လါယူၤလံ ၃ သီ, ၂၀၂၅ နံၣ်, ခ့ၣ်အဲးစံၣ်
ဖဲတနံၤအံၤလါယူၤလံ ၃ သီလၢအလီၤဘၣ်၀ဲကီၢ်ပယီၤပိၥ်မုၣ်မုၢ်နံၤဘျီ၀ဲအံၤန့ၣ် သုးကီၣ်ကးဟ့ၣ်လၤကပီၤ၀ဲပိၥ်မုၣ်(၁၅၀)ဘျဲၣ် လၢဟူးဂဲၤထံကီၢ်တၢ်ကဲဘျုးဂီၢ်အံၤအကျါပၣ်ဃုၥ်၀ဲကညီတၢ်မုၥ်တၢ်ခုၣ်ကီၣ်ကးကရၢ(KNU/KNLA-PC ) ကရၢခိၣ်-၂ ဒီကထၢၣ် နီၢ်ကပီၤထူအဂ့ၢ်န့ၣ် သုးကီၣ်ကးအတၢ်ကစီၣ်သန့တဖၣ်ထုးထီၣ်ပၥ်ဖျါ၀ဲန့ၣ်လီၤ.
ပှၤ(၁၅၀)ဘျဲၣ်အကျါ ၃ ဂၤလၢအမ့ၢ် နီၢ်ကပီၤထူ ဃုၥ်ဒီးရၢၣ်ခၢၣ်တၢ်ထူၣ်ဖျဲးပၣ်တံၣ်(ALP) ကရၢခိၣ် ဒီၤမၠၣ်ယၤစၤလ့ ဒီး သုကီၣ်ကးကူၣ်သ့ကိတိၥ်၀ဲၤကျိၤစုတီၤဖီလၥ် ဒီကထၢၣ် ဒီၤပိၤ ပှၤသ့ၣ်တဖၣ်အံၤ သုးကီၣ်ကးအခိၣ် မ့အီၤလဲၤ ဟ့ၣ်လီၤအ၀ဲ သ့ၣ်လၢ ဟူးဂဲၤမၤတၢ်လၢကမျၢၢ်ဂီၢ်(ဘွဲး)တၢ်လၤကပီၤတၢ်လၤကပီၤအံၤန့ၣ်လီၤ.
တကးဒံးဘၣ်လၢန့ၣ်အမဲၥ်ညါ၀ဲၤကျိၤလၢအဂၤပိၥ်မုၣ်ပှၤမၤတၢ်ဖိဒီး ကမျၢၢ်ပိၥ်မုၣ်လၢအဂၤပၥ်ဖှိၣ်ခဲလၢၥ်(၁၅၀)ဘျဲၣ်လၢ အဖျိးစိလၢတၢ်ပၢဆၢရဲၣ်ကျဲၤဒီးတၢ်သူၣ်ဒူသးဒူအပူၤအံၤတဖၣ် သုးကီၣ်ကးဟ့ၣ်လၤကပီၤအ၀ဲသ့ၣ်(ဘွဲး)တၢ်လၤကပီၤ စုၥ်စုၥ် န့ၣ်လီၤ.
နီၢ်ကပီၤထူလၢအဒိးန့ၢ်ဘၣ်၀ဲသုးကီၣ်ကးအတၢ်ဟ့ၣ်လၤကပီၤအံၤန့ၣ် မ့ၢ်၀ဲကညီတၢ်မုၥ်တၢ်ခုၣ်ကီၣ်ကးကရၢ(KNU/KNLA-PC ) အခိၣ် စီၤထ့ၤမီၤ အဖိမုၣ်တဂၤဒီး ဒ်န့ၣ်အသိးတဘျီလၢ်လၢ်ဖဲသုးမီၤစိရိၤဒီးကလုၥ်ဒူၣ်လၢအဆဲးလီၤ (NCA)တဖၣ်မၤ ၀ဲတၢ်တၢၣ်ပီၣ်တဲသကိးအခါန့ၣ် အါဒၣ်တက့ၢ်မ့ၢ်ပှၤတဂၤလၢအလဲၤထီၣ်၀ဲတၢ်အိၣ်ဖှိၣ်အံၤန့ၣ်လီၤ.
တကတီၢ်ဃီဖဲအပူၤကွံၥ်လါယူၤ ၂၅ သီတုၤ ၂၇ သီ လၢန့ၣ်ပၠံၣ်ဒီၣ် သုးကီၣ်ကးတီခိၣ်ရိၣ်မဲမၤ၀ဲ(Peace Forum)တၢ်တၢၣ် ပီၣ်တဲသကိးတၢ်မုၥ်တၢ်ခုၣ်တၢ်ရဲၣ်တၢ်ကျဲၤအခါန့ၣ်စ့ၢ်ကီး လၢ(KNU/KNLA-PC )အခၢၣ်စးန့ၣ် သုးခိၣ်ဒိၣ်စိ စီၤကၠီၤညိၣ် အမဲၥ်ညါ ရၢၣ်ခၢၣ်တၢ်ထူၣ်ဖျဲးပၣ်တံၣ်(ALP)ကရၢခိၣ် ဒီၤစီမၠၣ်ယၤစၤ သ့ၣ်တဖၣ်အံၤလဲၤထီၣ်၀ဲန့ၣ်လီၤ.
ကီၢ်ပယီၤပူၤစးထီၣ်လၢသုးပဒိၣ်ပၢတၢ်အစိၤဘၣ်အစိၤန့ၣ် ပှၤလၢအဟူးဂဲၤလၢထံကီၢ်တၢ်ကဲဘျုးအဂီၢ်တဖၣ် ဟ့ၣ်၀ဲ(ဘွဲး) တၢ်လၤကပီၤအိၣ်ထီၣ်၀ဲဒီး တုၤလၢခဲအံၤသုးမီၤစိရိၤအခိၣ် မ့အီၤလဲၤ အစိၤအံၤတစု ဖဲအပူၤကွံၥ်(၂၀၂၃)အခါန့ၣ် စ့ၢ်ကီး ပှၤလၢအတၢ်ရ့လိၥ်သးအိၣ်ဒီးသုးကီၣ်ကးအံၤတဖၣ်တၢ်ဟ့ၣ်လီၤဒံးပှၤ(၅၄)ဂၤလၢ (သီရိပျံချီဘွဲ့၊ ဝဏ္ဏကျော်ထင်ဘွဲ့) တၢ်လၤကပီၤအံၤ န့ၣ်လီၤ.
