လါအီကူၥ် ၃သီ, ၂၀၂၆နံၣ်, ခ့ၣ်အဲးစံၣ်,
ကီၢ်ကၠီၣ်တဲၣ်-ကီၢ်ပယီၤကီၢ်ဆၢ တးကီၢ်ရ့ၣ်, မဲၢ်ဆီးဝ့ၢ်, မဟၤဝၤ မဲၣ်ကိးက့သဝီ ကၠိလၢ တၢ်ပံးဃၥ်ဝဲအံၤ တၢ်က့ၤ အိး ထီၣ် ကဒါ က့ၤဝဲဒၣ်ဒ်ညီနုၢ်အသိးဒီး တၢ်မၤအါထီၣ်ဝဲတၢ်ဘံၣ်တၢ်ဘၢ အဂ့ၢ်, ပှၤဘၣ်မူဘၣ်ဒါတဖၣ် ရၤလီၤ ပၥ်ဖျါဝဲလၢ ကၠိ (facebook page)အပူၤန့ၣ်လီၤ.
အပူၤကွံၥ် လါယူၤအပူၤ ပယီၤသုးမၤတၢ်ထီၣ်ဒုးလၢ ဖလူ, မ့လဲၣ်ပၤ တကပၤအဃိ,တၢ်ဘံၣ်တၢ်ဘၢအဖီခိၣ် တၢ်ဘၣ်ပံးကွံၥ်ဝဲ ကၠိ အံၤအိၣ်ဝဲ ခဲအံၤခဲအံၤ ဘၣ်ဆၣ် တကီၢ်ခါခဲအံၤ, တၢ်စးထီၣ်က့ၤ အိးထီၣ်ကဒါက့ၤဝဲဒ်ညီနုၢ်အသိးလံဒီး လီၤဆီဒၣ်တၢ် ဖိဒံဖိ သၣ်ဒီး ကၠိသရၣ်သရၣ်မုၣ်တဖၣ် အတၢ်ဘံၣ်တၢ်ဘၢ အဂီၢ် တၢ်မၤအါထီၣ်ဝဲတၢ်အံးထွဲကွၢ်ထွဲအဂ့ၢ်ပှၤဘၣ်မူဘၣ်ဒါတဖၣ် ပၥ်ဖျါထီၣ်ဝဲဒၣ် လၢ ကၠိ (facebook page)အပူၤ န့ၣ်လီၤ.
လၢန့ၣ်အမဲၥ်ညါ, ဖိဒံဖိသၣ်တဖၣ်အတၢ်ဖံးလိမၤဒိး ဒီးတၢ်သိၣ်လိသီလိအဂီၢ် ကၠိအံၤ ပၥ်ဝဲ တၢ်ဘံၣ်တၢ်ဘၢ လၢအမ့ၢ် နီၣ်ဂံၢ်တၢ အဂ့ၢ် ပၥ်ဖျါဃုၥ်ဝဲဒၣ်န့ၣ်လီၤ.
ကၠီၣ်တဲၣ် မဲၣ်ကိးက့ကၠိအံၤ ခီဖျိအိၣ်ဘူးဝဲဒီး ထံကီၢ်လၢအိၣ်ဘူး တၢ်ဒုးတၢ်ယၤဟီၣ်ကဝီၤ အဃိ, တၢ်ဘံၣ်တၢ်ဘၢတၢ်လီၤဘၣ်ယိၣ် အိၣ်ဝဲအဖီခိၣ်, ဖိဒံဖိသၣ်တဖၣ် ကန့ၢ်မၤလိတၢ်ဘံၣ်ဘံၣ်ဘၢဘၢအဂီၢ် အပူၤကွံၥ် လါယူၤလံအပူၤ ခိၣ်နၢ်ပှၤဘၣ်မူဘၣ်ဒါတဖၣ် ရဲၣ် ကျဲၤန့ၢ်ဝဲတၢ်သိၣ်လိတီၤဒၢးဘံၣ်ဘၢ (Safe Classroom) အလီၢ်တဖၣ်အိၣ်ဝဲဒီး ခိၣ်နၢ်ဒိၣ်ထီတဖၣ် လဲၤမၤတ့ၢ် ဝဲတၢ်ဟ့ၣ်လီၤ တီၤဒၢး တၢ်လီၢ်တၢ်ကျဲ အတၢ်ရဲၣ်တၢ်ကျဲၤတဖၣ် အိၣ်ဝဲအဂ့ၢ်, ကၠီၣ်တဲၣ်တၢ်ကစီၣ်သန့တဖၣ် ပၥ်ဖျါထီၣ်ဝဲဒၣ်အိၣ်ဝဲ န့ၣ်လီၤ.
တကတီၢ်ဃီ, တကီၢ်ခါခဲအံၤ ကၠိတၢ်ဘံၣ်တၢ်ဘၢဒီး လီၢ်ကဝီၤကမျၢၢ်တဖၣ် အတၢ်ဘံၣ်တၢ်ဘၢ အဂီၢ် နီၣ်ဂံၢ်(၂)ဘံၣ်ဘၢ ကရူၢ် သုးရ့ၣ်(၁၄၁၁), မဲၣ်ကိးက့ဒုးယၤသုးဂ့ၢ်ဝီဂံၢ်ထံး(Seksan), သုးခိးကီၢ်ဆၢ သုးဒ့နီၣ်ဂံၢ်(၃၄၆၃), ပှၤဟံးန့ၢ်မူဒါလီၤဆီ ကရူၢ်(Task Force) နီၣ်ဂံၢ်(၃၅), မဟၤဝၤသဝီကရူၢ်ဒူသဝီခိၣ်နၢ်, သဝီကရူၢ် နီၣ်ဂံၢ်(၁,၂,၄,၉)ဒီး ကမျၢၢ်တၢ်ဘံၣ်တၢ်ဘၢ မုၥ်သးမၤ ကလီ (ชรบ) သ့ၣ် တဖၣ်ဟံးန့ၢ်ဝဲတၢ်ဘံၣ်တၢ်ဘၢ အိၣ်စ့ၢ်ကီးဝဲအဂ့ၢ် သ့ၣ်ညါဘၣ် န့ၣ်လီၤ.
ဒ်န့ၣ်အသိး, ပှၤလၢဟံးန့ၢ်ဝဲတၢ်ဘံၣ်တၢ်ဘၢ တဖၣ်အံၤ မၤဝဲ တၢ်အိၣ်ခိးကွၢ်ဟုၣ်ကွၢ်စုၣ်တၢ်လၢ ကၠိကရၢၢ် ပဒိၣ်ပပှၢ် သရၣ်သရၣ်မုၣ် တဖၣ် တၢ်အိၣ်ဆိးလီၢ်ကျဲတဖၣ်အပူၤအမဲၥ်ညါ မၤဝဲဟီၣ်ကဝီၤအပူၤ တၢ်ဟးဆှၣ် တၢ်တဖၣ် တပယူၥ်ဃီဒီး ဘိးဘၣ်ပၥ်ဖျါ ထီၣ်ဝဲတၢ်အိၣ်သးဆူကမျၢၢ် အိၣ်ဝဲတပယူၥ်ဃီ န့ၣ်လီၤ.
ကီၢ်ကၠီၣ်တဲၣ်-ကီၢ်ပယီၤကီၢ်ဆၢ သူမွဲထံကျိကၢၢ်နံၤ မဲၣ်ကိးက့ သဝီ အံၤ ပယီၤသုးတကပၤ မၤဝဲ တၢ်ထီၣ်ဒုးလၢ ဖလူ,မ့လဲၣ်ပၤ တၢ် လီၢ်တဖၣ်အပူၤ တဘျီလၢ်လၢ် ကျိချံ ပှၥ်သၣ် ဒီး ဒြိအက့အခီတဖၣ် လီၤတဲၥ်ဝဲလၢ ကမျၢၢ် အိၣ်ဆိး ဟံၣ် ဃီ ဒီး တၢ်ဖံးအီၣ် မၤအီၣ်လီၢ်ကျဲတဖၣ်အပူၤ အိၣ်ဝဲခဲအံၤခဲအံၤ အဃိ ဘၣ်ဒိဘၣ်ထံးဝဲ ဟံၣ်ဃီဒီး ကမျၢၢ်လီၢ်ကဝီၤဖိ တဖၣ် ကဲထီၣ်သး ခဲအံၤခဲအံၤ အိၣ်ဝဲအဂ့ၢ် သ့ၣ်ညါ ဘၣ်န့ၣ်လီၤ.