ခ့ၣ်အဲးစံၣ် – KIC News

လါယူၤလံ ၆ သီႇ ၂၀၂၀ နံၣ်ႇ နါ၀့ၤဖၠိစၣ် ပကိကီၢ်ခီဒိၣ် လၢၢ်ဒိၣ်ကီၢ်ဆၣ် နၣ်သၤကွ့လီၢ်က၀ီၤအပူၤ လီၢ်က၀ီၤဖိကဒဲကဒဲအဘၢၣ်စၢၤ ဘၣ်ဃးဒီးဟီၣ်ခိၣ်ကပံာ်တၢ်တဲအါလိာ်သးတၢ်ဂ့ၢ်ကီကဲထီၣ်အသးအံၤ ဒ်သိးသုတကဲထီၣ်ဖးဒိၣ်ဖးထီတဂ့ၤအဂီၢ် ၦၤဘၣ်မူဘၣ်ဒါလၢအဘၣ်ထွဲတဖၣ် ကနုာ်လီၤဘှါရှဲ၀ဲအဂီၢ်လိၣ်၀ဲအဂ့ၢ်န့ၣ် လီၢ်က၀ီၤဖိတဖၣ်စံး၀ဲလီၤႉ ဟီၣ်ခိၣ်ကပံာ်လီၢ်အပူၤန့ၣ် ၦၤလၢအနုာ်လီၤဖံးအီၣ်မၤအီၣ်တၢ်တဖၣ်ဒီး ၦၤကွၢ်ကျီၢ်ဖိတဖၣ်အဘၢၣ်စၢၤ ဖဲအပူၤကွံာ်စးထီၣ်လၢ လါယူၤ ၃၀ သီအနံၤန့ၣ် ကဒဲကဒဲအဘၢၣ်စၢၤတၢ်ဂ့ၢ်လိာ်ဘှီလိာ်သးကဲထီၣ်၀ဲဒၣ်ဒီး တုၤလၢအခဲအံၤတစု တၢ်ဘၣ်လိာ်ဖိးမံတအိၣ်ဒံး၀ဲဘၣ်အဂ့ၢ်န့ၣ် လီၢ်က၀ီၤဖိတဂၤလၢအမ့ၢ် စီၤစံးပြတၢၤ စံးဘၣ်ခ့ၣ်အဲးစံၣ်ဒ်အံၤလီၤႉ အ၀ဲစံး၀ဲလၢ “အခဲအံၤန့ၣ် သ၀ီဖိကဒဲကဒဲ ဘၣ်ကဲထီၣ်တၢ်သဘံၣ်သဘုၣ်လီၤႉ ၦၤဘၣ်မူဘၣ်ဒါတဖၣ် လၢက ဟဲဘှါရှဲ၀ဲန့ၣ် တအိၣ်၀ဲဒံးဘၣ်ႉ ကဒဲကဒဲတၢ်သဘံၣ်သဘုၣ်ကဲထီၣ်အံၤ ထံၣ်ဒီးသးတမုာ်ဘၣ်ႉ ၦၤလၢအနုာ်လီၤ မၤအီၣ်တၢ်လၢဟီၣ်ခိၣ်ကပံာ်အပူၤအံၤ မၤအီၣ်၀ဲလီၤႉ ၀ံၤဘျီ...

ကညီဒီကလုာ်ဂၢၤသး KNDO ဘၣ်မနုၤအဃိတၢ်ဘၣ်ဒုးအိၣ်ထီၣ်အီၤလဲၣ်ႉႉႉ တံနိ (သ၀ီတါ) ၂၀၂၀ နံၣ်ႇ လါယူၤလံ(၁၆)သီႇ အနံၤအံၤမ့ၢ်၀ဲ“ကညီဒီကလုာ်ဂၢၤသး” KNDO-Karen National Defence Organization မုၢ်နံၤၦဲၤထီၣ်၀ဲ(၇၃)၀ီတ၀ီန့ၣ်လီၤႉ ဒ်သိးဒီးကညီသးစၢ်စၢၤသွဲၣ်သီဖိလၢ စိၤခဲအံၤတဖၣ်ကသ့ၣ်ညါဘၣ်က့ၤ၀ဲ–ဘၣ်မနုၤအဃိပၦၤကလုာ်ကညီဖိတဖၣ် ဘၣ်ဖီၣ်ထီၣ်တၢ်စုက၀ဲၤဒီး မၤတၢ်ပၢၢ်ဆၢထီဒါက့ၤပဒိၣ်တဖုအံၤလဲၣ်အဂ့ၢ်ႇ သးအိၣ်ကွဲးဖျါထီၣ်န့ၢ်က့ၤအ၀ဲသ့ၣ်လၢ ကညီဒီကလုာ်ဂၢၤသးကဲထီၣ်အဂ့ၢ် ဒ်အဖီလာ်အသိးအံၤလီၤႉ ဖဲဟီၣ်ခိၣ်တၢ်ဒုးဖးဒိၣ်ခံဘျီတဘျီႇ အဲကလံးအသုးမုၢ်ဒိၣ်ဒုးဖျိးထီၣ်ကွံာ်ကၠပၣ်သုးမုၢ်လၢကီၢ်ပယီၤပူၤအဆၢကတီၢ်ႇ ကညီဖိတဖၣ်နုာ်လီၤဆူအဲကလံးသုးပူၤအါအါဂီၢ်ဂီၢ် ဒုးစၢၤတၢ်လၢအဲကလံးသုးမုၢ်အဂီၢ်လီၤႉ ကညီဖိတဖၣ်မုၢ်လၢ်၀ဲလၢအဲးကလံးပဒိၣ်မ့ၢ်မၤနၢၤတၢ်ဒီး မ့ၢ်ဟ့ၣ်လီၤက့ၤထံကီၢ်တၢ်သဘျ့န့ၣ် ကဆိမိၣ်န့ၢ်တၢ်လၢကညီကီၢ်လီၤဆီတၢ်သဘျ့အဂီၢ်န့ၣ်လီၤႉ အဲကလံးသုးခိၣ်တနီၤစ့ၢ်ကီး အၢၣ်လီၤ၀ဲလၢကတဲစၢၤန့ၢ်တၢ်လၢကညီဖိကဒိးန့ၢ်ဘၣ်ကညီကီၢ်လီၤဆီတၢ်သဘျ့အဂီၢ်န့ၣ်လီၤႉ ဘၣ်ဆၣ်တုၤမ့ၢ်တၢ်ဒုးဖးဒိၣ်၀ံၤဒီး အဲကလံးပဒိၣ်ဒုးမၤနၢၤတၢ်တဘျီန့ၣ် ဒ် Atlantic Charter “အဲးတလါထံးခၠါထၢၣ်လံာ်တၢ်အၢၣ်လီၤ”(ဘၣ်တၢ်မၤအီၤလၢခၠၢးခၠ့ဒီးရူးစဘဲးဖဲဟီၣ်ခိၣ်တၢ်ဒုးဖးဒိၣ် ခံဘျီတဘျီစးထီၣ်သီအဆၢကတီၢ်လၢအပၣ်ဃုာ်ဒီးတၢ်ဂ့ၢ်လၢအမ့ၢ်၀ဲ ၦၤကလုာ်ကိးကလုာ်ဒဲး ထံကီၢ်ကိးဘ့ၣ်ဒဲးအိၣ်ဒီးတၢ်ခွဲးတၢ်ယာ်လၢ...

လူၢ်သၣ်လီၤဒးလၢၢ်ထီၣ်ဖီႇ တၢ်ဘျၣ်ဘျၢၣ်ဖျိထီၣ်ဘုဖီ ပဝဲကညီဖိတဖၣ်ႇ ပထံပကီၢ်ဘၣ်လီၤမၢ် ဖံဖုလၢပျၢၤစံးတ့ၢ်သါႇ ကီၢ်လါႇ ကီၢ်သူလ့ၤန့ၢ်သါ လၢပစိၤခ့ခါခဲအံၤႇ အိၣ်လီၤတဲ၁်တ့ၢ်ထဲတမံၤ ကလု၁်အိၣ်လီၤမုၢ်ြပံြပါ, ထံကီၢ်အိၣ်ဒံးတသ့ၣ်ညါ ဘၣ်ဆၣ်ပူၤကွံ၁်နံၣ်လၢပျၢၤႇ မှံၤၦၢ်စံးဃဲၤအိၣ်ဒံးသၢၤ ထိးကလဲ၁်အီၣ်ဟီၣ်ခိၣ်လၢ၁်ႇ ကညီပၢထံကီၢ်လီၤသၢၤ တဘျီခါကညီခူဝ့ၢ်ႇ စိၤခဲအံၤတၢ်ကိးအိၣ်တ့ၢ် ဒ်သိးဖိလံၤကသ့ၣ်ညါႇ ခီဖျိတၢ်ကိးတပံ၁်ကျါ လၢပကညီဖိအကျါႇ ကဲထီၣ်စီၤပၤပၢနီအါ လၢပကညီဒူၣ်ထၢပူၤႇ ကဲထီၣ်စီၤပၤအိၣ်နူၢ်ပူၤ မ့ၢ်လၢနံၣ်လါလီၤကထၢႇ ခူဝ့ၢ်တနီၤအိၣ်လီၤဘၢ ခူဝ့ၢ်တနီၤတသ့ၣ်ညါႇ ထူထံးလီၤဘျၢတုၤမဆါ ဒ်ၦၤစၢၢ်ထါသ့ၣ်ညါသိးႇ ြကၢးဟ့ၣ်ခီဆူတံၤသကိး ဖုတကူၣ်သွၣ်ခိၣ်လိထံးႇ စွ့ၣ်တကူၣ်ဃိၣ်အိၣ်ခဲအံၤ ပကိကီၢ်ခီ စွ့ၣ်မီၣ်တီၣ်ႇ မ့ၢ်ဖုမီၢ်တီၢ်လိထံးလီၢ် ဝ့ၢ်ကၠဲၣ်တူၣ်ကိး ဝ့ၢ်တီၣ်ကၠံႇ တီအူကိး က့ၣ်တူၣ်မၣ်တံၣ် ဝ့ၢ်ဃဲဝါယိၤကိးတုးကီႇ ပယီၤကိးထွဲလၢ တကီ စီၤပၤလၢခံစီၤမီၣ်ၦဲၤႇ ပယီၤကိးထွဲ မီၣ်ပီၣ်ကၠဲၤ မ့ၣ်ထံလ၁် ပှိၢ်မုၢ်နု၁်ကျိ၁်ႇ မဲ၁်ထံလီၤကိးဖဲပစိၤ စုမ့ၣ်စုနၢအုၣ်ကျၣ်သံႇ မဲ၁်ထံလီၤယုၢ်ထွဲအခံ စွ့ၣ်တီၣ်ငွ့ၣ်တီၣ်ကီၢ်ကယါႇ ကၢကျိၣ်ပိ၁်ကျိၣ်လီၢ်လၢညါ ကဝၢ်မုၣ်ဒီးကဝၢ်ခွါႇ မ့ၢ်ၦၤကၢကျိၣ်မံၤဟူဖျါ ၦဲၤဟံၣ်ခိၣ်အကစၢၢ်ဒီႇ သယုၢ်ဘၣ်က့ၤနီၢ်မုၣ်ဘီ ကံကူးကစၢၢ်တၢ်လီၤပျီႇ လၢပျၢၤမ့ၢ်စှီၤခူနူၢ်ထီ ကၠဲၣ်ထံယိ ကိး ဃိၣ်သံယူ၁်ႇ နီၢ်မုၣ်အ့ ကလီၤလဲၤလူၤ ဃိၣ်ထၣ်ဝ့ၢ်ကိး မီၣ်လမၠဲၣ်ႇ မဲ၁်ချံဘျီၣ်...

ကီၢ်ပဒိၣ်စံးအိၣ်ဟံၣ်ပူၤ လၢပစိၤခ့ခါခဲအံၤ တၢ်ကီတၢ်ခဲအိၣ်အါမံၤ တၢ်ဆူးတၢ်ဆါဟဲပၢၢ်ထီၣ် ဟီၣ်ခိၣ်ဒီဖျၢၣ်ထံၣ်တၢ်ဖှီၣ် ထံဒိၣ်ကီၢ်လဲၢ်ဟ့ၣ်ပလီၢ် ဂ့ၢ်ဝီၢ်အူဟးဆှဲးနီၢ်နီၢ် တၢ်ဆါအဃၢ်ရၤလီၤသး ၦၤသံတ့ၢ်လံအိၣ်အါမး ခိၣ်ရိၣ်နၣ်တၢ်ဆါအဃၢ် မ့ၢ်တၢ်ဆါအၢအချံသၣ် တုၤမ့ၢ်ၦၤခီၣ်ဘၣ်တဘျီ နကမူအဂီၢ်တညီ သ့စုသ့ခီၣ်မၤကဆှီ ချါသိဒီးထံသ့ကိးဘျီ နါစ့ၤကိ၁်ပူၤဘၣ်ကျၢၢ်ဘၢ တၢ်ဆါအဃၢ်ဒီသဒၢ နမ့ၢ်လဲၤက့ၤၦၤအါကျါ ပလီၢ်သးမုၢ်နၤမုၢ်ဆါ နၤဒီးယၤပဝဲကိးဂၤ တြီဆၢသကိးပဘၣ်မၤ လၢၦၤတပ၁်ကဲတၢ်ဃိ ခိၣ်ရိၣ်နၣ်အီၣ်ဘၣ်သံဆိ ကီၢ်မုၢ်နု၁်အထံအကီၢ် ၦၤသံအိၣ်လံလၢကလီိိၢ် နမ့ၢ်ခီၣ်ဘၣ်ခိၣ်ရိၣ်နၣ် ကသံၣ်ဖီၣ်တအိၣ်ဒံးဘၣ် ဆၢလၢနကပူၤဖျဲးနဲ တမ့ၢ်ဒံးနမုၢ်နံၤဟဲ ထုကဖၣ်ဆၢဂ့ၤဆၢဝါ ကညီဖိမုၣ်မုၣ်ခွါခွါ မုၢ်ထီၣ်မုၢ်နု၁်လီၢ်ကိးပူၤ ကီၢ်ပဒိၣ်စံးအိၣ်ဟံၣ်ပူၤ လၢတၢ်အဲၣ်ကကွဲၢ်ကဘီ စီၤကီၢ်ဖျါစ့ (တီနီၢ်ဖိ) ၂၇.၆.၂ဝ၂ဝ

လါယူၤလံ ၃ သီႇ ၂၀၂၀ နံၣ်ႇ စီၤရှါ ခီဖျိလၢ Covid-19 တၢ်ဆါသံသြတိ၁်အကတီၢ်အဃိ လၢတၢ်ဃုထၢအဂီၢ် ပၣ်တံၣ်တၢ်လီၤကရၢကရိတၢ်မၤ တဖၣ်ႇ ဟီၣ်က၀ီၤတၢ်လီၤကရၢကရိတၢ်မၤတဖၣ်န့ၣ် တၢ်တၤတၢ်တဖၣ်ကအိၣ်၀ဲအါမးလီၤအဂ့ၢ်န့ၣ် ကညီထံရူၢ်ကီၢ်သဲးပၣ်တံၣ် လၢအအိၣ်သူၣ်လီၤအသးဖဲကညီကီၢ်စဲၣ်ပူၤတဖၣ် စံးဘၣ်ခ့ၣ်အဲးစံၣ်န့ၣ်လီၤႉ ၂၀၂၀ တၢ်ဃုထၢအံၤ တၢ်ကမၤ၀ဲ ဖဲလါနိၣ်၀့ဘၢၣ် ၈ သီအနံၤအဂ့ၢ်န့ၣ် ဖဲလါယူၤလံ ၁ သီ ကီၢ်စၢဖှိၣ်တၢ်ဃုထၢခီမံရှၢၣ် ပာ်ပနီၣ်ဒီးဘိးဘၣ်ရၤလီၤ၀ဲဖဲ လါယူၤလံ ၁သီအနံၤ ၀ံၤအလီၢ်ခံ ကညီပၣ်တံၣ် ၂ ပၣ်တံၣ် လၢအအိၣ်သူၣ်လီၤအသးဖဲကီၢ်စဲၣ်အံၤ စံး၀ဲဒ်အခဲအံၤအသိးလီၤႉ ကညီကလုာ်ဒံၣ်မိၣ်ကရဲၣ်တ့ၣ်ပၣ်တံၣ် (KNDP) ၦၤပၢၤလီၢ်ဆ့ၣ်နီၤ မါအီၣ်ပၠံၣ်စိ စံး၀ဲ...

လါယူၤ ၂၉ သီႇ ၂၀၂၀ နံၣ်ႇ စီၤရှါ ကညီကလုာ်တဖၣ် ကလုာ်တၢ်ဆဲးတၢ်လၤတၢ်ဟ့ၣ်သါတခါလၢအမ့ၢ် တၢ်ဆဲးတၢ်လၤဒိတၢ်ဂဲၤကလံၣ်အံၤ ဘီမုၢ်စၢဖှိၣ်ကရၢ တၢ်ကူၣ်ဘၣ်ကူၣ်သ့ႇ စဲအ့ၣ်ဒီးတၢ်ဆဲးတၢ်လၤကရူၢ် (UNESCO) ကသ့ၣ်ညါပာ်ပနီၣ်၀ဲကန့ၢ်အဂီၢ် ကဆှၢနုာ်၀ဲစရီလီၤအဂ့ၢ်န့ၣ် သ့ၣ်ညါဘၣ်လီၤႉ လၢတၢ်ကဆှၢနုာ်၀ဲဆူ UNESCO အဂီၢ် ကညီကီၢ်စဲၣ်အံၤ ဃုထၢဆှၢနုာ်လီၤ၀ဲ ကညီတၢ်အီၣ်ဘုသီခိၣ် ဒီး ဒိတၢ်ဂဲၤကလံၣ် ၂ ခါ အကျါ ဆှၢနုာ်ဆိ၀ဲလၢဒိတၢ်ဂဲၤကလံၣ်န့ၣ် ဖဲလါယူၤ ၂၆ သီအနံၤႇ ဖၣ်အၣ်၀့ၢ်ႇ ကွဲၢ်ကဘီဘျီၣ်အပူၤ တၢ်မၤ၀ဲတၢ်အိၣ်ဖှိၣ်၀ံၤ ဆၢတဲာ်လီၤ၀ဲဒၣ်န့ၣ်လီၤႉ ကီၢ်စဲၣ်ၦၤဂ့ၢ်၀ီကိတိာ် အူဘိၣ်ဘိၣ်၀့ၤမီၣ် စံး၀ဲ “ တၢ်က...

လါယူၤ ၂၉ သီႇ ၂၀၂၀ နံၣ်ႇ ခ့ၣ်အဲးစံၣ် KNU- ကညီဒီကလုာ်စၢဖှိၣ်ကရၢ မုၢ်ြတီၢ် (ဖၣ်ပူၣ်)ကီၢ်ရ့ၣ် (သုးက့ ၅)ဒွဲၣ်လိကီၢ်ဆၣ်ႇ လ့ဖိထၣ်သ၀ီကရူၢ် ၀ၣ်သိခိၣ်သ၀ီအပူၤ တၢ်သမံသမိးတၢ်အိၣ်ဆူၣ်အိၣ်ချ့ Covid-19 တၢ်ဆါအလီၢ် လၢပယီၤသုးမၤဟးဂီၤ၀ဲအလီၢ်အံၤန့ၣ် ဖဲလါယူၤ ၂၅ သီအနံၤ KNU က့ၤသူၣ်ထီၣ်ကဒါက့ၤ၀ဲလၢအသီလံအဂ့ၢ်န့ၣ် သ့ၣ်ညါဘၣ်လီၤႉ ဖၣ်ပူၣ်–ကမးမိၣ် အဘၢၣ်စၢၤ ၀ၣ်သိခိၣ်သ၀ီအပူၤ တၢ်ြတီဆၢ Covid-19 တၢ်ဆါအဂီၢ်ႇ KNU မုၢ်ြတီၢ်ကီၢ်ရ့ၣ် လၢအအိးထီၣ်၀ဲ Screening Point (တၢ်သမံသမိးတၢ်အိၣ်ဆူၣ်အိၣ်ချ့အလီၢ်)အံၤ ဖဲအပူၤကွံာ်လါမ့ၤန့ၣ် ပယီၤသုးဟဲဒွဲၣ်အူမၤဟးဂီၤ၀ဲဒၣ်ဒီး...

လါယူၤ ၂၄ သီႇ ၂၀၂၀ နံၣ်ႇ စီၤရှါ ပကိကီၢ်ခီဒိၣ်ပူၤ တကီၢ်ခါ ကညီကလုာ်ဒူၣ် ကလုာ်ဂ့ၢ်၀ီကိတိာ် နီၢ်ၦဲၤစ့အံၤ လၢကညီဂ့ၢ်၀ီကိတိာ်အလီၢ်အဂီၢ်ႇ လၢကဟဲတၢ်ဃုထၢန့ၣ် ကက့ၤဒိးဃုထၢသးအဂီၢ် တီၣ်ထီၣ်ပာ်၀ဲလံာ်လံအဂ့ၢ်န့ၣ် စံးဘၣ်ခ့ၣ်အဲးစံၣ် ဖဲလါယူၤ ၂၃ သီအနံၤန့ၣ်လီၤႉ “လံာ်ဒုတီၣ်ထီၣ်ပာ်၀ံၤ၀ဲလံလီၤႉ တၢ်ဃုထၢအံၤတတုၤဒံး၀ဲဘၣ်အဃိ တၢ်မ့ၢ်ဃုထၢဘၣ်ဖုးယၤန့ၣ် လၢကညီဖိအဂီၢ် တၢ်လီၢ်လၢအလိၣ်တဖၣ် ယကမၤစၢၤ၀ဲခဲလၢာ်လီၤမီၤနီၤ” အဂ့ၢ်န့ၣ် ကိတိာ် နီၢ်ၦဲၤစ့ စံး၀ဲလီၤႉ လၢန့ၣ်အမဲာ်ညါ ၂၀၂၀ နံၣ် တၢ်ဃုထၢအံၤ တၢ်မ့ၢ်က့ၤဃုထၢကဒါယၤန့ၣ် ဒ်သိးဒီးကညီကလုာ် လံာ်လဲၢ် တၢ်ဆဲးတၢ်လၤတဖၣ် ကလဲၤထီၣ်လဲၤထီအဂီၢ်ႇ ကျဲႇ တိၤသ့ၣ်တဖၣ် ဃုာ်ဒီးလီၢ်က၀ီၤ...

လါယူၤ ၂၄ သီႇ ၂၀၂၀ နံၣ်ႇ စးအဲၣ်ဆူ ကီၢ်ကၠီၣ်တဲၣ်–ကီၢ်ပယီၤကီၢ်ဆၢ ဘၣ်ကီဘၣ်ခဲဒဲက၀ီၤတဖျၢၣ်လၢအမ့ၢ် မဲၢ်လးဘၣ်ကီဘၣ်ခဲဒဲက၀ီၤအပူၤ ဖဲ(လါယူၤ ၂၃)သီ ဂီၤခီအဆၢကတီၢ်န့ၣ် ကီၢ်ကၠီၣ်တဲၣ်ၦၤဘၣ်မူဘၣ်ဒါတဖၣ် နုာ်လီၤသမံသမိးတၢ်လၢတၢ်သတူၢ်ကလာ်ဒီး ဖီၣ်ချုး၀ဲဒၣ်ကသံၣ်မူၤဘှီးကသံၣ်ကသ့ၣ်တဖၣ်လၢအကထိ လၢဟံၣ်တဖျၢၣ်အပူၤအဂ့ၢ်န့ၣ် ဒဲက၀ီၤၦၤဘၣ်မူဘၣ်ဒါတဖၣ် စံး၀ဲလီၤႉ ကီၢ်ကၠီၣ်တဲၣ်သုးႇ ပၢၤကီၢ်သုး ဒီး ဒဲက၀ီၤဘံၣ်ဘၢတဖၣ်ပာ်ဖှိၣ်ထီၣ်အသးဒီး မဲၢ်လးဘၣ်ကီဘၣ်ခဲဒဲက၀ီၤ က၀ီၤဒိၣ် (B-5B) ဟံၣ်နီၣ်ဂံၢ်(၉၂) ဟံၣ်ကစၢ်လၢအမ့ၢ် နီၢ်မုၣ်မုၣ်အဟံၣ်အံၤ တၢ်ဟဲသမံသမိး၀ဲဒီးထွံၣ်လၢနၢတၢ်သ့အဃိ တၢ်ဖီၣ်ချုးန့ၢ်၀ဲကသံၣ်ကသ့ၣ်ဘိၣ်တဖၣ်အဂ့ၢ်န့ၣ် က၀ီၤဒိၣ် (B) ဘံၣ်ဘၢမူဒါခိၣ် စီၤရှွ့ၣ်၀့မၠဲၣ် စံး၀ဲလီၤႉ အ၀ဲစံး၀ဲလၢ “ကီၢ်ကၠီၣ်တဲၣ်သုးႇ ပၢၤကီၢ်သုးႇ ဒဲက၀ီၤဘံၣ်ဘၢတဖၣ်န့ၣ် တဟ့ၣ်ဒုး သ့ၣ်ညါၦၤဘၣ်မူ ဘၣ်ဒါလၢက၀ီၤဒ့၀ဲအံၤတၢ်ဂ့ၢ်တၢ်ကျိၤနီတမံၤဘၣ်ဒီး...

ကညီဖိအတၢ်လဲၤခီဖျိ (The Karen's Experience) ကညီဖိလၢကီၢ်ပယီၤ ဘၣ််ပျံၤဘၣ််ဖုးထီဘိလီၤ ဃ့ၢ်ပယီၤတုၤကၠီၣ််တဲၣ််ကီၢ်် တဘျီတခီၣ််သးဘၣ််ဖှီၣ်် ဃုာ််ဒီးယဟံၣ််ဖိဃီဖိ ဘၣ််ကွၢ်ဆၢၣ်မဲာ််ဝဲထီဘိ အိၣ််လၢကီၢ််ပယီၤန့ၣ််ကီ အိၣ််လၢယိၤကီၢ််စ့ၢ််ကီးကီ ယပှၤကလုာ််ကညီဖိ ဘၣ််ကီဘၣ််ခဲဝဲထီဘိ အိၣ််လၢဘၣ််ကီဘၣ််ခဲလီၢ်် ထံၣ််ဘၣ််ကီခဲတလီၢ်လီၢ် ကညီဒီပုၢ််ဝဲၢ်တနီၤ မၤအီၣ််မၤအီဟဲလၢဂီၤ အဲၣ််ဒိးမၤလိတၢ်ကူၣ််သ့ ဆၢကတီၢ်တအိၣ််တသ့ ဟံၣ််ဖိဃီဖိကအီၣ််ဘၣ်် မၤအီၣ််မၤအီသပှၢ်ပှၢ် တၢ်အိၣ််မူဒဲကဝီၤပူၤ ထီဘိပဘၣ််ပျံၤဘၣ််ဖုး အိၣ််မူလၢတၢ်ဘျၢဖီလာ်် မ့ၢ််တၢ်အိၣ််မူခီၣ််တဃာ်် ခွဲးယာ််န့ၢ်ဘၣ််တလၢပှဲၤ တၢ်ဟဲဝံအံၤနးနးလဲၣ်် မိၢ်ပၢ်ဒီးဖိသးဘၣ််ဒိ တၢ်အိၣ််မူတလၢပှဲၤဃိ စးထီၣ််ဖဲခံကထိနွံ ထံကီၢ််ဂၤကိးကညီလံ အါန့ၢ်ဒံးဃုကလးဂၤ ဟဲတုၤဝဲလၢမဲရံကၤ ကညီသးစၢ်မဲရံကၤ လဲၤထီၣ််လဲၤထီဝဲဒိၣ််မး တနီၤထီၣ််ဝဲတီၤထီကၠိ ဝံၤဒီးထီၣ််ဝဲဖၠၣ််စိမိၤ တၢ််အဒိကွၢ်လၢယၤမီၣ်် သးစၢ်အါဂၤကွၢ်လိလီၤ ဟဲတဲတၢ််လၢပျဲၢ်စီၤခိၣ်် မ့ၢ်လၢအဲၣ််ဘၣ််သုဒိၣ််ဒိၣ်် ကညီဖိလၢမဲရံကၤ တၢ်ခွဲးတၢ််ယာ််အိၣ််အါမး ပူၤဖျဲးဒီးတၢ်ဒုးတၢ်ယၤ တိာ််ပာ််စ့ၢ်ကီးအိၣ််အါမး စံးဘျုးဘၣ််နၤမဲရံကၤ မ့ၢ်လၢနကိးနဲဒၣ််ပှၤ ပဘၣ််ဘျုးဝဲဂ့ၤဒိၣ််မး မ်ယွၤဆိၣ််ဂ့ၤမဲရံကၤ ဂ့ၤကမှံ ( Minnesota, USA)