Home တၢ်ကစီၣ် “ကျဲကတၢၢ်ဟုသးမ့ၢ်လၢ၁် ဆ့ၣ်နီၤလၢထူဃၢၤယွၤဃၢၤ”

“ကျဲကတၢၢ်ဟုသးမ့ၢ်လၢ၁် ဆ့ၣ်နီၤလၢထူဃၢၤယွၤဃၢၤ”

543
0

“ကျဲကတၢၢ်ဟုသးမ့ၢ်လၢ၁် ဆ့ၣ်နီၤလၢထူဃၢၤယွၤဃၢၤ”

၁.ဆၢကတီၢ်မုၢ်တနံၤအံၤ တၢ်ဂ့ၢ်ကီအိၣ်ဝဲဒ်အံၤ
ၦၤဟီၣ်ခိၣ်ဖိထံၣ်ဘၣ်ဝဲ မ့ၢ်ခိၣ်ရိၣ်နၣ်တၢ်ဆါဟဲ
ခိၣ်ရိၣ်နၣ်တၢ်ဆါအၢဃၢ် အခီၣ်ထံးစးထီၣ်ဝဲဒၣ်
ဝ့ၢ် “ဝူၣ်ဝၣ်” ဖဲတရူးကီၢ် ခဲအံၤအိၣ်ကိးထံကိးကီၢ်

၂.တၢ်ဆါအၢအက့ၢ်အဂီၤ ပထံၣ်အီၤသ့ဒ်အံၤလီၤ
ခိၣ်ဆါနၢ်ဆါကမူၤဘှိး သါထီၣ်သါလီၤကလ့ၢ်ညိး
ထူၣ်ပျၢ်ဆှိၣ်ဒီးဖံးညၣ်ဆါ ကိးယူၣ်ဆါ ကိးကဆဲအါ
နါစ့ၤဘံးကိ၁်ပူၤလီၤဘျါ အီၣ်အီတဝံၣ် ပ့ျၤလီၤဝါ

၃.နမ့ၢ်တူၢ်ဘၣ်တၢ်ဆါအၢ ကိးဆၢကတီၢ်ကသါဃၢ
နဂံၢ်နဘါမ့ၢ်လီၤစၢ် မ့ၢ်တၢ်သံသတြီၤအဃၢ်
မၤတံ၁်တ၁်ပက့ၢ်ဂီၤဒွဲ ပသးသမူဖုၣ်လီၤဝဲ
သွံၣ်ထံဂံၢ်စၢ်ဒ်သးၦၢ် သံသတြီၤအါပထံၣ်ဘၣ်

၄.တၢ်ဆါအၢက့ၢ်ဂီၤအါမံၤ အိၣ်ဖျါဒ်ပစိၤခဲအံၤ
မ့မ့ၢ်ဒ်သူၣ်က့သးၦၢ် အ့ၣ်လူအ့ၣ်ပြါဂံၢ်လီၤစၢ်
သါထီၣ်သါလီၤဂံၢ်တၦဲၤ သူအီၣ်စံၣ်ကၠ့ၣ်ဆၢတတဲ၁် (Oxygen)
တၢ်ဆၢကတီၢ်တုၤလၢနွံ သုးဘူးပျုၤပူၤတုၤတၢ်သံ

၅.တၢ်ဆါအၢသုတဘၣ်ကူ သးအိၣ်ဟ့ၣ်ကူၣ်ကျဲသနူ
တၢ်သံသတြီၤတဘၣ်နၤ သးအိၣ်ဟ့ၣ်ခီယဲဘၣ်နၤ
ဖဲနအိၣ်တပူၤလၢ်လၢ် ဒီသဒၢသးတၢ်ဆါဃၢ်
ဖျီၣ်နါကျးႇ ကးဘၢကိ၁်ပူၤ မဲ၁်ကျးဝါဆှံလီၢ်ကိးပူၤ

၆.နမ့ၢ်လဲၤက့ၤၦၤအါကျါ စူူးကါတၢ်ကျးဘၢမဲ၁်နါ
သ့စုႇ သ့ခီၣ်ဒီးချါသိ လဲၤထီၣ်က့ၤလီၤမၤထီဘိ
တချုးနဖီၣ်တၢ်အခါ စူးကါ “ဟဲၣ်ကၠဲၣ်” နစုညါ (Hand gel)
ဖီၣ်ထီၣ်ဖီၣ်လီၤတၢ်မ့ၢ်ဝံၤ သ့နစုလၢ “ဟဲၣ်ကၠဲၣ်” ဒံး

၇.တၢ်အီၣ်တၢ်အီတချုးအီၣ် သ့ကဆှီမၤအီၤမုၤနီၢ်
တၢ်ပိးတၢ်လီလၢနသူ တဘၣ်ပျဲၦၤဂၤကသူ
ၦၤဂၤကပၢၤအသဝံ တဟ့ၣ်နၤယၤကလံၤဆှံ
ဟံၣ်ဃီဒၢးပူၤလၢနအိၣ် မုၢ်ကပီၤႇ ကလံၤဘၣ်အိၣ်

၈.တအ့ထံဒီးမိၢ်ဂံ၁်ဖိ ချီအီတနံၤတခွးဖိ
ဆံၣ်ဖိကွ့ နီၣ်ဂီၤတပိၢ် ချီအီဝံၤ လိသးမုၢ်ကိၢ်
မ့ၢ်ဝဲကသံၣ်ဖီၣ်ဖးဒိၣ် နၤယၤကိးဂၤဂ့ၤပ၁်ဒိၣ်
ဒီပုၢ်ဝဲၢ်ဧၢ စူးကါဘၣ် တြီဆၢ တၢ်ဆါခိၣ်ရိၣ်နၣ်.

၉.တၢ်အရ့ဒိၣ်မ့ၢ်ဒ်အံၤ ကတီၤနသးကိးမုၢ်နံၤ
ထံကီၢ်ပဒိၣ်တၢ်နဲၣ်ကျဲ ဒိကနၣ်လူၤပိ၁်ထွဲနဲ
တၢ်အိၣ်ဆူၣ်အိၣ် ခ့သျနူ အိၣ်မူမၤထွဲလဲၤဃဲၤဃူဃူ
ကျဲကတၢၢ်ဟုသးမ့ၢ်လၢ၁် ဆ့ၣ်နီၤလၢထူဃၢၤယွၤဃၢၤ.
လၢတၢ်အဲၣ်ကကွဲၢ်ကဘီ

စီၤကီၢ်ဖျါစ့ (တီနီၢ်ဖိ)
၃၁.၈.၂ဝ၂၁