ဖဲဆဲးလီၤကၠိဖိမံၤအကတီၢ် မံၤအမဲာ်ညါကထၢနုာ်ဃုာ်ကညီအမံၤအဂီၢ် အ့ၣ်ယၣ်၀တံၣ် လံာ်လဲၢ်တၢ်ဆဲးတၢ်လၤ ဆီၣ်တခူထီၣ်၀ဲ
လါမ့ၤ ၂၁ သီႇ ၂၀၂၀ နံၣ်ႇ စီၤထိလ့ အ့ၣ်ယၣ်၀တံၣ်ကီၢ်ခီဒိၣ်အပူၤ ကညီကလုာ်တဖၣ် ဖဲလဲၤဆဲးလီၤအဖိအလံၤမံၤလၢကၠိအကတီၢ်န့ၣ် ဖိသၣ်အမံၤ စးထီၣ်လၢ ကညီအမံၤတဖၣ်လၢအမ့ၢ်(စီၤႇ စးႇ နၣ်ႇ နီၢ်)တဖၣ် ကထၢနုာ်ဃုာ်၀ဲန့ၣ် ဖဲလါမ့ၤ ၁၈ သီအနံၤ အ့ၣ်ယၣ်၀တံၣ်ကီၢ်ခီဒိၣ် ကညီလံာ်လဲၢ်ဒီးတၢ်ဆဲးတၢ်လၤကမံးတံာ် ထုးထီၣ်၀ဲလံာ်လၢကီၢ်ဆၣ်စုာ်စုာ်ဒီး ဟ့ၣ်သဆၣ်ထီၣ်၀ဲန့ၣ်လီၤ ႉ ဖဲတၢ်လဲၤဆဲးလီၤမံၤလၢကၠိအဆၢကတီၢ်န့ၣ် ကလုာ်ဒူၣ်ကလုာ်တဖၣ်ဒီး နီၢ်ကစၢ်ဒၣ်၀ဲလၢအအဲၣ်ဒိးထၢနုာ်ဃုာ်အ မံၤအံၤ ထၢနုာ်တူၢ်လိာ်ဃုာ်အီၤန့ၣ်ႇ ကီၢ်ခီဒိၣ် တၢ်ကူၣ်ဘၣ်ကူၣ်သ့မူဒါခိၣ်အံၤ ဟ့ၣ်ဒုးသ့ၣ်ညါ၀ဲ ကီၢ်ဆၣ်တၢ်ကူၣ်ဘၣ်ကူၣ်သ့မူဒါခိၣ်တဖၣ်လံအဃိ အဲၣ်ဒိးဆီၣ်တခူထီၣ်က့ၤအီၤဒ်အံၤလီၤအဂ့ၢ်န့ၣ် အ့ၣ်ယၣ်၀တံၣ် လံာ်လဲၢ်ဒီးတၢ်ဆဲးတၢ်လၤ ၦၤပၢၤလီၢ်ဆ့ၣ်နီၤ မါအဲၤချ့ၤ စံးဘၣ်ခ့ၣ်အဲးစံၣ် ဖဲမဟါ(လါမ့ၤ ၂၀ သီ)အနံၤန့ၣ်လီၤႉ “ယအဲၣ်ဒိးဆီၣ်တခူထီၣ်လၢ မ့ၢ်လဲၤဆဲးလီၤဖိသၣ်မံၤန့ၣ် မ့မ့ၢ်လၢကညီစှီၤန့ၣ် ကဘၣ်ထၢနုာ်ဃုာ်ဒီး စီၤႇ နီၢ် မ့မ့ၢ်လၢၦိၢ်ကညီတခီ ကဘၣ်ထၢနုာ်ဃုာ်၀ဲအမံၤလၢ စးႇ နၣ် တဖၣ်န့ၣ်လီၤႉ တၢ်အံၤမ့ၢ်ဒၣ်ကလုာ်အတၢ်ပ နီၣ်တခါလီၤႉ အပူၤကွံာ်လၢညါန့ၣ် တၢ်ဖီခိၣ်တၢ်နဲၣ်လီၤဒ်အံၤန့ၣ် တအိၣ်၀ဲဘၣ်ႉ ပနီၢ်ကစၢ်ဒၣ်၀ဲ ဘၣ်ထုးဂံၢ်ထုး ဘါလီၤႉ အခဲအံၤ ၦၤအိၣ်လၢတၢ်ဖီခိၣ်တဖၣ်...
တၢ်ပတုာ်တၢ်ခးအကတီၢ် ပယီၤသုးဟံးတၢ်ခွဲးတၢ်ယာ်ဒီး မၤအါထီၣ်ဂံၢ်ဘါအဃိ မၤဘၣ်ဒိ၀ဲတၢ်နာ်န့ၢ်လိာ်သးအဂ့ၢ် KNU စံး၀ဲ
လါမ့ၤ ၁၈ သီႇ ၂၀၂၀ နံၣ်ႇ စးအဲၣ်ဆူ ဖဲလၢတၢ်မၤ၀ဲ တၢ်ခးပတုာ်အကတီၢ် ကီၢ်ပယီၤသုးမုၢ်ဒိၣ်အံၤ ဟံးန့ၢ်၀ဲဒၣ်တၢ်ခွဲးတၢ်ယာ်ဒီး မၤအါထီၣ်၀ဲအ တၢ်ဂံၢ်တၢ်ဘါအဂ့ၢ််န့ၣ် KNU- ကညီဒီကလုာ်စၢဖှိၣ်ကရၢ ထုးထီၣ်ဘိးဘၣ်ရၤလီၤ၀ဲ လံာ်ဘိးဘၣ်ရၤလီၤ ဖဲ လါမ့ၤ ၁၅သီအနံၤဒီး စံး၀ဲလီၤႉ KNU မုၢ်ြတီၢ် (ဖၣ်ပူၣ်)ကီၢ်ရ့ၣ် (သုးက့ ၅)ဒီး တီအူကီၢ်ရ့ၣ်(သုးက့ ၂)ႇ ဖၣ်အၣ်ကီၢ်ရ့ၣ်(သုးက့ ၇)ဟီၣ်က၀ီၤတၢ် လီၢ်တဖၣ်အပူၤ သုးမုၢ်ဒိၣ်အံၤမၤအါထီၣ်၀ဲဒၣ်အဂံၢ်အဘါ အါန့ၢ်ဒံးအပူၤကွံာ်နံၣ်တဖၣ်ဒီး မၤဂ့ၤထီၣ်အသုးကလၢၤ အသီတဖၣ်အဃိ ဒ်သိးတၢ်ပတုာ်တၢ်ခးကဂၢၢ်ကျၢၤအဂီၢ် မ့ၢ်တၢ်လၢမၤဘၣ်ဒိ၀ဲတၢ်နာ်န့ၢ်လိာ်သးလၢ တၢ်ကမၤဂၢၢ်ကျၢၤထီၣ်တၢ်ပတုာ်တၢ်ခးအဂ့ၢ်န့ၣ် KNU လံာ်တၢ်ဘိးဘၣ်ရၤလီၤအပူၤ ပာ်ဖျါ၀ဲဒၣ်န့ၣ်လီၤႉ KNU နဲၣ်ရွဲၣ်ခိၣ်ကျၢၢ် ပဒိၣ်စီၤတၢ်ဒိၣ်မူ စံး၀ဲလၢ“တၢ်ဖီလာ်တၢ်ကဲထီၣ်သးတၢ်ဂ့ၢ်တဖၣ်န့ၣ် ပယီၤသုးကျိၤတဖၣ် အိၣ်ဒီးတၢ်ဟူးတၢ်ဂဲၤလၢအိၣ်ဖျါ၀ဲ ဒ်တၢ်ထီဒုၣ်ထီဒါန့ၣ်မၤအါထီၣ်၀ဲအဃိႇ တၢ်အိၣ်သးလၢထံဖိကီၢ်ဖိကမျၢၢ်တဖၣ် အဂီၢ် တၢ်လီၤနာ်အီၣ်တသ့ဘၣ် ဟဲကဲထီၣ်၀ဲဒၣ်န့ၣ်လီၤႉ ပယီၤသုးအံၤ ဟဲအါထီၣ်၀ဲကယီကယီလီၤႉ သုးကလၢၤ တ ဖၣ်ကဂ့ၤဒိၣ်ထီၣ်အဂီၢ် မၤဂ့ၤထီၣ်၀ဲဒၣ်လီၤႉ အဂံၢ်အဘါလၢအိၣ်ဃာ်တဖၣ်အမဲာ်ညါ မၤအါထီၣ်ဒိၣ်၀ဲဒၣ်ဒီး မၤ၀ဲထီဘိ အဃိ...
ကညီကီၢ်စဲၣ်ပူၤ တၢ်စးထီၣ်ထံၣ်န့ၢ်၀ဲ Covid-19 ၦၤဆါ ၂ ဂၤ
လါမ့ၤ ၁၈ သီႇ ၂၀၂၀ နံၣ်ႇ စီၤရှါ ကညီကီၢ်စဲၣ်အပူၤ တၢ်ထံၣ်န့ၢ်၀ဲၦၤဘၣ် Covid-19 တၢ်ဆါ ၂ ဂၤ အဂ့ၢ်န့ၣ် ဖဲလါမ့ၤ ၁၈ သီ (တနံၤအံၤဂီၤခီ ၇ နၣ်ရံၣ်တခီ)အဆၢကတီၢ်န့ၣ် တၢ်အိၣ်ဆူၣ်အိၣ်ချ့ဒီးတၢ်ဂဲၤလိာ်ကွဲကိတိာ်၀ဲၤကျိၤ ထုးထီၣ်ဘိးဘၣ်ရၤလီၤ၀ဲအသိး သ့ၣ်ညါဘၣ်လီၤႉ ၀့ၢ်တကူၣ် ပဒိၣ်တၢ်အိၣ်ဆူၣ်အိၣ်ချ့တၢ်မၤကွၢ်၀ဲၤကျိၤအံၤ ဖဲလါမ့ၤ ၁၇ သီ ဟါခီအဆၢကတီၢ် သမံသမိးမၤကွၢ်၀ဲ၀ံၤ ၦၤပိာ်ခွါ ၂ ဂၤ လၢအအိၣ်ကီးတရံးကီၢ်ဆၣ်အံၤ တၢ်ထံၣ်န့ၢ်၀ဲတၢ်ဆါအဃၢ်အဂ့ၢ်န့ၣ် လံာ်ဘိးဘၣ်ရၤလီၤအပူၤ ပာ်ဖျါ၀ဲန့ၣ်လီၤႉ ကညီကီၢ်စဲၣ် ၦၤဂ့ၢ်၀ီကိတိာ် အူဘိၣ်ဘိၣ်၀့ၤမီၣ် စံး၀ဲလၢ “ၦၤခဲလၢာ်ဃၣ်ဃၣ်န့ၣ် ပာ်သူၣ်ပာ်သး အါဒိၣ်လၢမၠၣ်၀ တံၣ်လီၤမီၣ်ႉ အဲၣ်ဒိးတဲအခီပညီန့ၣ် ၦၤလၢအဟဲက့ၤနုာ်လီၤတဖၣ်န့ၣ် စှၤမ့ၢ်ဂ့ၤ အါမ့ၢ်ဂ့ၤ တၢ်ဆါဃၢ် အံၤပၣ် ဃုာ်သ့၀ဲလီၤမီၣ်ႉ တၢ်အိၣ်သးခဲအံၤဒု (၂ ဂၤ)လၢာ်န့ၣ် အိၣ်ဆူၣ်အိၣ်ချ့၀ဲလီၤ” အဂ့ၢ်န့ၣ် စံးဘၣ်ခ့ၣ်အဲးစံၣ်ဖဲတနံၤအံၤလီၤႉ ဖဲလါမ့ၤ ၁၁ သီအနံၤန့ၣ် ၦၤပိာ်ခွါ ၂ ဂၤ...
ပယီၤသုးမုၢ်ဒိၣ် တၢ်ဘိးဘၣ်ရၤလီၤ တၢ်ဆိကတီၢ်ဃာ်တၢ်ခးအံၤ တမ့ၢ်တၢ်ပာ်သးလၢအမ့ၢ်အတီဘၣ်န့ၣ် KNU Concerned Group စံး၀ဲ
လါမ့ၤ ၁၄ သီႇ ၂၀၂၀ နံၣ်ႇ စးအဲၣ်ဆူ ဖဲလါမ့ၤ ၉ သီအနံၤ ပယီၤသုးမုၢ်ဒိၣ် ဘိးဘၣ်ရၤလီၤ၀ဲဲလၢကဆိကတီၢ်ဃာ် တၢ်ဒုးတၢ်ယၤ လၢအယံာ်၀ဲ ၃ လါဘျဲၣ်အံၤ တမ့ၢ်လၢအလိၣ်ဘၣ်၀ဲတၢ်မုာ်တၢ်ခုၣ်အနီၢ်ကီၢ်ဘၣ်န့ၣ် KNU Concerned Group ထုးထီၣ်၀ဲလံာ်တၢ်ပာ်သးတဘ့ၣ် ဖဲ လါမ့ၤ ၁၂ သီအနံၤန့ၣ်လီၤႉ ပယီၤသုးမုၢ်ဒိၣ် တၢ်ဆိကတီၢ်ဃာ် တၢ်ဒုးတၢ်ယၤ တၢ်ဘိးဘၣ်ရၤလီၤအံၤ တမ့ၢ်လၢအလိၣ်ဘၣ်တၢ်မုာ်တၢ်ခုၣ်အနီၢ်ကီၢ်ဘၣ်ဒီး အဲၣ်ဒိး ဖီၣ်ဂၢၢ်ဃာ်၀ဲကလုာ်ဒူၣ်ဖီၣ်စုက၀ဲၤလၢ အဆဲးလီၤ၀ဲထံကီၢ်ဒီဘ့ၣ်တၢ်ပတုာ်တၢ်ခးတၢ်အၢၣ်လီၤ လံာ်ဃံးဃာ်တဖၣ်ဒီး တၢ်အံၤ မ့ၢ်၀ဲ တၢ်ကူၣ်တရံးအကျိၤအကျဲတခါလၢ ကထီၣ်ဒုး၀ဲ တကီၢ်ခါ တၢ်ဒုးတၢ်ယၤအိၣ်ဒံးအဖၢမုၢ် ကလုာ်ဒူၣ်ဖီၣ်စုက၀ဲၤကရူၢ်တဖၣ် အဟီၣ်က၀ီၤပူၤလီၤအဂ့ၢ်န့ၣ် KNU Concerned Group စံး၀ဲလီၤႉ ကရူၢ် ၦၤကတိၤတၢ်ပၢ KNU ကရၢခိၣ်=၂ လီၢ်လံၤ ပဒိၣ်နီၢ်စံၣ်ဖိရၣ်စ့ၣ် စံး၀ဲ “ပယီၤသုးမၤ၀ဲဒ်ညီနုၢ်လၢညါအပူၤကွံာ်အသိးလီၤႉ တပၤန့ၣ်ပတုာ်၀ဲတၢ်ခးဒီး အိၣ်တ့ၢ်တပၤန့ၣ် မၤ၀ဲဒၣ်တၢ်ထီၣ်ဒုးန့ၣ်လီၤႉ တၢ်လီၢ်အဂၤတဖၣ်စ့ၢ်ကီး ပတုာ်၀ဲတၢ်ခးဘၣ်ဆၣ်ႇ လီၤဆီဒၣ်တၢ်...
အဲၣ်ပၢၤဃ၁်တၢ်မဲတၢ်မါ
အဲၣ်ပၢၤဃ၁်တၢ်မဲတၢ်မါ ပစိၤခ့ခါဆၢကတီၢ် မူခိၣ်မူထံးတဘၣ်လီၢ် န့ဆၢၣ်ဒီးတၢ်မဲတၢ်မါ တဖျါလါဟ့ဒ်လၢညါ ထံနၢ်ကွ၁်ခံယီၤဃ့ထီ သ့ၣ်ထူၣ်ဝၣ်ဘိလၣ်လီၤဘီ ဒ့ၣ်ဒီးညၣ်ဆၣ်ဖိကီၢ်ဖိ လီၢ်ကျဲတအိၣ်ဘၣ်လီၤဒိ တၢ်လူၢ်တၢ်ြတီၤကစၢၢ်ဒီ သ့ၣ်ထူၣ်သ့ၣ်ထံးလၢအထီ ၦၤကညီလဲၤကူ၁်လဲၤကျီ ခီဖျိကျိၣ်စ့တၢ်သးလီ ဟီၣ်ခိၣ်ကပံ၁်တၢ်ဂ့ၢ်ကီ ကစၢၢ်ကလိကဲထီၣ်ပျီ တၢ်စူးကါဂ၁်ကသံၣ်အါ တပံၢ်တမါသံဃ့အါ တၢ်ကိၢ်သဝံကိၢ်သဝါ ထံသံးနိသံးသ့ၣ်သံအါ ကလံၤကသွံဟဲကိၢ်သွး မုၢ်နၤမုၢ်ဆါခီၣ်ဘၣ်နး မ့ၢ်လၢန့ဆၢၣ်တၢ်ဂ့ၢ်ကီ ထံနိက၁်လၢဒူသဝီ ကလံၤသီၣ်ဂီၤတကဆှီ တၢ်ဆူးတၢ်ဆါၦဲၤမူဒီ ခီဖျိထံဘၣ်အၢဘၣ်သီ တဂ့ၤလၢၤဖီအီၣ်ဖီအီ ကလံၤကလီအသဝံ ရၤလီၤတၢ်ဆါသကုၤလံ ပမ့ၢ်တကတီၤသ့ၣ်ၦၢ် တၢ်သံသြတီၤပထံၣ်ဘၣ် နၤယၤကိးဂၤဘၣ်သ့ၣ်ညါ အဲၣ်ပၢၤဃ၁်တၢ်မဲတၢ်မါ လၢတၢ်အဲၣ်ကကွဲၢ်ကဘီ စီၤကီၢ်ဖျါစ့ (တီနီၢ်ဖိ) ၁၃.၅.၂ဝ၂ဝ
DKBA ထုးထီၣ်တၢ်ကလုၢ်လၢ သုးဖိတဖၣ်မ့ၢ်လဲၤတၢ်က့ၤတၢ်န့ၣ် ကဘၣ်ဒုးသ့ၣ်ညါ၀ဲဆူတၢ်ရ့လိာ်မုာ်လိာ်ရူအအိၣ်
လါမ့ၤ ၁၂ သီႇ ၂၀၂၀ နံၣ်ႇ နါ၀့ၤဖၠိစၣ် တၢ်ဘၣ်ဘျုုးဒံၣ်မိၣ်ြခ့ၣ်စံၣ် ကညီသုးမုၢ်ဒိၣ် (DKBA) သုးဖိတဖၣ် တၢ်ဂ့ၢ်တၢ်ကျိၤမ့ၢ်အိၣ်တမံၤလၢ်လၢ်မ့ၢ်ဂ့ၤ မ့ၢ်လဲၤတၢ်က့ၤတၢ်န့ၣ် ကဘၣ်ဟ့ၣ်ဒုးသ့ၣ်ညါ၀ဲဆူတၢ်ရ့လိာ်မုာ်လိာ်အရူ၀ံၤမး လဲၤထီၣ်က့ၤလီၤသ့၀ဲဒၣ်အဂ့ၢ်န့ၣ် DKBA လီၢ်ခၢၣ်သး(စိၣ်ဆံမၠဲၣ်) ထုးထီၣ်၀ဲဒၣ်တၢ်ကလုၢ် ဖဲလါမ့ၤ ၁၁ သီအနံၤန့ၣ်လီၤႉ ဘၣ်ထွဲဒီးတၢ်ထုးထီၣ်တၢ်ကလုၢ်အံၤန့ၣ် တပၣ်ဃုာ်၀ဲဒၣ်ဒီးတၢ်ဂ့ၢ်တၢ်ကျိၤလၢအဂၤဘၣ်ဒီး မ့ၢ်ဒ်သိးဒီးတၢ်က့ၤဖီၣ်ဃံး ထီၣ်က့ၤသုးဖိတဖၣ်လီၤအဂ့ၢ််န့ၣ် DKBA သုးခိၣ်ဒိၣ်စိ ကၠီၤသါထ့ စံးဘၣ်ခ့ၣ်အဲးစံၣ်ဒ်အံၤလီၤႉ အ၀ဲစံး၀ဲလၢ “တၢ်သိၣ်တၢ်သီဒ်အံၤန့ၣ် ပထုးထီၣ်ဃာ်၀ဲလၢညါလံၤလံၤလံလီၤႉ တနီၤန့ၣ် လူၤပိာ်ထွဲတၢ်သိၣ်တၢ်သီအိၣ်၀ဲဒီး တလူၤပိာ်ထွဲစ့ၢ်ကီးအိၣ်၀ဲဒၣ်လီၤႉ အကလုာ်ကလုာ်လီၤႉ တၢ်အံၤမ့ၢ်ဒ်သိးဒီး ပက့ၤဖီၣ်ဂၢၢ်မၤဃံာ်ထီၣ်က့ၤတၢ်သိၣ်တၢ်သီအသိးလီၤ” အဂ့ၢ်န့ၣ် စံး၀ဲလီၤႉ ဒ်တၢ်ကလုၢ်အ၀ဲန့ၣ်အသိး DKBA ဒုးယၤတဖၣ်ႇ ၀ဲၤကျိၤတဖၣ်ႇ သုးရ့ၣ်တဖၣ်ႇ သုးဖိဒီးသုးကျိၤတဖၣ် လၢတၢ်ဟံခွဲးမၢ်ဂ့ၤႇ လၢမူဒါမ့ၢ်ဂ့ၤႇ ဂ့ၢ်ဂီၢ်အူတၢ်ဂ့ၢ်တၢ်ကျိၤမ့ၢ်ဂ့ၤ ၦၤတဂၤလၢ်လၢ်မ့ၢ်လဲၤတၢ်က့ၤတၢ်န့ၣ် ကဘၣ်ဟ့ၣ်ဒုးသ့ၣ်ညါတၢ်ကစီၣ်အဂ့ၢ်န့ၣ် ပာ်ဖျါ၀ဲဒၣ်လီၤႉ လံာ်တၢ်ပာ်ဖျါအ၀ဲန့ၣ် တၢ်ဘၣ်ဘျုးဒံၣ်မိၣ်ြခ့ၣ်စံၣ်ကညီသုးမုၢ်ဒိၣ် (DKBA) ကျိၣ်ထူဘီသုးကရူၢ် သုးရိၣ်မဲခိၣ်ကျၢၢ် သုးခိၣ်ကျၢၢ်စိ စီၤမိၤရှ့ ဆဲးလီၤစုမုၢ်ကျၢၢ်န့ၣ်လီၤႉ တၢ်ကလုၢ်အ၀ဲအံၤ တၢ်မ့ၢ်တလူၤပိာ်မၤထွဲအီၤဘၣ်န့ၣ်...
ၦၤအဂၤ ၃၀ ဘျဲၣ်လၢတၢ်ဖီၣ်ချုး၀ဲလၢကသံၣ်မူၤဘှီးတၢ်ဂ့ၢ် KNU ဟံးန့ၢ်အရ့
လါမ့ၤ ၁၀ သီႇ ၂၀၂၀ နံၣ်ႇ ခ့ၣ်အဲးစံၣ် KNU- ကညီဒီကလုာ်စၢဖှိၣ်ကရၢ ဒူပျာ်ယာ်ကီၢ်ရ့ၣ်ႇ ၀ီၢ်ရီကီၢ်ဆၣ် ကညီဒီကလုာ်ပၢၤကီၢ်သုး -KNPF ဖီၣ်ချုးန့ၢ်၀ဲၦၤဆါကသံၣ်မူၤဘှီးဖိ ၂ ဂၤ ဒီး ၦၤလၢကဟဲသူကသံၣ်ဖိ ၃၅ ဂၤအံၤ န့ၣ် တၢ်ကဟံးဂ့ၢ်၀ီဒ်ကီၢ်သူလ့ၤ ကသံၣ်မူၤဘှီးသဲစးတၢ်ဘျၢအသိးအဂ့ၢ်န့ၣ် ပၢၤကီၢ်သုးၦၤဘၣ်မူဘၣ်ဒါတဖၣ် စံးဘၣ်ခ့ၣ်အဲးစံၣ်လီၤႉ ဖဲလါမ့ၤ ၇ သီအနံၤန့ၣ် မိၣ်ကီၢ်စဲၣ်ႇ သၣ်ဖၠူၣ်စယၣ်ကီၢ်ဆၣ်ႇ စခါကၠံတၢ်လီၢ် ရီဘၢၣ်ကျီးပူၤန့ၣ် တၢ်ဖီၣ်ချုးန့ၢ်၀ဲ WY ကသံၣ်မူၤဘှီး ၈၀၀ ဖျၢၣ်ဘျဲၣ်အံၤလၢပိာ်ခွါ ၂ဂၤအအိၣ်ဒီး ဖဲတၢ်သမံသမိး၀ဲတၢ်အကတီၢ် ၦၤလၢကဟဲသူ ကသံၣ်မူၤဘှီးအဂီၢ် ဟဲတုၤကဒီး၀ဲ ၃၅ ဂၤ ဒီး အၢၣ်လီၤအတၢ်ကမၣ်အဃိ ဒ်ကသံၣ်မူၤဘှီးသဲစးတၢ်ဘျၢအသိး တၢ်ဖီၣ်ဃုာ်ဒီးအ၀ဲသ့ၣ်အဂ့ၢ်န့ၣ် ၀ီၢ်ရီကီၢ်ဆၣ် ဖါြပးပၢၤကီၢ်ရူမူဒါခိၣ် စီၤည့ခၠါ စံးဘၣ်ခ့့ၣ်အဲးစံၣ်လီၤႉ “အ၀ဲတဂၤန့ၣ် တၢ်ဖီၣ်ချုးန့ၢ်၀ဲကသံၣ် ၄၀ ဖျၢၣ်လီၤႉ တၢ်တီၣ်ထီၣ်တၢ်မူးတၢ်ရၢ်အံၤဆူ၀ီၢ်ရီကီၢ်ဆၣ် ကွီၢ်ဘျီၣ်ရူန့ၣ်လီၤႉ ဒီးလၢအဂၤတဂၤန့ၣ် တၢ်ဖီၣ်ချုးန့ၢ်၀ဲကသံၣ် (၈၀၀...
KNU တၢ်ြတီဆၢ Covid-19 အလီၢ် ပယီၤသုးဒွဲၣ်အူမၤဟးဂီၤ၀ဲအဃိ တၢ်ခးလိာ်သးကဲထီၣ်
လါမ့ၤ ၈ သီႇ ၂၀၂၀ နံၣ်ႇ ခ့ၣ်အဲးစံၣ် ဖၣ်ပူၣ်–ကမးမိၣ် အဘၢၣ်စၢၤ KNU-ကညီဒီကလုာ်စၢဖှိၣ်ကရၢ မုၢ်ြတီၢ် (သုးက့ ၅)ကီၢ်ရ့ၣ် တၢ်ြတီဆၢသမံသမိး Covid-19 အလီၢ်(၂)တီၤ ဖဲလါမ့ၤ ၆ သီအနံၤန့ၣ် ပယီၤသုးနုာ်လီၤဒွဲၣ်အူကံွာ်၀ဲအဃိ ခံခီခံကပၤအဘၢၣ်စၢၤ တၢ်သဘံၣ်သဘုၣ်ဟဲကဲထီၣ်၀ဲအဂ့ၢ်န့ၣ် ခ့ၣ်အဲၣ်ယူၣ် သုးက့(၅)တပၤ စံး၀ဲဒၣ်လီၤႉ မုၢ်ြတီၢ်ကီၢ်ရ့ၣ်ႇ ဒွဲၣ်လိကီၢ်ဆၣ်ႇ လ့ဖိထၣ်သ၀ီကရူၢ်ႇ ၀ၣ်သိခိၣ်သ၀ီဒီးကတၢၢ်တံာ်သ၀ီကရူၢ်ႇ ဖါလိကျဲဖးဒ့န့ၣ် တၢ်အိၣ်ဆူၣ်အိၣ်ချ့ၦၤမၤတၢ်ဖိတဖၣ်ဒီး ကညီဒီကလုာ်ပၢၤကီၢ်သုး (KNPF) ဖၣ် လၢအ၀ဲသ့ၣ်တၢ်ပၢဟီၣ်က၀ီၤအပူၤ ဒ်သိးကိၣ်ဘံၣ်တၢ်ဆါအံၤ သုတရၤလီၤအသးတဂ့ၤအဂီၢ် ဖဲမၤ၀ဲတၢ်အိၣ်ဆူၣ်အိၣ်ချ့တၢ်သမံသမိးအကတီၢ် ပယီၤသုးနီၣ်ဂံၢ်(၈) ပၢဆှၢရဲၣ်ကျဲၤသုး၀ဲၤလီၢ်ခိၣ်သ့ၣ် (စကခ) စုဒုၣ်စုတီၤအဖီလာ် ခီၣ်ချ့သုးရ့ၣ်(ခမရ–၄၀၅) ဒီး (ခမရ–၄၁၀)တဖၣ် နုာ်လီၤြတီ၀ဲတၢ်ဒီး ဒွဲၣ်အူအီၣ်ကွံာ်၀ဲ တၢ်သမံသမိးအလီၢ်တဖၣ်အဂ့ၢ်န့ၣ် မုၢ်ြတီၢ်ကီၢ်ရ့ၣ် တၢ်အိၣ်ဆူၣ်အိၣ်ချ့မူဒါခိၣ် စီၤညိၣ်၀့ စံး၀ဲဒ်အံၤလီၤႉ “ဖဲမဟါန့ၣ် တၢ်သမံသမိးတၢ်အိၣ်ဆူၣ်အိၣ်ချ့အဒဲလၢ တၢ်ပာ်လီၤဃာ်၀ဲလၢ၀ၣ်သိခိၣ်တၢ်လီၢ်အံၤ ပယီၤသုးတဖၣ်ဟဲ၀ဲဒီး ဟဲမၤဟးဂီၤ၀ဲဒၣ်လီၤႉ ၀ံၤအလီၢ်ခံ ဖါလိကျဲဖးဒ့တၢ်သမံသမိးအလီၢ်န့ၣ် နီဟးထီၣ်ကွံာ်၀ဲၦၤလၢဘၣ်မူဘၣ်ဒါတဖၣ်ဒီး ဒွဲၣ်အူအီၣ်ကွံာ်၀ဲတၢ်သမံသမိးအလီၢ်န့ၣ်လီၤႉ...
တၢ်ထုးထီၣ်ဃာ်တၢ်ကလုၢ်လၢမုၢ်နၤခီဟးတန့ၢ်ဘၣ်အကတီၢ် တၢ်ဖီၣ်ချုးန့ၢ်၀ဲတၢ်ဂဲၤလိာ်ကွဲညၣ်တၢ်တၤကျိၣ်တၤစ့လီၢ်
လါမ့ၤ ၇သီႇ ၂၀၂၀နံၣ်ႇ န့ၣ်နီၣ် ရၤမတံ (မၠၣ်၀တံၣ်၀့ၢ်)ပူၤ တၢ်ထုးထီၣ်၀ဲတၢ်သိၣ်တၢ်သီလၢ မုၢ်နၤခီတဘၣ်ဟးထီၣ်တၢ်ချၢဘၣ် ဘၣ်ဆၣ် တၢ်လူၤပိာ်ထွဲတအိၣ်၀ဲဘၣ်ဒီး ဖဲလါမ့ၤ ၆ သီႇ ဂီၤခီ ၂ နၣ်ရံၣ်အဆၢကတီၢ် တၢ်ဖီၣ်ချုးန့ၢ်၀ဲ ၦၤလၢအအိးထီၣ်၀ဲတၢ်ဂဲၤလိာ်ကွဲညၣ်တၢ်တၤကျိၣ်တၤစ့အလီၢ်တဂၤဒီး ၦၤလၢအဟဲလိာ်ကွဲတၢ်တဖၣ်အဂ့ၢ်န့ၣ် မၠၣ်၀တံၣ် ပၢၤကီၢ် ၦၤဘၣ်မူဘၣ်ဒါတဖၣ်စံး၀ဲဒၣ်လီၤႉ ဖဲတၢ်ထုးထီၣ်၀ဲတၢ်သိၣ်တၢ်သီလၢ မုၢ်နၤခီဟးထီၣ်တၢ်ချၢတန့ၢ်ဘၣ်အကတီၢ် ဖဲၦၤဟးဆှၣ်တၢ်ကရူၢ်တဖၣ် ဟးဆှၣ်တၢ်အဆၢကတီၢ် မၠၣ်၀တံၣ်၀့ၢ်ႇ နီၣ်ဂံၢ်(၄)က၀ီၤဒ့ႇ နီၣ်ဂံၢ်(၂)တၢ်ရ့လိာ်မုာ်လိာ်အကျဲႇ ဖဲကရၢၢ်တတီၤအပူၤ တၢ်တပံးဃာ်၀ဲတၢ်လိာ်ကွဲညၣ်တၢ်တၤကျိၣ်တၤစ့ဘၣ်ဒီး မၤ၀ဲဒၣ်တၢ်တၤကျိၣ်တၤစ့အဃိ တၢ်နုာ်လီၤဖီၣ်၀ဲဒၣ်န့ၣ်လီၤႉ ဖဲတၢ်နုာ်လီၤသမံသမိးတၢ်အဆၢကတီၢ် ဒ်ညီနုၢ်အသိး တၢ်လိာ်ကွဲညၣ်တၢ်တၤကျိၣ်တၤစ့အလီၢ် တၢ်မၤခိၣ် လၢအမ့ၢ် ကိၣ်စဲအံၤ ဃ့ၢ်ပူၤဖျဲးထီၣ်အသးဒီး တၢ်ဖီၣ်န့ၢ်၀ဲ ညၣ်တၢ်တၤကျိၣ်တၤစ့အစဲး ၆ ဖျၢၣ်ႇ ဃုာ်ဒီး တၢ်ဖိတၢ်လံၤအဂၤတဖၣ်ႇ ဒီးၦၤလိာ်ကွဲတၢ်တၤကျိၣ်တၤစ့တဖၣ်ခဲလၢာ် ၁၁ ဂၤ တၢ်ဖီၣ်ချုး၀ဲအဂ့ၢ်န့ၣ် သ့ၣ်ညါဘၣ်လီၤႉ တၢ်တၤကျိၣ်တၤစ့အလီၢ် တၢ်မၤခိၣ် ကိၣ်စဲအံၤ ဘၣ်တၢ်လိာ်ကွီၢ်ဒီး ဟံးဃာ်အရ့ ဒ်တၢ်တၤကျိၣ် တၤစ့တၢ်ဘျၢသဲစးအသိးအဂ့ၢ်န့ၣ် မၠၣ်၀တံၣ်၀့ၢ် ပၢၤကီၢ် ထုးထီၣ်ရၤလီၤ၀ဲတၢ်ကစီၣ်န့ၣ်လီၤႉ မၠၣ်၀တံၣ်၀့ၢ်ပူၤ ဂ့ၢ်၀ီအူ ကိၣ်ဘံၣ်...
ၦၤနီၣ်ဂံၢ် ၅ႇ၀၀၀ ဂၤ အဂီၢ် တၢ်သုးကျဲၤန့ၢ်၀ဲတၢ်အိၣ်ခိးကွၢ်အလီၢ်အဂ့ၢ် ကညီကီၢ်စဲၣ် ကိတိာ်ခိၣ်ကျၢၢ်စံး၀ဲ
လါမ့ၤ ၆သီႇ ၂၀၂၀ နံၣ်ႇ နါ၀့ၤဖၠိစၣ် စးထီၣ်ဖဲလါမ့ၤထီၣ်သီန့ၣ် ၦၤခံဒူၣ်တဒူၣ်လၢအိၣ်ဟဲက့ၤကီၢ်ကၠီၣ်တဲၣ် ၅ႇ၀၀၀ ဂၤ အဂီၢ် ကညီကီၢ်စဲၣ်အပူၤ ဒ်သိးတၢ် ပာ်လီၤ၀ဲတၢ်အိၣ်ခိးကွၢ်အလီၢ် ( Facility Quarantine ) တဖၣ်ကန့ၢ်အဂီၢ် တၢ်ရဲၣ်ကျဲၤ၀ဲအဂ့ၢ် ကညီ ကီၢ်စဲၣ် ကိတိာ်ခိၣ်ကျၢၢ် စံး၀ဲဒၣ်န့ၣ်လီၤႉ ဖဲမဟါကၢာ် လါမ့ၤ ၅ သီအနံၤန့ၣ် ထံကီၢ်ၦၤဟ့ၣ်ကူၣ်ဟ့ၣ်ဖးတၢ် ဒီၣ်အီၣ်ဆါဆူၣ်ကၠံၣ် ဒီး ကညီႇ မိၣ်ႇ တနီသရံၣ် ကီၢ်ခီဒိၣ် ကိတိာ်ခိၣ်ကျၢၢ်တဖၣ် မၤ၀ဲဒၣ်တၢ်တၢၣ်ပီၣ်တဲသကိးဘၣ်ဃးဒီး Covid-19 တၢ်ရဲၣ်တၢ်ကျဲၤအဂ့ၢ်အ ကတီၢ် ကညီကီၢ်စဲၣ် ကိတိာ်ခိၣ်ကျၢၢ် နါခ့ၤထွ့မၠ့ၣ် စံး၀ဲဒ်အံၤလီၤႉ “တၢ်အိၣ်ခိးကွၢ်အလီၢ်အံၤ ကညီကီၢ်စဲၣ်အပူၤ ကပာ်၀ဲၦၤနီၣ်ဂံၢ် ၅ႇ၀၀၀ ဂၤ ကန့ၢ်၀ဲဒၣ်အဂီၢ် ပဂုာ်ကျဲးစၢးဒီးရဲၣ် ကျဲၤ၀ဲလီၤႉ မိၣ်စ့ၢ်ကီး အါဒၣ်တက့ၢ်န့ၣ် ရဲၣ်ကျဲၤကတီၤဃာ်၀ဲလံန့ၣ် တဲ၀ဲလီၤႉ ဘၣ်ဆၣ် အရ့ဒိၣ်ကတၢၢ်န့ၣ်တၢ်အိၣ် ဆူၣ်အိၣ်ချ့အဂီၢ်လီၤႉ လၢတၢ်အိၣ်ဆူၣ်အိၣ်ချ့အဂီၢ် ဒ်ကီၢ်စၢဖှိၣ်ကိတိာ် နဲၣ်လီၤ၀ဲအသိးန့ၣ်...