၣ် ၦၤသူၣ်တဘျုၣ်ဖိတဖၣ် စံး၀ဲလီၤႉ တီကၠီသ၀ီ မါမၠၣ်အီၤ စံး၀ဲ “ခဲအံၤ ထံန့ၣ်ဟဲနုာ်လီၤ၀ဲဒၣ်ချ့သဒံးတၢ်အိၣ်သးအဃိ လီၤဘျၢ၀ဲဒၣ်တဘျီဃီလီၤမီၤႉ မ့မ့ၢ်ၦၤသူၣ်၀ဲဒၣ်လၢတၢ်ပၢၤခိၣ်တဖၣ်ဒု တၢ်တအိၣ်နီတမံၤလၢၤဘၣ်ႉ ဒီးလၢၦၤသူၣ်၀ဲလၢမၤပူၣ်ထီၣ်ဟီၣ်ခိၣ်တဖၣ်ဒု အိၣ်တ့ၢ်ဒံးတစဲးတမှဲးဒံးလီၤႉ တီကၠီကရူၢ်ဒု ဘၣ်ထံး၀ဲဒၣ်ခဲလၢာ်ဃၣ်ဃၣ်ညါလီၤ” အဂ့ၢ်န့ၣ် စံးဘၣ်ခ့ၣ်အဲးစံၣ်လီၤႉ ဒ်လီၢ်က၀ီၤဖိစံး၀ဲဒၣ်အသိး တဘျုၣ်ကျီးလၢအဟးဂီၤ၀ဲဒၣ်...

လါအီကူး ၇ သီႇ ၂၀၂၀ နံၣ်ႇ ခ့ၣ်အဲးစံၣ် ခ့ၣ်အဲၣ်ယူၣ်=ကညီဒီကလုာ်စၢဖှိၣ်ကရၢ ချၢၣ်လွံၢ်ထူၣ်ကီၢ်ရ့ၣ် ဆီထံးကီၢ်ဆၣ်(ပကိကီၢ်ခီဒိၣ်ႇ ရှွၣ်ကၠ့ၣ်ကီၢ်ဆၣ်)အပူၤ ဒ်သိးပယီၤသုးကထုးကွံာ်သးအဂီၢ် ဖဲမဟါ(လါအီကူး ၆ သီ)ဂီၤခီအဆၢကတီၢ် လီၢ်က၀ီၤဖိမၤ၀ဲဒၣ်တၢ်ပာ်ဖျါထီၣ် တၢ်ဘၣ်သးအံၤ ဖဲန့ၣ်ၦၤလၢအတီခိၣ်ရိၣ်မဲတၢ် ၂ ဂၤ ဘၣ်တၢ်ဖီၣ်အီၤဒီးက့ၤကိးအ၀ဲသ့ၣ်ဆူ ရှွ့ၣ်ကၠ့ၣ်ကီၢ်ဆၣ် ပၢၤကီၢ်ရူဒီး ဖဲတနံၤအံၤ မုၢ်ထူၣ်အဆၢကတီၢ်တၢ်ပျၢ်က့ၤအ၀ဲသ့ၣ်လံအဂ့ၢ်န့ၣ် သ့ၣ်ညါဘၣ်န့ၣ်လီၤႉ မုၢ်တြီၢ်ကီၢ်ရ့ၣ်ႇ ဒဲလွိကီၢ်ဆၣ် ပိလိထၣ်သ၀ီဖိ နီၢ်မုၣ်နီၤဘၣ်တၢ်ခးသံအီၤအံၤ ဒ်သိးကဒိးန့ၢ်ဘၣ်တၢ်တီတၢ်တြၢ် အဂီၢ်ဒီး တၢ်အိၣ်မူတၢ်ဘံၣ်တၢ်ဘၢကအိၣ်အဂီၢ် ဒ်သိးပယီၤသုးကထုးကွံာ်အသးအဂီၢ် ဖဲမဟါဂီၤခီအဆၢက တီၢ်န့ၣ် ဆီထံးကီၢ်ဆၣ်အပူၤ သ၀ီ ၁၆ ဖျၢၣ် ၦၤနီၣ်ဂံၢ်ခဲလၢာ်...