လါမ့ၤ ၁၄ သီ ႇ၂၀၁၉နံၣ် ႇစးအဲၣ်စူူ
သုးခိၣ်ကျၢၢ်အီၣ််ဆါတၢ်ဂီၤစိးပျၤ လၢအအိၣ်ဖဲ ကယါကီၢ်စဲၣ် ႇလွဲၣ်ကီၣ်၀့ၢ် ကၣ်ဒၣ်ဟ့ၣ်၀ိၣ်ဖီကရၢၢ်အပူၤအံၤ တၢ်ကသုးကွံာ်အီၤအဂီၢ် ကဆဲးဂုာ်ကျဲးစၢးမၤအီၤအဂ့ၢ် ကရ့ၣ်နံၣ်သးစၢ်ကရူၢ် စံးလီၤ၀ဲဒၣ် ဖဲလါမ့ၤ ၁၄သီအနံၤ ဖဲကရ့ၣ်နံၣ်သးစၢ်ကရူၢ်ဒီး ကီၢ်စဲၣ်ပဒိၣ် တၢ်ထံၣ်လိာ် ထိၣ်ဃူတဲသကိးဘၣ်ဃး သုးခိၣ်ကျၢၢ်အီၣ်ဆါတၢ်ဂီၤစိးပျၤ တၢ်အိၣ်ဖှိၣ်ဖဲ ကီၢ်စဲၣ်ပဒိၣ်အရူပူၤအံၤ ဟးဂီၤကံွာ်အလီၢ်ခံန့ၣ်လီၤႉ
ကရ့ၣ်နံၣ်သးစၢ်ကရူၢ် ဒံဒံၣ်(ကိး)စ့ၣ်မိစံး၀ဲလၢ “ သုးခိၣ်ကျၢၢ်အီၣ်ဆါ တၢ်ဂီၤစိးပျၤ ကသုးကံွာ်အသးအဂီၢ် ပကဆဲးဟူးဂဲၤ ကျဲလၢအသီတဘိန့ၣ်လီၤႉ”အဂ့ၢ် စံးဘၣ် ခ့ၣ်အဲးစံၣ်-ကညီတၢ်ကစီၣ်န့ၣ်လီၤႉ
လၢတၢ်တဲသကိးဘှါရှဲ၀ဲတၢ်ကသုးကွံာ် သုးခိၣ်ကျၢၢ်တၢ်ဂီၤစိးပျၤအံၤ တၢ်အိးထီၣ်မူးတၢ်ရဲၣ်တၢ်ကျဲၤအပူၤ ကီၢ်စဲၣ်ကိတိာ်ခိၣ်ကျၢၢ် အူအဲးလ်ဖီရှိၤစံးလီၤ၀ဲဒၣ်လၢ သုးခိၣ်တၢ်ဂီၤစိးပျၤအံၤ လ့ၤတက့ၤ...
လါမ့ၤ ၁၄သီ ႇ၂၀၁၉နံၣ် ႇစးအဲၣ်စူ
ဒ်ကီၢ်ကၠီၣ်တဲၣ်-ကီၢ်ပယီၤထံကီၢ်ခံဘ့ၣ် တၢ်တဲသကိးဒီး တူၢ်လိာ်သကိး၀ဲအသိးန့ၣ် နံၣ် လၢကဟဲ ၂၀၂၀နံၣ်ဒီး တနံၣ်အံၤ ၂၀၁၉ နံၣ် လါနိၣ်၀့ဘၢၣ်အပူၤ ၦၤမၤတၢ်ဖိလၢအခီကီၢ်လံာ်အုၣ်ကီၤသးမုၢ်နံၤမုၢ်သီကလၢာ်တဖၣ်အဂီၢ် တၢ်ကဟ့ၣ်အါထီၣ် လံာ်အုၣ်ကီၤသးကတီၢ် တုၤ ၉လါအဂ့ၢ်ကီၢ်ကၠီၣ်တဲၣ် ႇကီၢ်ပယီၤၦၤမၤတၢ်ဖိမီၢ်သီ&ူပာ်ဖျါထီၣ်၀ဲ ဖဲလါမ့ၤ၁၃သီအနံၤန့ၣ်လီၤ.
ဖဲလါမ့ၤ ၁၃ သီန့ၣ် ကီၢ်ကၠီၣ်တဲၣ် ၦၤမၤတၢ်ဖိ ကိတိာ်၀ဲၤကျိၤဒီး ကီၢ်ပယီၤ တၢ်နဲၣ်လီၤ ၦၤမၤတၢ်ဖိ၀ဲၤကျိၤ ဘၣ်မူဘၣ်ဒါတဖၣ် မၤ၀ဲတၢ်ထံၣ်လိာ်တခါ ဖဲကီၢ်ကၠီၣ်တဲၣ် ႇဖုခဲး၀့ၢ်ဒီး အၢၣ်လီၤတူၢ်လိာ်၀ဲ ဘၣ်ဃးၦၤဟဲမၤတၢ်ဖိသ့ၣ်တဖၣ်အဂီၢ် လၢထံကီၢ်ခံဘ့ၣ်ခီကီၢ်အ လံာ်အုၣ်သးအဖီခိၣ် တၢ်ကတူၢ်လိာ်အီၤဒီး ၦၤလၢအခီကီၢ်လံာ်အုၣ်သး ကလၢာ်...
(၁) ကညီဖိလၢတၢ်အဲၣ်အီၤ
စံး၀ံၤကက့ၤစံးကဒီး
ခီဖျိလၢတၢ်သးစၢၢ်ဆၢ
အိၣ်ကစုယဲတန့ၢ်လၢာ်
အါစုအါဘျီမံတန့ၢ်
စိမိၣ်က့ၤပကီၢ်သလ့ၤ
စးထီၣ်လၢယနီၢ်ဆံးခါ
ဘၣ်ဃ့ၢ်ခူသူၣ်လၢၦၢ်ကျါ
ဘူးတံၢ်ပယီၤသုးမၤသံ
ကၠီသံလၢပယီၤကျိချံ
တၢ်သံကဒုအဖီလာ်
ပူၤဖျဲးလၢယွၤမၤစၢၤယၤ
(၂) တဘျီဘျီမံဖုးဘၣ်သး
ထံၣ်မှံပယီၤတၢ်မၤနး
တူၢ်တ့ၢ်လံလၢအပူၤကွံာ်
တုၤခဲအ့ၤတလီၤမၢ်ဒံး
အိၣ်ဒီးဆိမိၣ်ထီၣ်က့ၤယဲ
ကညီဖိတၢ်ကီတၢ်ခဲ
စံးယံၤမၣ်ကပူၤဖျဲးက့ၤ
ကအိၣ်က့ၤဒီးတၢ်သဘျ့
ဟီၣ်ခိၣ်ဖိတၢ်ခွဲးတၢ်ယာ်
ထဲသိးတုာ်သိးကြၢးန့ၢ်ဘၣ်
မုၢ်လၢ်ဒီးဆၢထံၣ်က့ၤလံ
တချုးမုၢ်အုၣ်ဒီးလါသံ
(၃) ဘၣ်ဆၣ်ဒ်ယတၢ်ဆၢထံၣ်
တလၢၦဲၤဘၣ်နးထီၣ်ဒံး
ဒ်လၢညါဃ့ၢ်မှံဟးဖျိး
ခဲအံၤမ့ၢ်ဒၣ်ဒ်သိးသိး
တၢ်လၢပတဆၢနၢ်ဟူ
ဂ့ၢ်လိာ်တန့ၢ်ဃ့ၢ်တပူၤ
ကွၢ်က့ၤလၢမံၤခိၣ်သိၣ်လာ်
ၦၤကလုာ်ဘၣ်ဃ့ၢ်ဘၣ်ဟး
အီၣ်အီအိၣ်ဆိးဒ့ပီၤလီၢ်
တၢ်မုာ်တအိၣ်လၢပဂီၢ်
ထဲတမံၤပတၢ်န့ၢ်သါ
အိၣ်,အီၣ်ကစုလၢၦၢကျါ
(၄) ထဲတမံၤဆၢမုၢ်လၢ်ယဲ
က့ၤထိးဖှိၣ်လိာ်က့ၤပ၀ဲ
ခ့ၣ်အဲန်ယူၣ်, ခ့ၣ်အဲန်အဲလ်အ့ၣ်
ဖံၣ်စံၣ်ဒီးဒံၣ်ခ့ၤဘံၣ်အ့ၣ်
သူၣ်ထီၣ်က့ၤသးတဒူၣ်ဃီ
ထုးဖှိၣ်က့ၤကလုာ်ကညီ
ကညီဖိကီၢ်ပူၤကီၢ်ချၢ
မၤသကိးက့ၤတၢ်ခဲလၢာ်
တၢ်အၢသီသံၣ်သူမီၤကျး
မၤလီၤမၢ်ကွံာ်လၢပသး
တစၢၤဃီဆၢဖှိၣ်လိာ်က့ၤ
မၤယံၤလၢာ်ပသးတဂ့ၤ
အိၣ်တမှံၤကီၢ်အီစ်ထြ့လ်ယါႉႉႉႉႉသူလ့ၤနီၣ်မံၤဖိ
လါမ့ၤ ၁သီ၊ ၂၀၁၉နံၣ်။ ခ့ၣ်အဲးစံၣ်
ဒ်သိးလီၢ်က၀ီၤကညီကၠိဖိသးစၢ်သ့ၣ်တဖၣ် သုတမၤဂီၤကလီ တၢ်ဆၢကတီၢ်တဖၣ်ဒီး ကသ့မၤလိအါထီၣ်၀ဲ ကညီတၢ်စံၣ်စိၤတဲစိၤအဂီၢ် ကညီကၠိဖိၦာ်ဘျးစဲကရူၢ် (KSNG) တီခိၣ်ရိၣ်မဲဒီး မၤန့၀ဲတၢ်ကိၢ်ခါ တၢ်မၤလိလၢတလါအတီၢ်ပူၤ၀ံၤ ပျၢ်က့ၤ၀ဲတၢ်မၤလိအံၤ ဖဲလါအ့ဖြ့ၣ် ၃၀သီ လၢကညီကီၢ်စဲၣ်,ဖၣ်အၣ်ကီၢ်ရ့ၣ်, ကၢၢ်ဂီၤသ၀ီအပူၤန့ၣ်လီၤႉ
စီၤဖျါတီလၢအမ့ၢ်တၢ်ကိၢ်ခါတၢ်မၤလိကၠိသရၣ်စံး၀ဲလၢ“ဘၣ်ဃးဒီးတၢ်လီၢ်ဖဲအံၤခီဒု ကၠိသ့ၣ်တဖၣ် မ့ၢ်၀ဲဒၣ် ကီၢ်ပယီၤပဒိၣ်ကၠိအဃိန့ၣ် တမၤလိဘၣ်ၦၤကညီအတၢ်စံၣ်စိၤတဲစိၤသ့ၣ်တဖၣ် စ့ၢ်ကီးဘၣ်အဃိ တၢ်လၢပဆၢမုၢ်ဒီး ပဟဲသိၣ်လိအ၀ဲသ့ၣ်လၢအညီတၢ်စံၣ်စိၤတဲစိၤ, ကညီတၢ်တူၢ်ဘၣ်ခီၣ်လၢအပူၤကွံာ်အရ့ဒိၣ်သ့ၣ်တဖၣ် ပဒုးသ့ၣ်ညါအ၀ဲသ့ၣ်ဒီး ပမုၢ်လၢၦၤကၠိဖိသ့ၣ်တဖၣ်န့ၣ် ဒ်သိးပသိၣ်လိဒီး ပဒုးသ့ၣ်ညါ အ၀ဲသ့ၣ်လၢကညီတၢ်စံၣ်စိၤ တဲစိၤဒီးအ၀ဲသ့ၣ်ကသ့ၣ်ညါက့ၤကညီအတၢ်တူၢ်ဘၣ်ခီၣ်ဘၣ်ဒီးအတၢ်ဟဲခီဖျိဒ်ပမ့ၢ်ပကညီတကလုာ်အသိးန့ၣ်လီၤႉ”
ကီၢ်ကၠီၣ်တဲၣ်-ကီၢ်ပယီၤကီၢ်ဆၢတီၤကၠိ၀ံၤသ့ၣ်တဖၣ်အဂီၢ်သိၣ်လိန့ၢ်၀ဲကညီတၢ်စံၣ်စိၤတဲစိၤ, လံာ်ကိၤလၤ၀ါ, ကၠီၣ်တဲၣ်ကျိာ်ဒီး ဂံၢ်ခီၣ်ထံးခီၣ်ဖၠူၣ်ထၢၣ်တၢ်မၤလိသ့ၣ်တဖၣ်ပၣ်ဃုာ်၀ဲဒၣ်န့ၣ်လီၤႉ
ကၠိဖိနီၢ်ဆၢၦဲၤဖီ “ဖဲယမၤလိတၢ်ကိၢ်ခါ တၢ်မၤလိတဘျီအံၤ ယသ့ၣ်ညါဘၣ်တၢ်စံၣ်စိၤတဲစိၤမီၤႉ အဃိသ...
လါမ့ၤ ၁၁ သီႇ ၂၀၁၉နံၣ်ႇ န့ၣ်နီၣ်
ကညီကီၢ်စဲၣ်ႇရၤၤမတံ၀့ၢ် က၀ီၤဒ့ နီၣ်ဂံၢ် (၅),၀ါတီတၢ်လီၢ်ႇဖဲသူမှဲကျိကၢၢ်နံၤ တြဲၤနီၣ်ဂံၢ် (၁၀)အံၤ တၢ်တဲ၀ဲလၢတၢ်ကဟဲတ့ ထီၣ် ကၣ်စံၣ်နိၣ် တၢ်တၤကျိၣ်တၤစ့လီၢ်ဒီး ဟံၣ်တၢးလီၢ်တဖၣ်အဃိ တၢ်မၢမၤရှဲပျီကွံာ်၀ဲ ဟံၣ်အဖျၢၣ်(၂၀၀)ဃၣ်ဃၣ်အံၤအဖီခိၣ် ဒ်သိးကီၢ်ပဒိၣ် ၦၤဘၣ်မူဘၣ်ဒါတဖၣ် ကဟဲဘှါရှဲန့ၢ်အ၀ဲသ့ၣ်အဂီၢ် ၦၤလၢအိၣ်ဖဲကရၢၢ်ပူၤတဖၣ် မၤ၀ဲ တၢ်မၤရှဲၦၤကွဲးတၢ်ကစီၣ်ဖိအမူးတခါဖဲ လါမ့ၤ ၁၀သီန့ၣ်လီၤႉ
ၦၤလၢအအိၣ်ဖဲ ကရၢၢ်အ၀ဲန့ၣ်အပူၤ ထီၣ်ဘးလံ လၢအနံၣ် ၃၀လံတဖၣ်အံၤ ကၠီၣ်တဲၣ် ၦၤမၤမုၢ်ကျိၤ၀ဲၤကွာ်ဖိ ဖံၣ်မဲအံၤ ပာ်ဖှိၣ်ထီၣ်သး ဒီး သုးခိးကီၢ်ဆၢ( BGF)ခိၣ်နၢ်တဖၣ်ဒီး မၢၦၤမၤရှဲပျီကွံာ်၀ဲ ဟံၣ်ဃီတၢ်ဂ့ၢ်အံၤ...
လါမ့ၤ ၈သီႇ၂၀၁၉နံၣ်ႇစီၤရှါ
ကညီကီၢ်စဲၣ်ႇသၣ်တီၣ်ကၠံကီၢ်ဆၣ်ႇသီၣ်ယ့ၣ်ခးထံကျိအပူၤ တၢ်ကတ့ထီၣ်၀ဲ နီၣ်ဂံၢ် (၁) သီၣ်ယ့ၣ်ခးထံဂံၢ်ဘါလီသဟီၣ် တၢ်တိာ် ကျဲၤအံၤန့ၣ် ကအိၣ်ဆၢထၢၣ်၀ဲ ဒ်ကမျၢၢ်သ့ၣ်တဖၣ် ပာ်ဖျါထီၣ်အတၢ်ဘၣ်သးအသိးအဂ့ၢ် ကညီကလုာ်ဒံၣ်မိၣ်ကရဲးတ့ၣ်ပၣ်တံၣ်(KNDP) ၦၤပၢၤလီၢ်ဆ့ၣ်နီၤ မါအီၣ်ပၠံၣ်စိစံးလီၤ၀ဲ ဖဲလါမ့ၤ ၈သီအနံၤန့ၣ်လီၤ.
နီၣ်ဂံၢ်(၁) သီၣ်ယ့ၣ်ခး ထံဂံၢ်ဘါလီသဟီၣ် တၢ်တိာ်ကျဲၤအံၤ တၢ်မ့ၢ်မၤအီၤန့ၣ် တၢ်ကီတၢ်ခဲလၢကဟဲကဲထီၣ်သးႇ တၢ်ဘၣ်ယိၣ် ဘၣ်ဘှီအဂီၢ် လီၢ်က၀ီၤကမျၢၢ်သ့ၣ်တဖၣ် တလိၣ်၀ဲဘၣ်ဒီး ထီဒါ၀ဲအဖီခိၣ် (KNDP) ၦၤပၢၤလီၢ်ဆ့ၣ်နီၤ မါအီၣ်ပၠံၣ်စိ စံး၀ဲဒ်အံၤန့ၣ်လီၤ.
“ဖဲန့ၣ်တၢ်ပာ်ဖျါထီၣ်၀ဲတၢ်ဘၣ်သးန့ၣ် ပထံၣ်လီၤႉ ကမျၢၢ်သ့ၣ်တဖၣ် မ့ၢ်တဘၣ်သးဘၣ်န့ၣ် ပ၀ဲပၣ်တံၣ်နာ်က့ ပတၢ်ပာ်သးတခီ ပတလိးကီဘၣ်ႉ ပကဘၣ်ထီဒါလီၤႉ” အဂ့ၢ်...
လါမ့ၤ ၈သီႇ၂၀၁၉နံၣ်ႇနါဖီမွံၤရှၣ်
အ့ယၣ်၀တံၣ်ကီၢ်ခီဒိၣ် မၠီမၠၣ်ကီၢ်ဆၣ်အပူၤ သ၀ီအဖျၢၣ် (၁၀)ဃၣ်ဃၣ် လၢအပၣ်ဃုာ်ဒီး ပိလီ၀းႇတဲတဲကူဒီးယ့ၣ်ကၠီၣ်တိၣ် သ၀ီသ့ၣ်တဖၣ်အံၤ စးထီၣ်ဖဲ လါအ့ဖြ့ၣ်၂၀သီအနံၤန့ၣ် ထံကမါတဖၣ်လီၤသံးကွံာ်၀ဲအဃိ လီၢ်က၀ီၤဖိတဖၣ် လိၣ်ဘၣ်၀ဲထံအီ လၢဂ့ၢ်ဂီၢ်အူအပူၤအဂ့ၢ် တဲတဲကူသ၀ီၦၤပၢဆှၢတၢ် စီၤဒိၣ်ထူစံး၀ဲန့ၣ်လီၤ.
စီၤဒိၣ်ထူစံး၀ဲလၢ“တနံၣ်ညါအံၤ တၢ်ကိၢ်ဒိၣ်၀ဲဒီးတၢ်တစူၤနီတဘျီဒံးဘၣ် အဃိ မူခိၣ်ထံလၢ တၢ်ပာ်ကီၤဃာ်တဖၣ် လီၤသံးကွံာ်၀ဲန့ၣ်လီၤႉ ၦၤနီၣ်ဂံၢ်ဟဲအါထီၣ်အဃိဘၣ်နးန့ၣ်လီၤႉ ထံအီႇ ထံလၢကသူအဂီၢ် လိၣ်ခံခါလၢာ်လီၤႉ လၢအပူၤကွံာ်နံၤသီတဖၣ် ၦၤဟဲမၤစၢၤၦၤအိၣ်ႇၦၤတဟဲမၤစၢၤဘၣ်အိၣ် ၂ သီလံ” အဂ့ၢ် စံးဘၣ် ခ့ၣ်အဲးစံၣ် ကညီတၢ်ကစီၣ်န့ၣ်လီၤႉ
သ၀ီလၢအလိၣ်ဘၣ် ထံအီၤသ့ၣ်တဖၣ်အံၤ အိၣ်၀ဲဒၣ်လၢမၠီမၠၣ်ကီၢ်ဆၣ်အပူၤ အအိၣ်ဘူးဒီး ပီၣ်လဲၣ်ကပၤသ၀ီတဖၣ်န့ၣ်ဒီး မ့ၢ်ခူၣ်၀ဲထံပူၤႇ...
လါမ့ၤ ၄ သီ ႇ၂၀၁၉နံၣ် ႇစီၤမၠးအူသၣ်
ခ့ၣ်အဲၣ်ယူၣ်-ကညီဒီကလုာ်စၢဖှိၣ်က&ၢဒီး မိၣ်ကီၢ်သီပၣ်တံၣ် (NMSP)တၢ်ဘၣ်ဂံာ်ဂူာ်ကဲထီၣ်အသးလၢတၢ် ထုးထီၣ်သ့ၣ်အဃိ တၢ်ခးလိာ်အသး တၢ်ဂ့ၢ်အံၤ ဖဲလါမ့ၤ၃သီအနံၤ မၤ၀ဲတၢ်ထံၣ်လိာ်အသး ဖဲဃိၣ်သၢဖျၢၣ်ကီၢ်ဆၣ် ႇ(သဘာ၀) ထံလီၤဆူတၢ်လီၢ်ဒီး က့ၤဘၣ်လိာ်ဖိးဒ့က့ၤလံအဂ့ၢ်န့ၣ် သ့ၣ်ညါဘၣ်လီၤ.
ဃိၣ်သၢဖျၢၣ်ကီၢ်ဆၣ်ႇတၣ်ဒ့အဘူးတၢ်လီၢ်အပူၤ ဖဲအ့ဖြ့ၣ်၂၉သီအနံၤ တၢ်ခးလိာ်သးကဲထီၣ်၀ဲတၢ်ဂ့ၢ်အံၤ ခံခီခံကပၤ ခိၣ်နၢ်ၦၤဘၣ်မူဘၣ်ဒါတဖၣ် ထံၣ်လိာ် တၢၣ်ပီၣ်သကိး၀ဲဒီး ဘၣ်ဃးတၢ်ထုးထီၣ်သ့ၣ် ႇတၢ်တ့ကျဲသ့ၣ်တဖၣ်အံၤသုတၢ်တမၤအီၤဒီး က့ၤအိၣ်လၢနီၢ်ကစၢ်လီၢ်ကျဲဒီးတၢ်ဂ့ၢ်မ့ၢ်အိၣ်တမံၤမံၤတခီ ကဒုးသ့ၣ်ညါ၀ဲခံခီခံကပၤအဂီၢ် မၤန့ၢ်၀ဲတၢ်သးလီၤပလိာ်အဂ့ၢ် ခ့ၣ်အဲၣ်ယူၣ် ဒူပျာ်ယာ်ကီၢ်ရ့ၣ်ခိၣ် ပဒိၣ်စီၤရွ့ၣ်မီစံးဘၣ် ခ့ၣ်အဲးစံၣ်-ကညီတၢ်ကစီၣ် ဖဲလါမ့ၤ ၄သီန့ၣ်လီၤႉ
“ထုးထီၣ်သ့ၣ်အံၤ တကးဘၣ် တၢ်ဘၢၣ်ကျဲတဖၣ် သုတမၤအီၤလၢၤတဂ့ၤႇ...
လါမ့ၤ ၂ သီႇ ၂၀၁၉ နံၣ် ႇစီၤမၠၣ်အူသၣ်
ခ့ၣ်အဲၣ်ယူၣ်-ကညီဒီကလုာ်စၢဖှိၣ်ကရၢဒီး မိၣ်ကီၢ်သီပၣ်တံၣ်(NMSP) လၢအဆဲးလီၤဃာ်၀ဲ(အဲၣ်စံၣ်အ့ၣ်)စုမုၢ်ကျၢၢ် ခံဖုအ ဘၢၣ်စၢၤအံၤ ဖဲအ့ဖြ့ၣ်၂၉သီန့ၣ် တၢ်ခးလိာ်အသးကဲထီၣ်ဖဲ ကၠၤအ့ဆ့ၣ်ကၠံကီၢ်ဆၣ်တၣ်တ့ တကပၤ၀ံၤအလီၢ်ခံအခဲအံၤ တဖုဒီးတဖုအဘၢၣ်စၢၤ တၢ်ဖ့ၣ်ဆၢအိၣ်ထီၣ်၀ဲန့ၣ်လီၤႉ
ဟီၣ်က၀ီၤ တၢ်တဲအါလိာ်သးဒီး တၢ်ထုးထီၣ်သ့ၣ် တၢ်ဂ့ၢ်သ့ၣ်တဖၣ်အဃိ တၢ်ခးကဲထီၣ်အသးအဂ့ၢ် ခံခီခံကပၤ ၦၤဘၣ်မူဘၣ်ဒါတဖၣ် စံးဘၣ် ခ့ၣ်အဲးစံၣ်-ကညီတၢ်ကစီၣ်န့ၣ်လီၤႉ
“မ့ၢ်ဒၣ်တၢ်ကဲထီၣ်အသးလၢတၢ်ပၢဆှၢဟီၣ်က၀ီၤအဃိလီၤႉ လၢအခီၣ်ထံးခါ ဃိၣ်သၢဖျၢၣ်မုၢ်နုာ်တကပၤ ယပၣ်ယ့ၣ်တွ့ဒီး တၣ်တ့ တၢ်လီၢ်သ့ၣ်တဖၣ်န့ၣ် အ၀ဲသ့ၣ်ဟံးန့ၢ်တၢ်လီၢ်ဖဲန့ၣ်လီၤႉ အခဲအံၤကျဲသီလၢတ့အါထီၣ်၀ဲခဲအံၤ ဟဲဟံးန့ၢ်အါထီၣ်တၢ်ဘံၣ်တၢ်ဘၢလီၤ ႉ
ပမၢသုးက့ၤခံသနာ်က့တသုးက့ၤအသး ဘၣ်ဒီး ဟဲဆီလီၤအါထီၣ်ၦၤနီၣ်ဂံၢ်အဃိ...
လါမ့ၤ ၃ သီႇ၂၀၁၉နံၣ် ႇ နါဖီမွံံၤရှၣ်
ဖဲအ့ယၣ်၀တံၣ်ကီၢ်ခီဒိၣ်ႇ ပါတနီၤကီၢ်ဆၣ်အပူၤ ကတီၢ်အံၤဘၣ်ဖဲၦၤကူး၀ဲတၢ်ယီၤခါဘုကတီၢ်ဘၣ်ဆၣ် ဘုသးအၦ့ၤလီၤ၀ဲဒီး ၦၤလၢဟဲ ၦ့ၤဘုသးတဖၣ်စှၤ၀ဲအဃိ ၦၤသူၣ်ဘုလၢတၢ်ယီၤခါကတီၢ်တဖၣ် သဂၢၢ်ဘၣ်ဒီးတၢ်ကီတၢ်ခဲအဂ့ၢ် ၦၤမၤအီၣ်ဘုတဖၣ်စံး၀ဲန့ၣ်လီၤ.
ပါတနီၣ်ကီၢ်ဆၣ် ဘယါနဆူၣ်သ၀ီဖိ ၦၤမၤအီၣ်ဘု ဂၣ်နါရှ့ၣ်စံး၀ဲ “အခဲအံၤ စ့သုခး(ဆင်းသုခ)ဘုန့ၣ်မး အိၣ်၀ဲယဲၢ်ကလီၢ်နွံကလး (၅၇၀ႇ၀၀၀)လီၤႉ မ့မ့ၢ်တၢ်စူၤခါဘုန့ၣ်အိၣ်တုၤလၢ ဃုကလီၢ်ယဲၢ်ကလး(၆၅၀ႇ၀၀၀)ညါႉ စဲးသိသနာ်က့ အၦ့ၤထီၣ် ႇ ချါသိ(ေမြသြဇာ)သနာ်က့အၦ့ၤထီၣ် ႉ ဘုဟးထီၣ်သနာ်က့တဂ့ၤအဃိ ၦၤမၤအီၣ်ဘုတဖၣ်ဃၣ်၀ဲသၢၣ်ႉ”အဂ့ၢ် စံး၀ဲန့ၣ်လီၤႉ
လၢတၢ်သူၣ်၀ဲတၢ်ယီၤခါဘုအံၤန့ၣ် ဟီၣ်ခိၣ်တအ့ကၢၣ်န့ၣ် ဘုန့ၢ်၀ဲအနာ် (၇၀)ဃၣ်ဃၣ်ဒီး တၢ်လၢာ်ဘူၣ်လၢာ်စ့ၤတခီ ဟီၣ်ခိၣ်တအ့ ကၢၣ်န့ၣ် ဘုချံ(၂)နာ် ချါသိ(ေမြသြဇာ)=၂ထၢၣ် ႇစဲးထူစံာ်အသိ...