Home တၢ်ကစီၣ် ပယီၤသုး(၂)ဂၤလၢအဟဲက့ၤပာ်လီၤစုက၀ဲၤလၢ(သုးက့ ၅)အအိၣ်အံၤတၢ်ဟ့ၣ်လၤကပီၤ၀ဲလၢစ့

ပယီၤသုး(၂)ဂၤလၢအဟဲက့ၤပာ်လီၤစုက၀ဲၤလၢ(သုးက့ ၅)အအိၣ်အံၤတၢ်ဟ့ၣ်လၤကပီၤ၀ဲလၢစ့

164
0

လါစဲးပထ့ဘၢၣ် ၂၀ သီႇ ၂၀၂၂ နံၣ်ႇ ခ့ၣ်အဲးစံၣ်

ပယီၤသုး(၂)ဂၤလၢအဟဲက့ၤပာ်လီၤစုက၀ဲၤလၢခ့ၣ်အဲၣ်ယူၣ်–ကညီဒီကလုာ်စၢဖှိၣ်ကရၢ ကီၢ်သူလ့ၤသုးမုၢ်ဒိၣ်(သုးက့ ၅)အအိၣ်အံၤဘၣ်တၢ်ဟ့ၣ်လၤကပီၤအ၀ဲသ့ၣ်လၢစ့အဂ့ၢ်န့ၣ် ခ့ၣ်အဲၣ်ယူၣ်–မုၢ်တြီၢ်တၢ်ကစီၣ် ထုးထီၣ်ပာ်ဖျါ၀ဲဖဲတနံၤအံၤန့ၣ်လီၤႉ

ဖဲအပူၤကွံာ်လါအီကူး ၂၁ သီအနံၤန့ၣ် ဒုးယၤပၢဆှၢရဲၣ်ကျဲၤ၀ဲၤလီၢ်ခိၣ်သ့ၣ်(စကခ–၈) ခီၣ်ချ့သုးရ့ၣ်(ခမရ–၄၀၁)လၢအအိၣ်ဆီလီၤသးဖဲဖၣ်ပူၣ်ကီၢ်ရ့ၣ်အံၤအသုးဖိမီၤသၤလၣ်(၂၄)နံၣ်ဒီးယဲသံၤဟၣ်(၂၁)နံၣ်ခံဂၤအံၤ စံၣ်ဖျိးထီၣ်ဒီးဟဲက့ၤဟ့ၣ်လီၤအသးဆူခ့ၣ်အဲၣ်ယူၣ်(သုးက့ ၅)အအိၣ်ဃုာ်ဒီး(3A-4)ကျိစုဘျၢတခိၣ်ႇ ကျိချံ(၁၆)ဖျၢၣ်အဂ့ၢ်န့ၣ် မုၢ်တြီၢ်တၢ်ကစီၣ်လံာ်တၢ်ပာ်ဖျါအပူၤပာ်ဖျါ၀ဲန့ၣ်လီၤႉ

သုးဖိမီၤသၤလၣ်လၢအဟဲက့ၤစိာ်ဃုာ်ဒီးကျိအံၤဘၣ်တၢ်ဟ့ၣ်လၤကပီၤအီၤလၢစ့(၁၅)ကလီၢ်ကၠးဒီး မ့မ့ၢ်သုးဖိယဲသံၤဟၣ်ထိလၢအတဟဲက့ၤစိာ်တၢ်စုက၀ဲၤနီတမံၤဘၣ်တဂၤအံၤတၢ်ဟ့ၣ်လီၤအီၤစ့(၅)ကလီၢ်ကၠးအဂ့ၢ်န့ၣ် လံာ်တၢ်ပာ်ဖျါအပူၤပာ်ဖျါ၀ဲန့ၣ်လီၤႉ

စးထီၣ်လၢ(၂၀၂၁)နံၣ် လါဖ့ၤဘြူၤအါရံၤ ၁ သီ သုးဟံးန့ၢ်တၢ်စိတၢ်ကမီၤ၀ံၤအလီၢ်ခံန့ၣ် သုးမီၤစိရိၤအၦၤဟဲက့ၤဟ့ၣ်လီၤသးဆူခ့ၣ်အဲၣ်ယူၣ်(သုးက့ ၅)အအိၣ်ဟဲအါထီၣ်၀ဲအသိး (၂၀၂၁)ထီၣ်သီတုၤလၢတနံၣ်အံၤလါယနူၤအါရံၤ ၂၆ သီန့ၣ် ပယီၤသုးဟဲက့ၤဟ့ၣ်လီၤသးအိၣ်၀ဲခဲလၢာ် အဂၤ(၈၀)ဘျဲၣ်လံအဂ့ၢ်န့ၣ် ခ့ၣ်အဲၣ်ယူၣ်(သုးက့ ၅)ထုးထီၣ်ပာ်ဖျါ၀ဲအသိးသ့ၣ်ညါဘၣ်န့ၣ်လီၤႉ