လါနိၣ်ဝ့ဘၢၣ် ၆သီ, ၂၀၂၆နံၣ်, ခ့ၣ်အဲးစံၣ်
ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ကီးတရံးကလံၤထံး, ထံဖိစီသဝီရူၢ် မၠးပတဲၤနဲၣ်သဝီအပူၤ မဟါလါနိၣ် ဝ့ဘၢၣ် (၅)သီ, ဂီၤခီအနံၤအပူၤ သုးကရူၢ်ကွံၥ်လီၤဝဲ ဒြိမ့ၣ်ပိၢ်အဃိ ဘၣ်ဟးဂီၤဝဲ ကမျၢၢ်လီၢ်ကဝီၤဖိ ဟံၣ်(၂)ဖျၢၣ်အဂ့ၢ်, သ့ၣ်ညါဘၣ်လၢ လီၢ်က ဝီၤဖိတဖၣ် အအိၣ်န့ၣ်လီၤ.
သုးကရူၢ်အံၤ တချူးမၤဝဲ ဒြိမၤတၢ်ထီၣ်ဒုးအဆၢကတီၢ် ပျၢ်လီၤဝဲကဘီယူၤ တၢ်လီၤဃုထံၣ်သ့ၣ်ညါဆိဟီၣ်ကဝီၤ တၢ်အိၣ်သးဝံၤအလီၢ်ခံ, ဟဲထီၣ်ဝဲဒီးဒြိ(၂)ဘ့ၣ်ဒီး တ့ၢ်လီၤဝဲမ့ၣ်ပိၢ်(၃)ဖျၢၣ်အဂ့ၢ်, မၠးပတဲၤနဲၣ် လီၢ်ကဝီၤဖိ တဂၤ စံးဝဲဒ်အံၤန့ၣ်လီၤ.
အဝဲစံးဝဲလၢ “ဒြိန့ၣ်ဟဲထီၣ်(၂)ဘ့ၣ်, တဘ့ၣ်န့ၣ် တ့ၢ်လီၤဝဲ မ့ၢ်ပိၢ်(၃)ဖျၢၣ်န့ၣ်လီၤ. အခီၣ်ထံးအိၣ်ဟဲလၢ ထံဖိစီတ ကပၤန့ၣ် ဒ်သိး ကဘီယူၤတၢ်ဃုသ့ၣ်ညါဆိတၢ်အိၣ်သးန့ၣ်လီၤ.တစိၢ်ဖိဟဲ ထီၣ်က့ၤဝဲလၢဒြိ တ့ၢ်လီၤတၢ်ဘၣ်ဟး ဂီၤဝဲ ဟံၣ်(၂)ဖျၢၣ် န့ၣ်လီၤ.” အဂ့ၢ်စံးဝဲန့ၣ်လီၤ.
လၢန့ၣ်အမဲၥ်ညါ, သုးကရူၢ် မၤဝဲ ကဘီယူၤတၢ်ဃုသ့ၣ်ညါဆိတၢ်အိၣ်သး အဆၢကတီၢ် မၠးပတဲၤနဲၣ် သဝီပူၤ ဘၣ်ဖဲ လီၢ်ကဝီၤဖိ တနီၤ မၤတၢ်ဟးဃုအီၣ်ညၣ်, ဖီၣ်ညၣ် ဘၣ်ဆၣ် ခီဖျိ ဃ့ၢ်ပူၤဖျဲးထီၣ်ကွံၥ်ဝဲအသး ချူးဆၢချူးကတီၢ် အဃိ တၢ်ဘၣ်ဒိဘၣ်ထံးတအိၣ်ဝဲဘၣ်အဂ့ၢ်, အဝဲစံးစ့ၢ်ကီးဝဲန့ၣ်လီၤ.
မၠးပတဲၣ်နဲၣ်သဝီ ဒီး ခိၣ်ဃၢၤဒူသဝီဟီၣ်ကဝီၤတဖၣ်အပူၤ ဒူသဝီသ့ၣ်တဖၣ်အံၤ အပူၤကွံၥ် စှၤသီအတီၢ်ပူၤ ခီဖျိ ပယီၤသုးမၤဝဲ ဒြိတၢ်ထီၣ်ဒုးအဃိ ကမျၢၢ်ဟံၣ်ဘၣ်ဟးဂီၤတ့ၢ်ဝဲ (၁)ဖျၢၣ် ဒီး လီၢ်ကဝီၤဖိ တနီၤ ဘၣ်ဒိဘၣ်ထံး ဝဲ အိၣ်ဝဲ အဂ့ၢ်, သ့ၣ်ညါဘၣ်န့ၣ်လီၤ.
ဒ်န့ၣ်အသိး, ခီဖျိဟီၣ်ကဝီၤအပူၤ ဒုးယၤတၢ်သဘံၣ်ဘုၣ်အဃိ ကွံမီၤတၢၣ်, ထံဖိစိ,ကီၣ်ဖါယၣ် ဒီး ကီၣ်သၤရှူ ဒူသဝီဖိသ့ၣ် တဖၣ်အံၤ ဘၣ်ဃ့ၢ်ထီၣ်အိၣ်ကဒုတ့ၢ်ဝဲဒၣ်အသး တုၤလၢခဲအံၤဒီး တက့ၤအိၣ်ဆိးဘၣ်ဒံးဝဲလၢ နီၢ်ကစၢ်တၢ်လီၢ်တၢ်ကျဲ ယံၥ်လၢ (၁)နံၣ်ဘျဲၣ် ဃၣ်ဃၣ်လံအဂ့ၢ်, သ့ၣ်ညါဘၣ်န့ၣ်လီၤ.
