လါယနူၤအါရံၤ ၂၁ သီ, ၂၀၂၆ နံၣ်, ခ့ၣ်အဲးစံၣ်
ကရ့ၣ်ကီၢ်စဲၣ် မဲၤစဲၣ်(မယ်စဲ့)ဃိၥ်ပူၤပှၤဃိၥ်ဖိလၢအက့ၤပၥ်လီၤစုကဝဲၤက့ၤဒိးဖီၣ်သးလၢကီၢ်ကၠီၣ်တဲၣ် မဲၢ်ဟီၣ်ဆီၤကီၢ်ရ့ၣ် အပူၤအံၤတဖၣ် ခဲအံၤလဲၤဒိးဖီၣ်သးအနီၣ်ဂံၢ်ပၥ်ဖှိၣ်ခဲလၢၥ်အိၣ်ထီၣ်တုၤလၢအဂၤ(၃၀)ဘျဲၣ်လံအဂ့ၢ်န့ၣ် ကၠီၣ်တဲၣ်တၢ်ကစီၣ် ပၥ်ဖျါထီၣ်ဝဲန့ၣ်လီၤ.
ဒ်(Thai PBS)တၢ်ကစီၣ်သန့ ပၥ်ဖျါဝဲဖဲမဟါလါယနူၤအါရံၤ ၂၀ သီအသိးန့ၣ် လၢကရ့ၣ်နံၣ်ကီၢ်စဲၣ် ဃိၥ်ပူၤခီဖျိပှၤဃိၥ်ဖိတဖၣ်ဃ့ၢ်ထီၣ် အဃိ ဖဲလၢကီၢ်ကၠီၣ်တဲၣ် မဲၢ်ဟီၤဆီၤကီၢ်ဆၢ ကၠီၣ်တဲၣ်သုးအိၣ်ခိးကွၢ်ဝဲတၢ်အိၣ်သးလၢ(၂၄)နၣ်ရံၣ်အကတီၢ်အံၤအခါ ထံၣ်ဝဲပှၤဃိၥ်ဖိ ဃ့ၢ်ထီၣ်ဝဲဒီးခဲအံၤအနီၣ်ဂံၢ်အိၣ်တုၤလၢအဂၤ(၃၀)ဘျဲၣ်လံအဂ့ၢ်န့ၣ် စံးဝဲန့ၣ်လီၤ.
ဖဲလါယနူၤအါရံၤ ၁၉ သီအနံၤန့ၣ်စ့ၢ်ကီး ပယီၤသုးခိၣ်တဂၤဖဲအဟဲတုၤလၢကီၢ်ကၠီၣ်တဲၣ်တကပၤအခါ တၢ်ဖီၣ်ဃၥ်အီၤဖဲ ခိၤယိကီၢ်ဆၣ် ပရၤတူးမီပၢၤကီၢ်ဝံၤ တၢ်ဟ့ၣ်လီၤက့ၤဝဲဆူကၠီၣ်တဲၣ်သုးအစုပူၤအဂ့ၢ်န့ၣ် ကၠီၣ်တဲၣ်တၢ်ကစီၣ်သန့ပၥ်ဖျါဝဲအိၣ်အသိး ပှၤလၢအအိၣ်တ့ၢ်ဒံး တဖၣ်တၢ်ကဟ့ၣ်လီၤက့ၤဝဲဆူကၠီၣ်တဲၣ်သုးစုပူၤအိၣ်ဒံးဝဲအဂ့ၢ်န့ၣ် စံးဝဲန့ၣ်လီၤ.
ကရ့ၣ်နံၣ်ကီၢ်ဆၣ် မဲၤစဲၣ်ကီၢ်ဆၣ်အပူၤ ပယီၤသုးဖိအဂၤ(၈၀)ဃၣ်ဃၣ်လၢတၢ်ဖီၣ်န့ၢ်ဝဲတဖၣ် တၢ်ဒုးဃၥ်အဝဲသ့ၣ်ဖဲ နီၣ်ဂံၢ်(၂)ဃိၥ်ပူၤ အခါ ဖဲအပူၤကွံၥ်လါယနူၤအါရံၤ ၁၈ သီအနံၤန့ၣ် ဃ့ၢ်ထီၣ်စိၥ်ဃုၥ်ဝဲတၢ်စုကဝဲၤတဖၣ်အဂ့ၢ်န့ၣ် ကရ့ၣ်နံၣ်ကတီၢ်ဘၢၣ်စၢၤပၢပြးကီၣ်ကး (IEC) တၢ်ဘိးဘၣ်ရၤလီၤ ထုးထီၣ်ပၥ်ဖျါဝဲန့ၣ်လီၤ.
ဒ်န့ၣ်အသိးပှၤဃိၥ်ဖိလၢအဃ့ၢ်ထီၣ်သ့ၣ်တဖၣ်အံၤ ကရ့ၣ်နံၣ်ပၢၤကီၢ်ဒီးပှၤဘၣ်မူဘၣ်ဒါတဖၣ် ဟးလူၤဖီၣ်စ့ၢ်ကီးဝဲအဂ့ၢ်န့ၣ် (IEC) စံးဝဲန့ၣ်လီၤ.
