လါနိၣ်၀့ဘၢၣ် ၁၉ သီႇ ၂၀၁၉ နံၣ်ႇ စးအဲၣ်ဆူ
လ့က့ၣ်ကိာ် ၀့ၢ်သီလၢ အအိၣ်ဖဲကညီကီၢ်စဲၣ် ရၤမတံကီၢ်ဆၣ်အံၤ ကီၢ်ယပၣ်အပဒိၣ်တဖၣ် အတၢ်မၤစၢၤအဃိ တၢ်ဟဲအိးထီၣ်န့ၢ်၀ဲ ၦၤတ၀ၢဖိကံၢ်စီဂုၤထီၣ်ပသီထီၣ်လီၢ်ကျဲ (CRC) လံာ်ရိဒၢးအံၤ ဖဲတနံၤအံၤ လါနိၣ်၀့ဘၢၣ် ၁၉သီအံၤန့ၣ်လီၤႉ
ယပၣ်ပဒိၣ်ဒီးၦၤထံဖိကီၢ်ဖိတဖၣ်ႇ စှၣ်တံၣ် ၦၤသူၣ်အိၣ်သးအိၣ်တၢ်ဖိကရၢ (SVA)တဆီ အပာ်ဖှိၣ်ထီၣ်အသးဒီး နံၣ်ပိဖီၣ်ဒ့ရှၢၣ်၀ံၤ ကမျၢၢ်လၢအအိၣ်လၢလ့က့ၣ်ကိာ်၀့ၢ်သီအပူၤတဖၣ် ဒ်သိးတၢ်အိၣ်မူ တၢ်ဂုၤထီၣ်ပသီထီၣ်ကအိၣ်၀ဲ အဂီၢ် တၢ်ပညိၣ်၀ဲဒီး လံာ်ရိဒၢးအံၤ ဘၣ်တၢ်တ့ထီၣ်မၤဘူၣ်လီၤအိးထီၣ်၀ဲလီၤအဂ့ၢ်န့ၣ် SVA ၦၤနဲၣ်တၢ် နီၢ်စ့လး စံး၀ဲန့ၣ်လီၤႉ
အ၀ဲစံး၀ဲလၢ “လီၢ်က၀ီၤကမျၢၢ်လၢအအိၣ်ဖဲဟီၣ်က၀ီၤဖဲအံၤမ့ၢ်ဂ့ၤႇ လၢအိၣ်လၢတၢ်လီၢ်တၢ်ကျဲအဂၤမ့ၢ်ဂ့ၤႇ လၢဒူ သ၀ီ IDP...
လါနိၣ်၀့ဘၢၣ် ၁၉ သီႇ ၂၀၁၉ နံၣ်ႇ န့ၣ်နီၣ်
ကီၢ်ကၠီၣ်တဲၣ် ခၠိၤဘူရံကီၢ်ရ့ၣ် စံၤလၣ်ခၠါကီၢ်ဆၣ် လါခၠၣ်ဘါတမၤလီၢ်လၢ တရူးထံဖိကီၢ်ဖိပၢ၀ဲ ထၢၣ်၀ံချၢတၢ်မၤလီၢ်ဘၣ်တၢ်ပံးဃာ်၀ဲအဃိ လၢတၢ်မၤလီၢ်အပူၤ ၦၤကီၢ်ပယီၤဖိလၢအမၤတၢ်မၤဖဲန့ၣ် ၆၂၀ ဂၤဘျဲၣ် အကျါ အဂၤ ၈၀ ဘျဲၣ်န့ၣ် ဖဲလါနိၣ်၀့ဘၢၣ် ၁၉ သီ မုၢ်ဃ့ၢ်လီၤအဆၢကတီၢ်န့ၣ် ဟဲက့ၤတုၤ၀ဲဒၣ်လၢ မၠၣ်၀တံၣ်၀့ၢ်ပူၤန့ၣ်လီၤႉ
ဘၣ်ဃးဒီးၦၤမၤတၢ်ဖိဟဲက့ၤ၀ဲအဂ့ၢ်န့ၣ် FAR ၦၤမၤတၢ်ဖိဂ့ၢ်၀ီကရူၢ် လၢအအိၣ်ဖဲ ကီၢ်ကၠီၣ်တဲၣ် ခၠိၤဘးရံကီၢ်ရ့ၣ်ႇ လယီ၀့ၢ်ပူၤအံၤ သဲစးၦၤဟ့ၣ်ကူၣ်တၢ် မၣ်သၣ်ဒၣ်ထိ စံး၀ဲလၢ “သ့ၣ်ခိၣ်န့ၣ်လဲၤဟံးလိၢ်စ့လၢစ့တၢး လၢတၢ်မၤကလဲၤ တရံးအသးအဃိ အကမၢ်အါထီၣ်၀ဲဒီးစ့တလဲၤတရံးလၢၤအဃိ ဘၣ်ပံးဃာ်က့ၤ၀ဲ...
လါနိၣ်၀့ဘၢၣ် ၁၈ သီႇ ၂၀၁၉ နံၣ်ႇ နါ၀့ၤဖၠိစၣ်
ဖဲအပူၤကွံာ် စးထီၣ်လၢလါအီးကထိဘၢၣ်လါထီၣ်သီန့ၣ် ဖၣ်အၣ်ကီၢ်စဲၣ် ဃိၣ်လိာ်ကျိမုၢ်နုာ်တကပၤ ဒူသ၀ီတဖၣ် တၢ်ကဲထီၣ်သးဘၣ်ဃး ထံသူထီၣ်တၢ်ဂ့ၢ်န့ၣ် ဒ်သိးဒီးပကဃုထံၣ်အစၢကသ့ဒီး တၢ်ဟ့ၣ်၀ဲတၢ်မၤစၢၤတဖၣ် ကဆဲးဖံးမၤအီၤကသ့၀ဲအဂီၢ် လီၢ်က၀ီၤကမျၢၢ်တဖၣ် အိၣ်ကတဲာ်ကတီၤထီၣ်အသးလၢကဒုးအိၣ်ထီၣ်၀ဲ ကမံးတံာ်တဖု န့ၣ်လီၤႉ
လၢတၢ်ကဒုးအိၣ်ထီၣ်၀ဲ ကမံးတံာ်တဖုအဂီၢ် ဖဲတလါအံၤ ၁၆ သီအနံၤန့ၣ် တၢ်လီၢ်လၢအမ့ၢ် မယ့ကိ သ၀ီအပူၤန့ၣ် သ၀ီဖိဒီး တၢ်ဘူၣ်တၢ်ဘါခိၣ်နၢ်တဖၣ် ပာ်ဖှိၣ်ထီၣ်သးဒီးမၤ၀ဲတၢ်ထံၣ်လိာ်အမူးတခါဒီး အ၀ဲသ့ၣ်မၤ၀ဲ တၢ်တဲသကိးဘၣ်ဃး တၢ်ထံၣ်တၢ်ပာ်သးဒီး တၢ်ဟံးန့ၢ်၀ဲတၢ်ဟ့ၣ်ကူၣ်တဖၣ်န့ၣ်လီၤႉ
လၢတၢ်ကဒုးအိၣ်ထီၣ်ကမံးတံာ်ကန့ၢ်အဂီၢ် ၦၤတီခိၣ်ရိၣ်မဲတၢ်အကျါတဂၤ လၢအမ့ၢ် မယ့ကိသီခါ အူ၀ရံၣ်ယၣ် စံး၀ဲလၢ...
လါနိၣ်၀့ဘၢၣ် ၁၈ သီႇ ၂၀၁၉ နံၣ်ႇ စီၤထိလ့
နံၣ်လၢကဟဲ ၂၀၂၀ နံၣ် ကီၢ်ဒီတဘ့ၣ်တၢ်ဃုန့ၣ် ဒ်သိးကမၤနၢၤတၢ်ဃုထၢအဂီၢ် ကပာ်ဖှိၣ်မၤသကိးတၢ်ဒီး ဃူဖိးက လုာ်ဒူၣ်သိၣ်မှံၤ (UNA) သိၣ်မှံၤပၣ်တံၣ်တဖၣ်အဂ့ၢ်န့ၣ် နဲၣ်ရွဲၣ်ခိၣ်ကျၢၢ် မါကၠီၤည့ စံးဘၣ် ခ့ၣ်အဲးစံၣ်လီၤႉ
ကညီကလုာ်ပၣ်တံၣ် (KNP) နံၣ်ကတၢၢ်တၢ်အိၣ်ဖှိၣ်န့ၣ် ဘၣ်တၢ်မၤ၀ဲဒၣ်ဖဲ လါအီးကထိဘၢၣ် ၁၇ သီ ဖဲပသံၣ်၀့ၢ်ႇ ကရူၣ်နၤစဲတၢၣ်ဒီး လၢတၢ်အိၣ်ဖှိၣ်အပူၤ ဘၣ်တၢ်ဆၢတဲာ်လီၤ၀ဲဒ်န့ၣ်အဂ့ၢ်န့ၣ် ပၣ်တံၣ်ၦၤဘၣ်မူဘၣ်ဒါတဖၣ်စံး၀ဲဒၣ် န့ၣ်လီၤႉ
“ပ၀ဲ KNP န့ၣ်မ့ၢ်၀ဲဒၣ် UNA အကရၢဖိပၣ်တံၣ်တဖၣ်လီၤႉ နံၣ်လၢကဟဲ တၢ်ဃုထၢန့ၣ် UNA...
လါနိၣ်၀့ဘၢၣ် ၁၈ သီႇ ၂၀၁၉ နံၣ်ႇ န့ၣ်နီၣ်
ကညီကီၢ်စဲၣ် မၠၣ်၀တံၣ်၀့ၢ်ပူၤန့ၣ် ဟီၣ်ခိၣ်ကပံာ်တၢ်ဂ့ၢ်လိာ်ဘှီလိာ်တၢ်ဂ့ၢ်အဃိ ဖဲလါနိၣ်၀့ဘၢၣ် ၁၇ သီ ဂီၤခီအဆၢကတီၢ်န့ၣ် မၠၣ်၀တံၣ်လီၢ်က၀ီၤဖိ ၅၀၀ ဂၤ ဃၣ်ဃၣ် ပာ်ဖှိၣ်ထီၣ်သးဒီး ဟးဆှၣ်၀ဲ၀့ၢ် မၤ၀ဲတၢ်ပာ်ဖျါထီၣ်သးတခါအဂ့ၢ်န့ၣ် သ့ၣ်ညါဘၣ်န့ၣ်လီၤႉ
ဖဲအပူၤကွံာ် (၂) လါန့ၣ် မၠၣ်၀တံၣ်၀့ၢ် နီၣ်ဂံၢ်(၅)က၀ီၤဒ့ သူမှဲကျိကပၤ တြဲၤနီၣ်ဂံၢ် ၁၄ တၢ်လီၢ်အပူၤ ဟံၣ်ခိၣ်အနီၣ်ဂံၢ် ၂၀၀ ဃၣ်ဃၣ်အံၤ သုးခိးကီၢ်ဆၢ (BGF) သုးခိၣ်စိ မၠိကၠံၤတဂၤအံၤ ဟဲတဲ၀ဲဒၣ်လၢ ကဘၣ်သုးကွံာ်ဟံၣ်ဃီဒီးဟ့ၣ်၀ဲတၢ်ဆီၣ်သနံးတဖၣ်ဟဲအိၣ်ထီၣ်၀ဲအဃိ ဘၣ်ပာ်ဖျါထီၣ်တၢ်ဘၣ်သးအံၤလီၤအဂ့ၢ်န့ၣ် ၦၤလၢအပၣ်ဃုာ်၀ဲလၢတၢ်ပာ်ဖျါထီၣ်တၢ်ဘၣ်သးတဂၤစံး၀ဲဒၣ်လီၤႉ...
လါနိၣ်၀့ဘၢၣ် ၁၈ သီႇ ၂၀၁၉ နံၣ်ႇ စီၤထိလ့
ဖဲတၢ်ပတုာ်တၢ်ခးတၢ်အိၣ်သးအတီၢ်ပူၤ လၢလီၢ်က၀ီၤသ၀ီဖိတဖၣ် ကဒိးန့ၢ်ဘၣ်တၢ်တြီတၢ်တြၢ်အဂီၢ် ယံာ်ဒံး၀ဲ အဂ့ၢ်န့ၣ် ဖဲလါနိၣ်၀့ဘၢၣ် ၁၅ သီအနံၤႇ ကညီၦၤဂ့ၢ်၀ီခွဲးယာ်ကရူၢ် – KHRG ထုးထီၣ်၀ဲလံာ်ဘိးဘၣ်ရၤလီၤ လၢအမ့ၢ် ‘ကဒိးန့ၢ်ဘၣ်တၢ်တြီတၢ်တြၢ်အဂီၢ် ယံာ်၀ဲဒံး’ အံၤန့ၣ် ဒုးနဲၣ်ဃာ်၀ဲန့ၣ်လီၤႉ
လံာ်ဘိးဘၣ်ရၤလီၤအ၀ဲန့ၣ် လၢကီၢ်ပယီၤမုၢ်ထီၣ်ကလံၤထံးတကပၤ လီၢ်က၀ီၤကမျၢၢ်တဖၣ်န့ၣ် တၢ်မုာ်တၢ်ခုၣ် တၢ်တြီတၢ်တြၢ်ဒီးႇ တၢ်သ့ဟံးမူဒါအဖီခိၣ်န့ၣ် တၢ်ထံၣ်တၢ်ပာ်သးသ့ၣ်တဖၣ် ဒ်သိးၦၤကသ့ၣ်ညါဘၣ်အါအါအဂီၢ် ပညိၣ်ဃာ်၀ဲဒီးဘၣ်တၢ်ထုးထီၣ်၀ဲလီၤအဂ့ၢ်န့ၣ် ကညီၦၤဂ့ၢ်၀ီခွဲးယာ် စံး၀ဲဒၣ်လီၤႉ
လၢန့ၣ်အမဲာ်ညါ ဖဲ ၂၀၁၂ တၢ်မၤ၀ဲ ပတြီာ်တၢ်ပတုာ်ဃာ်၀ံၤအလီၢ်ခံ တၢ်ဒုးတၢ်ယၤသ့ၣ်တဖၣ်စှၤလီၤ၀ဲဘၣ်ဆၣ် လီၢ်က၀ီၤကမျၢၢ်တဖၣ်သဂၢၢ်ဘၣ်၀ဲဒၣ်ဒီး တၢ်ထီဒါၦၤဂ့ၢ်၀ီခွဲးယာ်လၢအသီတဖၣ်...
လါနိၣ်၀့ဘၢၣ် ၁၅သီႇ ၂၀၁၉ နံၣ်ႇ ခ့ၣ်အဲးစံၣ်
ကလုာ်ဒူၣ်ဖီၣ်စုက၀ဲၤကရူၢ်လၢအဆဲးလီၤဃာ်စုမုၢ်ကျၢၢ်လၢတၢ်ပတုာ်တၢ်ခးသ့ၣ်တဖၣ်န့ၣ် မ့ၢ်ဃ့ထီၣ်၀ဲထံဂုၤကီၢ်ဂၤ တၢ်မၤစၢၤတဖၣ် န့ၣ် ကဘၣ်ဟံးန့ၢ်တၢ်ဟ့ၣ်အခွဲး လၢကလုာ်တၢ်မၤဃူမၤဖိးက့ၤဒီး တၢ်မုာ်တၢ်ခုၣ်လီၢ်ခၢၣ်သး –NRPC အအိၣ်တၢ်ဂ့ၢ်အံၤအဃိ ၀ဲၤကျိၤ၀ဲၤဒ့ တၢ်ဖံးတၢ်မၤ တနီၤအဂီၢ် ကဲထီၣ်တၢ်နိးတၢ်ဘျးအဂ့ၢ်န့ၣ် ခ့ၣ်အဲၣ်ယူၣ် –ကညီဒီကလုာ်စၢဖှိၣ်ကရၢ စံး၀ဲန့ၣ်လီၤႉ
ဖဲအပူၤကွံာ် လါစဲးပထ့ဘၢၣ် ၃ သီန့ၣ် တၢ်မုာ်တၢ်ခုၣ်ခီၣ်မံရှၢၣ် (PC) ဆှၢဟ့ၣ်၀ဲလံာ်ဆူ ကလုာ်ဒူၣ်ဖီၣ်စုက၀ဲၤအဒူၣ် ၁၀ လၢအဆဲးလီၤဃာ်၀ဲစုမုၢ်ကျၢၢ်လၢ ထံကီၢ်ဒီဘ့ၣ်တၢ်ပတုာ်တၢ်ခးအလံာ်ဃံးဃာ် – NCA တဖၣ်အအိၣ်ဒီး ပာ်ဖျါဃာ်၀ဲလၢ ကလုာ်ဒူၣ်ဖီၣ်စုက၀ဲၤကရူၢ်–EAOs လၢအဆဲးလီၤစုမုၢ်ကျၢၢ်လၢတၢ်ပတုာ်တၢ်ခးအလံာ်ဃံးဃာ်အပူၤတဖၣ်န့ၣ် မ့ၢ်ဃ့ထီၣ်၀ဲထံဂုၤကီၢ်ဂၤတၢ်မၤစၢၤန့ၣ်...
လါနိၣ်၀့ဘၢၣ် ၁၄ သီႇ ၂၀၁၉ နံၣ်ႇ ခ့ၣ်အဲးစံၣ်
ကညီကီၢ်စဲၣ်ႇဖၣ်အၣ်ကီၢ်ဆၣ်အပူၤန့ၣ် ဖဲအပူၤကွံာ်စးထီၣ်လၢလါအီးကထိဘၢၣ်ထီၣ်သီန့ၣ် ဒူသ၀ီတဖၣ်လၢ ထံတဖၣ် စးထီၣ်ဟဲသူထီၣ်၀ဲန့ၣ် ဆၢကတီၢ်ခဲအံၤ တၢ်ကီတၢ်ခဲ အတၢ်ပိာ်ထွဲအခံတဖၣ် ဟဲအိၣ်အါထီၣ်အဂ့ၢ်န့ၣ် လီၢ်က၀ီၤကမျၢၢ်တဖၣ်စံး၀ဲလီၤႉ
ဖၣ်အၣ်ကီၢ်ဆၣ်ပူၤန့ၣ် ထံအလွဲၢ်ဆီတလဲအသးလၢဒူသ၀ီတဖၣ်အကျါလၢအမ့ၢ်၀ဲ မယ့ကိ သ၀ီ လၢဟံၣ်ခိၣ် ၁၇၀ ဖျၢၣ်ႇ ၦၤနီၣ်ဂံၢ်အိၣ် ၁ႇ၀၀၀ဂၤ ဃၣ်ဃၣ်အံၤ ပၣ်ဃုာ်၀ဲ တဖျၢၣ်စ့ၢ်ကီးန့ၣ်လီၤႉ ခီဖျိလၢတၢ်သူ၀ဲဒၣ်ထံလၢအလွဲၢ်ဆီတလဲသးအံၤဒီး တၢ်သူၣ်ကိၢ် သးဂီၤ ဟဲအိၣ်ထီၣ်၀ဲဒၣ် လၢတၢ်ဆူးတၢ်ဆါကဟဲကဲထီၣ်သးတမံၤမံၤအဃိ သ၀ီပူၤ ဟံၣ်ဖိဃီဖိတနီၤ ထုးထီၣ်အဖိလၢကၠိဒီး ဟးဆှဲးအသးလၢသ၀ီအဂၤတဖၣ်အိၣ်ထီၣ်၀ဲလံန့ၣ် မယ့ကိသ၀ီ သ၀ီသီခါဖၠၣ် သီခါ အူ၀ံၣ်ရံၣ်ယၣ်...
လါနိၣ်၀့ဘၢၣ် ၁၂ သီႇ ၂၀၁၉ နံၣ်ႇ စးအဲၣ်ဆူ
ကညီဒီကလုာ်စၢဖှိၣ်ကရၢ– KNU စုဒုၣ်စုတီၤအဖီလာ်ႇ ကညီဒီကလုာ်တၢ်ထူၣ်ဖျဲးသုးမုၢ်ဒိၣ် – KNLA လီၢ်ခၢၣ်သးသုးကသံၣ်၀ဲၤဒ့ (၃၃) ၀ီတ၀ီ ဂံၢ်ခီၣ်ထံး သုးကသံၣ်တၢ်မၤလိလၢအပၣ်ဃုာ်ဒီးကလုာ်ဒူၣ်တဖၣ်န့ၣ် တၢ်မၤ၀ဲတၢ်ပျၢ်က့ၤ တၢ်မၤလိတၢ်ရဲၣ်တၢ်ကျဲၤအံၤဖဲ KNLA သုး၀ဲၤလီၢ်ခိၣ်သ့ၣ်န့ၣ်လီၤႉ
တၢ်မၤလိအံၤ ကညီႇ ပအိ(တီသူ), ပလီၣ်ႇ ခၠ့ႇ နၤကၣ် ဒီးရၢၣ်ခၢၣ်ကလုာ်ဒူၣ်တဖၣ် ပၣ်ဃုာ်၀ဲဒီး တၢ်မၤလိဖိ အိၣ်၀ဲ ၅၄ဂၤန့ၣ်လီၤႉ စးထီၣ် ဖဲလါယူၤ ဒီး လၢဃုလါအတီၢ်ပူၤ တၢ်ဟ့ၣ်၀ဲတၢ်သိၣ်လိဘၣ်ဃးဒီး ဂံၢ်ခီၣ်ထံး ကသံၣ်ဂ့ၢ်၀ီတၢ်သ့တၢ်ဘၣ်တဖၣ်အဂ့ၢ်န့ၣ်...
လါနိၣ်၀့ဘၢၣ် ၁၁ သီႇ ၂၀၁၉ နံၣ်ႇ စးအဲၣ်ဆူ
၂၀၁၉ နံၣ် ခ့ၣ်အဲၣ်ယူၣ်–ကညီဒီကလုာ်စၢဖှိၣ်ကရၢ နဲၣ်ရွဲၣ်ခိၣ်ကျၢၢ်လီၢ်လံၤ ပဒိၣ်မါရှၣ်လါဖါ သးစၢ်ခိၣ်နၢ်ဖိခိၣ်ဖးအံၤအဂီၢ်န့ၣ် တၢ်စးထီၣ်ဆှၢနုာ်သးစၢ် အမံၤစရီသ့၀ဲလံအဂ့ၢ်န့ၣ် ဖါဖီၣ်ဒ့ရှၢၣ် ထုးထီၣ်ဘိးဘၣ်ရၤလီၤ၀ဲဖဲတနံၤညါအံၤလီၤႉ
စးထီၣ် လၢ၂၀၀၈ နံၣ် ဘၣ်တၢ်စးထီၣ်ဟ့ၣ်လီၤ၀ဲခိၣ်ဖးအံၤန့ၣ် ကဘၣ်မ့ၢ်ၦၤလၢတကွၢ်လီၤနီၢ်ကစၢ်အဘျုးဘၣ်ဒီး ကဘၣ်မ့ၢ်ၦၤလၢအတီခိၣ်ရိၣ်မဲႇ ဟူးဂဲၤမၤတၢ်လၢၦၤအါဂၤအဂီၢ် ကညီသးစၢ် တဂၤလၢ်လၢ်န့ၣ် တၢ်ကဃု ထၢထီၣ်အီၤဒီးကဟ့ၣ်အီၤအဂီၢ် ဒုးသ့ၣ်ညါဘိးဘၣ်ရၤလီၤ၀ဲခဲအံၤလီၤန့ၣ် ဖါဖီၣ်ဒ့ရှၢၣ်စံး၀ဲန့ၣ်လီၤႉ
“ကညီသးစၢ်တဖၣ်လၢအမၤတၢ်လၢၦၤတ၀ၢတၢ်လီၢ်ကိးတီၤဒဲးမ့ၢ်ဂ့ၤႇ ကညီၦၤဂ့ၢ်၀ီတၢ်ကရၢကရိ ဒီတဖုအဂီၢ်မ့ၢ် ဂ့ၤႇ ၦၤတဂၤလၢ်လၢ်လၢအဟံးထီၣ်ဖီၣ်ထီၣ်ဟူးဂဲၤတၢ်လၢ ၦၤတ၀ၢတၢ်ကရၢကရိအဂီၢ်မ့ၢ်ဂ့ၤႇ လီၢ်က၀ီၤ တၢ်ကရၢကရိခိၣ်နၢ်မ့ၢ်ဂ့ၤ ဒ်သိးဒီးသးစၢ်ခိၣ်နၢ်တဂၤကဟဲဖျါထီၣ်၀ဲအဂီၢ်န့ၣ် ပကတူၢ်လိာ်ဒီးစး ထီၣ်ဆှၢလီၤအ မံၤအသၣ်အဂီၢ်...