ပယီၤသုးခးလီၤကျိဖးဒိၣ်အဃိ လီၢ်က၀ီၤသ၀ီဖိ ၂ ဂၤ ဘၣ်ဒိ
လါယူၤ ၅ သီႇ ၂၀၂၀ နံၣ်ႇ စးအဲၣ်ဆူ ကညီကီၢ်စဲၣ်ႇ မုၢ်ြတီၢ်လီၢ်က၀ီၤပူၤ ကီၢ်ပယီၤသုးမုၢ်ဒိၣ် စုဒုၣ်စုတီၤသုးရ့ၣ်အံၤ ခီဖျိလၢခးလီၤ၀ဲကျိဖးဒိၣ်လၢ လီၢ်က၀ီၤဒူသ၀ီပူၤအဃိ ဖဲလါယူၤ ၂ သီအနံၤန့ၣ် ၦၤသ၀ီဖိ ၂ ဂၤ ဘၣ်ဒိ၀ဲဒၣ်ဒီး ဘၣ်တၢ်ဆှၢအ၀ဲသ့ၣ်ဆူတၢ်ဆါဟံၣ်လၢအဘူးဖဲန့ၣ်အဂ့ၢ်န့ၣ် သ့ၣ်ညါဘၣ်လၢလီၢ်က၀ီၤပူၤ တၢ်ကစီၣ်ဂံၢ်ထံးတဖၣ်အအိၣ်န့ၣ်လီၤႉ မုၢ်ြတီၢ်(ဖၣ်ပူၣ်)ကီၢ်ရ့ၣ်ႇ ဒွဲၣ်လိကီၢ်ဆၣ်ႇ မီလိာ်ကျိသ၀ီအကပိၤကပၤန့ၣ် ဖဲလါယူၤ ၂ သီအနံၤ ပယီၤသုးဒီး KNLA –ကညီဒီကလုာ်တၢ်ထူၣ်ဖျဲးသုးမုၢ်ဒိၣ်တဖၣ်အဘၢၣ်စၢၤ တၢ်ခးလိာ်သးကဲထီၣ်၀ဲဒၣ်ဒီး ဖဲန့ၣ်ပယီၤသုး နီၣ်ဂံၢ်(၈) ပၢဆှၢရဲၣ်ကျဲၤသုး၀ဲၤလီၢ်ခိၣ်သ့ၣ် စုဒုၣ်စုတီၤအဖီလာ် ခီၣ်ချ့သုးရ့ၣ်(ခမရ–၄၁၀)သုးကလၢၤအံၤ ခီဖျိလၢခးလီၤ၀ဲကျိဖးဒိၣ်လၢ မီလိာ်ကျိသ၀ီအလီၢ်ခံ၀ၣ်သိၣ်ထၣ်သ၀ီအပူၤအဃိ ၀ၣ်သိထၣ်သ၀ီ ဖိဒီဖိပၢ်ခံဂၤဘၣ်ဒိဘၣ်ထံး၀ဲဒၣ်အဂ့ၢ်န့ၣ် လီၢ်က၀ီၤဖိလၢတအဲၣ်ဒိးပာ်ဖျါအမံၤတဂၤ စံး၀ဲဒ်အံၤလီၤႉ “ဖဲမဟါ ၂ နၣ်ရံၣ်ဘျဲၣ်အဆၢကတီၢ်န့ၣ် ခးလိာ်သးဒီး KNLA လီၤႉ တၢ်အဃိန့ၣ် ပယီၤသုးတပၤ ခးလီၤ၀ဲကျိဖးဒိၣ် ၂ ဖျၢၣ် လီၤတဲာ်၀ဲဒၣ်လၢသ၀ီပူၤအဃိ လဲၤဘၣ်၀ဲဒၣ်သ၀ီပူၤဒီဖိပၢ်ခံဂၤန့ၣ်လီၤႉ တၢ်ဆှၢအ၀ဲသ့ၣ်ဆူကမးမိၣ်တၢ်ဆါဟံၣ်လီၤ” အဂ့ၢ်န့ၣ် လီၢ်က၀ီၤဖိဖဲန့ၣ် စံးဘၣ်ခ့ၣ်အဲးစံၣ်လီၤႉ ၦၤဒီဖိပၢ်လၢအဘၣ်၀ဲဒၣ်ဒီးကျိဖးဒိၣ်အံၤ...
ချၢၣ်လွံၢ်ထူၣ်ကီၢ်ရ့ၣ် တၢ်ြတီဆၢ Covid-19 တၢ်သမံသမိးအလီၢ်တခါ ဘၣ်တၢ်မၤဟးဂီၤ
လါယူၤ ၅ သီႇ ၂၀၂၀ နံၣ်ႇ ခ့ၣ်အဲးစံၣ် KNU- ကညီဒီကလုာ်စၢဖှိၣ်ကရၢ တၢ်ပၢဟီၣ်က၀ီၤ ချၢၣ်လွံၢ်ထူၣ်ကီၢ်ရ့ၣ်(သုးက့ ၃) ခၠီထံးကီၢ်ဆၣ် ချ့ၤ=ခၠိ၀ၣ် ကျဲ ဂာ်တဲာ်ႇ KNU တၢ်ြတီဆၢ Covid-19 တၢ်သမံသမိးအလီၢ်တခါလၢ တၢ်တ့အီၤဘူးက၀ံၤအံၤ ဖဲလါယူၤ ၂ သီအနံၤန့ၣ် ဘၣ်တၢ်ဟဲမၤဟးဂီၤ၀ဲအဂ့ၢ်န့ၣ် သ့ၣ်ညါဘၣ်လၢ KNU ချၢၣ်လွံၢ်ထူၣ်ကီၢ်ရ့ၣ် ၦၤဘၣ်မူဘၣ်ဒါတဖၣ်အ အိၣ်လီၤႉ တၢ်ြတီဆၢဆိတၢ်ဆါ တၢ်သမံသမိးအလီၢ်အံၤ ဖဲ Covid-19 အကတီၢ် ၦၤဟးထီၣ်နုာ်လီၤလၢ ကစၢၢ်ခိၣ်တၢ် လီၢ်တဖၣ် ဒ်သိးတၢ်ကသမံသမိး၀ဲကသ့အဂီၢ် လီၢ်က၀ီၤအပူၤတၢ်ြတီဆၢတၢ်ဆါကမံးတံာ်အံၤ ဖဲလါယူၤ ၂ သီအနံၤ ဂီၤခီအဆၢကတီၢ် စးထီၣ်သူၣ်ထီၣ်၀ဲဒၣ်၀ံၤအလီၢ်ခံ ဖဲမုၢ်ဟါလီၤအဆၢကတီၢ် ဘၣ်တၢ်မၤဟးဂီၤ၀ဲဒၣ် န့ၣ်လီၤအဂ့ၢ်န့ၣ် KNU ချၢၣ်လွံၢ်ထူၣ်ကီၢ်ရ့ၣ် တၢ်ြတီဆၢ Covid-19 တၢ်ဆါကမံးတံာ် တၢ်ဆဲးကျိးမူဒါခိၣ် ပဒိၣ်စီၤကျၢၤမူထူ စံး၀ဲဒၣ်လီၤႉ “အ၀ဲသ့ၣ် တဲ၀ဲဒ်လဲၣ်န့ၣ် တၢ်နဲၣ်လီၤတအိၣ်၀ဲဘၣ်ႉ ပ၀ဲသ့ၣ်တဖၣ်စ့ၢ်ကီး လၢတၢ်ြတီဆၢတၢ်ဆါအဂီၢ် ပတဲလၢ ကဘၣ်မၤတုၤအကဲထီၣ်န့ၣ်လိၣ်၀ဲလီၤႉ...
ဘဲထံထူၣ်တဖၣ် တၢ်မ့ၢ်တမၤဟးဂီၤအီၤဒီးပာ်ဃာ်၀ဲန့ၣ် တၢ်ကဟံအရ့ဒ်ကသံၣ်မူၤဘှီးတၢ်ဘျၢသဲစးအသိး
လါယူၤ ၃ သီႇ ၂၀၂၀ နံၣ်ႇ စီၤမၠၣ်အူသၣ် KNU- ကညီဒီကလုာ်စၢဖှိၣ်ကရၢ ၀ီၢ်ရီကီၢ်ဆၣ်အပူၤ တၢ်သူၣ်ဃာ်၀ဲဘဲထံထူၣ်တဖၣ်န့ၣ် လၢတနွံအတီၢ်ပူၤ တၢ်မ့ၢ်တကျီမၤရှဲလဲက့ၤ၀ဲဘၣ်န့ၣ် တၢ်ကဟံန့ၢ်အရ့ဒ်ကီၢ်သူလ့ၤ ကသံၣ်မူၤဘှီးတၢ်ဘျၢသဲစးအသိးအဂ့ၢ်န့ၣ် ဖဲလါမ့ၤ ၃၁ သီအနံၤန့ၣ် ကညီဒီကလုာ်ပၢၤကီၢ်သုးကရူၢ် ထုးထီၣ်၀ဲလံာ်န့ၣ်လီၤႉ တၢ်သူၣ်၀ဲဘဲထံထူၣ်အံၤ KNU တဟ့ၣ်၀ဲအခွဲးဘၣ်ႇ တၢ်ကဟံ၀ဲအရ့လီၤဒီး လၢဒူသ၀ီအပူၤတၢ် သူၣ်ဃာ်၀ဲမ့ၢ်အိၣ်စ့ၢ်ကီးန့ၣ် တၢ်ကပာ်၀ဲအလီၢ်ခံကတၢၢ်တုၤလၢလါယူၤ ၇ သီ ဒီး တၢ်ကဘၣ်မၤဟးဂီၤအီၤဂ့ၢ်န့ၣ် KNPF လၢလံာ်ပာ်ဖျါအပူၤပာ်ဖျါ၀ဲန့ၣ်လီၤႉ KNPF ၀ီၢ်ရီကီၢ်ဆၣ် နီၣ်ဂံၢ်(၄) ပၢၤကီၢ်ရူမူဒါခိၣ် စီၤည့ခၠါ စံး၀ဲလၢ “လၢကသံၣ်မူၤဘှီးအလီၢ်န့ၣ် က့ၤဆီတ လဲသူ၀ဲလၢဘဲထံထူၣ်လီၤႉ လီၢ်က၀ီၤအပူၤမ့ၢ်ဆဲးအိၣ်ဒံး၀ဲန့ၣ် ခါဆူညါသူၣ်ဘီၣ်သးစၢ်တဖၣ် ကကဲထီၣ်၀ဲကသံၣ်မူၤ ဘှီးကစၢ်လီၤႉ လၢထံကီၢ်အဂီၢ်ဒီးကလုာ်အဂီၢ်န့ၣ် မၤ၀ဲတန့ၢ်လၢၤဘၣ်လီၤႉ ကမျၢၢ်တဖၣ်စ့ၢ်ကီး ပာ်ဖှိၣ်ဒီးထီဒါသကိးအီၤန့ၣ် အဲၣ်ဒိးဆီၣ်တခူထီၣ်ယဲလီၤ” အဂ့ၢ်န့ၣ် စံးဘၣ်ခ့ၣ်အဲးစံၣ် ဖဲလါယူၤ ၁ သီအနံၤန့ၣ်လီၤႉ ဖဲလါမ့ၤ ၂၀ သီဒီး ၂၄ သီအနံၤန့ၣ် ၀ီၢ်ရီကီၢ်ဆၣ်အပူၤ ...
ဖဲဆဲးလီၤကၠိမံၤအကတီၢ် ထၢနုာ်ဃုာ် စီၤႇနါႇနီၢ်တဖၣ်န့ၣ် မိၣ်ကီၢ်စဲၣ် ကညီကိတိာ် ဆီၣ်တခူထီၣ်
လါယူၤ ၂ သီႇ ၂၀၂၀ နံၣ်ႇ နါ၀့ၤဖၠိစၣ် ကညီကလုာ်ဒူၣ်လၢအအိၣ်ဆိး၀ဲ ဖဲတလၢၤ(မိၣ်)ကီၢ်စဲၣ်အပူၤတဖၣ် နံၣ်လၢကဟဲ ၂၀၂၀–၂၀၂၁ တၢ်သိၣ်လိနံၣ်န့ၣ် ဖဲလဲၤဆဲးလီၤမံၤအဆၢကတီၢ် ထၢနုာ်ဃုာ်ဒီးကညီကလုာ်ဒူၣ်တဖၣ်အတၢ်မၤနီၣ်လၢအမ့ၢ် စီၤႇ နါႇ နီၢ် တဖၣ်န့ၣ် မိၣ်ကီၢ်စဲၣ် ကညီကလုာ်ဒူၣ်ဂ့ၢ်၀ီကိတိာ် စီၤအီၣ်မၠ့ၣ်ခဲၤ ဆီၣ်တခူထီၣ်၀ဲန့ၣ်လီၤႉ ဘၣ်ထဲဒွီးတၢ်ထၢနုာ်ဃုာ်ဒီးကလုာ်ဒူၣ်အတၢ်ပနီၣ်ကန့ၢ်အဂီၢ် ဆဲးလီၤမံၤလၢတၢ်သူၣ်အိၣ်သးအိၣ်နီၢ်နီၢ်န့ၣ် ကၠိဖိ မိၢ်ပၢ်ႇ က၀ီၤဒ့ႇ ဒူသ၀ီပၢြပးအခိၣ်လၢအဘၣ်ထဲတွဖၣ်ဒီး ကညီလံာ်လဲၢ်ဒီးတၢ်ဆဲးတၢ်လၤကမံးတံာ်တဆီ ဒ်သိးကသ့ၣ်ညါ၀ဲအဂီၢ် ဖဲလါမ့ၤ ၂၆ သီအနံၤ ကီၢ်ဆၣ်လၢအအိၣ်မိၣ်ကီၢ်စဲၣ်အပူၤ ပၢြပး၀ဲၤကျိၤခဲလၢာ် ကညီကလုာ်ဒူၣ်ကလုာ်ဂ့ၢ်၀ီကိတိာ်အံၤ ဆှၢဟ့ၣ်ဒုးသ့ၣ်ညါ၀ဲလံာ်န့ၣ်လီၤႉ မိၣ်ကီၢ်စဲၣ် ကညီဂ့ၢ်၀ီကိတိာ် စီၤအီၣ်မၠ့ၣ်ခဲၤ စံး၀ဲ “ဘၣ်ဃးဒီးမံၤကမၣ်တဖၣ်အံၤ အ၀ဲသ့ၣ်အတၢ်ကီတၢ်ခဲတဖၣ်န့ၣ် ဟဲတီၣ်ဖျါထီၣ်၀ဲအိၣ်၀ဲဒၣ်လီၤႉ ဖဲ(လ၀က)က့ၤဘှီဘၣ်အကတီၢ်န့ၣ် တၢ်တံာ်တာ်အိၣ်၀ဲအဃိႇ ဖဲတၢ် လဲၤဆဲးလီၤမံၤအကတီၢ် ဒ်သိးကကဲထီၣ်တၢ်တိစၢၤမၤစၢၤလၢအ၀ဲသ့ၣ်အဂီၢ်ႇ ၦၤကိးဂၤဒဲး အဲၣ်ဒိးထၢနုာ်ဃုာ်ဒီး ကညီမံၤအမဲာ်ညါအတၢ်ပနီၣ်န့ၣ်လီၤႉ တနီၤန့ၣ်ဆိကမိၣ်၀ဲလၢ ထၢနုာ်တန့ၢ်ဘၣ်န့ၣ်လီၤႉ တၢ်သ့ၣ်တဖၣ်အံၤ ကပာ် သူၣ်ပာ်သးဒီးမၤအီၤန့ၣ် ထံကီၢ်အံၤဘိးဘၣ်ရၤလီၤ၀ဲဒၣ်လံအဃိႇ တၢ်အဃိန့ၣ် ဒ်သိးပတၢ်ပနီၣ်သုတအိၣ်တ့ၢ်တဂ့ၤ န့ၣ် ပဟ့ၣ်ပလီၢ်၀ဲဒီးဆီၣ်တခူထီၣ်၀ဲန့ၣ်လီၤ” အဂ့ၢ်န့ၣ်...
သီခါဖးဒိၣ်ဖုကၠဲးတၢ်မဲး
ၦၤကဲထီၣ်ဘၣ်သီခါအဆိကတၢၢ်လၢကညီဖိအကျါ တံနိ (သ၀ီတါ) ထံကီၢ်ပအိၣ်ပဆိးလၢအပူၤခဲအံၤတဘ့ၣ်န့ၣ် ပမှံၤပၦၢ်ပဖံဖးဒိၣ်ဖုဖးဒိၣ်လၢညါတဖၣ်ကိးအီၤလၢ “ကီၢ်လါ”လီၤႉ မ့ၢ်လၢသ့ၣ်မုၢ်၀ၣ်ဘိႇ ပျီမုၢ်လါဟ့ဒီးထံကျိထံကွာ်တဖၣ် အိၣ်ဖျါဃံလၤလါဟ့အဃိန့ၣ်လီၤႉ လၢညါခါ လၢပယီၤတၢ်စံၣ်စိၤတဲစိၤအလံာ်အပူၤန့ၣ် ပယီၤတကိးအီၤကွဲးအီၤအမံၤလၢကီၢ်ပယီၤ (ဗမာြပည်)ဒ်မုၢ်မဆါတနံၤအံၤအသိးနီတဘျီဘၣ်ႉ ပယီၤအလံာ်တၢ်စံၣ်စိၤတဲစိၤလၢညါတဖၣ်န့ၣ် ကိးဒၣ်ကွဲးဒၣ်ကီၢ်တဘ့ၣ်အံၤအမံၤလၢ(ေဂါလတိုင်း) မ့တမ့ၢ် (ကရဏကတိုင်း)န့ၣ်လီၤႉ (ေဂါလတိုင်း) မ့ၢ်တၢ်ကိးပိာ်ထွဲကညီတၢ်ကိးအခံ“ကီၢ်လါ”န့ၣ်လီၤႉ (ကရဏကတိုင်း) အခီပညီမ့ၢ်၀ဲ(ကရင်တိုင်းြပည်)ကညီကီၢ်န့ၣ်လီၤႉ ပဖံပဖုလၢပျၢၤတဖၣ် မ့ၢ်ဒၣ်ၦၤအီၣ်ဃဲၤအီၣ်ဘှးဒီးအတၢ်စူၣ်တၢ်နာ်မ့ၢ်၀ဲ–မိၢ်လုၢ်ပၢ်လၢ်တၢ်လုၢ်ထီၣ်ပာ်ထီၣ် သံခိၣ်မုၢ်ဃါတၢ်၀ံတၢ်ကလၤန့ၣ်လီၤႉ မ့မ့ၢ်လၢပယီၤကလုာ်တခီ တချုးလၢစီၤပၤအနီၣ်&ထၣ်(အေနာ်ရထာ) ပၢတၢ်အစိၤဒံးဘၣ်ဒီးတုၤလၢအ၀ဲပၢတၢ်ဆၢကတီၢ်န့ၣ် အထံဖိကီၢ်ဖိတဖၣ်ဘူၣ်ဘါ၀ဲအ့းသ့းအယံကၠံ(အရည်းြကီး) န့ၣ်လီၤႉ တုၤမ့ၢ်သီခါဖးဒိၣ်ရှ့ၣ်အရဟၣ်(ရှင်အရဟံမေထရ်)အိၣ်လၢဒူသထူၣ် ဟဲတုၤဆူပကီး(ပုဂံ)အလီၢ်ခံမးဒီး ပယီၤဖိတဖၣ်ဟံးန့ၢ်ဘူၣ်ဘါက့ၤ၀ဲ“ဘူးဒးတၢ်ဘူၣ်တၢ်ဘါ”န့ၣ်လီၤႉ ဘူးဒးတၢ်ဘူၣ်တၢ်ဘါအံၤ အထူအထံးအိၣ်ဟဲလၢကီၤလၤသူကီၢ် မၠ့းစံးမးတဲ(မဇိမတိုင်း)ဒီး သလၣ်ထီၣ်အသးဆူကီၢ်ပယီၤပူၤမ့ၢ်၀ဲဖဲ(၁၁)ယၤဖှိၣ်နံၣ်ႇ ဖဲကီၢ်ပယီၤလာ်ခီ တလၢၤစီၤပၤမနူၣ်ဟၣ်ပၢတၢ်ဒီး လၢကီၢ်ပယီၤထးခီပယီၤစီၤပၤအနီၣ်ရထၣ်ပၢတၢ်အစိၤဆၢကတီၢ်ခါန့ၣ်လီၤႉ တုၤမ့ၢ်ဘူးဒးအတၢ်ဘူၣ်တၢ်ဘါသလၣ်ထီၣ်သးလၢကီၢ်ပယီၤပူၤလံတဘျီန့ၣ်ႇ ဒ်ဘူးဒးတၢ်ဘူၣ်တၢ်ဘါအတၢ်သိၣ်တၢ်သီလုၢ်လၢ်ထူသနူအိၣ်၀ဲအသိးႇ ဖိပိာ်ခွါလၢအသးနံၣ်ၦဲၤထီၣ်တဖၣ်န့ၣ် မိၢ်ပၢ်ကဘၣ်ဒုးကၤထီၣ်အီၤလၢတၢ်ဘီႇ ဘၣ်ဒုးထီၣ်အ၀ဲသ့ၣ်လၢတပွ့(ရှင်သာမေဏ)ဒီး မ့မ့ၢ်ၦၤပိာ်ခွါလၢအသးနံၣ်မ့ၢ်ၦဲၤထီၣ်(၂၀)တဖၣ်န့ၣ် ဘၣ်ထီၣ်ကဒီးနဲၢ်(ဥင်း)န့ၣ်လီၤႉ ဘၣ်ဆၣ်တလၢၤပယီၤစံး၀ဲ–မ့မ့ၢ်ၦၤကညီ(ၦိၢ် ⁄ စှီၤ)တကလုာ်အံၤန့ၣ်ႇ မ့ၢ်ၦၤရၢၢ်ၦၤစၢၢ်ၦၤအပတီၢ်ဖုၣ်ႇ တြကၢးတဘၣ်ဒီးတၢ်ကဘၣ်ဒုးထီၣ်အ၀ဲသ့ၣ်ဆူ“နဲၢ်”ဆူ“သီခါ”အလီၢ်ဘၣ်ႉ တြကၢးတဘၣ်လၢတလၢၤဒီးပယီၤကလုာ် ကဘၣ်ဘါထီၣ်၀ဲၦၤကညီသီခါဘၣ်ႉ လၢတၢ်န့ၣ်အဃိ ဖဲပယီၤစီၤပၤအနီၣ်ရထၣ်ပၢတၢ်ဆၢကတီၢ်အခါ ပၦၤကညီ(ၦိၢ် ⁄ စှီၤ)ကလုာ်အံၤ လၢတၢ်ဘူၣ်တၢ်ဘါတပၤန့ၣ်ႇ တၢ်တဟ့ၣ်အ၀ဲသ့ၣ်အခွဲးလၢကကဲထီၣ်ဘၣ်သီဘူၣ်သီခါနီတဂၤဘၣ်န့ၣ်လီၤႉ လၢပၦၤကညီကလုာ်အကျါႇ ၦၤလၢအထီၣ်“နဲၢ်”ဒီးကဲထီၣ်ဘၣ်သီခါအဆိကတၢၢ်တပါလၢကီၢ်ပယီၤပူၤႇ ဘူးဒးတၢ်ဘူၣ်တၢ်ဘါအပူၤန့ၣ် မ့ၢ်၀ဲသီခါဖးဒိၣ်“ဖုကၠဲးတၢ်မဲး”န့ၣ်လီၤႉ...
သုးခိၣ်ကျၢၢ်စိ စီၤထီၣ်လ့ ဘၣ်တၢ်ဃုထၢထီၣ်၀ဲဒ် KNU/KNLA(PC) ၦၤပၢၤလီၢ်ဆ့ၣ်နီၤအသီ
လါမ့ၤ ၂၇ သီႇ ၂၀၂၀ နံၣ်ႇ စီၤရှါ ဖဲမဟါ(လါမ့ၤ ၂၆ သီ)အနံၤန့ၣ် KNU/KNLA (PC)- ကညီတၢ်မုာ်တၢ်ခုၣ်ကီၣ်ကး မၤ၀ဲတၢ်အိၣ်ဖှိၣ် ဖဲကီးတရံးကီၢ်ရ့ၣ်ႇ နီၣ်တယၢ်၀့ၢ်(ထိၣ်ကီးကိ) ကီၣ်ကး၀ဲၤလီၢ်ခိၣ်သ့ၣ်ဒီး ဃုထၢထီၣ်က့ၤ၀ဲ ၦၤပၢၤလီၢ်ဆ့ၣ်နီၤအသီလၢအမ့ၢ် သုးခိၣ်ကျၢၢ်စိ စီၤထီၣ်လ့န့ၣ်လီၤႉ ဖဲလါမ့ၤ ၃ သီအနံၤန့ၣ် ၦၤပၢၤလီၢ်ဆ့ၣ်နီၤလီၢ်လံၤ သုးခိၣ်ကျၢၢ်စိ စီၤထ့ၣ်မီၣ် လဲၤပူၤကွံာ်သး၀ံၤအလီၢ်ခံႇ ဖဲလါမ့ၤ ၂၅ သီႇ ၂၆ သီအနံၤန့ၣ် တၢ်မၤ၀ဲဒၣ်လီၢ်ခၢၣ်သးကမံးတံာ်ဒီး သုးခိၣ်သုးနၢ်တဖၣ်အတၢ်အိၣ်ဖှိၣ်အံၤ ဘၣ်တၢ်ဃုထၢထီၣ်၀ဲသုးခိၣ်ကျၢၢ်စိ စီၤထီၣ်လ့အံၤ လၢၦၤပၢၤလီၢ်ဆ့ၣ်နီၤဒီး သုးရိၣ်မဲခိၣ်ကျၢၢ်လီၢ်လးအဂ့ၢ်န့ၣ် နဲၣ်ရွဲၣ်သဃဲၤ သုးခိၣ်ဒိၣ်စိ စီၤကၠီၤညိၣ် စံး၀ဲဒၣ်လီၤႉ အ၀ဲစံး၀ဲလၢ “တမ့ၢ်တၢ်ဖးခူသူၣ်အကျဲသနူဘၣ်ႉ တၢ်ကိး၀ဲဒၣ်တၢ်အိၣ်ဖှိၣ်ဒီး ပဆှၢနုာ်၀ဲဒၣ်လီၤႉ ၦၤလၢအထီဒါ တၢ်မ့ၢ်တအိၣ်ဘၣ်န့ၣ် ပပာ်ဂၢၢ်ပာ်ကျၢၤ၀ဲဒၣ်လီၤႉ လၢၦၤပၢၤလီၢ်ဆ့ၣ်နီၤအတၢ်လီၤဟိလီၤဘျဲၣ်ဒီး သုးရိၣ်မဲခိၣ် ကျၢၢ်အလီၢ်န့ၣ် ဒ်တၢ်သိၣ်တၢ်သီအသနူအသိး ပဃုထၢထီၣ်၀ဲဒၣ် သုးခိၣ်ကျၢၢ်စိ စီၤထီၣ်လ့ဒီး မၤအါထီၣ်အလီၢ်လးန့ၣ်လီၤ” အဂ့ၢ်န့ၣ် စံးဘၣ်ခ့ၣ်အဲးစံၣ်လီၤႉ လၢတၢ်အိၣ်ဖှိၣ်ဘျီ၀ဲအံၤ တၢ်ဃုထၢဒီးပာ်ထီၣ်၀ဲ...
သိလ့ၣ်လၢအကျး၀ဲ ဖီၣ်စုက၀ဲၤကရူၢ်အတၢ်ပနီၣ်တဖၣ် ဘၣ်တၢ်ထုးကွံာ်
လါမ့ၤ ၂၆ သီႇ ၂၀၂၀ နံၣ်ႇ န့ၣ်နီၣ် ကညီကီၢ်စဲၣ်ႇ ရၤမတံ(မၠၣ်၀တံၣ်)၀့ၢ်ပူၤ သိလ့ၣ်လၢအလ့ၢ်လိၤဟးထီၣ်ဟးလီၤ ကီးတရံး–ဖၣ်အၣ်၀့ၢ်တဖၣ် လၢအကျးထီၣ်၀ဲ ဖီၣ်စုက၀ဲၤကရူၢ်အတၢ်ပနီၣ်တဖၣ်ဒီး သုးကရူၢ်အနီၣ်ဂံၢ်တဖၣ်န့ၣ် ဘၣ်တၢ်ဟ့ၣ်၀ဲတၢ်ပလီၢ်ဒီး ထုးကွံာ်၀ဲဒၣ်န့ၣ်လီၤႉ ဖဲလါမ့ၤ ၂၁ သီ မုၢ်ထူၣ်အဆၢကတီၢ်န့ၣ် ရၤမတံ၀့ၢ်ပူၤဒီးကျဲမုၢ်ဖးဒိၣ်လၢ ညီနုၢ်သိလ့ၣ်ဟးထီၣ်ဟးလီၤတဖၣ်န့ၣ် ဖီၣ်စုက၀ဲၤကရူၢ်လၢအဟးထီၣ်ဟးလီၤတဖၣ်ဒီး သိလ့ၣ်အဂၤတဖၣ် လၢအကျးထီၣ်၀ဲ ဖီၣ်စုက၀ဲၤ ကရူၢ်အတၢ်ပနီၣ်တဖၣ်န့ၣ် တၢ်ထုးကံွာ်အီၤဒီး တၢ်မ့ၢ်ထံၣ်ကဒီးအသီတဘျီန့ၣ် ဒ်တၢ်ဘျၢသဲစးအိၣ်ပာ်အသိး တၢ်ကဟံအရ့အဂ့ၢ်န့ၣ် တၢ်သမံသမိးသိလ့ၣ်ကရူၢ်ပာ်ဖှိၣ် ၦၤဘၣ်မူဘၣ်ဒါတဂၤ စံး၀ဲန့ၣ်လီၤႉ ၀့ၢ်ရၤမတံအံၤ ဒ်အမ့ၢ် ကီၢ်ဆၢ၀့ၢ်တဖျၢၣ်အသိး ကလုာ်ဒူၣ်ဖီၣ်စုက၀ဲၤကရူၢ်လၢအဆဲးလီၤ၀ဲ NCA တၢ်ပတုာ် တၢ်ခးအလံာ်ဃံးဃာ်အံၤအိၣ်၀ဲ ၃ ဒူၣ် အမဲာ်ညါႇ သုးခိးကီၢ်ဆၢ -BGF ဒီး ဖီၣ်စုက၀ဲၤကရူၢ်အဆံးလၢအဂၤတဖၣ် အိၣ်ဆီလီၤအသးန့ၣ်လီၤႉ ဖီၣ်စုက၀ဲၤကရူၢ် အသိလ့ၣ်တဖၣ်တကးဘၣ်အမဲာ်ညါ သိလ့ၣ်လၢတဘၣ်ဃးဒီး အ၀ဲသ့ၣ်တဖၣ်လၢ အကျးထီၣ်၀ဲဖီၣ်စုက၀ဲၤတၢ်ပနီၣ်အံၤ ဟးထီၣ်ဟးလီၤလၢ၀့ၢ်ပူၤ အိၣ်၀ဲဒၣ်စ့ၢ်ကီးလီၤႉ ၦၤကမျၢၢ်လၢအအိၣ်ဖဲ ရၤမတံ၀့ၢ်တဂၤစံး၀ဲလၢ“တၢ်မၤ၀ဲဒၣ်ဒ်အံၤန့ၣ် ဂ့ၤ၀ဲဒၣ်လီၤႉ ရၤမတံ၀့ၢ်ပူၤအံၤ သုးကရူၢ် လၢအစဲၤနီၢ်န့ၣ်အိၣ်၀ဲဒၣ်အသိးႇ လၢအတမ့ၢ်တၢ်စဲၤနီၢ်ဘၣ်...
ကၠးအ့စ့ၣ်ကၠံကီၢ်ဆၣ်အပူၤ ကရူၢ်ပာ်ဖှိၣ်တဖၣ်မၤရှဲလဲ၀ဲ ဘဲထံထူၣ် ၂ႇ၀၀၀ ဘျဲၣ်
လါမ့ၤ ၂၅ သီႇ ၂၀၂၀ နံၣ်ႇ စီၤမၠၣ်အူသၣ် ကညီကီၢ်စဲၣ် ကၠၤအ့စ့ၣ်ကၠံကီၢ်ဆၣ်အပူၤ ဖဲလါမ့ၤ ၂၀ သီအနံၤန့ၣ် KNU ကညီဒီကလုာ်စၢဖှိၣ်ကရၢႇ ကီၢ်ပယီၤပၢၤကီၢ်သုးကရူၢ်တဖၣ်ဒီး သုးခိးကီၢ်ဆၢ (BGF) ကရူၢ်တဖၣ် ပာ်ဖှိၣ်ထီၣ်သးဒီး ကျီဟးဂီၤဒီးဒွဲၣ်အူကွံာ်၀ဲ ဘဲထံထူၣ်(ဘိန်းစာပင်) ပာ်ဖှိၣ်ခဲလၢာ် ၂ႇ၀၀၀ ဘျဲၣ် ဖဲတီၣ်ဒံသ၀ီအပူၤအဂ့ၢ်န့ၣ် သ့ၣ်ညါဘၣ်လၢ ကရူၢ်ပာ်ဖှိၣ် တဖၣ်အအိၣ်န့ၣ်လီၤႉ ကရူၢ်ပာ်ဖှိၣ်တဖၣ်လၢ အလဲၤကျီမၤရှဲလဲ၀ဲဘဲထံထူၣ်တဖၣ်အံၤ အသးနံၣ်အိၣ်၀ဲ(၂ နံၣ်)ဘျဲၣ်ဒီး မ့ၢ်တၢ်မုၢ်တၢ်ဘိလၢတၢ်သူၣ်စးအဒ့တဖၣ်ဒီးႇ လၢကရၢၢ် ၄ ဘ့ၣ်အပူၤ ဘၣ်တၢ်သူၣ်ကျဲၣ်ကျီဃုာ်၀ဲအဃိ ဒ်သိးကဟံးထီၣ်ဖီၣ်ထီၣ်ဒီးဟံးဂ့ၢ်၀ီကန့ၢ်အဂီၢ် တၢ်ကတီၣ်ဖျါထီၣ်၀ဲလၢတၢ်ဖီခိၣ်အဂ့ၢ်န့ၣ် KNU ၀ီၢ်ရီကီၢ်ဆၣ် ကညီဒီကလုာ်ပၢၤကီၢ်သုး -KNPF ၦၤဘၣ်မူဘၣ်ဒါ စံး၀ဲလီၤႉ “ဘဲထံအလၣ်မ့ၢ်ဂ့ၤႇ အသံၣ်မူၤဘှီးတဖၣ်မ့ၢ်ဂ့ၤ လၢကလုာ်တၢ်ဘံၣ်တၢ်ဘၢအဂီၢ် ကီၢ်ဆၣ်အပူၤန့ၣ် တၢ်ထုးထီၣ်ဘိးဘၣ်ရၤလီၤဃာ်အိၣ်၀ဲဒၣ်န့ၣ်လီၤႉ တၢ်ဂ့ၢ်အ၀ဲအံၤ လၢခ့ၣ်အဲၣ်ယူၣ်တကရူၢ်အဂီၢ်န့ၣ် ကဃုသ့ၣ်ညါဒီးကနၢ်ပၢၢ်အီၤအဂီၢ်န့ၣ် တမ့ၢ်တၢ်ညီဘၣ်ႉ တၢ်ဟ့ၣ်ဒုးသ့ၣ်ညါၦၤဒီးဟီၣ်ခိၣ်ဂီၤနီၣ်ဂံၢ်အဖီခိၣ် တဂၤဒီးတဂၤလၢတၢ်သ့ၣ်ညါပာ်ပနီၣ်လိာ်သးအသိး ပပာ်ဖှိၣ်မၤသကိးတၢ်လီၤ” အဂ့ၢ်န့ၣ် KNU ၀ီၢ်ရီကီၢ်ဆၣ် ၦၤပၢၤလီၢ်ဆ့ၣ်နီၤ...
ပယီၤသုးပာ်ဖျါ၀ဲလၢ တၢ်ထၢသုးအသီန့ၣ် တမ့ၢ်၀ဲဘၣ်ဒီး မ့ၢ်တၢ်နၢ်ပၢၢ်ကမၣ်လိာ်သးလီၤအဂ့ၢ် KNU စံး၀ဲ
လါမ့ၤ ၂၂ သီႇ ၂၀၂၀ နံၣ်ႇ စးအဲၣ်ဆူ ခီဖျိလၢ KNU ထၢသုးသီအဃိ လီၢ်က၀ီၤဖိတဖၣ် ဘၣ်စံၣ်အိၣ်ခူသူၣ်၀ဲအဂ့ၢ် ပယီၤသုး ထုးထီၣ်ဘိးဘၣ်ရၤလီၤ၀ဲ တၢ်ကစီၣ်အံၤ တမ့ၢ်ဘၣ်ဒီး ဖဲတၢ်က့ၤရိၣ်ဖှိၣ်က့ၤသုးလီၢ်လံၤတဖၣ်အကတီၢ် တၢ်နၢ်ပၢၢ်ကမၣ်လိာ်သးအဃိ တၢ်စံၣ် အိၣ်ခူသူၣ် ကဲထီၣ်၀ဲဒ်အခဲအံၤလီၤအဂ့ၢ်န့ၣ် KNU ကညီဒီကလုာ်စၢဖှိၣ်ကရၢ သုးက့(၅) စံးဘၣ် ခ့ၣ်အဲးစံၣ် ဖဲမဟါအနံၤန့ၣ်လီၤႉ ခီဖျိလၢ KNU/KNLA သုးက့(၅)ကရူၢ်တဖၣ် ထၢသုးသီအဃိ ဖဲလါမ့ၤ ၁၆ သီ ဒီး လါမ့ၤ ၁၇ သီအနံၤန့ၣ် ဖၣ်ပူၣ်ကီၢ်ဆၣ် လီၢ်က၀ီၤဖိ(၁၀၀)ဂၤ ဘျဲၣ် ဘၣ်လဲၤစံၣ်အိၣ်ခူသူၣ်၀ဲဒၣ်လၢအဘူးအတံၢ်လၢအအိၣ် ကမးမိၢ်၀့ၢ်ႇ လူၢ်ပျဲၢ်ကီၢ်ဆၣ် မၠဲၣ်ကၠံငူၣ်တၢ်လီၢ်အဂ့ၢ်န့ၣ် ပယီၤသုးမုၢ်ဒိၣ် တၢ်ဒီတဒၢခိၣ်ကျၢၢ်ရူ ထုးထီၣ်ဘိးဘၣ်ရၤလီၤ၀ဲ တၢ်ကစီၣ် ဖဲလါမ့ၤ ၁၉ သီအနံၤန့ၣ်လီၤႉ KNU သုးက့(၅)ၦၤကတိၤတၢ်ပၢ သုးခိၣ်ဒိၣ်ဖိ စီၤကျၢၤဒိၣ်စံး၀ဲ “ ဒ်ပတၢ်ပၢၢ်ဆၢ အတၢ်ဒီ တဒၢအကျိၤအကျဲအသိး ဟံၣ်တဖျၢၣ်န့ၣ် ကဘၣ်နုာ်လီၤသုးတဂၤလီၤန့ၣ်...