လါအီးကထိဘၢၣ် ၁၆သီ, ၂၀၁၄နံၣ်, ခ့ၣ်အဲးစံၣ်
ကလုၥ်ဒူၣ်ဖီၣ်စုဝဲၤကရူၢ်ကရၢသ့ၣ်တဖၣ် မ့ၢ်ဖီၣ်စုကဝဲၤဒီး ဃ့ထီၣ်နီၢ်ကစၢ်တၢ်လိၣ်ဘၣ်န့ၣ်တမ့ၢ်လၢန့ၢ်ကသ့ဘၣ်ဒီး တ?တဲသကိးတၢ်လၢထံရူၢ်ကီၢ်သဲးစီၤနီၢ်ခိၣ်လၢတၢ်မုၥ်တၢ်ခုၣ်အပူၤန့ၣ်ကမ့ၢ်တၢ်အဆၢတခါလၢကဘှါရှဲဝဲဒၣ်တၢ်သဘံၣ်ဘုၣ်ဒီး မ့ၢ်ဖီၣ်စုကဝဲၤဒီးဃ့ထီၣ်နီၢ်ကစၢ်တၢ်လိၣ်ဘၣ်န့ၣ် မၤပိၥ်ထွဲစၢၤဝဲတသ့ဘၣ်အဂ့ၢ် သုးကီၣ်ကးအခိၣ်မ့ၣ်အီၣ်လဲၣ် တဲလီၤဝဲဖဲလါအီးကထိဘၢၣ် ၁၅သီအနံၤလၢအလီၤဘၣ်ဝဲ ထံကီၢ်လီဒီဘ့ၣ်တၢ်ပတုၥ်တၢ်ခးအလံၥ်ဃံးဃၥ် NCA ပှဲၤထီၣ် (၉)နံၣ် တၢ်ရဲၣ်တၢ်ကျဲၤအပူၤန့ၣ်လီၤ.
လၢတၢ်ဂ့ၢ်ဝဲအံၤအဖီခိၣ်န့ၣ် အဝဲလူၤပိၥ်မၤထွဲဝဲမ့ၢ်တန့ၢ်ဘၣ်န့ၣ် ဒ်ပဘိးဘၣ်ရၤလီၤပတၢ်အိၣ်ဆၢထၢၣ်လၢ သုးမီၤစိရိၤသနူကဘၣ်လီၤမၢ်ကွံၥ်လၢထံကီၢ်တဘ့ၣ်အံၤအပူၤအဂီၢ်န့ၣ် တၢ်လၢအဝဲသ့ၣ်ဘၣ်မၤဝဲဒီးကြၢးမၤဝဲတဖၣ်ကဆဲးမၤဝဲအဂ့ၢ် ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢအပှၤကတိၤတၢ်ပၢ ပဒိၣ်စီၤကျၢၤစ့စံးဝဲဒ်အံၤန့ၣ်လီၤ.
အဝဲစံးဝဲလၢ“အိၣ်ဒၣ်တခါလၢ အဝဲလူၤပိၥ်မၤထွဲဝဲမ့တသ့ဘၣ်န့ၣ်, ဒ်ပတၢ်မၤအိၣ်လၢသုးမၤစိၤကဘၣ်လီၤမၢ်ကွံၥ်လၢထံကီၢ်တဘ့ၣ်အံၤအပူၤအသိးန့ၣ်, ပအဲၣ်ဒိးတဲလၢပတၢ်မၤအိၣ်န့ၣ်ပကဆဲးမၤအီၤလီၤ.ဒီးတကးဒံးဘၣ် အဝဲမၤထွဲဝဲမ့ၢ်တသ့ဘၣ်အဖီခိၣ်န့ၣ်, ပဝဲစ့ၢ်ကီးဒ်ပဘိးဘၣ်ရၤလီၤတ့ၢ်ပၥ်ပတၢ်အိၣ်ဆၢထၢၣ်အိၣ်ဝဲအသိး ပကအိၣ်ဆၢထၢၣ်ဂၢၢ်ဂၢၢ်ကျၢၤကျၢၤ,ပကဆဲးမၤပတၢ်မၤဒီးတၢ်လၢပကြၢးမၤသ့ၣ်တဖၣ်ပကမၤအီၤခဲလၢၥ်န့ၣ်လီၤ.”အဂ့ၢ်စံးဝဲဒၣ်န့ၣ်လီၤ.
တကတီၢ်ဃီ သုးကီၣ်ကး မၤလၤကပီၤဝဲ NCA ပှၤထီၣ်(၉)နံၣ်ဒ်အံၤန့ၣ် ဒ်သိးကဟံးန့ၢ်ဝဲထံရူၢ်ကီၢ်သဲးတၢ်ဘၣ်ဘျုးဂီၢ်အမဲၥ်ညါ ဒ်သိးအကပူၤဖျဲးထီၣ်လၢတၢ်ကီတၢ်ခဲလၢဘၣ်ကွၢ်ဆၢၣ်မဲၥ်ဝဲဖဲတကီၢ်ခါခဲအံၤသ့ၣ်တဖၣ်အပူၤကသ့အဂီၢ်သူဝဲဒၣ်ကျိၤကျဲဝဲအံၤလီၤအဂ့ၢ် ပဒိၣ်စီၤကျၢၤစ့တဲအါထီၣ်ဝဲဒၣ်စ့ၢ်ကီးန့ၣ်လီၤ.
ဒ်သုးကီၣ်ကးအခိၣ်မ့အီၣ်လဲ အတၢ်ကတိၤလီၤတၢ်အသိးန့ၣ် ထံကီၢ်လၢအဂံၢ်ဆူၣ်တဖၣ်အတၢ်ဖီၣ်ပျံၤအဃိ ထံလီၢ်ကီၢ်ပူၤတၢ်ဂၢၢ်တကျၢၤဘၣ်အိၣ်ထီၣ်,ကလုၥ်ဒူဖီၣ်စုကဝဲၤကရူၢ်ကပၣ်ဃုၥ်ပၣ်ဂီၢ်လၢ သုးမုၢ်ဒိၣ်(တၣ်မဒီၣ်)အတၢ်တီခိၣ်ရိၣ်မဲထံလီၢ်ကီၢ်ပူၤတၢ်မုၥ်တၢ်ခုၣ်အဂီၢ်,လၢတၢ်ကမၤပျီမၤရှဲကွံၥ်ပှၤပူထီၣ်လီထီၣ်တၢ်အဂီၢ်ထံဖိကီၢ်ဖိတဖၣ်ကပၣ်ဃုၥ်မၤသကိးတၢ်ဒီး (တၣ်မဒီၣ်)အဂ့ၢ်,လၢတၢ်ကမၤရှဲလဲကွံၥ်ထံလီၢ်ကီၢ်ပူၤတၢ်ပူထီၣ်လီထီၣ်တၢ်တဖၣ်အဂီၢ်တၢ်လၢဘၣ်ဆဲးမၤသ့တဖၣ်သုးမုၢ်ဒိၣ်(တၣ်မဒီၣ်)ကဆဲးမၤဝဲဒၣ်အဂ့ၢ်စံးဝဲဒၣ်န့ၣ်လီၤ.
လၢထံကီၢ်ဒီဘ့ၣ်တၢ်ပတုၥ်တၢ်ခးအလံၥ်ဃံးဃၥ်(NCA) ပှဲၤထီၣ်(၉)နံၣ်အံၤန့ၣ် ကလုၥ်ဒူၣ်ဖီၣ်စုကတဲၤကရူၢ်ဒ်အမ့ၢ် ရခၢၣ်တၢ်ထူၣ်ဖျဲးပၣ်တံ (ALP), ဒံၣ်မိၣ်ကရ့ၣ်စံၣ်တၢ်ဘၣ်ဘျုးကညီသုးမုၢ်ဒိၣ်(DKBA), ကညီတၢ်မုၥ်တၢ်ခုၣ်ကီၣ်ကးကရၢKNU/KNLA PC),လါဟူၤဒံၣ်မိၣ်ကရဲၣ်တ့ၣ်စၢဖှိၣ်ကရၢ(LUD),မိၣ်ကီၢ်သီပၣ်တံၣ်(MNSP)ဒီး တၢ်က့ၤသူၣ်ထီၣ်ယိၤဒိၣ်ကီၢ်ကီၣ်ကး(RCSS) ခိၣ်နၢ်ဒိၣ်ထီသ့ၣ်တဖၣ်လဲၤထီၣ်ပၣ်ဃုၥ်ပၣ်ဂီၢ်ဝဲအဂ့ၢ်သ့ၣ်ညါဘၣ်န့ၣ်လီၤ.
