လါအ့ဖြ့ၣ် ၃ သီႇ ၂၀၂၁ နံၣ်ႇ ခ့ၣ်အဲးစံၣ်
ဖဲလါအ့ဖြ့ၣ် ၂သီအနံၤ ခီဖျိမ့ၣ်ပိၢ်ပိၢ်ဖးထီၣ်လၢမၠၣ်၀တံၣ်၀့ၢ် နီၣ်ဂံၢ် ၅ က၀ီၤဒ့ ယ့ၤပူၤသ၀ီအကပၤ တၢ်ရ့လိာ်မုာ်လိာ်တိၤအဖီလာ်အဃိ ပယီၤပၢၤကီၢ်သုးတဂၤဘၣ်ဒိအဂ့ၢ်န့ၣ် သ့ၣ်ညါဘၣ်န့ၣ်လီၤႉ
ဖဲဟါခီ ၇း၃၀ အဆၢကတီၢ် မၠၣ်၀တံၣ်၀့ၢ် ကီၢ်ကၠီၣ်တဲၣ်=ကီၢ်ပယီၤကီၢ်ဆၢ နီၣ်ဂံၢ် ၂ တၢ်ရ့လိာ်မုာ် လိာ်တိၤအဖီလာ် ၦၤခံဂၤလၢတၢ်သ့ၣ်ညါအမံၤဟဲကွံာ်တ့ၢ်လီၤ၀ဲမ့ၣ်ပိၢ်လၢပၢၤကီၢ်အိၣ်ခိးတၢ်အလီၢ်အဂ့ၢ်န့ၣ် စံး၀ဲန့ၣ်လီၤႉ
ခီဖျိမ့ၣ်ပိၢ်ပိၢ်ဖးထီၣ်အဃိ ပယီၤပၢၤကီၢ်သုးတဂၤအစုထွဲဘၣ်၀ဲဒီးမ့ၣ်ပိၢ်အက့အခီအဃိ ဘၣ်တၢ်ဆှၢအီၤဆူသ့ၤကါညံၤနီၤတၢ်ဆါဟံၣ်အဂ့ၢ်န့ၣ် သ့ၣ်ညါဘၣ်လၢ ၦၤလၢအဘူးဒီးပၢၤကီၢ်တၢ်ကစီၣ်၀ဲၤကျိၤတဂၤအအိၣ်န့ၣ်လီၤႉ
ဒ်န့ၣ်အသိး ဖဲလါအ့ဖြ့ၣ် ၂ သီ ဟါခီ ၇ နၣ်ရံၣ်အဆၢကတီၢ်စ့ၢ်ကီး မၠၣ်၀တံၣ် ဘယ့ၣ်နီၤကျးအလီၢ် ဒီး နီၣ်ဂံၢ် ၃ က၀ီၤဒ့ ဒံၣ်ထၤအီၤ ဖယါကိအပိၤကပၤစ့ၢ်ကီး နၣ်ဟူ၀ဲဒၣ်မ့ၣ်ပိၢ်ပိၢ်ဖးထီၣ်သီၣ်တထံၣ်စုာ်စုာ်အဂ့ၢ်န့ၣ် မၠၣ်၀တံၣ်၀့ၢ်ဖိကမျၢၢ်တဖၣ်စံး၀ဲန့ၣ်လီၤႉ
