လါမးရှး ၂၆ သီ, ၂၀၂၅ နံၣ်, ခ့ၣ်အဲးစံၣ်
တၢ်တဲသကိးတၢ်မုၥ်တၢ်ခုၣ်လၢသုးကီၣ်ကးမၤ၀ဲဖဲ(န့ၣ်ပၠံၣ်တီၣ်)လၢအပၣ်ဃုၥ်ဒီးကလုၥ်ဒူၣ်ဖှီၣ်စုက၀ဲၤလၢအဆဲးလီၤတၢ်ပတုၥ် တၢ်ခးသ့ၣ်တဖၣ်အံၤန့ၣ် မ့ၢ်တၢ်မုၥ်တၢ်ခုၣ်လၢအယီၤအဘျၣ်လီၤအဂ့ၢ်န့ၣ် ခ့ၣ်အဲၣ်ယူၣ် -ကညီဒီကလုၥ်စၢဖှိၣ်ကရၢ ပဒိၣ်စီၤကျၢၤစ့ စံး၀ဲန့ၣ်လီၤ.
လါမးရှး ၂၄ သီတုၤ တနံၤအံၤ ၂၆ သီ လၢသၢသီအတီၢ်ပူၤ သုးကီၣ်ကးတီခိၣ်ရိၣ်မဲမၤ၀ဲတၢ်တဲသကိးတၢ်မုၥ်တၢ်ခုၣ်လၢ န့ၢ်ပၠံၣ်တီၣ်(MICC-2)တၢ်လီၢ်လၢအပၣ်ဃုၥ်၀ဲခိၣ်နၢ်ဒိၣ်ထီ,ထံရူၢ်ကီၢ်သဲးပၣ်တံၣ်ခၢၣ်စး,ဖီၣ်စုက၀ဲၤကရူၢ်လၢအစဲးလီၤ တၢ်မုၥ်တၢ်ခုၣ်တဖၣ် အခၢၣ်စးသ့ၣ်တဖၣ်န့ၣ်လီၤ.
ဘၣ်ဆၣ်တၢ်တဲသကိးတၢ်မုၥ်တၢ်ခုၣ်လၢသုးကီၣ်ကးမၤ၀ဲခဲအံၤန့ၣ် ကဘၣ်မၤ၀ဲလၢအပူၤကွံၥ်အနံၣ်တဆံဘျဲၣ်တၢ်ဆၢကတီၢ် ဂ့ၤအခါလံအဃိ မ့မၤ၀ဲတၢ်တဲသကိးဒ်လဲၣ်ဒ်လဲၣ်ဂ့ၤဘၣ်ဆၣ် တၢ်တဲသကိးဘျီ၀ဲအံၤမ့ၢ်တၢ်မုၥ်တၢ်ခုၣ်လၢ အယီၤအဘျၣ်ဒီး ကဲထီၣ်လိၣ်ထီၣ်ဖးထီၣ်၀ဲတသ့ဘၣ်အဂ့ၢ်န့ၣ် ခ့ၣ်အဲၣ်ယူၣ် ပှၤကတိၤတၢ်ပၢ ပဒိၣ်စီၤကျၢၤစ့ စံး၀ဲန့ၣ်လီၤ.
“ဘၣ်ထွဲသုးကီၣ်ကးမၤတၢ်မုၥ်တၢ်ခုၣ်တခါအံၤပထံၣ်လၢတၢတခါကမ့ၢ်တၢ်မုၥ်တၢ်ခုၣ်လၢအယီၤအဘျၣ်လီၤန့ၣ်ပတဲသ့လီၤ. ဒီးအဂၤတခါန့ၣ်သုးကီၣ်ကးအံၤတၢ်ဆၢကတီၢ်အဂ့ၤကတၢၢ်လၢကဘၣ်မၤတၢ်မုၥ်တၢ်ခုၣ်လၢအပူၤကွံၥ်အနံၣ်တဆံဘျဲၣ်အဆၢကတီၢ်န့ၣ်တုၤလၢမုၢ်မဆါတနံၤအံၤတၢ်မုၥ်တၢ်ခုၣ်တၢ်ရဲၣ်တၢ်ကျဲၤအဂီၢ်န့ၣ်တလၢကွံၥ်လၢၤလံမီၤနီၤ.တၢ်နၥ်န့ၢ်လီၤသးတအိၣ်လၢၤဘၣ်အဖီခိၣ်တလၢကွံၥ်လၢၤလံန့ၣ်ပတဲသ့လီၤ.ဒီးတၢ်မုၥ်တၢ်ခုၣ်တၢ်ရဲၣ်တၢ်ကျဲၤတခါအံၤမ့မၤ၀ဲဒ်လဲၣ်ဒ်လဲၣ်ဂ့ၤသနါက့ခီဖျိတၢ်နၥ်န့ၢ်လီၤသးတအိၣ်ဘၣ်အဖီခိၣ်တၢ်လိၣ်ထီၣ်ဖးထီၣ်၀ဲတသ့ဘၣ်န့ၣ်ပထံၣ်ဒ်န့ၣ်လီၤ”အဂ့ၢ်န့ၣ် စံးဘၣ်ခ့ၣ်အဲးစံၣ်-ကညီတၢ်ကစီၣ် န့ၣ်လီၤ.
တကးဒံးဘၣ်သုးကီၣ်မၤတၢ်တဲသကိးတၢ်မုၥ်တၢ်ခုၣ်အံၤအတၢ်ပညိၣ်မ့ၢ်ဒ်သိး ထံဂုၤကီၢ်ဂၤပဒိၣ်သ့ၣ်တဖၣ်ကဆီၣ်ထွဲမၤစၢၤအီၤ အဂီၢ်လီၤဒီး ဒ်န့ၣ်အသိးတၢ်တဲသကိးအံၤမူဒါတအိၣ်၀ဲလၢဖိးမံသဲစးလၢကမၤ၀ဲတၢ်ရဲၣ်တၢ်ကျဲၤအံၤဘၣ် အဃိ လ့ၤတက့ၤ (ခ့ၣ်အဲၣ်ယူၣ်)တပၣ်ဃုၥ်လၢတၢ်ရဲၣ်တၢ်ကျဲၤအံၤအပူၤဘၣ်အဂ့ၢ်န့ၣ် ပဒိၣ်စီၤကျၢၤစ့ စံးအါထီၣ်၀ဲန့ၣ်လီၤ.
လၢတၢ်မၤ၀ဲတၢ်တဲသကိးတၢ်မုၥ်တၢ်ခုၣ်ဘျီ၀ဲအံၤအပူၤန့ၣ် သုးကီၣ်ကးစံးစ့ၢ်ကီး၀ဲလၢကဟဲလါဒံၣ်စ့ဘၢၣ်လၢၥ်(၂၀၂၆)လါယနူၤ အါရံၤထီၣ်အံၤန့ၣ်ကမၤ၀ဲတၢ်ဃုထၢတၢ်ရဲၣ်တၢ်ကျဲၤတုၤအ၀ံၤအဂ့ၢ်န့ၣ် သ့ၣ်ညါဘၣ်န့ၣ်လီၤ.
ဘၣ်ဃးသုးကီၣ်ကးကမၤ၀ဲတၢ်ဃုထၢအံၤန့ၣ် ခ့ၣ်အဲၣ်ယူၣ် ပှၤကတိၤတၢ်ပၢ ပဒိၣ်စီၤကျၢၤစ့ စံး၀ဲလၢ “အကမၤ၀ဲတၢ်ဃုထၢတခါ န့ၣ်ဒုဒ်ပတဲတ့ၢ်အသိးလီၤ အ၀ဲသ့ၣ်န့ၣ်မုၢ်လၢ်၀ဲလၢအကကဲထီၣ်ဖိးမံသဲစးပဒိၣ်တဖုလၢဟီၣ်ခိၣ်ချၢအမဲၥ်ညါန့ၣ် မ့ၢ်၀ဲဒၣ်အတၢ် မုၢ်လၢ်လီၤ.ဘၣ်ဆၣ်အတၢ်ပၣ်ဃုၥ်ပၣ်ဂီၢ်မ့ၢ်ဂ့ၤ,တၢ်တတူၢ်လိၥ်တၢ်ရဲၣ်တၢ်ကျဲၤဘၣ်မ့ၢ်ဂ့ၤန့ၣ်အိၣ်၀ဲတုၤမုၢ်မဆါတနံၤညါအံၤလီၤ.ပ၀ဲဒၣ်စ့ၢ်ကီးတၢ်ဃုထၢလၢကမၤ၀ဲဒၣ်ခဲအံၤန့ၣ်ပတူၢ်လိၥ်အီၤတသ့ဘၣ်အဂ့ၢ်န့ၣ်ပတဲတ့ၢ်လံအဃိပကဆၢထၢၣ်ဒ်ပတၢ်ဆၢထၢၣ်အိၣ်အသိး န့ၣ်လီၤ”အဂ့ၢ်န့ၣ် စံး၀ဲန့ၣ်လီၤ.
တကးဒံးဘၣ်လၢတၢ်ကမၤ၀ဲတၢ်ဃုထၢအံၤအဂီၢ်လၢကီၢ်ခီဒိၣ်ဒီးကီၢ်စဲၣ်တဖၣ်အပူၤ ကဆီလီၤမၤဃံးထီၣ်၀ဲတၢ်ဘံၣ်တၢ်ဘၢ သ့ၣ်တဖၣ် အဂ့ၢ်န့ၣ် သုးကီၣ်ကးတကပၤစံး၀ဲန့ၣ်လီၤ.
တကတီၢ်ဃီလၢသုးကီၣ်ကးအတၢ်တဲသကိးတၢ်မုၥ်တၢ်ခုၣ်ဘျီ၀ဲအံၤအပူၤန့ၣ် တၢ်တဲသကိး၀ဲဘၣ်ဃးထံရူၢ်ကီၢ်သဲးတၢ်သဘံၣ် သဘုၣ်,တၢ်ဃုထၢအဂ့ၢ်,ဒီး မုၢ်ကျိၤ၀ဲၤကွၥ်တၢ်ဂုၤထီၣ်ပသီထီၣ်တၢ်ဂ့ၢ်သ့ၣ်တဖၣ်တၢ်တဲသကိး၀ဲအဂ့ၢ်န့ၣ် သ့ၣ်ညါဘၣ်န့ၣ်လီၤ
ဒ်န့ၣ်အသိးတၢ်တဲသကိးလၢတၢ်ဆၢကတီၢ်ယံၤ၀ဲ(၃)သီအံၤန့ၣ် တနံၤ အံၤမ့ၢ်၀ဲလီၢ်ခံကတၢၢ်ဒီးတၢ်ရဲၣ်တၢ်ကျဲၤအပူၤ သုးကီၣ်ကးခိၣ် နၢ်ဒိၣ်ထီဘၣ်ထွဲပှၤဘၣ်မူဘၣ်ဒါတဖၣ်, NSPNC ခိၣ်နၢ်ဒိၣ်ထီ, ,ကီၢ်စၢဖှိၣ်ကိတိၥ်,ထံရူၢ်ကီၢ်သဲးပၣ်တံၣ်ခၢၣ်စး, ကလုၥ်ဒူၣ်ဖီၣ် စုက၀ဲၤလၢဆဲးလီၤတၢ်ပတုၥ်တၢ်ခးကရူၢ်ခၢၣ်စးတဖၣ်အကျါပၣ်ဃုၥ်၀ဲတၢ်ဘၣ်ဘျုးဒံၣ်မိၣ်ခြ့ၣ်စံၣ်ကညီသုးမုၢ်ဒိၣ်(DKBA),ကညီတၢ်မုၥ်တၢ်ခုၣ်ကီၣ်ကးကရၢ -PC, ဒီး မုၢ်ကျိၤ၀ဲၤကွၥ်တၢ်မၤကစၢ်ဒိၣ်ထီပှၤဘၣ်မူဘၣ်ဒါလၢအဂၤလဲၤထီၣ်၀ဲန့ၣ်လီၤ.
