လါယူၤ ၉ သီႇ ၂၀၂၃ နံၣ်ႇ ခ့ၣ်အဲးစံၣ်
လၢတနီသရံၣ်ကီၢ်ခီဒိၣ် လီလိကီၢ်ဆၣ်အပူၤ (Non CDM)ၦၤမၤတၢ်ဖိလၢအမၤတၢ်လၢသုးမီၤစိရိၤစုတီၤဖီလာ်တဖၣ်အံၤ မ့ဆဲးမၤဒံး၀ဲဒ်သုးမီၤစိရိၤအတၢ်အဲၣ်ဒိးအသိးမ့တအိၣ်ပတုာ်၀ဲဘၣ်န့ၣ် ကဟံး၀ဲအရ့အဂ့ၢ် လီလိကီၢ်ဆၣ် တၢ်ဒီသဒၢကမျၢၢ်သုးကရူၢ် ထုးထီၣ်လံာ်ဟ့ၣ်ပလီၢ်၀ဲဖဲလါယူၤ ၇ သီအနံၤန့ၣ်လီၤႉ
(ပျူစောထီး),(Non CDM)၀ဲၤကျိၤဘၣ်ထွဲၦၤမၤတၢ်ဖိဒီး(Non CDM)ကူၣ်သ့ၦၤမၤတၢ်ဖိလၢအဆီၣ်ထွဲမၤစၢၤ ဟ့ၣ်ဂံၢ်ဟ့ၣ်ဘါသုးမီၤစိရိၤတဖၣ်အံၤမ့တအိၣ်ပတုာ်မ့ဆဲးမၤဒံး၀ဲဒ်သုးမီၤစိရိၤအတၢ်အဲၣ်ဒိးအသိးန့ၣ် စးထီၣ်တလါအံၤလါယူၤ ၁၀ သီန့ၣ် ကဟံးအရ့တုၤလီၤတီၤလီၤအဂ့ၢ်န့ၣ် လီလိတၢ်ဒီသဒၢကမျၢၢ်သုးကရူၢ် စံး၀ဲန့ၣ်လီၤႉ
လီလိတၢ်ဒီသဒၢကမျၢၢ်သုးကရူၢ် တၢ်ဘိးဘၣ်ရၤလီၤမူဒါခိၣ်တဂၤစံး၀ဲလၢ“ပထုးထီၣ်လံာ်အံၤ ၦၤကၠိဖိလၢအထီၣ်ကၠိ တဖၣ်န့ၣ်တပၣ်ဘၣ်ႉပထုးထီၣ်လံာ်အံၤအခိၣ်သ့ၣ်န့ၣ်ကၠိသရၣ်§မုၣ်လၢအဟ့ၣ်တၢ်ဆီၣ်သနံးမၢၦၤက့ၤထီၣ်န့ၢ်ဆူၣ်ကဒါကၠိသ့ၣ်တဖၣ်အံၤအဂီၢ်လီၤ”အဂ့ၢ်န့ၣ် စံးဘၣ်ခ့ၣ်အဲးစံၣ်–ကညီတၢ်ကစီၣ်န့ၣ်လီၤႉ
လၢလီလိကီၢ်ဆၣ်အပူၤ(ပျူစောထီး)ကရူၢ်ဒီးသုးမီၤစိရိၤ၀ဲၤကျိၤၦၤမၤတၢ်ဖိတဖၣ်အံၤ နုာ်လီၤသမံသမိးၦၤတမှံၤစရီ သတူၢ်ကလာ်ဒီး(Non CDM)ကၠိသရၣ်§မုၣ်တဖၣ်စ့ၢ်ကီးဟ့ၣ်တၢ်ဆီၣ်သနံးဆူကၠိဖိမိၢ်ပၢ်တဖၣ်အအိၣ်လၢမၢအဒံၣ်အဖိ ဟဲထီၣ်ကၠိအဂ့ၢ်န့ၣ် တၢ်ဒီသဒၢသမျၢၢ်သုးကရူၢ်စံး၀ဲန့ၣ်လီၤႉ
ဒ်န့ၣ်အသိးဖဲလါယူၤ ၇ သီအခါစ့ၢ်ကီး တၢ်နုာ်လီၤမၤဟးဂီၤ၀ဲလီလိဂံၢ်ခီၣ်ထံးတီၤထီကၠိတၢ်ဖိတၢ်လံၤသ့ၣ်တဖၣ်ဒီး ကွဲးလီၤစ့ၢ်ကီးလံာ်မဲာ်ဖျၢၣ်လၢ(White Board)ပူၤလၢ“ယၤန့ၣ်(PDF)ဆှဲဧါ”န့ၣ်လီၤႉ
ဒီးလံာ်မဲာ်ဖျၢၣ်လၢတၢ်ကွဲးလီၤ၀ဲအံၤ တၢ်က့ၤရၤလီၤကဒါ၀ဲလၢသုးမီၤစိရိၤအ(ထဲၤလံၤကရၤ)ပူၤဒီးတၢ်လိာ်ဘၢလိာ်ကွီၢ်၀ဲလၢ(PDF)မၤ၀ဲအဂ့ၢ်န့ၣ် လီလိတၢ်ဒီသဒၢကမျၢၢ်သုးကရူၢ် ထုးထီၣ်ပာ်ဖျါ၀ဲန့ၣ်လီၤႉ
