KIC News

လါအီးကထိဘၢၣ် ၂၂သီ, ၂၀၂၅နံၣ်,ခ့ၣ်အဲးစံၣ်. ကီၢ်ကၠီၣ်တဲၣ်-ကီၢ်ပယီၤကီၢ်ဆၢ ရမၤတံဝ့ၢ်ကလံၤထံး တၢ်လံၣ်အီၣ်လီအီၣ်ကျိၣ်စ့အလီၢ်လၢအမံၤဟူသၣ်ဖျါတခါလၢအမ့ၢ် KK park အပူၤပှၤမၤတၢ်ဖိတဖၣ်န့ၣ် စးထီၣ်ဖဲမဟါလါအီးကထိဘၢၣ် (၂၁)သီဟါခီအဆၢကတီၢ်န့ၣ် BGF တၢ်ရဲၣ်တၢ်ကျဲၤအဖီခိၣ် တၢ်သုးကွံၥ်အလီၢ်အကျဲအဂ့ၢ် သ့ၣ်ညါဘၣ်ဒ်ပှၤလီၢ်ကဝီၤဖိစံးဝဲဒၣ်အသိးန့ၣ်လီၤ. KK park ကရၢၢ်ပူၤပှၤမၤတၢ်ဖိလၢအကယၤသ့ၣ်တဖၣ်အံၤ စးထီၣ်ဖဲမဟါအနံၤန့ၣ် တၢ်တီဆှၢအဝဲသ့ၣ်ဒီး BGF သိလ့ၣ်အဒိၣ်အဆံးဒီးပှၤသ့ၣ်တဖၣ်န့ၣ် အါတက့ၢ်လီၤဂၥ်ပှၤတရူးဖိအဂ့ၢ် ဂံၢ်ခီၣ်ထံးပှၤဟ့ၣ်တၢ်ကစီၣ်ဖိတဂၤစံးဝဲဒၣ်န့ၣ်လီၤ. အဝဲစံးဝဲဒၣ်လၢ“ဖဲအံၤန့ၣ်တၢ်ကိးဝဲလၢ AA...

လါအီးကထိဘၢၣ် ၂၁သီ, ၂၀၂၅နံၣ်, ခ့ၣ်အဲးစံၣ်, ခ့ၣ်အဲၣ်ယူၣ်ကညီဒီကလုၥ်စၢဖှိၣ်ကရၢ,သုးက့(၇)ဖၣ်အၣ်ကီၢ်ရ့ၣ်(နဘူ)တန့ခၠါကီၢ်ဆၣ်ဟီၣ်ကဝီၤအပူၤပယီၤသုးကဘီယူၤခးလီၤတၢ်အဃိထံဖိစီသဝီအမဲၥ်ညါ,သဝီကရူၢ်အပူၤဒူသဝီ(၅)ဖျၢၣ်ဘၣ်ဃ့ၢ်ထီၣ်ဝဲအဂ့ၢ်,လီၢ်ကဝီၤပှၤဘၣ်မူဘၣ်ဒါတဖၣ်စံးဝဲဒၣ်န့ၣ်လီၤ. ဖဲမဟါလါအီးကထိဘၢၣ်(၂၀)သီအနံၤဟါခီ(၃)နၣ်ရံၣ်ဘျဲၣ်အဆၢကတီၢ်ပယီၤသုးပယီၤယူၤ(Y12)ဟဲထီၣ်ဟးခးလီၤဝဲတၢ်လၢထံဖိစီသဝီဟီၣ်ကဝီၤဒူသဝီတဖၣ်အပူၤဒီး,ဘၣ်ဟးဂီၤဝဲဟံၣ်တၢ်သူၣ်ထီၣ်,ကၠိ,ကျးဒီးသီခါဖၠၣ်တဖၣ်အိၣ်ဝဲအဃိဒူသဝီ(၅)ဖျၢၣ်အပူၤကမျၢၢ်တဖၣ်ဃ့ၣ်ထီၣ်ဝဲအဂ့ၢ်,လီၢ်ကဝီၤပှၤဘၣ်မူဘၣ်ဒါတဂၤစံးဝဲဒ်အံၤန့ၣ်လီၤ. အဝဲစံးဝဲလၢ“မဟါခးလီၤတၢ်တဘၣ်ဒိပှၤကညီဘၣ်.ဘၣ်ဝဲပှၤဟံၣ်,ကျး,ကၠိဒီးသီခါဖၠၣ်ဟးဂီၤဝဲတက့တခီန့ၣ်လီၤ.ခးလီၤတၢ်ဆၢကတီၢ်ဖၠၣ်ပူၤသီဘုၣ်သီခါတပွဲဖိစှၤပါဒုအိၣ်နၥ်က့ပှၤအိၣ်ခူသူၣ်လၢတၢ်ပူၤမီၤ.အအံၤထံဖိစီသဝီအမဲၥ်ညါဒူသဝီအိၣ်(၅)ဖျၢၣ်ဒ်အမ့ၢ်(ကွံမီၤတဲၤ)(နီၤထိၣ်ထး)(ကီၣ်သၤစူ)(မၠးပတဲၤနဲၤ)(ကီၣ်ဖၤယၣ်)ကမျၢၢ်လီၢ်ကဝီၤဖိသ့ၣ်တဖၣ်န့ၣ်စံၣ်လၢၥ်လံ,ခဲအံၤပှၤတအိၣ်နီတဂၤဘၣ်.ပှၤပျံၤပယီၤကျိချံမီၤ”အဂ့ၢ်စံးဝဲဒၣ်န့ၣ်လီၤ. ထံဖိစီသဝီအံၤအပူၤကွံၥ်ပယီၤသုးကရူၢ်တ့ၢ်လီၤမ့ၣ်ပိၢ်ဒီးခးလီၤတၢ်လၢသဝီအပူၤအိၣ်ဝဲခဲအံၤခဲအံၤအဃိ,လီၢ်ကဝီၤဖိတဖၣ်အါတက့ၢ်ဃ့ၢ်ထီၣ်တ့ၢ်ဝဲစးထီၣ်ဖဲလါအီးကထိဘၢၣ်အဆိကတၢၢ်တနွံအပူၤလံအဂ့ၢ်,သ့ၣ်ညါဘၣ်န့ၣ်လီၤ. ဒီးပှၤစံၣ်ထီၣ်တ့ၢ်တဖၣ်အံၤအိၣ်ဆိးဝဲတဘူးတယံၤဒီးအနီၢ်ကစၢ်ဒူသဝီအသိး,ပှၤလၢအိၣ်တ့ၢ်က့ၤဝဲစှၤကိးဂၤသ့ၣ်တဖၣ်အံၤမ့ၢ်ဒၣ်ပိၥ်ခွါလၢအကူးဘုကူးဟုဒီးခိးကွၢ်က့ၤဟံၣ်ဃီတၢ်ဖိတၢ်လံၤသ့ၣ်တဖၣ်လီၤအဂ့ၢ်,လီၢ်ကဝီၤပိၥ်မုၥ်တဂၤစံးဝဲဒ်အံၤန့ၣ်လီၤ. “သဝီပူၤပှၤအိၣ်တ့ၢ်ပူၤဂၤပူၤဂၤလီၤ.ဆၢကတီၢ်ဘၣ်လၢပှၤဘၣ်ကူးဘုအခါလံမီၤအဃိပှၤအိၣ်တ့ၢ်က့ၤထဲဟံၣ်တဖျၢၣ်ပိၥ်ခွါတဂၤလီၤပှၤဘၣ်အိၣ်ခိးပှၤတၢ်ဖိတၢ်လံၤကျီၢ်ပနၢ်ဘၣ်ယိၣ်ကလီၤမၢ်မီၤ.မဟါခးလီၤတၢ်န့ၣ်သ့ၣ်ဘၣ်ဖဲပှၤကူးဘုအဆၢကတီၢ်ဃိပှၤဘၣ်စံၣ်ဒံး.အအံၤပအိၣ်ဖဲအံၤနၥ်က့ကဘီယူၤမ့ဟဲထီၣ်ပနၢ်ဟူပှၤမ့ခးလီၤတၢ်နၥ်က့ပနၢ်ဟူလီၤ”အဂ့ၢ်စံးဝဲဒၣ်န့ၣ်လီၤ. ထံဖိစီသဝီအံၤကမျၢၢ်ဟံၣ်ခိၣ်ကအိၣ်ဝဲအဖျၢၣ်(၄၀၀)ဘျဲၣ်ဒီးသဝီအပူၤဒူသဝီဖိတဖၣ်အမဲၥ်ညါကီးတရံးကမျၢၢ်ပှၤဃ့ၢ်တၢ်ဒုးဖိတဖၣ်လဲၤအိၣ်ကဒုတ့ၢ်ဝဲအသးအိၣ်ဝဲအဂ့ၢ်,သ့ၣ်ညါဘၣ်န့ၣ်လီၤ. ဒ်န့ၣ်အသိး,တကီၢ်ခါခဲအံၤတၢ်အိၣ်သးအဖီခိၣ်ပှၤလီၢ်ကဝီၤဖိတဖၣ်ဘၣ်ဃ့ၢ်ထီၣ်ဝဲအဃိ,ကီးတရံးလီၢ်အိၣ်ကဒုဖိတဖၣ်စ့ၢ်ကီးဘၣ်ဃ့ၢ်ထီၣ်ပိၥ်ပှၤခံအိၣ်ဝဲအဂ့ၢ်သ့ၣ်ညါဘၣ်န့ၣ်လီၤ.

လါအီးကထိဘၢၣ် ၂၁ သီ, ၂၀၂၅ နံၣ်, ခ့ၣ်အဲးစံၣ် ခ့ၣ်အဲၣ်ယူၣ် ဒူသထူၣ်ကီၢ်ရ့ၣ်(သုးက့ ၁)ဖၣ်အၣ်ကီၢ်ဆၣ် ဝဲပၠၣ်ကရူၢ် ဖါပီၢ်သဝီပူၤ ပယီၤသုးလၢအိၣ်(သုးက့ ၅) ဒွဲၣ်လိကီၢ်ဆၣ် ကမၤမိၢ်ဝ့ၢ်ပူၤအံၤ တဖၣ် ခးလီၤကျိဖးဒိၣ်အဃိ ကမျၢၢ်သံ(၄)ဂၤဒီး ဘၣ်ဒိဘၣ်ထံးအိၣ်လၢအဂၤ(၁၀)ဘျဲၣ်အဂ့ၢ်န့ၣ် လီၢ်ကဝီၤ ပှၤဘၣ်မူဘၣ်ဒါစံးဝဲန့ၣ်လီၤ. ဖဲမဟါလါအီးကထိဘၢၣ် ၂၀ သီ ဟါခီ ၅း၃၀...

လါအီးကထိဘၢၣ် ၂၀သီ, ၂၀၂၅နံၣ်,ခ့ၣ်အဲးစံၣ်, လၢတခီထံတခီကီၢ်အပူၤဃုၥ်ဒီးလံၥ်လဲၢ်တၢ်အုၣ်ကီၤလၢဖိးသဲစးတအိၣ်ဘၣ်အကစူးကတ့ၤတနံၤဘၣ်တနံၤဖါတံၢ်ပိၤပိၤဘၣ်ဂဲၤပျုၢ်ဂဲၤဆှးဝဲလၢတၢ်လုၢ်အီၣ် ဖိ(၃)ဂၤဒီးမါတဂၤ ခီဖျိတၢ်ဆါဖီလၢ မ့ၣ်ဖီး(Trafficlight)န့ၣ်လီၤ. အခဲအံၤန့ၣ်ဖါတံၢ်ပိၤပိၤအံၤအိၣ်ဆိးဝဲဖဲကီၢ်ပယီၤကီၢ်ကၠီၣ်တဲၣ်ကီၢ်ဆၢဝ့ၢ်မဲၢ်ဆီး,ခီကီၢ်ပှၤမၤတၢ်ဖိကဝီၤဒ့တဘ့ၣ်အပူၤန့ၣ်လီၤ. တၢ်ဆါဖီလၢမ့ၣ်ဖီး(Trafficlight)အံၤတမ့ၢ်လၢဖါတံၢ်ပိၤပိၤအဲၣ်ဒိးမၤဝဲဘၣ်.ခီဖျိမၤတၢ်မၤဃၢတန့ၢ်လၢၤ,လံၥ်လဲၢ်လၢဖိးသဲစးတအိၣ်ဃုၥ်ဒီးတၢ်ကူၣ်ဘၣ်သ့တအိၣ်လၢကမၤတၢ်မၤလၢအဂၤအဂီၢ်ဘၣ်အဃိ လီၢ်ခံကတၢၢ် တၢ်ဆါဖီလၢမ့ၣ်ဖီး(Trafficlight) အံၤကဲထီၣ်ဝဲဒၣ် ဖါတံၢ်ပိၤပိၤအတၢ်ဆၢတဲၥ်န့ၣ်လီၤ. ထံလီၢ်ကီၢ်ပူၤတၢ်အိၣ်သးအကလုၥ်ကလုၥ်အဃိစးထီၣ်လၢအသးနံၣ်အိၣ်(၂၀)ဘျဲၣ်အခါလံၤလံၤအဝဲနုၥ်လီၤမၤတၢ်မၤလၢကီၢ်ကၠီၣ်တဲၣ်ပူၤလၢအမ့ၢ်တၢ်သူၣ်ထီၣ်ဘှီထီၣ်(ก่อสร้าง)လၢအနံၣ်(၃၀)အတီၢ်ပူၤန့ၣ်လီၤ.အခဲအံၤဖါတံၢ်ပိၤပိၤအိၣ်ဝဲဒၣ်အနံၣ်(၅၀)ဒီးစးထီၣ်ဖဲ(၂၀၂၄)နံၣ်န့ၣ်ဆီတလဲဆါဖီဝဲဖီဒီးအခဲအံၤအဝဲဆါဖီထီၣ်ဘး(၁)နံၣ်ဘျဲၣ်အတီၢ်ပူၤန့ၣ်လီၤ. သးပှၢ်ထီၣ်ဒီးမၤတၢ်ဃၢတန့ၢ်ဘၣ်အဃိဘၣ်လုၢ်အီၣ်က့ၤဖိဒီးမါလၢတၢ်ဆါဖီလၢမ့ၣ်ဖီးဒ်အံၤလီၤအဂ့ၢ် ဖါတံၢ်ပိၤပိၤစံးဝဲဒၣ်ဒ်အံၤန့ၣ်လီၤ. “တခီလၢနုၥ်လီၤအိၣ်ဝဲကီၢ်ကၠီၣ်တဲၣ်ပူၤအံၤယမၤ(ก่อสร้าง)ဒီးတၢ်ဖံးတၢ်မၤဃၢလဲလဲလီၤ.ယဖိခွါအခၢၣ်သးတဂၤန့ၣ်ကွၢ်ယၤယသးပှၢ်ထီၣ်တဘျီတဲယၤလၢဆါပၠးကွၢ်လၢဖီမီၤ.မ့ၢ်ကကိညၢ်တစဲးဧါ.အဃိန့ၣ်ဒ်အဝဲဟ့ၣ်ကူၣ်ယၤအသိး,ယဆိမိၣ်ထံတလါခံလါအလီၢ်ခံယစးထီၣ်မၤဝဲတၢ်ဟးဆါဖီတခါအံၤန့ၣ်လီၤ”အဂ့ၢ်စံးဝဲန့ၣ်လီၤ. တၢ်ကိၢ်,တၢ်စူၤ,တၢ်ဂိၢ် အမဲၥ်ညါ မ့ၢ်ဘၣ်သဂၢၢ်ဒီးကၠီၣ်တဲပၢၤကီၢ်ဖီၣ်အီၤဒၣ်လဲၥ် ဒွးဝဲတချုးဘၣ် ဒီးကိးနံၤဒဲးညီနုၢ်မုၢ်ဝါထီၣ်ဂီၤခီ(၄)နၣ်ရံၣ်(၅)နၣ်ရံၣ်န့ၣ်စးထီၣ်ကတဲၤကတီၤထီၣ်အဖီဒီး(၆)နၣ်ရံၣ်န့ၣ်စးထီၣ်လဲၤဆါဝဲဒၣ်ဖီလၢဝ့ၢ်မဲၢ်ဆီးကဘီယူၤသန့မဲၥ်ညါမဲၢ်တီၢ်မ့ၣ်ဖီး(Trafficlight)န့ၣ်လီၤ.ညီနုၢ်လဲၤပိၥ်ဝဲဒၣ်ပှၤလၢအဆါစၢၤန့ၢ်ဝဲဖီတဂၤန့ၣ်အခံဒီး(၃)ပၣ်သိလ့ၣ်ယီၢ်ဒီး အအိၣ်ဟံၣ်ဒီးအဆါဖီလီၢ်န့ၣ်ဘၣ်လဲၤတံၥ်တၥ်ကအိၣ်တခီနၣ်ရံၣ်အတီၢ်ပူၤန့ၣ်လီၤ. တနံၤအဂီၢ်ဖီလၢကဆါဝဲန့ၣ်ညီနုၢ်ကတီၤထီၣ်ပၥ်ဝဲ အပျံၤ(၈၀)တုၤ(၁၀၀)ဘျဲၣ်ဒီးဆါဝဲတပျံၤန့ၣ်(၂၀)ဘး,ခီဖျိတမ့ၢ်အစၢ်ဖီဘၣ်အဃိန့ၣ်ဆါဝဲမ့ၢ်န့ၣ်တပျံၤန့ၣ်ပှၤဟ့ၣ်အီၤ(၅)ဘးဒီးဖီလၢဆါဝဲန့ၣ်မ့ၢ်ဝဲဖီတၤဆှုၣ်,ဖီကၠးစ်မ့(စပဲၤဖီ)ဒီးဖီပျံၤကွီၤဖိသ့ၣ်တဖၣ်အံၤညီနုၢ်တၢ်ဘျးလီၤအီၤလၢသိလ့ၣ်အမဲၥ်ညါန့ၣ်လီၤ. “ဖီန့ၣ်ယဟံန့ၢ်ဆါလၢပှၤအိၣ်တဆီလီၤ.ပဆါတပျံၤ(၂၀)မဆါမ့ဟးထီၣ်တပျံၤမးဒိၣ်န့ၢ်ဘၣ်အလဲ(၅)ဘးလီၤ.တကၢကီၣ်လိၥ်သးအါအါဘၣ်.နါက့တၢ်မၤအဂၤတအိၣ်ဘၣ်မၤ.မ့တမၤတအီၣ်ဘၣ်ဘၣ်.တဘျီဘျီတၢ်ကိၢ်ဒိၣ်ကပၢၤကနိယွၤ,ပှၤသးကညီၤပှၤပှ့ၤပတၢ်.ဖိတဖၣ်နါက့ထီၣ်ကၠိဒီးဟံၣ်ပူၤဃီပူၤတၢ်လိၣ်ဘၣ်အဖီခိၣ်မၤကၠါအံၤလၢန့ၣ်တစဲးလၢအံၤတစဲးအိၣ်အီၣ်ကၠါအံၤ”န့ၣ်လီၤ. တနံၤအတီၢ်ပူၤညီနုၢ်ဆါဝဲဖီန့ၣ်...

လါအီးကထိဘၢၣ် ၁၉ သီ, ၂၀၂၅ နံၣ်, ခ့ၣ်အဲးစံၣ် ခ့ၣ်အဲၣ်ယူၣ်-ဒူပျၥ်ယၥ်ကီၢ်ရ့ၣ် သုးက့-၆ တၢ်ပၢ, ဖဲရၤမတံဝ့ၢ်ကလံၤထံးဟီၣ်ကဝီၤကျဲမုၢ်အဖီခိၣ်အလိၥ်န့ၣ် ဖဲလါအီးကထိဘၢၣ် ၁၇ သီအနံၤ, ဘၣ်ဖဲမုၢ်ဃ့ၢ်လီၤ ၁ နၣ်ရံၣ်ဘျဲၣ်အဆၢကတီၢ်န့ၣ် တၢ်ခးဝဲဒၣ်ကမျၢၢ်သိ လ့ၣ်လၢအလ့ၢ်ထီၣ်လ့ၢ်လိၤတခိၣ်ကဲထီၣ်ဝဲသးအဃိသံ ၁ ဂၤ ဒီး ဘၣ်ဒိဝဲ ၃ ဂၤ အဂ့ၢ်သ့ၣ်ညါဘၣ်န့ၣ်လီၤ....

လါအီးကထိဘၢၣ် ၁၈ သီ, ၂၀၂၅ နံၣ်, ခ့ၣ်အဲးစံၣ် ကီၢ်သူလ့ၤတၢ်ပၢဟီၣ်ကဝီၤအပူၤဒ်သိးဒီးတၢ်ကဆီၣ်ထွဲမၤစၢၤကီၢ်သူလ့ၤကၠိသရၣ်သရၣ်မုၣ်လၢအသိၣ်လိတၢ်သ့ၣ်တဖၣ်တၢ်မၤစၢၤအဘူးအလဲအဂီၢ်တနံၣ်အံၤ ၂၀၂၅-၂၀၂၆ တၢ်မၤလိနံၣ်အတီၢ်ပူၤအံၤကျိၣ်စ့တၢ်မၤစၢၤလိၣ်အါထီၣ်ဒံး ဝဲ ၄၁ မျးကယၤအဂ့ၢ်ကညီကူၣ်သ့ဆဲးလၤဝဲၤကျိၤဒီးကညီကၠိသရၣ်မၤသကိးတၢ်ကရူၢ်ထုးထီၣ်ပၥ်ဖျါလံၥ်ဃ့ထီၣ်တၢ် သကွံၢ်ကညးတဘ့ၣ်ဖဲမဟါလါအီးကထိဘၢၣ်(၁၇)သီအနံၤန့ၣ်လီၤ. ခီဖျိလၢထံဂုၤကီၢ်ဂၤအထံရူၢ်ကီၢ်သဲးတၢ်ဆီတလဲတဖၣ်အဖီခိၣ်တၢ်အံၤဒုးအိၣ်ထီၣ်ကျိၣ်စ့တၢ်မၤစၢၤတလၢတပှဲၤလၢတၢ်ကရၢကရိအါဖုလၢအဆီၣ်ထွဲမၤစၢၤထံဂုၤကီၢ်ဂၤကရၢသဘျ့, ပှၤတဝၢတၢ်ကရၢကရိဒီးဂံၢ်ခီၣ်ထံးပှၤတဝၢတၢ်က ရၢကရိသ့ၣ်တဖၣ်အဃိတၢ်အံၤဟဲမၤဘၣ်ဒိဝဲကီၢ်သူလ့ၤကၠိသရၣ်,သရၣ်မုၣ်သ့ၣ်တဖၣ်စ့ၢ်ကီးန့ၣ်လီၤ. ဖဲအပူၤကွံၥ်နံၣ်န့ၣ်ကညီကူၣ်သ့ဆဲးလၤဝဲၤကျိၤဒီးကညီကၠိသရၣ်မၤသကိးတၢ်ကရူၢ်သ့ၣ်တဖၣ်အိၣ်ဒီးတၢ်တိၥ်လၢတနံၣ်အတီၢ်ပူၤကဟ့ၣ်မၤစၢၤဝဲကီၢ်သူလ့ၤကၠိသရၣ်,သရၣ်မုၣ်တဂၤလၢစ့ယိၤ ၁၂,၀၀၀ ဘး (မ့မ့ၢ်လၢစ့ဒီလၣ်ခီန့ၣ် ၃၅၀ ဒီလၣ်) ဘၣ်ဆၣ်ခီဖျိလၢတၢ်ကီတၢ်ခဲအကလုၥ်ကလုၥ်အဃိဟ့ၣ်မၤစၢၤန့ၢ်ဝဲထဲ ၁၀,၅၀၀ ဘးန့ၣ်လီၤ....

လါအီးကထိဘၢၣ် ၁၇ သီ, ၂၀၂၅ နံၣ်, ခ့ၣ်အဲးစံၣ် ခ့ၣ်အဲၣ်ယူၣ် ဒူပျၥ်ယၥ်ကီၢ်ရ့ၣ်(သုးက့ ၆)ကီးတရံးကီၢ်ဆၣ်ပူၤ ကီးတရံး-မၠၣ်ဝတံၣ်အ့ရှါကျဲလၢပယီၤသုးဟဲက့ၤထီၣ်ဒိၣ်စိန့ၢ်က့ၤဝဲဖဲ လါစဲးပထ့ဘၢၣ်ထီၣ်အံၤန့ၣ် တယံၤတမီၢ်ကအိးထီၣ်ကဒါတၢ်ရဲၣ်တၢ်ကျဲၤအိၣ်ဝဲအဂ့ၢ်န့ၣ် တၢ်ဘၣ်ဘျုးဒံၣ်မိၣ်ခြ့ၣ်စံၣ်ကညီ သုးမုၢ်ဒိၣ် (DKBA)ဖီၣ်စုကဝဲၤကရူၢ် လၢအဆဲးလီၤထံကီၢ်ဒီတဘ့ၣ်တၢ်ပတုၥ်တၢ်ခး(NCA)လံၥ်ဃံးဃၥ်အံၤစံးဝဲန့ၣ်လီၤ. တကီၢ်ခါခဲအံၤလၢကညီကီၢ်စဲၣ်ဟီၣ်ကဝီၤတဖၣ်အပူၤဒုးယၤတၢ်သဘံၣ်သဘုၣ်ကဲထီၣ်ဝဲဒီး ဘၣ်ဆၣ်လၢတၢ်ဒုးတၢ်ယၤအက တီၢ်အံၤ ကီးတရံး-မၠၣ်ဝတံၣ်အ့ရှါကျဲလၢတၢ်ပံးဃၥ်အီၤန့ၢ်ဝဲ(၂)နံၣ်ဃၣ်ဃၣ်အံၤ တၢ်ရဲၣ်တၢ်ကျဲၤအိၣ်လၢတယံၤတမီၢ်န့ၣ်တၢ်က အိးထီၣ်ကဒါဝဲအဂ့ၢ်န့ၣ် (DKBA)ပၢဆှၢသုးဂ့ၢ်ဝီခိၣ် သုးခိၣ်ကျၢၢ်ဂီၢ်ဂ့ၢ် စီၤဆါအီၤ စံးဘၣ်ကီၢ်ပူၤတၢ်ကစီၣ်သန့ဖဲလါအီးကထိ...

လါအီးကထိဘၢၣ် ၁၇သီ, ၂၀၂၅ နံၣ်, ခ့ၣ်အဲးစံၣ် ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ, သုးက့(၃),ချၢၣ်လွံၢ်ထူၣ်ကီၢ်ရ့ၣ်,လၢၢ်ဒိၣ်ကီၢ်ဆၣ်ဟီၣ်ကဝီၤ ပယီၤသုး ကမျၢၢ်တၢ်ဘၣ်ကဲသုး(၇)ဂၤဟဲဟ့ၣ်လီၤသးလၢ ကညီဒီကလုၥ်တၢ်ထူၣ်ဖျဲးသုးမုၢ်ဒိၣ် KNLA သုးရ့ၣ်(၉)အအိၣ် ဖဲလါအီးကထိဘၢၣ်(၁၅)သီအနံၤအဂ့ၢ် ခ့ၣ်အဲၣ်ယူၣ် လီၢ်ခၢၣ်သးထုးထီၣ်ပၥ်ဖျါဝဲဖဲတနံၤလါအီးကထိဘၢၣ်(၁၇)သီအနံၤအံၤန့ၣ်လီၤ. ပယီၤသုးလၢအမ့ၢ်ကမျၢၢ်တၢ်ဘၣ်ကဲသုး(၇)ဂၤန့ၣ်မ့ၢ်ဝဲဒၣ် ခီၣ်သုးရ့ၣ်(ခလရ-၇၅)အပှၤလၢအမ့ၢ် ကၠီၤစ့ၤယၣ်(၂၂)နံၣ်,သံၤဟၣ်နဲၤ(၂၇)နံၣ်,အီၤမၠိအူ(၃၆)နံၣ်,စံၤသူၤဟ့(၂၀)နံၣ်, မီၤမီၣ်(၂၆)နံၣ်,သါနဲၣ်အူ(၃၃)နံၣ်ဒီးယၤစၤထဲၣ်(၂၄)နံၣ်သ့ၣ်တဖၣ်အဂ့ၢ် ခ့ၣ်အဲၣ်ယူၣ် ပၥ်ဖျါဝဲဒၣ်အသိးအကျါခံဂၤလၢအမ့ၢ် သါနဲၤအူဒီးယၤစၤထဲၣ်န့ၣ် မ့ၢ်ပှၤသ့ၣ်တဖၣ်လၢဘၣ်တၢ်ဆါအီၣ်အီၤလၢကမျၢၢ်တၢ်ဘၣ်ကဲသုးကျါအဂ့ၢ် ခ့ၣ်ယူၣ်ပၥ်ဖျါဃုၥ်ဝဲဒၣ်န့ၣ်လီၤ. လၢန့ၣ်အမဲညါ ပှၤ(၇)ဂၤလၢဟဲဟ့ၣ်လီၤသးသ့ၣ်တဖၣ်အံၤန့ၣ် မ့ၢ်ပှၤသ့ၣ်တဖၣ်လၢထီၣ်ဘၣ်ဝဲဒၣ်ကမျၢၢ်တၢ်ဘၣ်ကဲသုးတၢ်မၤလိ...

လါအီးကထိဘၢၣ် ၁၇သီ, ၂၀၂၅နံၣ်, ခ့ၣ်အဲးစံၣ်, ကီၢ်ကၠီၣ်တဲၣ်-ကီၢ်ပယီၤကီၢ်ဆၢ,တးကီၢ်ရ့ၣ်,ထၣ်ဆီၤယါဟီၣ်ကဝီၤကညီဘၣ်ကီဘၣ်ခဲမဲၢ်လးဒဲကဝီၤအပူၤမူခိၣ်စူၤ,ထံဒိၣ်လီၤဝဲလၢ ကဝီၤဒိၣ်(A)(B)(C)(၃)ဘ့ၣ်အပူၤအဃိဘၣ်ဟးဂီၤဝဲကဝီၤဒ့တဖၣ်အပူၤဒဲကဝီၤဖိဟံၣ်အဖျၢၣ်(၅၀)ဘျဲၣ်အဂ့ၢ်,ဒဲကဝီၤခိၣ်နၢ်တဖၣ်စံးဝဲဒၣ်န့ၣ်လီၤ. မဟါလါအီးကထိဘၢၣ်(၁၅)ဟါခီအနံၤအပူၤမူခိၣ်စူၤထံဒိၣ်ထီၣ်အဖီခိၣ်,ဒဲကဝီၤဖိဟံၣ်ဟးဂီၤဝဲအဖျၢၣ်(၅၀)ဘျဲၣ်ဃၣ်ဃၣ်ဒီးသွၣ်လၢတၢ်ပၥ်ကီၤဝဲလၢတၢ်ကနီၤလီၤပှၤဒဲကဝီၤတဖၣ်ဘၣ်ဟးဂီၤဝဲအါအါဂီၢ်ဂီၢ်အမဲၥ်ညါဟုသးတနီၤဟးဂီၤကွံၥ်စ့ၢ်ကီးဝဲအဂ့ၢ်,မဲၢ်လးဒဲကဝီၤခိၣ်စီၤစၢဒ့စံးဝဲဒ်အံၤန့ၣ်လီၤ. “မဟါတၢ်စူၤထံဒိၣ်ထီၣ်ချ့မးန့ၣ်လီၤ.အပူၤကွံၥ်ထံဒိၣ်ဘၣ်ဆၣ်ပထထံၣ်ဘၣ်ထံဒိၣ်ထီၣ်ချ့ဒ်အံၤနီဘျီဘၣ်.ဟံၣ်လၢဟးဂီၤလီၤပှီၢ်တက့တခီတဝၥ်ခဲလၢၥ်ဒုကအိၣ်လၢအဖျၢၣ်(၅၀)ဃၣ်ဃၣ်ညါ,တၢ်ပၥ်ကီၤတၢ်အီၣ်လီၢ်ပူၤခီဟုသးဘၣ်စီၣ်ကအိၣ်သၢထၢၣ်လွံၢ်ထၢၣ်,ဘၣ်ဟးဂီၤအါလၢမံသွ့(သွၣ်)သ့ၣ်တဖၣ်န့ၣ်လီၤ.”အဂ့ၢ်အဝဲစံးဝဲဒၣ်န့ၣ်လီၤ. တကးဒံးဘၣ်,ဟံၣ်ဟးဂီၤတဖၣ်အဂီၢ်တၢ်ကဘၣ်သူၣ်ထီၣ်ဘှီထီၣ်က့ၤဝဲဒီး,မ့မ့ၢ်လၢဟုသးဒီးသွၣ်လၢဟးဂီၤတဖၣ်တခီ,ရဲၣ်ကျဲၤဝဲလၢတၢ်ကဘၣ်မၤကဆှဲကဆှီက့ၤဒီးပၥ်ဃ့ထီၣ်က့ၤဝဲအဂ့ၢ်,စံးစ့ၢ်ကီးဝဲဒၣ်န့ၣ်လီၤ. လၢန့ၣ်အမဲၥ်ညါ,ထံလီၤသံးအလီၢ်ခံတနံၤအံၤမၤက့ၤဝဲတၢ်ကဆှဲကဆှီလံဒီးစိၥ်ဘၣ်ထီၣ်က့ၤဝဲဟံၣ်တၢ်ပီးတၢ်လီတဖၣ်အဂ့ၢ်,ဒဲကဝီၤဖိတဂၤစံးဝဲဒ်အံၤန့ၣ်လီၤ. “ခဲအံၤဒုမၤကဆှဲကဆှီကဒါက့ၤတၢ်ဖိတၢ်လံၤ,စိၥ်ဘၣ်လီၢ်ဘၣ်စးကဒါက့ၤတၢ်ပီးတၢ်လီတဖၣ်လံ,ဟံၣ်ပူၤကပံၥ်လဲလဲလီၤ.မဟါမူခိၣ်စူၤထံဒိၣ်ဒုကဲထီၣ်သးလၢသတူၢ်ကလၥ်လီၤ.အခီၣ်ထံးယအိၣ်လၢကျးပူၤယစိၥ်ထီၣ်ပၥ်ယတၢ်ဖိတၢ်လံၤလၢတၢ်ဖီခိၣ်ယဆိမိၣ်တဒိၣ်ထဲအံၤဘၣ်.တစိၢ်ဖိဒိၣ်ထီၣ်ကျးပူၤတၢ်လီၤမၢ်လၢၥ်ပျီ,ထံန့ၣ်ဒိၣ်ထီၣ်လၢမံးနံးပူၤဒီးက့ၤလီၤက့ၤလၢမံးနံးပူၤလီၤလၢညါတဒိၣ်ထဲအံၤဘၣ်.”အဂ့ၢ်စံးဝဲဒၣ်န့ၣ်လီၤ. မဲၢ်လးကညီဘၣ်ကီဘၣ်ခဲဒဲကဝီၤအံၤ,တနံၣ်အံၤ(၂၀၂၅)နံၣ်အတီၢ်ပူၤမူခိၣ်စူၤထံဒိၣ်ကဲထီၣ်သးအိၣ်ဝဲလၢ(၃)ဘျီလံအဂ့ၢ်,သ့ၣ်ညါဘၣ်န့ၣ်လီၤ. ဒီးအပူၤကွံၥ်လါအီကူၥ်(၃၁)သီအနံၤအပူၤတၢ်စူၤထံဒိၣ်ထီၣ်အဃိဒဲကဝီၤဖိဟံၣ်အဖျၢၢ်(၁၀၀)ဃၣ်ဃၣ်ဘၣ်ဟးဂီၤကဲထီၣ်တ့ၢ်ဝဲအသးအပူၤ(UN)ဒီး(TBC)မၤစၢၤက့ၤဝဲတၢ်လၢလိၣ်ဘၣ်တဖၣ်အိၣ်ဝဲဒၣ်အဂ့ၢ်သ့ၣ်ညါဘၣ်န့ၣ်လီၤ. တကတီၢ်ဃီ,ကီၢ်ကၠီၣ်တဲၣ်အပူၤတနံၣ်အံၤမူခိၣ်ကလံၤသီၣ်ဂီၤတၢ်အိၣ်သးအဖီခိၣ်,ကၢၢ်လၥ်ဒီးထံဒိၣ်ဘၢတၢ်အတၢ်လီၤဘၣ်ယိၣ်အိၣ်ဝဲအဃိအပူၤကွံၥ်လါယူၤ,လါယူၤလံ,လါအီကူၥ်တဖၣ်အပူၤ,တၢ်မၤစှၤလီၤတၢ်ဘၣ်ဒိဘၣ်ထံးဒီးဒီသန့န့ဆၢၣ်တၢ်လီၤဘၣ်ယိၣ်ဝဲၤကျိၤ(DepartmentofDisasterPreventionandMitigation)(DDPM)ဟ့ၣ်ပလီၢ်ဝဲထံဖိကီၢ်ဖိကမျၢၢ်တဖၣ်ကအိၣ်ဒီးတၢ်ဒီသဒၢတၢ်ပလီၢ်သးလၢလီတဲစိပူၤတဆီအိၣ်ဝဲခဲအံၤခဲအံၤန့ၣ်လီၤ. ဒ်န့ၣ်အသိး,တၢ်လီၢ်တၢ်ကျဲလၢ(DDPM)ဟ့ၣ်ပလီၢ်ဝဲသ့ၣ်အံၤပၣ်ဃုၥ်ဝဲဒီးတးကီၢ်ရ့ၣ်အပူၤထၣ်ဆီယါ,မဲၢ်ရမၣ်,မဲၢ်ဆီး,ဖိးဖရၣ်ဒီးအူးဖၣ်သ့ၣ်တဖၣ်အဂ့ၢ်,သ့ၣ်ညါဘၣ်န့ၣ်လီၤ....

လါအီးကထိဘၢၣ် ၁၆ သီ, ၂၀၂၅ နံၣ်, ခ့ၣ်အဲးစံၣ် ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ,သုးက့(၅),မုၢ်တြီၢ်ကီၢ်ရ့ၣ် စးထီၣ်လါအီးကထိဘၢၣ်(၁)သီတုၤ(၁၅)သီ,လၢ(၁၅)သီအတီၢ်ပူၤ တၢ်ဒုးကဲထီၣ်ဝဲဒၣ်လၢသုးကရူၢ်ဒီးကညီဒီကလုၥ်တၢ်ထူၣ်ဖျဲးသုးမုၣ်ဒိၣ်(KNLA)သုးက့(၅)အဘၢၣ်အစၢၤ အိၣ်ဝဲ(၅၂)ဘျီအဂ့ၢ် ခ့ၣ်အဲၣ်ယူၣ် -မုၢ်တြီၢ်ကီၢ်ရ့ၣ် ပၥ်ဖျါဝဲဖဲတနံၤလါအီးကထိဘၢၣ်(၁၆)သီအနံၤအံၤန့ၣ်လီၤ. ခီဖျိတၢ်ဒုးကဲထီၣ်လၢခံခီခံကပၤဒ်န့ၣ်အဃိ ပယီၤသုးတကပၤသံဝဲ(၁၄)ဂၤအကျါပၣ်ဃုၥ်ဝဲသုးရ့ၣ်ခိၣ်(၁)ဂၤဒီးသုးခိၣ်စိ(၁)ဂၤအမဲၥ်ညါဘၣ်ဒိဝဲဒၣ်(၂၈)ဂၤအဂ့ၢ် ခ့ၣ်အဲၣ်ယူၣ်-မုၢ်တြီၢ်ကီၢ်ရ့ၣ်ပၥ်ဖျါဝဲဒၣ်အသိး လၢ(KNLA) တကပၤစ့ၢ်ကီးတၢ်ဘၣ်ဒိဘၣ်ထံးအိၣ်ဝဲဒၣ်တဆံးတက့ၢ်အဂ့ၢ် ခ့ၣ်အဲၣ်ယူၣ်-မုၢ်တြီၢ်ကီၢ်ရ့ၣ်စံးဝဲဒၣ်န့ၣ်လီၤ. တကတီၢ်ဃီ (၁၅)သီတီၢ်ပူၤ သုးကရူၢ်ဟဲတ့ၢ်လီၤဝဲဒၣ် မ့ၣ်ပိၢ်ဒီးဒြိ(၆)ဘျီ,ဒီး(Jet fighter) (၅)ဘျီ, ခးလီၤစ့ၢ်ကီးဝဲကျိဖးဒိၣ်(၁၂၀-MM) လၢသဝီပူၤ(၂)ဘျီအဖီခိၣ်...