ခ့ၣ်အဲးစံၣ် – KIC News

လါဒံၣ်စ့ဘၢၣ် ၇ သီႇ ၂၀၂၀ နံၣ်ႇ စီၤထိလ့ ကညီကီၢ်စဲၣ်ႇ သၣ်တီၣ်ကၠံကီၢ်ဆၣ် စံာ်လီၢ်ခုးလီၢ်လၢလီၢ်က၀ီၤပၢ၀ဲဒ်မိၢ်လုၢ်ပၢ်လၢ်တဖၣ်အံၤ ဒ်သိးကဒိးန့ၢ်ဘၣ် ပဒိၣ်တၢ်ပာ်ပနီၣ် လံာ်အဒိ(၇)ကန့ၢ်အဂီၢ် ကမၤ၀ဲအဂ့ၢ်န့ၣ် ကညီကမျၢၢ်ပၣ်တံၣ် ဘျီၣ်ဒိၣ်ခၢၣ်စး စီၤခရံာ်တိၤဖၤ အၢၣ်လီၤစံး၀ဲန့ၣ်လီၤႉ သၣ်တီၣ်ကၠံကီၢ်ဆၣ်အပူၤ ဟီၣ်ခိၣ်အ့ကၢၣ်ပာ်ဖှိၣ်ခဲလၢာ်အိၣ်၀ဲခွံကလီၢ်ဃၣ်ဃၣ်ဒီး ဟီၣ်ခိၣ်အ့ကၢၣ်လၢပဒိၣ်ထုးထီၣ်၀ဲလၢပၢဘၣ်ခွဲးယာ် လံာ်အဒိ(၇)အံၤ ပာ်ဖှိၣ်ခဲလၢာ်အိၣ်ထဲနွံကလးကပိၤကပၤလီၤအဂ့ၢ်န့ၣ် သ့ၣ်ညါဘၣ်န့ၣ်လီၤႉ ဟီၣ်ခိၣ်လၢအအိၣ်တ့ၢ်တဖၣ်န့ၣ် မ့ၢ်ဒၣ်ဟီၣ်ခိၣ်လၢလီၢ်က၀ီၤမိၢ်လုၢ်ပၢ်လၢ်ပၢ၀ဲတဖၣ်လီၤဘၣ်ဆၣ် ပၢဘၣ်၀ဲလၢအဖိးသဲစးတအိၣ်ဘၣ်အဃိ ဒ်ထံကီၢ်တၢ်ဘျၢခိၣ်သ့ၣ်အသိး ကဲဒံးဒၣ်လၢ ဟီၣ်ခိၣ်ကလီႇ ဟီၣ်ခိၣ်သဘျ့လီၤအဂ့ၢ်န့ၣ် သ့ၣ်ညါဘၣ်န့ၣ်လီၤႉ “တၢ်ပၢဘၣ်တၢ်အံၤ ဒူသ၀ီတၢ်ပၢဘၣ်ဟီၣ်ခိၣ်အတၢ်သိၣ်တၢ်သီအံၤ ပၢဘၣ်ထဲလဲၣ်န့ၣ် အိၣ်၀ဲဒၣ်လီၤႉ ဘၣ်ဆၣ်သနာ်က့ တကီၢ်ခါခဲအံၤခဲလၢာ်န့ၣ် မ့ၢ်၀ဲ ဟီၣ်ခိၣ်ကလီႇ ဟီၣ်ခိၣ်သဘျ့လီၤႉ ဒ်သိးထံဖိကီၢ်ဖိသူၣ်ကမုာ်သးကမုာ်အဂီၢ်...

လါဒံၣ်စ့ဘၢၣ် ၄ သီႇ ၂၀၂၀ နံၣ်ႇ စးဖါရှီ အ့ၣ်ယၣ်၀တံၣ်ကီၢ်ခီဒိၣ်အပူၤ တုၤလၢလါဒံၣ်စ့ဘၢၣ်ထီၣ် ၃ သီအနံၤတစု တၢ်ထံၣ်န့ၢ်ၦၤဘၣ် Covid-19 တၢ်ဆါဃၢ်ခဲလၢာ်အိၣ်၀ဲ ၂ႇ၉၇၄ ဂၤဒီး ၦၤသံဟဲအိၣ်ထီၣ်၀ဲတုၤလၢ ၁၈ ဂၤလံအဂ့ၢ်န့ၣ် ကီၢ်ခီဒိၣ် ကမျၢၢ်တၢ်အိၣ်ဆူၣ်အိၣ်ချ့ဒီးတၢ်ကူစါယါဘျါ၀ဲၤကျိၤ ထုးထီၣ်ပာ်ဖျါ၀ဲတၢ်ကစီၣ်အသိး သ့ၣ်ညါဘၣ်န့ၣ်လီၤႉ အ့ၣ်ယၣ်၀တံၢ်ကီၢ်ခီဒိၣ်အပူၤအံၤ တၢ်စးထီၣ်ထံၣ်၀ဲ Covid-19 တၢ်ဆါဃၢ်တဖၣ်အံၤ ဖဲလါစဲးပထ့ဘၢၣ်ဒီး လၢ ၃ လါအတီၢ်ပူၤ တကီၢ်ခါဒ်တၢ်ထံၣ်န့ၢ်၀ဲတၢ်ဆါဃၢ်တၢ်အိၣ်သးအသိး တနံၤန့ၣ်တၢ်ထံၣ်န့ၢ်ၦၤလၢအိၣ်ဒီးတၢ်ဆါဃၢ်အိၣ်၀ဲတစှၤန့ၢ်ဒံး ၃၃ ဂၤဘၣ်န့ၣ်လီၤႉ အ့ၣ်ယၣ်၀တံၣ်ကီၢ်ခီဒိၣ် ပသံၣ်တၢ်ဆါဟံၣ်မူဒါခိၣ် ဒီကထၢၣ်သါမ့ထိၣ် စံး၀ဲလၢ “ခဲအံၤဒု လၢအ့ၣ်ယၣ်၀ တံၣ်ကီၢ်ခီအပူၤ...

လါဒံၣ်စ့ဘၢၣ် ၄ သီႇ ၂၀၂၀ နံၣ်ႇ စီၤမၠၣ်အူသၣ် ရီဘၢၣ်အကလုာ် Ribbed Smoked Sheets(Rss3) တတၣ်န့ၣ် အၦ့ၤထီၣ်၀ဲတုၤလၢ အမဲရံၣ်ကၣ်စ့ဒီလၣ် ၈၀၀ လံဘၣ်ဆၣ် ကီၢ်ပယီၤရီဘၢၣ်အလုၢ်ၦ့ၤအံၤတၢ်ဆီတလဲတအိၣ်ဒံး၀ဲဘၣ်အဂ့ၢ်န့ၣ် သ့ၣ်ညါဘၣ်လၢၦၤၦ့ၤရီဘၢၣ်ဖိအအိၣ်န့ၣ်လီၤႉ ကီၢ်ပယီၤရီဘၢၣ်တၢ်ဖံးတၢ်မၤလၢအဘၣ်ဒိးသန့ၤထီၣ်သးလၢ ထံဂုၤကီၢ်ဂၤတၢ်ဆါတၢ်ၦ့ၤအဖီခိၣ်အံၤ Rss3 ရီဘၢၣ်အကလုာ် ၁ ပီၣ်န့ၣ် ကီၢ်ပူၤၦ့ၤ ၇၅၀ ကၠးအကပိၤကပၤႇ အဘ့ၣ်လၢအတီၣ်သွဲး ၁ ပီၣ်န့ၣ် အၦ့ၤအိၣ်၀ဲ ၆၀၀ ကၠးကပိၤကပၤလီၤအဃိ အလုၢ်အၦ့ၤဆီတလဲသးတအိၣ်ဘၣ်အဂ့ၢ်န့ၣ် မိၣ်ကီၢ်စဲၣ် မူၣ်ဒိၤ၀့ၢ် ၦၤၦ့ၤရီဘၢၣ်ဖိစီၤတီမူ စံး၀ဲန့ၣ်လီၤႉ အ၀ဲစံး၀ဲလၢ “ တၢ်ၦ့ၤ၀ဲဒၣ်ရီဘၢၣ်အဘ့ၣ်လၢအတီၣ်န့ၣ် ၆၀၀...

လါဒံၣ်စ့ဘၢၣ် ၃ သီႇ ၂၀၂၀ နံၣ်ႇ စးအဲၣ်ဆူ ကညီဒီကလုာ်တၢ်ထူၣ်ဖျဲးသုးမုၢ်ဒိၣ် -KNLA သုးဖိတဖၣ်လၢအဟံ၀ဲဟီၣ်က၀ီၤတၢ်ဘံၣ်တၢ်ဘၢတဖၣ်ဒီး ပယီၤသုးကျိၤတဖၣ်အဘၢၣ်စၢၤ ဖဲလါဒံၣ်စ့ဘၢၣ် ၁ သီအနံၤန့ၣ် တၢ်ခးလိာ်သးကဲထီၣ်ယံၤ ၀ဲလၢအမံးနံးအတီၢ်ပူၤအဂ့ၢ်န့ၣ် KNLA တကပၤ ပာ်ဂၢၢ်ပာ်ကျၢၤစံး၀ဲန့ၣ်လီၤႉ ကညီကီၢ်စဲၣ်ႇ ဖၣ်ပူၣ်(မုၢ်တြီၢ်)ကီၢ်ရ့ၣ်ႇ ဒွဲၣ်လိကီၢ်ဆၣ်အပူၤ ၀ၣ်သိလီၤဒီးထံက့ၣ်လီၤသ၀ီအဘၢၣ်စၢၤ KNU သုးက့(၅) စုဒုၣ်တီၤအဖီလာ် KNLA သုးရ့ၣ်(၁၀၂)သုးတၢ်ဘံၣ်တၢ်ဘၢတဖၣ်ဒီး ပယီၤသုး မုၢ်ထီၣ်ကလံၤထံး သုး၀ဲၤလီၢ်ခိၣ်သ့ၣ်(ရတခ)စုဒုၣ်တီၤအဖီလာ် ခီၣ်ချ့သုးရ့ၣ်(ခမရ=၃၃၉)သုးဖိတဖၣ်အဘၢၣ်စၢၤ တၢ်ခးလိာ်သးကဲထီၣ်ယံၤ၀ဲလၢအမံးနံးအတီၢ်ပူၤအဂ့ၢ်န့ၣ် သုးက့(၅)သုးဂ့ၢ်၀ီခိၣ် သုးခိၣ်ဒိၣ်ဖိ စီၤကျၢၤဒိၣ် စံးဘၣ်ခ့ၣ်အဲးစံၣ်န့ၣ်လီၤႉ အ၀ဲစံး၀ဲလၢ “ဖဲဂီၤခီ ၇...

လါဒံၣ်စ့ဘၢၣ် ၃ သီႇ ၂၀၂၀ နံၣ်ႇ စီၤရှါ ကညီလံာ်လဲၢ်ဒီးတၢ်ဆဲးတၢ်လၤအံၤ ဒ်သိးကလဲၤထီၣ်လဲၤထီဒိၣ်န့ၢ်ဒံးတၢ် ၅ နံၣ်ခဲအံၤအဂီၢ် မူဒါလၢကဟဲကတီၢ်အံၤ ကဟံးထီၣ်ဖီၣ်မၤ၀ဲအခိၣ်သ့ၣ်လီၤအဂ့ၢ်န့ၣ် ပကိကီၢ်ခီဒိၣ် ကညီကလုာ်ဒူၣ်ကလုာ်ဂ့ၢ်၀ီကိတိာ် နီၢ်ၦဲၤစ့ စံးဘၣ်ခ့ၣ်အဲးစံၣ်န့ၣ်လီၤႉ ဖဲလါနိၣ်၀့ဘၢၣ် ၈ သီအနံၤန့ၣ် တၢ်ဃုထၢလၢတၢ်မၤ၀ဲ၀ံၤအံၤန့ၣ် ပကိကီၢ်ခီကညီဂ့ၢ်၀ီအဂီၢ် နီၢ်ၦဲၤစ့အံၤ နုာ်လီၤတပြၢ၀ဲဒၣ်လၢ ဒီကလုာ်ဒံၣ်မိၣ်ခြ့ၣ်စံၣ်ကရၢ -NLD ခၢၣ်စးဒီး မ့ၢ်ကိတိာ်လၢမၤနၢၤကဒီးတၢ်ဖးလၢတၢ်ပာ်ဂၢၢ်ပာ်ကျၢၤ၀ဲအအါကတၢၢ်တဂၤစ့ၢ်ကီးန့ၣ်လီၤႉ “နီၣ်ဂံၢ် ၁န့ၣ် လံာ်လဲၢ်ဒီးတၢ်ဆဲးတၢ်လၤကလဲၤထီၣ်လဲၤထီဒိၣ်န့ၢ်ဒံး တၢ် ၅ နံၣ်အံၤအဂီၢ်ႇ ကဃူတၢ်ဖိးအဂီၢ်ႇ ကဃုထံၣ်သ့ၣ်ညါ၀ံၤဘျီ ကမၤၦဲၤတၢ်လၢအလိၣ်သ့ၣ်တဖၣ်ဒီး ကမၤ၀ဲလၢအဂ့ၤကတၢၢ်လီၤႉ လံာ်လဲၢ်တၢ်ဆဲးတၢ်လၤကရူၢ်မ့ၢ်ဂ့ၤ ကပာ်ဖှိၣ်ထီၣ်သးခဲလၢာ်ဒီးကဟံးထီၣ်ဖီၣ်ထီၣ်မၤ၀ဲလီၤ” အဂ့ၢ်န့ၣ်...

လါဒံၣ်စ့ဘၢၣ် ၂ သီႇ ၂၀၂၀ နံၣ်ႇ စးအဲၣ်ဆူ တၢ်ကွၢ်စိလၢ တၢ်မုာ်တၢ်ခုၣ်ဒီး ဟီၣ်က၀ီၤတၢ်မုာ်တၢ်ခုၣ်ကဂၢၢ်ကျၢၤအဂီၢ် လၢဒူသ၀ီတဖၣ်အပူၤ အပူၤကွံာ်သုးကလၢၤလၢအဆီလီၤလီၤတ့ၢ်၀ဲတဖၣ်ဒီး သုးကလၢၤလၢဟဲမၤအါထီၣ်၀ဲလၢအသီတဖၣ်အံၤ တနံၣ်အံၤ(၂၀၂၀)လၢာ်အတီၢ်ပူၤ ထုးကွံာ်အီၤလၢအ၀ံၤတဘျီဃီအဂ့ၢ်န့ၣ် ဖဲလါဒံၣ်စ့ဘၢၣ် ၁ သီအနံၤန့ၣ် ကညီဒီကလုာ်တၢ်ထူးဖျဲးသုးမုၢ်ဒိၣ် -KNLA ထုးထီၣ်၀ဲလံာ်တၢ်ပာ်ဖျါတဘ့ၣ်ဒီးဃ့ထီၣ်၀ဲန့ၣ်လီၤႉ ပဒိၣ်ႇသုးမုၢ်ဒိၣ် ဒီး ကညီဒီကလုာ်စၢဖှိၣ်ကရၢ -KNU တဖၣ်အဘၢၣ်စၢၤ ဆဲးလီၤ၀ဲ NCA တၢ်ပတုာ်တၢ်ခး ဘၣ်ဆၣ် တုၤလၢခဲအံၤတစု NCA သုးတၢ်သိၣ်တၢ်သီလၢတၢ်အၢၣ်လီၤအီလီၤ၀ဲတဖၣ်အံၤ မၤဖျါထီၣ်အမိၢ်လံၤမိၢ် ၦၢ်တအိၣ်၀ဲဒံးဘၣ်ဒီး ဟံးန့ၢ်၀ဲတၢ်ခွဲးတၢ်ယာ်လၢ NCA အဖီခိၣ်ဒီး လၢတၢ်လုၢ်သ့ၣ်ခါပတာ်၀ဲတဖၣ်အံၤအဖီခိၣ် ကဘှီဘၣ်ဟံးထီၣ်ဖီၣ်ထီၣ်အီၤအဂီၢ် ဘၣ်ထုးထီၣ်ပာ်ဖျါ၀ဲဒ်အံၤလီၤအဂ့ၢ်န့ၣ် KNLA...

“ထံမူကီၢ်ဒါဘၣ်သ့ၣ်ညါ” ၁.ကမျၢၢ်မ့ၢ်အဲၣ်တၢ်ဘံၣ်ဘၢ ထံကီၢ်ကဂ့ၤကမျၢၢ်ပၢ လီၢ်လၤဒိၣ်ထီၣ်တၢ်တုၤသိး ကျဲမု၁်ကျဲခုၣ်တၢ်တုၤသိး ၂.စးထီၣ်လၢဟံၣ်ခိၣ်ဃီခိၣ် မၤလၢၦဲၤဒူၣ်ထၢတၢ်လိၣ် ဟံၣ်ဃီကအီၣ်ကုးအီၣ်ၦဲၤ မုၢ်နၤမုၢ်ဆါနဘၣ်လဲၤ ၃.ဟီၣ်ကဝီၤဒူသဝီခိၣ် သဝီဖိကိးဖှိၣ်ပ၁်ဖှိၣ် တၢ်သိၣ်တၢ်ဘျၢစံးပ၁်ဖျါ တၢၣ်ပီၣ်တၢၣ်ပီလဲၤဆူညါ ၅.တၢ်ဘူၣ်တၢ်ဘါခိၣ်တပၤ သူၣ်ဂ့ၢ်သးကျိၤဟ့ၣ်ခီမၤ နီၢ်ခိနီၢ်သးကဃံလၤ ဟ့ၣ်သဆၣ်ထီၣ်ၦၤကိးဂၤ ၆.ကၠိသရၣ်ဒီးၦၤကၠိဖိ ...

လါနိၣ်၀့ဘၢၣ် ၂၆ သီႇ ၂၀၂၀ နံၣ်ႇ စးအဲၣ်ဆူ ဒ်သိးတၢ်စုဆူၣ်ခီၣ်တကးကပတုာ်လၢပိာ်မုၣ်တဖၣ်အဖီခိၣ်အဂီၢ် ၦၤကိးဂၤဒဲးကဘၣ်ဒိးန့ၢ်ဘၣ်သဲစးတၢ်ဟံးန့ၢ် မူဒါအဂ့ၢ်န့ၣ် လါနိၣ်၀့ဘၢၣ် ၂၅ သီ လၢအလီၤဘၣ်၀ဲ ဟီၣ်ခိၣ်ဒီဘ့ၣ်တၢ်ပတုာ်တၢ်စုဆူၣ်ခီၣ်တကးထီဒါပိာ်မုၣ် မုၢ်နံၤအံၤ ကညီပိာ်မုၣ်ကရၢ -KWO ထုးထီၣ်ပာ်ဖျါစံး၀ဲန့ၣ်လီၤႉ KWO နဲၣ်ရွဲၣ် နီၢ်ကညီဖီ စံး၀ဲလၢ “လီၤဆီဒၣ်တၢ်န့ၣ် ကမျၢၢ်တဖၣ်မ့ၢ်မၤကမၣ်တၢ်န့ၣ် ဟံးအရ့တၢ်ကီတၢ်ခဲတအိၣ်နီတမံၤဘၣ် ဘၣ်ဆၣ် ခိၣ်နၢ်လၢအအိၣ်ဒီးတၢ်စိတၢ်ကမီၤတဖၣ်မ့ၢ်ဂ့ၤႇ သုးခိၣ်နၢ်တဖၣ်မ့ၢ်ဂ့ၤ မ့ၢ်မၤကမၣ်တၢ်န့ၣ် တၢ်ဟံးအရ့တအိၣ်၀ဲလၢၤဘၣ်ႉ တၢ်ဘျၢသဲစးဒိၣ်စိသနူ တအိၣ်လၢၤဘၣ်ႉ လၢဘၣ်ကီဘၣ်ခဲဒဲက၀ီၤအပူၤမ့ၢ်ဂ့ၤႇ ကညီဒူၣ်ဖိထၢဖိအကျါမ့ၢ်ဂ့ၤ လၢတၢ်ကဟံအရ့ဟံးထီၣ်ဖီၣ်ထီၣ်အ၀ဲသ့ၣ်အဂီၢ် ဘၣ်တဲအ၀ဲသ့ၣ်ကီကီခဲခဲစ့ၢ်ကီးအိၣ်၀ဲလီၤ” အဂ့ၢ်န့ၣ် စံးဘၣ်ခ့ၣ်အဲးစံၣ်လီၤႉ တၢ်သူ၀ဲတၢ်စုဆူၣ်ခီၣ်တကးလၢပိာ်မုၣ်တဖၣ်အဖီခိၣ်အမဲာ်ညါ တၢ်စုဆူၣ်ခီၣ်တကးတခါဂ့ၤတခါဂ့ၤ ဒ်သိးကလီၤမၢ်ကွံာ်အဂီၢ်...

လါနိၣ်၀့ဘၢၣ် ၂၅ သီႇ ၂၀၂၀ နံၣ်ႇ နါ၀့ၤဖၠိစၣ် တနီသရံၣ်ကီၢ်ခီဒိၣ် ဒ၀ဲၢ်၀့ၢ်အပူၤ ကညီသးစၢ်မုၣ်ဖိ နီၢ်ခၠ့ၣ်ပါတဲၤ လၢဘၣ်တၢ်မၤသံအီၤအံၤ တၢ်မူးတၢ်ရၢ် အံၤယံၤ၀ဲဒၣ် ၄ နံၣ်ဘျဲၣ်လံဘၣ်ဆၣ် တၢ်မၤဖျါထီၣ်ၦၤမၤကမၣ်တၢ်ဖိတန့ၢ်ဒံးဘၣ်အဃိ ကဂုာ်ကျဲးစၢးမၤဖျါထီၣ် ၦၤမၤကမၣ်တၢ်ဖိအဂီၢ် ဖဲလါနိၣ်၀့ဘၢၣ် ၂၃ သီအနံၤန့ၣ် တနီသရံၣ်ကီၢ်ခီဒိၣ် တၢ်ကပီၤသးစၢ်ကရူၢ် ဃုာ်ဒီး ၦၤဂ့ၢ်၀ီတၢ်ကရၢကရိ ၁၃ ကရူၢ် ထုးထီၣ်ပာ်ဖျါ၀ဲလံာ်တၢ်ပာ်သးဒီးဃ့ထီၣ်၀ဲန့ၣ်လီၤႉ ဖဲ ၂၀၁၆ နံၣ် ဒ၀ဲၢ်၀့ၢ် ရွှ့ၤသဲၤသံၤရံၣ်တၢ်လိၣ်ကွဲပျီ ဒ၀ဲၢ်တၢ်သူၣ်၀ံၣ်သးဆၢတၢ်ကရၢကရိ တီခိၣ်ရိၣ်မဲမၤ၀ဲတၢ်ဃုစ့ပာ်ကီၤလၢတၢ်သး၀ံၣ်ပြၢတၢ်တခါဒီး ဖဲန့ၣ်နီၢ်ခၠ့ၣ်ပါတဲၤအံၤ ဖဲအနုာ်လီၤတပြၢတၢ်ဆၢကတီၢ် ဘၣ်တၢ်ကူၣ်မၤသံအီၤလၢတၢ်သး၀ံၣ်ဘူၣ်အပူၤ ဖဲလါနိၣ်၀့ဘၢၣ် ၁၉...

လါနိၣ်၀့ဘၢၣ် ၂၄ သီႇ ၂၀၂၀ နံၣ်ႇ န့ၣ်နီၣ် ကီၢ်ကၠီၣ်တဲၣ်–ကီၢ်ပယီၤကီၢ်ဆၢ တၢ်ကူၣ်လဲၤမၤကၤတဖၣ် ဖဲအပူၤကွံာ်န့ၣ် တၢ်ဟ့ၣ်အခွဲးလၢ ဆီတလဲတၢ်ဖိတၢ်လံၤလၢခံကပၤ BCF တၢ်လီၢ်ဘၣ်ဆၣ် ခဲအံၤဒ်သိးထံကီၢ်ခံဘ့ၣ်တၢ်ကူၣ်လဲၤမၤကၤ ကချ့အဂီၢ် ဒ်ကညီကီၢ်စဲၣ် ပဒိၣ်အကရူၢ် နဲၣ်လီၤ၀ဲသိး ကၠီၣ်တဲၣ်တၢ်ကူၣ်လဲၤမၤကၤအသိလ့ၣ်တဖၣ် ကဟ့ၣ်နုာ်လီၤ၀ဲတုၤဆူမၠၣ်၀တံၣ်ကီၢ်ဆၢ တၢ်ကူၣ်လဲၤမၤကၤအလီၢ်အဂ့ၢ်န့ၣ် သ့ၣ်ညါဘၣ်န့ၣ်လီၤႉ Covid-19 တၢ်ဆါအကတီၢ် ဒ်သိးတၢ်ဆါဘၣ်ကူဘၣ်ဂာ်သုတကဲထီၣ်တဂ့ၤအဂီၢ် BCF လီၢ်ကဒဲကဒဲ တၢ်ဟ့ၣ်အခွဲးလၢကကူၣ်လဲၤမၤကၤတၢ်အဃိ မ့ၢ်ဟဲကဲထီၣ်သးလၢခိ၀ံၣ်ဘၣ်ကူဘၣ်ဂာ်န့ၣ် တၢ်ကကးတံၢ်၀ဲ BCF တၢ်လီၢ်ဒီတဘ့ၣ်သ့အဃိ ပတီၣ်ဖျါထီၣ်၀ဲဒၣ်တပတီၢ်ဘၣ်တပတီၢ်ဒီး ကၠီၣ်တဲၣ်တၢ်ကူၣ်လဲၤမၤကၤ သိလ့ၣ်တဖၣ် ဟ့ၣ်အခွဲးဒုးနုာ်လီၤတုၤဆူမၠၣ်၀တံၣ်တၢ်ကူၣ်လဲၤမၤကၤအလီၢ်အဂ့ၢ်န့ၣ် မၠၣ်၀တံၣ် ကီၣ်ရ့ၣ်ၦၤပၢဆှၢရဲၣ်ကျဲၤတၢ်ခိၣ် အူတ့ၤစၤအီၣ် စံး၀ဲန့ၣ်လီၤႉ ...