လါအီကူၥ်, ၂၀သီ, ၂၀၂၆နံၣ် ခ့ၣ်အဲးစံၣ်
ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ဖၣ်အၣ်ကီၢ်ရ့ၣ် သုးက့(၇) ဟီၣ်ကဝီၤပူၤန့ၣ် သုးကရူၢ်အသုးဖိ (၂) ဂၤလၢ ဘၣ်တၢ်ဖီၣ်န့ၢ်ဆူၣ်မၢကဲသုးသ့ၣ်တဖၣ်ဟဲဟ့ၣ်လီၤသးဆူၣ် KNLA သုးက့(၇)အိၣ်ဃုၥ်ဒီးတၢ်စုကဝဲၤအဂ့ၢ် ခ့ၣ်အဲၣ်ယူၣ်-ဖၣ်အၣ်ကီၢ်ရ့ၣ် ထုးထီၣ်ပၥ်ဖျါဝဲဒၣ်ဖဲ တနံၤအံၤလါအီကူးအသီ(၂၀)အနံၤအံၤ န့ၣ်လီၤ.
ဖဲအပူၤကွံၥ်လါအီကူၥ်, ၁၅သီအနံၤန့ၣ် သုးကရူၢ်အပှၤ ခီၣ်ချ့သုးရ့ၣ် ခမရ-၃၅၇ အပှၤ(၂)ဂၤလၢအမ့ၢ် စီၣ်မၠိထဲၣ် သးနံၣ် (၂၅)နံၣ်ဒီး စီၣ်မိအူ သးနံၣ် ၂၄နံၣ်သ့ၣ်တဖၣ်န့ၣ်လီၤ.
လၢအဝဲသ့ၣ်တၢ်ဟဲလီၤသးဘျီဝဲအံၤန့ၣ် ဟဲ စိၥ်ဃုၥ်ဝဲဒီး (MA) ကျိ (၂)ခိၣ်, ကျိချံဒၢ(၆)ခါ, ကျိခံအဖျၢၣ်(၂၀၀) ဒီး တၢ်ဒီသဒၢကျိချံဆ့ကၤ(၂)ဘ့ၣ်အဂ့ၢ် သ့ၣ်ညါဘၣ်န့ၣ်လီၤ.
သုးကရူၢ်အပှၤသုးဖိလၢ ဟဲဟ့ၣ်လီၤသး(၂)ဂၤအံၤန့ၣ် တၢ်ဟ့ၣ်လၤကပီၤစ့ၢ်ကီးအဝဲသ့ၣ်လၢ စ့ပယီၤတဂၤ အကလီၢ်(၁၀)ကၠးစုၥ်စုၥ် အဂ့ၢ် ခ့ၣ်အဲၣ်ယူၣ်-ဖၣ်အၣ်ကီၢ်ရ့ၣ် ပၥ်ဖျါဝဲဒၣ်စ့ၢ်ကီးန့ၣ်လီၤ.
လၢန့ၣ်အမဲၥ်ညါ သုးမီၤစိရိၤသုးဖိလၢ တၢ်ဖီၣ်န့ၢ်ဆူၣ်မၢကဲသုးအီၤလၢအိၣ်တ့ၢ်ဒံးသ့ၣ်တဖၣ်န့ၣ် ကဃုဝဲကျဲတသ့ဖဲအသ့ဒီး ကဟဲပၥ်လီၤတၢ်စုကဝဲၤ ပၥ်ဖှိၣ်မၤသကိးတၢ်ဒီး တၢ်ပၢၢ်ဆၢသုးကရူၢ်ကရၢလၢ အအိၣ်ဘူးဒီးအဝဲသ့ၣ်အဝဲသ့ၣ်အဂ့ၢ် ခ့ၣ်အဲၣ်ယူၣ်-ဖၣ်အၣ်ကီၢ်ရ့ၣ် ဆီၣ်သခူထီၣ်ဝဲဒၣ်န့ၣ်လီၤ.
