ခ့ၣ်အဲးစံၣ် – KIC News

လါအ့ဖြ့ၣ် ၂၀ သီႇ ၂၀၂၁ နံၣ်ႇ ခ့ၣ်အဲးစံၣ် အၣ်စံၣ်ယၣ်ခိၣ်နၢ်ဒိၣ်ထီတၢ်အိၣ်ဖှိၣ်ဖးဒိၣ်အပူၤ တၢ်ကွဲမုာ်၀ဲဒၣ်ကီၢ်ပယီၤသုးကီၣ်ကးအဖီခိၣ် ထီဒါ၀ဲတဲာ်တဲာ်ဖျုဖျုဒီး သုးကီၣ်ကးအံၤမ့ၢ်မၤအၢမၤသီမၤသံမၤ၀ီကီၢ်ပယီၤထံဖိကီၢ်ဖိဒိၣ်ထီၣ်အါထီၣ်န့ၣ် တပူၤ၀ဲဒၣ်ဒီးအၣ်စံၣ်ယၣ်အမူဒါဘၣ်အဂ့ၢ်န့ၣ် ၈၈ စၢၤသွဲၣ် တၢ်မုာ်တၢ်ခုၣ်ဒီးၦၤဂ့ၢ်၀ီတၢ်ကရၢကရိ ဟ့ၣ်ပလီၢ်၀ဲန့ၣ်လီၤႉ ဖဲတလါအံၤ လါအ့ဖြ့ၣ် ၂၄ သီအနံၤ တၢ်ကမၤ၀ဲအၣ်စံၣ်ယၣ်ခိၣ်နၢ်ဒိၣ်ထီတၢ်အိၣ်ဖှိၣ်လၢတၢ်ကမၤ၀ဲ ဖဲအ့ၣ်ဒိၣ်နံၣ်ရှါထံကီၢ်ႇ ကၠၤကၤတၤ၀့ၢ်ပူၤအံၤ တၢ်ကွဲမုာ်၀ဲသုးကီၣ်ကးအဖီခိၣ် ထံၣ်ဘၣ်တၢ်ပနီၣ်လၢဟ့ၣ်၀ဲဒၣ်သုးမီၤစိရိၤလၢအမၤသံမၤ၀ီကမျၢၢ်အလီၢ်အဂ့ၢ်န့ၣ် ဖဲလါအ့ဖြ့ၣ် ၁၉...

လါအ့ဖြ့ၣ်ႇ ၂၀ သီႇ ၂၀၂၁ နံၣ်ႇ ခ့ၣ်အဲးစံၣ် ချံလၢအဟးထီၣ်က့ၤလီၤလၢ KNU- ကညီဒီကလုာ်စၢဖှိၣ်ကရၢ မုၢ်တြီၢ်ကီၢ်ရ့ၣ်တၢ်ပၢဟီၣ်က၀ီၤဒီး ကီၢ်ကၠီၣ်တဲၣ်=ကီၢ်ပယီၤကီၢ်ဆၢအဘၢၣ်စၢၤဃိၣ််လိာ်ကျိအပူၤတဖၣ် ဖဲအပူၤကွံာ် လါအ့ဖြ့ၣ် ၁၇ သီအနံၤ ခီဖျိပယီၤသုးမီၤစိရိၤအသုးခး၀ဲအဃိ တကီၢ်ခါတၢ်အိၣ်သးခဲအံၤချံတဖၣ်လဲၤထီၣ်က့ၤလီၤတဘူၣ်လၢၤဘၣ်ဒီး ဘၣ်ဆိကတီၢ်ပာ်စၢၤသးအဂ့ၢ်န့ၣ် ၦၤနီချံဖိတဖၣ်စံးဘၣ်ခ့ၣ်အဲးစံၣ်န့ၣ်လီၤႉ ဟီၣ်က၀ီၤဖဲန့ၣ်အပူၤတဖၣ် လီၢ်က၀ီၤဖိတၢ်လုၢ်အီၣ်နီၢ်ခိသးသမူအဂီၢ် ဆှၢထီၣ်ဆှၢလီၤ၀ဲဒၣ်တၢ်ဖိတၢ်လံၤတဖၣ်ဒီး ချံလၢအဟးထီၣ်က့ၤလီၤအိၣ်၀ဲအဘ့ၣ် ၂၀ ဘျဲၣ်န့ၣ်လီၤႉ ဖဲလါအ့ဖြ့ၣ်...

လါအ့ဖြ့ၣ် ၁၉ သီႇ ၂၀၂၁ နံၣ်ႇ ခ့ၣ်အဲးစံၣ် ကီၢ်စၢဖှိၣ်ဘျီၣ်ဒိၣ်ခၢၣ်စးကမံးတံာ်(CRPH)အတၢ်ဖံးတၢ်မၤဒီး တၢ်ထီဒါသုးမီၤစိရိၤ CDM န)တၢ်ဟူးတၢ်ဂဲၤတဖၣ်အံၤ တူၢ်လိာ်၀ဲအဂ့ၢ်န့ၣ် ခ့ၣ်အဲၣ်ယူၣ်=ကညီဒီကလုာ်စၢဖှိၣ်ကရၢ မုၢ်တြီၢ်ကီၢ်ရ့ၣ်(သုးက့ ၅)ထုးထီၣ်ပာ်ဖျါလံာ်တၢ်ပာ်သး ဖဲလါအ့ဖြ့ၣ် ၁၇ သီအနံၤန့ၣ်လီၤႉ CRPH အတၢ်ဟူးတၢ်ဂဲၤဒီးအတၢ်ထုးထီၣ်ပာ်ဖျါလံာ်တၢ်ပာ်သးတဖၣ်အံၤ ခီဖျိ ပညိၣ်ဃီၤဆူဖဲၣ်ဒရၢၣ်ကီၢ်စၢဖှိၣ်အမ့ၢ်အတီလၢအထုးဖှိၣ်ထီၣ်သးဒီးကီၢ်စဲၣ်ခဲလၢာ်အဃိ မုၢ်တြီၢ်ကီၢ်ရ့ၣ်(သုးက့ ၅)တူၢ်လိာ်သဂၢၢ်၀ဲအသိး တူၢ်လိာ်ဟ့ၣ်ဂံၢ်ဟ့ၣ်ဘါ၀ဲ ကီၢ်ပူၤကမျၢၢ်ထံဖိကီၢ်ဖိသူၣ်ဘီၣ်သးစၢ်တဖၣ်ဒီး(CDM)တၢ်ဟူးတၢ်ဂဲၤတဖၣ်အဂ့ၢ်န့ၣ်...

“စၢၤသွဲၣ်ကဂ့ၤဘၣ်ကတီၤ” ၁.ဟီၣ်ခိၣ်တၢ်အိၣ်မူနီၣ်ထိၣ် နီၢ်ခိနီၢ်သးကဂ့ၤဒိၣ် ဟံးစုနဲၣ်ကျဲ ကၢပ၁်ဖှိၣ် ကဲထီၣ်က့ၤလၢတၢ်ဘၣ်ယိၣ် ၂.တၢ်သ့ၣ်ညါနၢ်ပၢၢ်ဖုၣ်ထီ လီၢ်လၤမူဒါပီညါသီ သိၣ်လိနဲၣ်လိဟ့ၣ်ခီယုၤ သးစၢ်အိၣ်ဒၣ်ထုတရုၤ ၃.ၦၤသးစၢ်လၢစိၤခဲအံၤ တၢ်ကွၢ်တလီၤအိၣ်အါမံၤ ...

လါအ့ဖြ့ၣ် ၁၂ သီႇ ၂၀၂၁ နံၣ်ႇ ခ့ၣ်အဲးစံၣ် ကညီဒီကလုာ်တၢ်ထူၣ်ဖျဲးသုးမုၢ်ဒိၣ် -KNLA သုးရ့ၣ် ၂၄ သုးဂ့ၢ်ခိၣ်(သုး၀ဲၤဒၢးခိၣ်)သုးခိၣ်စိ မါခိၤလီယံၤအံၤ ဖဲတနံၤအံၤ(လါအ့ဖြ့ၣ် ၁၂)သီ ဂီၤခီ ၅ နၣ်ရံၣ်ဘျဲၣ်အဆၢကတီၢ် လဲၤပူၤကွံာ်သးလၢသွံၣ်ထီၣ်တၢ်ဆါအဂ့ၢ်န့ၣ် သ့ၣ်ညါဘၣ်လၢၦၤလၢအိၣ်ဘူးဒီးအီၤအအိၣ်န့ၣ်လီၤႉ မါခိၤလီယံၤလၢအသးနံၣ်အိၣ်လံ(၆၁)နံၣ်အံၤ ဖဲတဂီၤအံၤဂီၤခီ ၅ နၣ်ရံၣ်ဘျဲၣ်အဆၢကတီၢ် လဲၤပူၤကွံာ်သးလၢသွံၣ်ထီၣ်တၢ်ဆါအဂ့ၢ်န့ၣ် KNLA သုးရ့ၣ်ခိၣ်လၢအအိၣ်ဘူးဒီးအီၤတဂၤ...

လါအ့ဖြ့ၣ် ၁၂ သီႇ ၂၀၂၁ နံၣ်ႇ ခ့ၣ်အဲးစံၣ် KNU-ကညီဒီကလုာ်စၢဖှိၣ်ကရၢ တၢ်ပၢဟီၣ်က၀ီၤ မုၢ်တြီၢ်ကီၢ်ရ့ၣ် သုးက့ ၅ အပူၤ စးထီၣ်ဖဲလါအ့ဖြ့ၣ်ထီၣ်သီန့ၣ် ခီဖျိပယီၤသုးမီၤစိရိၤအသုးခးလီၤကျိဖးဒိၣ်လၢသ၀ီပူၤကိးမုၢ်နံၤဒဲးအဃိ ဖၣ်ပူၣ်=ကမၤမိၢ်ကျဲမုၢ်ဖးဒိၣ်အကပိၤကပၤသ၀ီတဖၣ် လီၢ်က၀ီၤဖိလၢအကထိဘၣ်ဃ့ၢ်မှံဟးဖျိးအဂ့ၢ်န့ၣ် သ့ၣ်ညါဘၣ်န့ၣ်လီၤႉ ခီဖျိတၢ်ခးလိာ်သးအဃိ မုၢ်တြီၢ်ကီၢ်ရ့ၣ် ဒွဲၣ်လိကီၢ်ဆၣ်ဒီးဘုသိၣ်ကီၢ်ဆၣ်အပူၤ သ၀ီလၢအအိၣ်ဘူးဒီးဖၣ်ပူၣ်=ကမၤမိၢ်ကျဲမုၢ်ဖးဒိၣ်တဖၣ်လၢအမ့ၢ် န့ၤကါႇ၀ၣ်သိခိၣ်ႇမဲာ်ကျံၤခံသ၀ီႇ၀ီဒူႇ ထံကိၢ်သ၀ီဃုာ်ဒီးသ၀ီပာ်ဖှိၣ်ခဲလၢာ် ၃၀ ဘျဲၣ် လီၢ်က၀ီၤဖိတဖၣ်...

လါအ့ဖြ့ၣ် ၉ သီႇ ၂၀၂၁ နံၣ်ႇ ခ့ၣ်အဲးစံၣ် ဖဲမဟါ(လါအ့ဖြ့ၣ် ၈)သီအနံၤ ပယီၤသုးမီၤစိရိၤအသုးကလၢၤလၢအအိၣ်ဆီလီၤသးဖဲမုုၢ်တြီၢ်(ဖၣ်ပူၣ်)ကီၢ်ရ့ၣ် ပီၢ်ဃ့ခိၣ်တၢ်လီၢ်အံၤ ခီဖျိခးလီၤကျိဖးဒိၣ်လၢဒူသ၀ီပူၤအဃိ သ၀ီဖိသံ၀ဲတဂၤဒီးဟံၣ်ဃီတဖၣ်ဟးဂီၤကွံ၁်၀ဲ အဂ့ၢ်န့ၣ် ခ့ၣ်အဲၣ်ယူၣ်=ကညီဒီကလုာ်စၢဖှိၣ်ကရၢ ထုးထီၣ်ပာ်ဖျါတၢ်ကစီၣ်န့ၣ်လီၤႉ ဖဲလါအ့ဖြ့ၣ် ၈ သီ ဟါခီ ၁၈း၃၅ မံးနံးအဆၢကတီၢ် ပယီၤသုးမီၤစိရိၤအသုးကလၢၤလၢအအိၣ်ဆီလီၤသးဖဲပီၢ်ဃ့ခိၣ်အံၤ ခီဖျိခးလီၤကျိဖးဒိၣ်ဆူယဲမုၢ်ပျီသ၀ီပူၤ ၃ ဖျၢၣ်ႇတဲဘိပျီသ၀ီပူၤ ၄...

လါအ့ဖြ့ၣ် ၈ သီႇ ၂၀၂၁ နံၣ်ႇ ခ့ၣ်အဲးစံၣ် ကညီကီၢ်စဲၣ် မၠၣ်၀တံၣ်၀့ၢ်ပူၤ ဖဲတနံၤအံၤ(လါအ့ဖြ့ၣ် ၈)သီ ဂီၤခီအဆၢကတီၢ် ပယီၤသုးမီၤစိရိၤအသုးဒီး ပၢၤကီၢ်သုးတဖၣ် ဟးဟံကွံာ်၀ဲဒၣ်(PSI)စလီလၢကျးတနီၤအပူၤအဂ့ၢ်န့ၣ် သ့ၣ်ညါဘၣ်န့ၣ်လီၤႉ ဘၣ်ထွဲဒီးတၢ်ဟးဟံကွံာ်(PSI)တၢ်ဂ့ၢ် မၠၣ်၀တံၣ်၀့ၢ်ဖိလၢအထံၣ်ဒီးအမဲာ်တဂၤ စံး၀ဲ“တနံၤအံၤဂီၤခီ ဖဲယလဲဲၤလၢပၢၤကီၢ်၀ဲၤလီၢ်အခါ ယထံၣ်လၢၦၤပာ်ပူၣ်ထီၣ်(PSI)စလီအဃိ ယသံကွၢ်ဒီးၦၤတဲလၢစလီတဖၣ်အံၤ တၢ်ဟံန့ၢ်လၢၦၤဆါကျးပူၤလီၤ” အဂ့ၢ်န့ၣ် စံး၀ဲန့ၣ်လီၤႉ...

လါအ့ဖြ့ၣ် ၈ သီႇ ၂၀၂၁ နံၣ်ႇ ခ့ၣ်အဲးစံၣ် ခီဖျိပယီၤသုးမီၤစိရိၤအသုးဟဲကွံာ်လီၤမ့ၣ်ပိၢ်ဒီးကဘီိယူၤအဃိ ကညီကမျၢၢ်ထံဖိကီၢ်ဖိလၢအဘၣ်ဃ့ၢ်မှံဟးဖျိးတဖၣ် လိၣ်ဘၣ်၀ဲဒၣ်တၢ်အရ့ဒိၣ်န့ၣ်မ့ၢ်၀ဲ တၢ်အီၣ်တၢ်အီႇတၢ်အိၣ်ဆူၣ်အိၣ်ချ့ႇ ဒီးတၢ်အိၣ်ဆိးလီၢ်အဂ့ၢ်န့ၣ် သ့ၣ်ညါဘၣ်န့ၣ်လီၤႉ ခ့ၣ်အဲၣ်ယူၣ်=ကညီဒီကလုာ်စၢဖှိၣ်ကရၢ မုၢ်တြီၢ်ကီၢ်ရ့ၣ် ဆူၣ်ချ့မၤစၢၤမူဒါခိၣ် သရၣ်စီၤညိၣ်၀့ လၢအအိၣ်ဒီးၦၤဃ့ၢ်မှံဟးဖျိးတပူၤဃီအံၤစံး၀ဲလၢ လၢအ၀ဲသ့ၣ်ကီၢ်ရ့ၣ်အပူၤ ၦၤဃ့ၢ်မှံဟးဖျိးတဖၣ်အဂီၢ် လိၣ်ဘၣ်၀ဲတၢ်လၢအရ့ဒိၣ်ကတၢၢ်န့ၣ်မ့ၢ်၀ဲ တၢ််အီၣ်တၢ်အီဒီးတၢ်အိၣ်ဆူၣ်အိၣ်ချ့လီၤအဂ့ၢ်န့ၣ် စံး၀ဲဒ်အံၤန့ၣ်လီၤႉ “တၢ်အိၣ်တၢ်ဆိးခီန့ၣ်အိၣ်ဒ်လဲၣ်န့ၣ်အိၣ်သ့လီၤႉ တၢ်လၢအရ့ဒိၣ်လၢအလိၣ်န့ၣ်မ့ၢ်၀ဲ တၢ်အီၣ်တၢ်အီဒီးတၢ်အိၣ်ဆူၣ်အိၣ်ချ့လီၤႉ”အဂ့ၢ်န့ၣ် စံးဘၣ်ခ့ၣ်အဲးစံၣ်န့ၣ်လီၤႉ တၢ်လီၢ်ဖဲန့ၣ်သ့ၣ်တဖၣ်အပူၤ...

လါအ့ဖြ့ၣ် ၇ သီႇ ၂၀၂၁ နံၣ်ႇ ခ့ၣ်အဲးစံၣ် ကညီကီၢ်စဲၣ်ႇလူၢ်ပျဲၢ်၀့ၢ်ပူၤ စးထီၣ်ဖဲလါအ့ဖြ့ၣ် ၄ သီအနံၤ သုးကီၣ်ကး သုးဟံၣ်ဖိဃီဖိတဖၣ်ဒီးသ၀ီဖိတဖၣ် တၢတဘျီတၢ်စးထီၣ်ဆဲးန့ၢ်ခိ၀ံၣ်ကသံၣ်ဒီသဒၢ ဖဲလူၢ်ပျဲၢ်၀့ၢ်အီၤဆါဘျီၣ်ပူၤအဂ့ၢ်န့ၣ် သ့ၣ်ညါဘၣ်န့ၣ်လီၤႉ ၦၤလၢအဆဲးခိ၀ံၣ်ကသံၣ်ဒီသဒၢ၀ံၤတဂၤ စံး၀ဲ“အဆိကတၢၢ်န့ၣ်အ၀ဲသ့ၣ်ထိၣ်၀ဲဒၣ်သွံၣ်လီၤႉ ၀ံၤဘျီ အိၣ်ဘှံး ၃ မံးနံး၀ံၤမး ဆဲးန့ၢ်၀ဲခိ၀ံၣ်ကသံၣ်ဒီသဒၢလီၤႉ ဆဲး၀ဲ၀ံၤဘျီန့ၣ် အိၣ်ဒ်ညီနုၢ်အသိးလီၤတဘၣ်တၢ်နီတမံၤဘၣ်” အဂ့ၢ်န့ၣ် စံးဘၣ်ခ့ၣ်အဲးစံၣ်...