လါယနူၤအါရံၤ ၂၅ သီ, ၂၀၂၅ နံၣ်, ခ့ၣ်အဲးစံၣ်
သုးကီၣ်ကး(၄၀၂)အမျိၥ်သုးကလၢၤ အပှၤ ၃ ဂၤ လၢအအိၣ်ဆီလီၤသးဖဲခ့ၣ်အဲၣ်ယူၣ်-ကညီဒီကလုၥ် စၢဖှိၣ်ကရၢ ဒူသထူၣ်ကီၢ်ရ့ၣ်(သုးက့ ၁) သထူၣ်ကီၢ်ဆၣ်ပူၤအံၤ ဖဲတနံၤညါအံၤ ဟဲက့ၤပၥ်ဖှိၣ်မၤသကိးတၢ်ဒီးဟီၣ်က၀ီၤကညီ ဒီကလုၥ် တၢ်ထူၣ်ဖျဲးသုးမုၢ်ဒိၣ် (KNLA) သုးပၥ်ဖှိၣ်အဂ့ၢ်န့ၣ် သ့ၣ်ညါဘၣ်န့ၣ်လီၤ.
(၄၀၂)အမျိၥ်သုး အပှၤ(၃)ဂၤလၢအဟဲက့ၤပၥ်ဖှိၣ်မၤသကိးတၢ်ဒီးဟီၣ်က၀ီၤ(KNLA)သုးရ့ၣ် ၂ သုးပၥ်ဖှိၣ်အံၤတဖၣ် မ့ၢ်ပှၤစၢ် အသးနံၣ်ကအိၣ်ဒံးဒၣ်ထဲအနံၣ်(၂၀)ဘျဲၣ် (၃၀)ခိၣ်ဃၢၤလီၤဒီး ဒ်န့ၣ်အသိးအ၀ဲသ့ၣ်န့ၣ်အနုၥ်လီၤမၤတၢ်သုးကျါကအိၣ်ဒံးဒၣ် ထဲတနံၣ်ဘျဲၣ်ဒံးလီၤအဂ့ၢ်န့ၣ် သထူၣ်ကီၢ်ဆၣ် နဲၣ်ရွဲၣ် စီၤမိစီၣ်ထဲၣ် စံးဘၣ်ခ့ၣ်အဲးစံၣ်-ကညီတၢ်ကစီၣ်န့ၣ်လီၤ.
စံး၀ဲလၢ“ဖဲတနံၤအံၤ ၂၅ သီ ဂီၤခီန့ၣ် ပလဲၤအိၣ်စိၢ်အ၀ဲသ့ၣ်. အ၀ဲသ့ၣ်အဲၣ်ဒိးဟဲက့ၤမၤသကိးတၢ်ဒီးပှၤအဃိ ပတူၢ်လိၥ်ခီၣ်ဆၢ အ၀ဲသ့ၣ်မုၥ်မုၥ်လီၤ. ပှၤသုးဖိတဖၣ်အံၤအမၤတ့ၢ်ဃၥ်တၢ်လၢသုးကျါန့ၣ်တယံၤဒံးဘၣ်. အထီၣ်တၢ်မၤလိ၀ံၤကန့ၢ်တနံၣ်ဘျီ အဟဲလီၤမူဒါဖဲအံၤကအိၣ်ဒံးဖဲသၢလါလွံၢ်လါဒံးလီၤ.အ၀ဲသ့ၣ်နါက့ဆိမိၣ်ဃၥ်လၢညါလံၤလံၤလံလၢကဟဲက့ၤလၢပအိၣ်န့ၣ်. ” အဂ့ၢ်န့ၣ် စံး၀ဲ န့ၣ်လီၤ.
လၢန့ၣ်အမဲၥ်ညါပယီၤသုး(၃)ဂၤအံၤ ဟဲက့ၤစိၥ်ဃုၥ်၀ဲ(MA 2) ၃ ခိၣ်, ကျိအမဲးကစံဒၢ(၉)ခါ, စုကွံၥ်မ့ၣ်ပိၢ်(၂)ဖျၢၣ် ဃုၥ်ဒီးကျိအချံ သ့ၣ်တဖၣ်ဒီး ဒ်န့ၣ်အသိးပှၤသၢဂၤအံၤ ခ့ၣ်အဲၣ်ယူၣ် ကီၢ်ဆၣ်ပှၤဘၣ်မူဘၣ်ဒါ ဟ့ၣ်လီၤဆီၣ်ထွဲမၤစၢၤ၀ဲတဂၤန့ၣ် စ့ပယီၤအကလီၢ်(၁၀)ကၠးအဂ့ၢ်န့ၣ် ပှၤဘၣ်မူဘၣ်ဒါစံး၀ဲန့ၣ်လီၤ.
ဒ်ကီၢ်ဆၣ်ပှၤဘၣ်မူဘၣ်ဒါစံး၀ဲအသိးန့ၣ် ပယီၤသုးလၢအဟဲက့ၤပၥ်လီၤစုက၀ဲၤသၢဂၤအံၤ နုၥ်လီၤကဲသုးခီဖျိလၢသုးကီၣ်ကး အတၢ်ထၢန့ၢ်ဆူၣ်သုးအဃိလၢတအိၣ်ဒီးနီၢ်ကစၢ်တၢ်ဘၣ်သးဘၣ်ဒီး တကီၢ်ခါခဲအံၤလၢအ၀ဲသ့ၣ်သးသမူတၢ်ဘံၣ်တၢ်ဘၢအဂီၢ် ကီၢ်ဆၣ်ပှၤဘၣ်မူဘၣ်ဒါကွၢ်ထွဲကဟုကယၥ်ဃၥ်၀ဲအဂ့ၢ်န့ၣ် သ့ၣ်ညါဘၣ်န့ၣ်လီၤ.
