လါယူၤလံ ၂၂ သီႇ ၂၀၂၀ နံၣ်ႇ ခ့ၣ်အဲးစံၣ်
ကညီကီၢ်စဲၣ်ႇ မၠၣ်၀တံၣ်ကီၢ်ရ့ၣ် ထံ၀ၣ်ကျ့ၣ်သ၀ီကရူၢ်ႇ သ့ၣ်၀ါပူၤသ၀ီအပူၤ ဖဲမဟါ(လါယူၤလံ ၂၁ သီ)အနံၤန့ၣ် ခီဖျိလၢမ့ၣ်ပိၢ်လီၢ်လံၤတဖျၢၣ်ပိၢ်ဖးထီၣ်ကဲထီၣ်သးအဃိ ဖိသၣ် ၄ ဂၤ ဘၣ်ဒိဘၣ်ထံး၀ဲဒၣ်ဒီး တကီၢ်ခါခဲအံၤ ဘၣ်တၢ်ကူစါယါဘျါအ၀ဲသ့ၣ်ဖဲမၠၣ်၀တံၣ်တၢ်ဆါဟံၣ်အဂ့ၢ်န့ၣ် သ့ၣ်ညါဘၣ်န့ၣ်လီၤႉ
ဖဲမဟါ မုၢ်ထူၣ် ၁၂ နၣ်ရံၣ် ၃၀ မံးနံးအဆၢကတီၢ်န့ၣ် ဖိသၣ်တဖၣ်အံၤ ဖဲလဲၤကွၢ်ကျီၢ်လၢ ၦၤဖီၣ်စုက၀ဲၤကရူၢ်အလီၢ်အကျဲလီၢ်လံၤအလီၢ်အခါန့ၣ် ဖီၣ်ဘၣ်၀ဲဒၣ်မ့ၣ်ပိၢ်အံၤဒီးပိၢ်ဖးထီၣ်၀ဲလီၤအဂ့ၢ်န့ၣ် ဖိသၣ်လၢအတုၤမၠၣ်၀တံၣ်တၢ်ဆါဟံၣ်လၢအဘၣ်ဒီးမ့ၣ်ပိၢ် အပၢ်တဂၤစံးဘၣ်ခ့ၣ်အဲးစံၣ်လီၤႉ
ခီဖျိလၢမ့ၣ်ပိၢ်ပိၢ်ဖးထီၣ်အံၤအဃိ စီၤဆၣ်သူလ့ၤ ၁၃ နံၣ်ႇ စီၤပီၤကုး ၁၂ နံၣ်ႇ စီၤမီၤခၣ် ၁၄...
လါယူၤလံ ၂၁ သီႇ ၂၀၂၀ နံၣ်ႇ စီၤထိလ့
ကရ့ၣ်နံၣ်ကီၢ်စဲၣ်(ကယါ)ႇ ဘီၤလၣ်ခဲကီၢ်ရ့ၣ်ႇ ဖါစီ၀့ၢ်ပူၤန့ၣ်် ကညီကလုာ်ပၣ်တံၣ် (KNP) အံၤ နံၣ်လၢကဟဲ ၂၀၂၀ တၢ်ဃုထၢန့ၣ် ကနုာ်လီၤတပြၢ၀ဲတၢ်လီၢ် ၃ တီၤအဂ့ၢ်န့ၣ် ဖါစီကီၢ်ဆၣ်ႇ ၦၤပၢၤလီၢ်ဆ့ၣ်နီၤ စီၤဘံၤ၀ါ စံးဘၣ်ခ့ၣ်အဲးစံၣ် ဖဲလါယူၤလံ ၂၀ သီအနံၤန့ၣ်လီၤႉ
ဖါစီအပူၤ KNP ကနုာ်လီၤတပြၢ၀ဲလၢ ကလုာ်ဘျီၣ်ဒိၣ်ခၢၣ်စး ၁ ဂၤႇ ကမျၢၢ်ဘျီၣ်ဒိၣ်ခၢၣ်စးတၢ်လီၢ်တတီၤဒီး လၢကီၢ်စဲၣ်ဘျီၣ်ဒိၣ်အဂီၢ် ကနုာ်လီၤတပြၢ၀ဲလၢတၢ်လီၢ်တတီၤအဃိ ခၢၣ်စးလၢကနုာ်ဒိးဃုထၢအသးတဖၣ်န့ၣ် မ့ၢ်၀ဲဒၣ်ထဲပိာ်ခွါတဖၣ်လီၤအဂ့ၢ်န့ၣ် KNP ဖါစီကီၢ်ဆၣ် ပၢဆှၢတၢ်ကမံးတံာ်ဒီး ပၣ်တံၣ်၀ဲၤကျိၤခိၣ်...
လါယူၤလံ ၂၀ သီႇ ၂၀၂၀ နံၣ်ႇ စီရှါ
ဖဲလါအီကူာ် ၁၂ သီအနံၤ လၢအလီၤဘၣ်၀ဲ နံၣ် ၇၀ ၦဲၤ ကညီမၤထူရၤမုၢ်နံၤ အတၢ်သ့ၣ်နီၣ်ဆၢက့ၤအဂီၢ် ကညီသးစၢ်လၢအအိၣ်၀့ၢ်တကူၣ်တဖၣ် ရဲၣ်ကျဲၤပာ်၀ဲလၢကမၤ၀ဲတၢ်ဟူးတၢ်ဂဲၤ ၄ ခါအဂ့ၢ်န့ၣ် သးစၢ်တဂၤလၢအမ့ၢ် စီၤကၠီၤလ့ စံးဘၣ်ခ့ၣ်အဲးစံၣ် ဖဲလါယူၤလံ ၁၇ သီအနံၤန့ၣ်လီၤႉ
တၢ်ဟူးတၢ်ဂဲၤသ့ၣ်တဖၣ်န့ၣ် တၢ်ကထုးထီၣ်ဒီးနီၤလီၤ၀ဲဒၣ် ဘၣ်ဃးဒီးကညီမၤထူရၤ တၢ်သ့ၣ်နီၣ်လံာ်အိၣ်၀ဲအသိးႇ လၢ (social media) တဆီ တၢ်ကထုးထီၣ်ရၤလီၤ၀ဲဘၣ်ဃးဒီးကညီမၤထူရၤ အဂ့ၢ်အကျိၤလၢပကြၢးသ့ၣ်ညါအီၤတဖၣ်ႇ တၢ်တၢၣ်ပီၣ်တဲသကိးတဖၣ်န့ၣ် တၢ်ကမၤ၀ဲဒၣ်လၢ (online) ဒီး မၤထူရၤတဂၤလၢအမ့ၢ် စီၤဘးအူကၠံ...
လါယူၤလံ ၂၀ သီႇ ၂၀၂၀ နံၣ်ႇ ခ့ၣ်အဲးစံၣ်
ကညီကီၢ်စဲၣ်ႇ မုၢ်တြီၢ်လီၢ်က၀ီၤပူၤ ဖဲလါယူၤလံ ၁၆ သီအနံၤန့ၣ် ပယီၤသုးဖိခံဂၤခးသံ၀သ၀ီဖိပိာ်မုၣ်တဂၤအဖီခိၣ် တၢ်ကဃိထံမၤဖျါထီၣ်ဒီးဟံအီၤအရ့အဂီၢ် KNU- ညီဒီကလုာ်စၢဖှိၣ်ကရၢ ကညီဒီကလုာ်တၢ်ထူၣ်ဖျဲးသုးမုၢ်ဒိၣ်-KNLA သုးက့(၅)အံၤ ဆှၢဟ့ၣ်၀ဲလံာ်ဆူ ကီၢ်စဲၣ် တၢ်ကွၢ်ဟုၣ်ကွၢ်စူၣ်တၢ်ပတုာ်တၢ်ခးသဃဲၤကမံးတံာ် (JMC-S) အအိၣ် ဖဲလါယူၤလံ ၁၈ သီအနံၤန့ၣ်လီၤႉ
ဖဲမုၢ်တြီၢ်(ဖၣ်ပူၣ်)ကီၢ်ရ့ၣ်ႇ ဒွဲၣ်လိကီၢ်ဆၣ်ႇ ပိာ်လိထၣ်သ၀ီ နီၢ်မုၣ်နီၤလၢအသးနံၣ်အိၣ်၀ဲ(၄၀)နံၣ်အံၤ ပယီၤသုး နီၣ်ဂံၢ်(၈) ပၢဆှၢရဲၣ်ကျဲၤသုး၀ဲၤလီၢ်ခိၣ်သ့ၣ်(စကခ) စုဒုၣ်တီၤအဖီလာ်ႇ ခီၣ်ချ့သုးရ့ၣ် (ခမရ–၄၀၉) လၢအအိၣ်ခူၣ်သူၣ်ထၣ်သ၀ီ အၦၤသုးဖိခံဂၤလၢအမ့ၢ် မီၣ်သါမိလွ့ၣ် ဒီး မီၣ်အ့မ့သူၣ်အံၤ...
လါယူၤလံ ၁၆ သီႇ ၂၀၂၀ နံၣ်ႇ နါ၀့ၤဖၠိစၣ်
မိၣ်ကီၢ်စဲၣ်ႇ ဘံလ့ကီၢ်ဆၣ်ႇ မယါကိဒူသ၀ီကရူၢ် သ၀ီဖိတဖၣ်အါဒၣ်တက့ၢ်န့ၣ် မ့ၢ်၀ဲဒၣ်ကညီကလုာ်ဘၣ်ဆၣ်ႇ လၢအမ့ၢ်ကညီန့ၣ် ၦၤလၢအဘၣ်ထွဲတဖၣ် ခီဖျိလၢတၢ်ပာ်ပနီၣ်တအိၣ်၀ဲဘၣ်အဃိႇဒ်သိးတၢ်ကက့ၤပာ်ပနီၣ်အီၤန့ၣ် တီၣ်ဖျါထီၣ်၀ဲဒၣ်ဆူ မိၣ်ကီၢ်စဲၣ်ဘျီၣ်ဒိၣ် ကလုာ်ဒူၣ်ဂ့ၢ်၀ီကမံးတံာ်အအိၣ်အဂ့ၢ်န့ၣ် သ၀ီဖိတဂၤလၢအမ့ၢ် စီၤမၠ့ၣ်၀့ၤ စံး၀ဲန့ၣ်လီၤႉ
ဖဲမယါကိသ၀ီကရူၢ်အပူၤန့ၣ် သ၀ီအိၣ်၀ဲ ၁၆ ဖျၢၣ်ဒီး သ၀ီတဖၣ်န့ၣ်အါဒၣ်တက့ၢ် ကညီကလုာ်တဖၣ်အိၣ်ဆိး၀ဲဒၣ်အသိး ကလုာ်လၢအဂၤတဖၣ်စ့ၢ်ကီးအိၣ်ဆိး၀ဲဒၣ်န့ၣ်လီၤႉ ဘၣ်ဆၣ် ကညီတဖၣ်န့ၣ် ထံဖိကီၢ်ဖိခိၣ်ဂီၤ(မှတ်ပံုတင်)ႇ အိၣ်ဖျဲၣ်စရီ ဒီး ဟံၣ်ခိၣ်စရီအပူၤန့ၣ် ၦၤလၢတၢ်ထၢနုာ်၀ဲ ဒၣ်လၢအမ့ၢ်ပယီၤကလုာ်အိၣ်၀ဲဒၣ်အဃိ ဒ်သိးတၢ်ကက့ၤဘှီဘၣ်၀ဲအဂီၢ် တၢ်တီၣ်ဖျါထီၣ်ဃာ်၀ဲလၢ ၂၀၁၉ နံၣ်လံၤလံၤလီၤအဂ့ၢ်န့ၣ် သ၀ီဖိတဖၣ်စံး၀ဲလီၤႉ
“ပ၀ဲသ့ၣ်တဖၣ်ပမ့ၢ်ကညီဘၣ်ဆၣ်...
လါယူၤလံ ၁၄ သီႇ ၂၀၂၀ နံၣ်ႇ စးအဲၣ်ဆူ
သုးမုၢ်ဒိၣ်ခး၀ဲအဃိ ယိၤဒိၣ်သ၀ီဖိလၢအဘၣ်ဒိဘၣ်ထံးဒီးသံ၀ဲဒၣ်တဖၣ်အဂီၢ် ဒ်သိးကဒိးန့ၢ်ဘၣ်တၢ်ထဲသိး တုၤသိးအဂီၢ် လီၢ်က၀ီၤဖိတဖၣ်ပာ်ဖှိၣ်ထီၣ်အသးဒီးပာ်ဖျါထီၣ်အသးအံၤန့ၣ် ၦၤလၢအတီခိၣ်ရိၣ်မဲတၢ်တဖၣ် ပယီၤ သုးမုၢ်ဒိၣ်အံၤလိာ်ဘၢလိာ်ကွီၢ်၀ဲဒၣ်အဖီခိၣ် ဖဲလါယူၤလံ ၁၃ သီအနံၤ ယိၤဒိၣ်ကမျၢၢ်တၢ်ကရၢကရိ ၃၀ ဘျဲၣ်ထီဒါ၀ဲ အဂ့ၢ် ထုးထီၣ်၀ဲလံာ်တၢ်ပာ်သးဒီးဘိးဘၣ်ရၤလီၤ၀ဲန့ၣ်လီၤႉ
ဖဲအပူၤကွံာ် လါယူၤလံ ၁၀ သီအနံၤန့ၣ် ယိၤဒိၣ်(ကီၢ်စဲၣ်) ကလံၤစိးႇ ကၠီၣ်မဲကီၢ်ဆၣ်အပူၤ ယိၤဒိၣ်လီၢ်က၀ီၤကမျၢၢ် တကလးဘျဲၣ်အံၤ ခီဖျိလၢပယီၤသုးကျိၤခးလီၤတၢ်ဖီၣ်၀ဲဒီးမၤဒၢၣ်၀ဲဒူသ၀ီဖိအဃိ လီၢ်က၀ီၤသ၀ီဖိ ၃ ဂၤ သံ၀ဲဒၣ် အဖီခိၣ် ဒ်သိးကဒိးန့ၢ်ဘၣ်တၢ်ထဲသိးတုၤသိးအဂီၢ် တၢ်ပာ်ဖျါထီၣ်၀ဲတၢ်ဘၣ်သးဒီး ၦၤလၢအတီခိၣ်ရိၣ် မဲ၀ဲတၢ်ပာ်ဖျါထီၣ်သးတဖၣ်လၢအမ့ၢ်...
ဟဲက့ၤကံၢ်စုၦိၢ်ဒီးစှီၤ
ဖီလါခူးဖးလၢၦၢ်ကျါ
မ့ၢ်ကညီဖိကံၢ်စုလါ
တၢ်စူၤလါခူးမ့ၢ်တုၤဃီၤ
ဟဲက့ၤကံၢ်စုၦိၢ်ဒီးစှီၤ
လၢပျၢၤဖံဖုမၤယုၤ၀ဲ
သုတလီၤမၢ်ပၢၤဃာ်နဲ
ကလုာ်ဂၤဆဲးလၤပီညါ
လုၢ်ဘၢကွံာ်နၤလၢာ်လံဧါ
တၢ်ကတိၤထူရူၢ်ဆဲးလၤ
သုတကျီၣ်ကျဲဒီးၦၤဂၤ
မ့ၢ်တပၢၤဃာ်ကျၢၤနဲဒၣ်
ကလီၤမၢ်နီၤ“ခွံတလၣ်”
မှံၤၦၢ်ဟ့ၣ်ပလီၢ်အါစု
“နီၢ်ဘျီ”ကလီၤလံာ်န့ၢ်သု
ပိာ်ထွဲနီၢ်ဘျီခံတဂ့ၤ
ြပုကလၤဟဲက့ၤဟဲက့ၤႉႉႉ
တၢ်လီၢ်“မူတကဲၣ်သံလါ”
ပလီၢ်သးလံၤမုၣ်လံၤခွါ
သွၣ်ခိၣ်လိထံးအိၣ်တဂ့ၤ
ြပုကလၤဟဲက့ၤဟဲက့ၤႉႉႉ
ဖံဖုလၢပျၢၤမၣ်လိာ်ပာ်
မ့ၢ်လီၤဃံၢ်၀ံၣ်ထီၣ်လိာ်သး
ဒီပုၢ်၀ဲၢ်သးမ့ၢ်ချၢၣ်ချဲ
ကွၢ်တပူၤကီတပူၤခဲ
မှံၤၦၢ်လၢပျၢၤထံၣ်စိဃာ်
ဟ့ၣ်ပလီၢ်သိၣ်ပာ်တဲပာ်
“ဒ့ၣ်ကအီၣ်လိာ်ဒ့ၣ်အသး
ညၣ်ကအီၣ်လိာ်ညၣ်အသး”
တၢ်ကတိၤမၤတ့ၢ်သးလံ
ၦိၢ်ဒီးစှီၤဆိမိၣ်မ့ၢ်ထံ
ဟးကိးမိၢ်ၦၤမိၢ်တဂ့ၤ
ၦၤမိၢ်တဒုးအီၣ်ပမ့ၤ
ြပုကလၤဟဲက့ၤစၢ်ခီ
ဟဲက့ၤအိၣ်လၢဟံၣ်လၢဃီႉႉႉ
ဖုစဂီၤလံၤခွါသ့ၣ်ဧၢ–(စှီၤ)
ဖံပအိၣ်လံၤမုၣ်သ့ၣ်ဧၢ–(ၦိၢ်)
ကၢၤဖှိၣ်သးတနံၣ်တဘျီ
ဖီၣ်လိာ်စုသးတဖျၢၣ်ဃီ
တၢ်စူၤလါခူးမ့ၢ်တုၤဃီ
ဟဲက့ၤကံၢ်စုၦိၢ်ဒီးစှီၤႉ
လၢ–တံနိ (သ၀ီတါ)
နီၢ်ဘျီ–မုၣ်ကီၤလံၢ်
မူတကဲၣ်သံလါ–တၢ်လီၢ်လၢအိၣ်ဒီးတၢ်သူၣ်ဖှံသးညီလၢကကွဲန့ၢ်လွဲန့ၢ်ၦၤဆူတၢ်တဂ့ၤတၢ်ဟးဂီၤအလီၢ်လၢအိၣ်ဒီး ပိာ်မုၣ်ပိာ်ခွါဆါလီၤအီၣ်သးအလီၢ်
လါယူၤလံ ၁၀ သီႇ ၂၀၂၀ နံၣ်ႇ စးဖါရှီ
ကညီသးစၢ်လၢလီၢ်က၀ီၤတၢ်လီၢ်အါတီၤတဖၣ် ဒ်သိးကနုာ်လီၤပၣ်ဃုာ်လၢကညီဒီကလုာ်အဖီတၢၣ်ဒီး တၢ်သူၣ်ထီၣ်ထံကီၢ်တၢ်ဖံးတၢ်မၤတဖၣ်ကန့ၢ်အဂီၢ် မုၢ်လၢ်ဒီးကွဲးလီၤပာ်လီၤ၀ဲ ကညီသးစၢ်တၢ်မၤရဲၣ်ကျဲၤခိၣ်သ့ၣ် အသနူပြတီ၁်တခါ ကဟးထီၣ်၀ဲဒၣ်လီၤအဂ့ၢ်န့ၣ် သ့ၣ်ညါဘၣ်လီၤႉ
ဒ်သိးဒီးတၢ်ကကဲွးလီၤပာ်လီၤ၀ဲ တၢ်မၤရဲၣ်ကျဲၤခိၣ်သ့ၣ်သနူပြတိ၁် လၢအဘၣ်ထွဲဒီးကညီသးစၢ်ခဲလၢာ်တဖၣ် အန့ၢ်အဂီၢ် ကီၢ်ပူၤႇ ကီၢ်ချၢႇ ကညီသးစၢ်တၢ်ကရၢကရိလၢအအိၣ်ကီၢ်ဆၢတဖၣ်စုာ်စုာ်အံၤ ကညီသးစၢ်တဖၣ် ပၣ်ဃုာ်၀ဲတၢ်ကွဲးလီၤပာ်လီၤသနူပြတိ၁်ကမံးတံာ်အံၤ ဘၣ်တၢ်ဒုးအိၣ်ထီၣ်အီၤဒီးမၤလိၣ်ထီၣ်ဖးထီၣ်၀ဲဒၣ်န့ၣ်လီၤႉ
ဖဲတလါအံၤ လါယူၤလံ ၃ သီ တုၤလၢ ၉ သီအနံၤ တၢ်ကွဲးလီၤပာ်လီၤသနူပြတီ၁်ကမံးတံာ်အံၤ မၤ၀ဲတၢ်အိၣ်ဖှိၣ်ဖဲ ၀့ၢ်တကူၣ်၀ံၤအလီၢ်ခံ သနူပြတီ၁်တခါအံၤ ကဟးထီၣ်၀ဲဒၣ်လီၤႉ
တၢ်ကွဲးလီၤပာ်လီၤ ကညီသးစၢ်တၢ်မၤရဲၣ်ကျဲၤခိၣ်သ့ၣ် ၦၤလၢအတီခိၣ်ရိၣ်မဲဒီးကရၢကရိတၢ်ကရူၢ်တဂၤလၢအမ့ၢ် စီၤထိထိ စံး၀ဲ “တၢ်အ၀ဲအံၤန့ၣ်...
လါယူၤလံ ၈ သီႇ ၂၀၂၀ နံၣ်ႇ စီၤထိလ့
ကီၢ်စၢဖှိၣ်အပတီၢ် တၢ်ခိးကွၢ်ဟုၣ်ကွၢ်စူၣ်တၢ်ပတုာ်တၢ်ခးသဃဲၤ ကမံးတံာ် (JMC-U) ၁၉ ၀ီတ၀ီ တၢ်အိၣ်ဖှိၣ် လၢအဆိကတီၢ်သးခံနံၣ်ဃၣ်ဃၣ်အံၤ ဖဲလါယူၤလံ ၇ သီအနံၤန့ၣ် တၢ်စးထီၣ်မၤ၀ဲတၢ်အိၣ်ဖှိၣ်ဖဲ န့ၣ်ပၠံၣ်တီၣ်ႇ Horizon Lake View Hotel န့ၣ်လီၤႉ
ဖဲအပူၤကွံာ် ၂၀၁၈ နံၣ်အတီၢ်ပူၤန့ၣ် ဘၣ်ထွဲ NCA တၢ်မၤလိၣ်ထီၣ်ဖးထီၣ် တၢ်တၢၣ်ပီၣ်တဲသကိးတဖၣ်အပူၤန့ၣ် တၢ်ထိၣ်ဃူထိၣ်ဖိးအကတီၢ် တၢ်ကတာ်ထီဃာ်အသးတဖၣ်အိၣ်ထီၣ်၀ဲအဃိႇ ခ့ၣ်အဲၣ်ယူၣ်–ကညီဒီကလုာ်စၢဖှိၣ်ကရၢ ဒီး RCSS တဖၣ် ဘၣ်ပတုာ်ဃာ်၀ဲ ထံရူၢ်ကီၢ်သဲးတၢ်တၢၣ်ပီၣ်တဲသကိးတဖၣ်အံၤ တစိၢ်တလီၢ်အသိးႇ JMC...
လါယူၤလံ ၇ သီႇ ၂၀၂၀ နံၣ်ႇ စီၤထိလ့
ဖဲလါနိၣ်၀့ဘၢၣ် ၈ သီအနံၤ တၢ်ကမၤ၀ဲပၣ်တံၣ်ခဲလၢာ်ဒံၣ်မိၣ်ြခ့ၣ်စံၣ်တၢ်ဃုထၢဖးဒိၣ်အံၤ ခၢၣ်စၢးတနီၤလၢကဒိးဃု ထၢအသးတဖၣ်ဒီး တၢ်ဖးလီၢ်က၀ီၤတနီၤလၢကနုာ်လီၤတြပၢ၀ဲန့ၣ် ဖဲလါယူၤလံထီၣ်သီအံၤ ကညီကလုာ်ပၣ်တံၣ် -KNP စးထီၣ်ထုးထီၣ်ပာ်ဖျါ၀ဲန့ၣ်လီၤႉ
ကညီကလုာ်ပၣ်တံၣ်အံၤ လၢအ့ၣ်ယၣ်၀တံၣ်ကီၢ်ခီ ကညီကလုာ်ဂ့ၢ်၀ီတၢ်ဖးလီၢ်က၀ီၤအဂီၢ် ပၣ်တံၣ်နဲၣ်ရွဲၣ်ြ၁ မါမ့ယဲထွ့ ကနုာ်လီၤတြပၢ၀ဲဒၣ်န့ၣ်လီၤႉ လၢန့ၣ်အမဲာ်ညါ ကီၢ်ခီဒိၣ်ဘျီၣ်ဒိၣ်အဂီၢ် ပါတနီၣ်တၢ်ဖးလီၢ်က၀ီၤ နီၣ်ဂံၢ်(၂) န့ၣ် မါခ့ၤမီၤအ့ႇ ညီၣ်တိကီၢ်ဆၣ် တၢ်ဖးလီၢ်က၀ီၤ နီၣ်ဂံၢ်(၁)န့ၣ် စီၤအၤကၤတိႇ ၀ါခဲၤမၣ်ကီၢ်ဆၣ် တၢ်ဖးလီၢ်က၀ီၤ နီၣ်ဂံၢ်(၁)န့ၣ် စးဆဲခိၣ်သၤတဖၣ် ကနုာ်လီၤတပြၢ၀ဲဒၣ်စုာ်စုာ်လီၤအဂ့ၢ်န့ၣ် KNP ဘိးဘၣ်ရၤလီၤဃာ်၀ဲန့ၣ်လီၤႉ...