လါယူၤလံ ၂ သီ, ၂၀၂၅ နံၣ်, ခ့ၣ်အဲးစံၣ်
ကျိၣ်စ့လၢတၢ်ဒိးန့ၢ်၀ဲလၢတၢ်ဆှၢပနံၥ်တၢ်ကူၣ်လဲၤမၤကၤတၢ်ဖိတၢ်လံၤဆူထံဂုၤကီၢ်ဂၤအအိၣ်အံၤတဖၣ် ခီဖျိတၢ်က့ၤထၢနုၥ်လီၤ၀ဲလၢ စ့တၢး(Bank)ပူၤတအိၣ်ဘၣ်အဃိ ခၠ့ၣ်လ့မၠဲၤခီပနံၣ်လၢသုးခိးကီၢ်ဆၢ(BGF)သုးခိၣ်စီၤခၠ့ၣ်သူၤဒီးအဖိမုၣ်ဖိခွါ(၃)ဂၤပၢ၀ဲဒၣ်အံၤ ဘၣ်တၢ် ထၢနုၥ်၀ဲ လၢမံၤဟးဂီၤစရီ(Black list)ပူၤအဂ့ၢ်န့ၣ် သုးကီၣ်ကးစုတီၤဖီလၥ်လီၢ်ခၢၣ်သးအစ့တၢးထုးထီၣ်ပၥ်ဖျါ၀ဲဖဲမဟါအနံၤန့ၣ်လီၤ.
စးထီၣ်လၢ(၂၀၁၆)တုၤလၢ(၂၀၂၀)နံၣ်အတီၢ်ပူၤန့ၣ် ကျိၣ်စ့လၢတၢ်ဒိးန့ၢ်ဘၣ်၀ဲလၢတၢ်ဆှၢတၢ်ဖိတၢ်လံၤဆူထံဂုၤကီၢ်ဂၤအအိၣ်အံၤတဖၣ် ခီဖျိခီပနံၣ်ကစၢ်တဖၣ်က့ၤသွီနုၥ်ကဒါစ့ဆူကီၢ်ပူၤစ့တၢးတအိၣ်ဘၣ်အဃိ ခီပနံၣ်(၁၉၇)ဖျၢၣ်ဒီး ခိၣ်နၢ်ဒိၣ်ထီတဖၣ်တနီၤ သုးကီၣ်ကး ထၢနုၥ်လီၤ၀ဲလၢမံၤဟးဂီၤစရီပူၤဘၣ်ဟဲအိၣ်ထီၣ်၀ဲဒ်အံၤန့ၣ်လီၤ.
ဖဲန့ၣ်ခီၣ်ပနံၣ်လၢသုးကီၣ်ကးထၢနုၥ်လီၤ၀ဲလၢမံၤဟးဂီၤစရီပူၤအကျါပၣ်ဃုၥ်၀ဲ (BGF)သုးခိၣ်ကျၢၢ်ဖိ စီၤခၠ့ၣ်သူၤ, အဖိမုၣ်ဖိခွါလၢအမ့ၢ် စီၤထူအဲၣ်မူ, စီၤခၠ့ၣ်ခၠ့ၣ်, နါန့နဒၤအ့ ဒီး (ထွက်ကုန်ကြမ်းထုတ်လုပ်သူများ)ကရူၢ် ပှၤပၢၤလီၢ်ဆ့ၣ်နီၤ-၂ သုးခိၣ်ဒိၣ်စိ စီၤမ့မ့အူ တဖၣ်အံၤန့ၣ်လီၤ.
ဘၣ်ဃးသုးကီၣ်ကးထုးထီၣ်ပၥ်ဖျါ၀ဲလၢတၢ်ထၢနုလီၤအ၀ဲသ့ၣ်ခီပနံၣ်လၢမံၤဟးဂီၤစရီပူၤတၢ်ဂ့ၢ်အံၤန့ၣ် (BGF)သုးဟီၣ်က၀ီၤ-၂ အခိၣ် သုးခိၣ် ကျၢၢ်ဖိ စီၤတ့ၤ၀့ စံး၀ဲလၢ “ဘၣ်ဃးတၢ်တခါအံၤနထၢနုၥ်လၢခိၣ်နူၥ်ပူၤတသ့ဘၣ်.မ့၀ံၤတၢ်ဂ့ၢ်တခါအံၤတမ့ၢ်ထံရူၢ်ကီၢ်သဲး တၢ်ဂ့ၢ် ဘၣ်အဃိကထံၣ်လိၥ်တဲသကိးတၢ်ဒီးသုးကီၣ်ကးအဂီၢ်တၢ်ရဲၣ်တၢ်ကျဲၤတအိၣ်ဘၣ်.သုးကီၣ်ကးန့ၣ်အတၢ်မၤအိၣ်န့ၣ်ကမၤ၀ဲလီၤ.၀ဲစ့ၢ်ကီးပတၢ်မၤအိၣ်န့ၣ်ပကမၤလီၤ.ထၢနုၥ်လီၤလၢခိၣ်နူၥ်ပူၤတသ့ဘၣ်.အိၣ်ဒၣ်ကဖီၣ်ဃံၥ်ပှၤတပတီၢ်၀ံၤတပတီၢ်ဒ်န့ၣ်လီၤ”အဂ့ၢ်န့ၣ် စံးဘၣ် ခ့ၣ်အဲးစံၣ်-ကညီတၢ်ကစီၣ်န့ၣ်လီၤ.
ဒ်တၢ်သိၣ်တၢ်သီတၢ်ဘျၢအိၣ်ဃၥ်အသိးန့ၣ် ကျိၣ်စ့လၢတၢ်ဒိးန့ၢ်၀ဲလၢတၢ်ဆှၢထီၣ်ပနံၥ်တၢ်ကူၣ်လဲၤမၤကၤတၢ်ဖိတၢ်လံၤဆူ အ့ရှၢၣ်ထံ ကီၢ်တဖၣ်န့ၣ် လၢအသီ(၃၀)အတီၢ်ပူၤတၢ်ကဘၣ်က့ၤသွီနုၥ်လီၤ၀ဲလၢစ့တၢးပူၤဒီး မ့မ့ၢ်စ့လၢတၢ်ဒိးန့ၢ်၀ဲလၢတၢ်ဆှၢထီၣ်ပနံၥ်ကူၣ်လဲၤမၤ ကၤတၢ်ဖိတၢ်လံၤ ဆူထံဂုၤကီၢ်ဂၤအအိၣ်တဖၣ်ခီန့ၣ် တၢ်ကဘၣ်က့ၤသွီနုၥ်၀ဲလၢအသီ(၆၀)အတီၢ်ပူၤန့ၣ်လီၤ.
တကးဒံးဘၣ်ပှၤလၢအမၤကမၣ်တၢ်ဘျၢသဲးစးလၢတၢ်ထုးထီၣ်ဃၥ်၀ဲသ့ၣ်တဖၣ်အံၤန့ၣ် တၢ်ထၢနုၥ်အ၀ဲသ့ၣ်လၢဃိၥ်ပူၤတအါန့ၢ်တနံၣ် သ့၀ဲအသိး, ကဘၣ်ဟ့ၣ်စ့အီၣ်လီးဒီး အါန့ၢ်ကန့ၢ်ကဘၣ်တူၢ်၀ဲတၢ်ကမၣ်ခံခါလၢၥ်အံၤသ့၀ဲစ့ၢ်ကီးအဂ့ၢ်န့ၣ် လီၢ်ခၢၣ်သးစ့တၢးပၥ်ဖျါဃၥ်၀ဲ အိၣ်န့ၣ် လီၤ.
ဒ်(Justice for Myanmar)ထုးထီၣ်ပၥ်ဖျါ၀ဲတ့ၢ်၀ဲဖဲအပူၤကွံၥ်နံၣ်အခါအသိးန့ၣ် ခီပနံၣ်လၢ စီၤခၠ့ၣ်သူၤဒီးအဖိမုၣ်ဖိခွါ ဘျၢလီၤ၀ဲစ့န့ၣ် ပၥ်ဖှိၣ်အိၣ်၀ဲ(၆)ဖျၢၣ်လၢအပၣ်ဃုၥ်၀ဲခၠ့ၣ်လ့မၠဲၤခီပနံၣ်အံၤအဂ့ၢ်န့ၣ် သ့ၣ်ညါဘၣ်န့ၣ်လီၤ.
အဃိခီပနံၣ်လၢအမ့ၢ် (ရွှေပဒေသာမြိုင်၊ ထူးမေတ္တာထူး၊ ဒေါနသံလွင်၊ ချစ်လင်းမြိုင်(ဂၥ်လၢၢ်)ဒီး ပနံၥ်တၢ်ထုးထီၣ်ခီပနံၣ်တဖၣ်အံၤ (BGF)ဘျၢလီၤ၀ဲကျိၣ်စ့အစှၤကတၢၢ်(၅၀)မျးကယၤတုၤလၢ(၇၀)မျးကယၤဒီး ပှၤအကျါသုးခိၣ်စီၤခၠ့ၣ်သူၤအဟံၣ်ဖိဃီဖိ မ့ၢ်ပှၤဘျၢလီၤ ကျိၣ်စ့အနီၣ်ဂံၢ်အါကတၢၢ် လီၤအဂ့ၢ်န့ၣ် (Justice for Myanmar)ပၥ်ဖျါတ့ၢ်ဃၥ်၀ဲန့ၣ်လီၤ.
ဖဲအပူၤကွံၥ်(၂၀၂၂)လါယူၤအခါန့ၣ်စ့ၢ်ကီး ခီဖျိကျိၣ်စ့လၢတၢ်ဒိးန့ၢ်၀ဲလၢတၢ်ဆှၢထီၣ်ပနံၥ်တၢ်ဖိတၢ်လံၤဆူထံဂုၤကီၢ်ဂၤတအိၣ်တဖၣ်အံၤ တအိၣ်ဘၣ်အဃိ လီၢ်ခၢၣ်သးစ့တၢး ထၢနုၥ်၀ဲခီပနံၣ်အဖျၢၣ်(၁၃၀)ခါ လၢမံၤဟးဂီၤစရီပူၤကဲထီၣ်ဒံး၀ဲန့ၣ်လီၤ. ဘၣ်ဆၣ်လၢတနံၣ်ဘျဲၣ် အတီၢ်ပူၤခီဖျိတၢ်က့ၤသွီ နုၥ်ကဒါစ့စရီ အဃိ ခီပနံၣ်(၅၉)ဖျၢၣ်ဘၣ်တၢ်ထုးထီၣ်ကွံၥ်၀ဲလၢမံၤဟးဂီၤစရီပူၤန့ၣ်လီၤ.
.ဒ်န့ၣ်အသိးလၢအတကပၤစ့ၢ်ကီး သုးခိၣ်စီၤခၠ့ၣ်သူၤဒီး(BGF)ခိၣ်နၢ်လၢအဂၤတဖၣ် ခီဖျိထံဆၢကီၢ်ဆၢ တၢ်ကူၣ်လဲၤမၤကၤပှၤကညီဒီး အီၤလါတၢ်လံၣ်တၢ်လီတၢ်မၤအံၤအဃိ အမဲရကၤထံကီၢ်ပဒိၣ်ဖီၣ်ဃံးဟံ၀ဲအရ့အိၣ်အမဲၥ်ညါကီၢ်ကၠီၣ်တဲၣ်ပှၤဘၣ်မူဘၣ်ဒါစ့ၢ်ကီး ထုးထီၣ်(BGF)ခိၣ်နၢ် တဖၣ်လၢ (ဖမ်း၀ရမ်း)အိၣ်၀ဲန့ၣ်လီၤ.
