Home တၢ်ကစီၣ် (KNLA/KNDO)သုးပာ်ဖှိၣ်ထီၣ်မၤန့ၢ်ဂီၤလ့ၤပၢၤကီၢ်၀ဲၤလီၢ်

(KNLA/KNDO)သုးပာ်ဖှိၣ်ထီၣ်မၤန့ၢ်ဂီၤလ့ၤပၢၤကီၢ်၀ဲၤလီၢ်

227
0
Photo: Crd.

လါယူၤ ၁၃ သီႇ ၂၀၂၂ နံၣ်ႇ ခ့ၣ်အဲးစံၣ်

ဖဲတနံၤအံၤလါယူၤ ၁၃ သီ ဂီၤခီအဆၢကတီၢ်န့ၣ် ကညီဒီကလုာ်တၢ်ထူၣ်ဖျဲးသုးမုၢ်ဒိၣ်(KNLA)ႇ ကညီဒီကလုာ်ဂၢၤသးကရၢ(KNDO)သုးပာ်ဖှိၣ်လဲၤထီၣ်မၤန့ၢ်၀ဲပၢၤကီၢ်၀ဲၤလီၢ်လၢအိၣ်မၠၣ်၀တံၣ်ကလံၤထံးဂီၤလ့ၤတၢ်လီၢ်အံၤဒီး ဖီၣ်န့ၣ်၀ဲပယီၤသုးအၦၤဃုာ်ဒီးတၢ်စုက၀ဲၤတဖၣ်အဂ့ၢ်န့ၣ် သ့ၣ်ညါဘၣ်န့ၣ်လီၤႉ

(KNDO)ဂံၢ်ခီၣ်ထံးၦၤဟ့ၣ်တၢ်ကစီၣ်ဖိတဂၤစံး၀ဲ“ဖဲတဂီၤအံၤ ၄ နၣ်ရံၣ်ဃၣ်ဃၣ်အခါန့ၣ် သ့ၣ်ညါဘၣ်လၢသုးပာ်ဖှိၣ်လဲၤထီၣ်မၤန့ၢ်ဂီၤလ့ၤပၢၤကီၢ်၀ဲၤလီၢ်လၢပယီၤသုးဒီးပၢၤကီၢ်သုးအိၣ်ဃုာ်၀ဲအံၤမီၤနီၤႉဖီၣ်ချုးသမူ၀ဲ(၃)ဂၤႇမၤန့ၢ်၀ဲတၢ်စုက၀ဲၤတနီၤ”အဂ့ၢ်န့ၣ် စံး၀ဲန့ၣ်လီၤႉ

တၢ်မၤရှဲလဲဟီၣ်က၀ီၤမ့၀ံၤမးကထုးထီၣ်ပာ်ဖျါ၀ဲသုးဂ့ၢ်၀ီတၢ်အိၣ်သးအံၤလၢအဖိးသဲစးအဂ့ၢ်န့ၣ် ဂံၢ်ခီၣ်ထံးၦၤဟ့ၣ်တၢ်ကစီၣ်ဖိ၀ဲန့ၣ်စံးအါထီၣ်၀ဲန့ၣ်လီၤႉ

တၢ်ထီၣ်မၤန့ၢ်ပၢၤကီၢ်၀ဲၤလီၢ်အခါ(KNLA/KNDO)သုးပာ်ဖှိၣ်ဖီၣ်သမူန့ၢ်၀ဲပၢၤကီၢ်သုး(၃)ဂၤအသိး မၤပူၤဖျဲးထီၣ်၀ဲ(CDM)ပၢၤကီၢ်(၃)ဂၤလၢတၢ်ဒုးဃာ်အီၤအံၤစ့ၢ်ကီးအဂ့ၢ်န့ၣ် သုးပာ်ဖှိၣ်တကပၤစံး၀ဲန့ၣ်လီၤႉ

ဖဲအပူၤကွံာ်လါမ့ၤ ၁၈ သီအနံၤန့ၣ် (KNLA/KNDO)သုးပာ်ဖှိၣ်လဲၤထီၣ်မၤန့ၢ်ဒံး၀ဲမၠၣ်၀တံၣ်ကလ့ၤထံး သ့ၣ်ဘီဘိပယီၤသုးကလၢၤစ့ၢ်ကီးအသိး အပူၤကွံာ်လါမ့ၤ ၂၁ သီအနံၤန့ၣ်စ့ၢ်ကီး (KNLA/KNDO)သုးပာ်ဖှိၣ်လဲၤထီၣ်မၤန့ၢ်၀ဲမီခံပယီသုးကလၢၤဒံးန့ၣ်လီၤႉ