လါအီကူၥ်, ၂၆သီ, ခ့ၣ်အဲးစံၣ်
ကေအဲန်ယူ-မြိတ်ထားဝယ်ခရိုင်၊ ပြည်သူ့ဆက်ဆံရေးနှင့် သတင်းပြန်ကြားရေး၏ သတင်းထုတ်ပြန်ချက်အရ ကော်သူးလေအုပ်ချုပ်မှုနယ်မြေ၊ ကစယ်ဒိုမြို့နယ်အတွင်းသို့ စစ်ကြောင်းထိုးဝင်ရောက်လာသည့် အာဏာသိမ်းစစ်ကောင်စီတပ်သည် အရပ်သားပြည်သူများအား ပစ်မှတ်ထားတိုက်ခိုက်ခြင်းနှင့် လူ့အခွင့်အရေးချိုးဖောက်မှုများကို အမြောက်အမြား ဆက်တိုက်ကျူးလွန်လျက်ရှိကြောင်း သိရသည်။
ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ဘျံးတဝဲၢ်ကီၢ်ရ့ၣ် ကီၢ်သူလ့ၤတၢ်ပၢဟီၣ်ကဝီၤ ကစၢၢ်ဒိၣ်ကီၢ်ဆၣ်အပူၤန့ၣ် သုးကရူၢ်သုးကျိၤတဖၣ်နုၥ်လီၤဝဲဒီး ပညိၣ်ခးဝဲကမျၢၢ်တဖၣ်အမဲၥ်ညါ မၤထီဒါပှၤဂ့ၢ်ဝီခွဲးယၥ် ဒိၣ်ဒိၣ်မုၥ်မုၥ်အိၣ်ဝဲအဂ့ၢ် သ့ၣ်ညါဘၣ်ဒ် ခ့ၣ်အဲၣ်ယူၣ်-ဘျံးဒဝဲၢ်ကီၢ်ရ့ၣ် ကမျၢၢ်တၢ်ရ့လိၥ်ဂ့ၢ်ဝီဒီး တၢ်ဘိးဘၣ်ရၤလီၤ တၢ်ကစီၣ်ပၥ်ဖျါဝဲဒၣ်အသိးန့ၣ်လီၤ.
ဖဲအပူၤကွံၥ် လါအီကူၥ်, ၁၀သီတုၤလၢ ၂၀သီ အနံၤန့ၣ် သဝီလၢအအိၣ် တီၣ်စ့ၤဟီၣ်ကဝီၤလၢအမ့ၢ် ရှ့မတံ, ယီမီၣ်သဝီတဆီဒီး သုးကရူၢ်သုးကျိၤအံၤ ဟဲနုၥ်လီၤဝဲဆူ သဝီ ဆ့ဖၠဲၣ်ကိ, က့ရှ့ၣ်, မိစွ့ၣ်ကိ, စီဖၠါ, ကၠီၣ်လ့ၣ်ကါ, ကထံဝၣ်, ထံဖးဒိၣ် ဒီး လီၣ်မူဖၣ် သဝီသ့ၣ်တဖၣ်အပူၤအဂ့ၢ်သ့ၣ်ညါန့ၣ်လီၤ.
ထံဖးဒိၣ်သဝီပူၤ သုးကရူၢ်သ့ၣ်တဖၣ် ဟံးန့ၢ်ဆူၣ်ဝဲကမျၢၢ် သိၣ်လ့ၣ်တီလၢၢ် (၆)ပၣ်တခိၣ်လၢအကြီၢ်(၃)တၣ်ဒီး က့ၤစိၥ်ဃုၥ်ဝဲ (၄)ပၣ်သိလ့ၣ်တခိၣ်, သိလ့ၣ်ထဲၢ်တၢ်(၂)ခိၣ်ဒီး သိလ့ၣ်ယီၢ်(စဲးကဲး)အခိၣ်(၃၀)န့ၣ်လီၤ.
ဒ်န့ၣ်အသိး သုးကရူၢ်ဒွဲၣ်အူဝဲ ကထံဝၣ်သဝီကမျၢၢ်ဟံၣ်(၁)ဖျၢၣ်ဒီး ကၠီၣ်လ့ၣ်ကါသဝီ ကမျၢၢ်ဟံၣ်(၄)ဖျၢၣ်အမဲၥ်ညါ ခီဖျိလၢကျိဖးဒိၣ်အဃိ ကၠီၣ်လ့ၣ်ကါ ကမျၢၢ်ဟံၣ်လၢအဂၤ (၁) ဖျၢၣ်ဟးဂီၤဝဲအဂ့ၢ်သ့ညါဘၣ်န့ၣ်လီၤ.
လၢန့ၣ်အမဲၥ်ညါ သုးကရူၢ်အံၤ ဖီၣ်န့ၢ်ဆူၣ်ဝဲကမျၢၢ်အဂၤ(၁၀) ဝံၤသူဝဲလၢကဒီသဒၢသးအဂီၢ်ဒီး မၢန့ၢ်ဆူၣ်ဝဲလၢတၢ်ကဘၣ်ဒုးနဲၣ်အီၤကျဲမ့ၢ်ဂ့ၤ, ဖီအီၣ်တၢ်မ့ၢ်ဂ့ၤ သ့ၣ်တဖၣ်န့ၣ်လီၤ. ကမျၢၢ်လၢမၢဝဲမ့ၢ်တဘၣ်အသးဘၣ်ဒီး တီၢ်ဝဲ,မၤဒၢၣ်မၤလိၥ်ဝဲအိၣ်ဝဲဒၣ်အဂ့ၢ်သ့ၣ်ညါ ခ့ၣ်အဲၣ်ယူၣ်-ဘျံးဒဝဲၢ်ကီၢ်ရ့ၣ် ထုးထီၣ်ပၥ်ဖျါဝဲဒၣ်န့ၣ်လီၤ.
သုးကရူၢ်အံၤ တလူၤပိၥ်ထွဲဝဲ အၣ်စံၣ်ယၣ် တၢ်သးလီၤပလိၥ်(၅)ထံၣ်ဘၣ်အမဲၥ်ညါ မၤကမၣ်ဝဲကွီၢ်မ့ၣ်တဖၣ်ဒီး ထံဖိကီၢ်ဖိလၢအိၣ်ဆိးဖဲကီၢ်ပူၤတဖၣ် ခးလီၤဝဲဒီး ကဘီယူၤ, ဒြိ, ကျိဖးဒိၣ်တဖၣ်ဒီး မၤသံမၤဝီကမျၢၢ် ကိးနံၤဒဲးဃၣ်ဃၣ်အဂ့ၢ်သ့ၣ်ညါဘၣ်န့ၣ်လီၤ.