ခ့ၣ်အဲးစံၣ် – KIC News

လါအ့ဖြ့ၣ် ၂၇ သီႇ ၂၀၂၁ နံၣ်ႇ ခ့ၣ်အဲးစံၣ် လါလၢကဟဲ လါယူၤလံအတီၢ်ပူၤ ခီဖျိသုးကီၣ်ကးရဲၣ်ကျဲၤ၀ဲလၢကက့ၤအိးထီၣ်ဂံၢ်ခီၣ်ထံးကၠိတဖၣ်အဃိ ကူၣ်သ့ခိၣ်၀ဲၤဒၢးလၢအဘၣ်ထွဲတဖၣ် ဟးလူၤထၢ၀ဲဒၣ် ကၠိသရၣ်/သရၣ်မုၣ်လၢအကသိၣ်လိတၢ်တဖၣ်အမံၤစရီအဂ့ၢ်န့ၣ် သ့ၣ်ညါဘၣ်လၢကၠိသရၣ်/သရၣ်မုၣ်အအိၣ်န့ၣ်လီၤႉ ကီၢ်ဆၣ်ကူၣ်သ့ခိၣ်၀ဲၤဒၢးဟးထၢ၀ဲကၠိသရၣ်/သရၣ်မုၣ်လၢအပၣ်ဃုာ်လၢ (CDM)တၢ်ဟူးတၢ်ဂဲၤအပူၤတဖၣ်ဒီး ကၠိသရၣ်သရၣ်မုၣ်လၢအတပၣ်ဃုာ်တဖၣ်အနီၣ်ဂံၢ်စရီအမဲာ်ညါ ကၠိကရၢၢ်ပူၤဒ်သိးတၢ်ကတြီ Covid-19 တၢ်ဆါအဂီၢ်တၢ်အိၣ်ကတဲၤကတီၤတၢ်အိၣ်သးဒီး ဟးလူၤထၢ၀ဲ ဒၣ်ကၠိသရၣ်/သရၣ်မုၣ်တလဲၤထီၣ်၀ဲဒၣ်တၢ်သိလိအဂ့ၢ်အကျိၤတဖၣ်အဂ့ၢ်န့ၣ် သ့ၣ်ညါဘၣ်လၢဖၣ်အၣ်ကီၢ်ဆၣ် သရၣ်မုၣ်ကၠိခိၣ်အအိၣ်န့ၣ်လီၤႉ ဖၣ်အၣ်ကီၢ်ဆၣ် သရၣ်မုၣ်ကၠိခိၣ်လၢတအဲၣ်ဒိးပာ်ဖျါအမံၤတဂၤ စံး၀ဲ...

လါအ့ဖြ့ၣ် ၂၇သီႇ ၂၀၂၁နံၣ်ႇခ့ၣ်အဲးစံၣ် ဖဲလါအ့ဖြ့ၣ်၂၇ သီအနံၤ သုးမီၤစိရိၤအသုးကလၢၤလၢဆီလီၤသးဖဲကီၢ်ပယီၤ=ကီၢ်ကၠီၣ်တဲၣ်ကီၢ်ဆၢ သီလဲၤထၣ်(မဲၢ်စၤမ်လဲၣ်ဘ်)အံၤ ခ့ၣ်အဲၣ်ယူၣ်=ကညီဒီကလုာ်စၢဖှိၣ်ကရၢစုဒုၣ်တီၤဖီလာ် ကညီဒီကလုာ်တၢ်ထူၣ်ဖျဲးသုးမုၢ်ဒိၣ် (ခ့ၣ်အဲၣ်အဲလ်အ့ၣ်)သုးက့ ၅ ထီၣ်ဒုးန့ၢ်ကွံာ်၀ဲန့ၣ်လီၤႉ ဘၣ်ထွဲဒီးတၢ်ထီၣ်ဒုးန့ၢ်ကွံာ်သုးကလၢၤအံၤ မ့ၢ်လီၤတံၢ်အဂ့ၢ် သုးက့(၅)ၦၤတဲတၢ်ပၢသုးခိၣ်ဒိၣ်စိ စီၤကျၢၤဒိၣ်စံး၀ဲဒီးမ့မ့ၢ်တၢ်ဘၣ်ဒိ၊တၢ်သံတၢ်ၦၢ်အလီၤတံၢ်လီၤဆဲးတခီတသ့ၣ်ညါဒံးဘၣ်အဂ့ၢ် အ၀ဲစံး၀ဲန့ၣ်လီၤႉ သီလဲၤထၣ်သုးကလၢၤလၢအိၣ်ဆီလီၤသးဖဲ ဃိၣ်လိာ်ကျိကၢၢ်နံၤအံၤအပူၤကွံာ်စှၤသီအတီၢ်ပူၤ ခး၀ဲကမျၢၢ်ချံစဲးတဖၣ်လၢလ့ၢ်လိၤလၢဃိၣ်လိာ်ကျိပူၤဃုာ်ဒီးကၠီၣ်တဲၣ်ကီၢ်ဆၢဘံၣ်ဘၢသုးအချံ တဖၣ်အိၣ်စ့ၢ်ကီးန့ၣ်လီၤႉ သီလဲၤထၣ်သုးကီၣ်ကးအသုးကလၢၤအံၤလၢသုးက့(၅)ဟီၣ်က၀ီၤအပူၤ မ့ၢ်၀ဲသုးကလၢၤလၢအဒိၣ်တဖၣ်အကျါတဖျၢၣ်ဒီး ဖဲအပူၤကွံာ်လါမးရှး ၂၇သီအနံၤန့ၣ် ကီၢ်ပယီၤ=ကီၢ်ကၠီၣ်တဲၣ်ကီၢ်ဆၢ သံမူထၣ် သုးကီၢ်ကးအသုးကလၢၤစ့ၢ်ကီး...

လါအ့ဖြ့ၣ် ၂၆ သီႇ ၂၀၂၁ နံၣ်ႇ ခ့ၣ်အဲးစံၣ် သုးမီၤစိရိၤအသုးလၢအဟဲဆီလီၤသး ဖဲ၀ီၢ်ရီကီၢ်ဆၣ် ချၢၣ်=တခိၣ်တဲၣ်သ၀ီ ပၢၤကီၢ်၀ဲၤလီၢ်တဖၣ် လီၢ်က၀ီၤသ၀ီဖိတဖၣ်အဲၣ်ဒိးလၢ အ၀ဲသ့ၣ်ကက့ၤကဒါဆူအလီၢ်အကျဲအဂ့ၢ်န့ၣ် သ့ၣ်ညါဘၣ်န့ၣ်လီၤႉ စးထီၣ်ဖဲတလါအံၤလါထီၣ်သီအခါ သုးမီၤစိရိၤအသုးဟဲတုၤ၀ဲဒၣ်ဖဲပၢၤကီၢ်၀ဲၤလီၢ်၀ံၤအလီၢ်ခံ ခီဖျိသမံသမိး၀ဲဒၣ်ၦၤဟးထီၣ်က့ၤလီၤဖိတဖၣ်အဃိ လီၢ်က၀ီၤသ၀ီဖိတဖၣ်အါဒၣ်တက့ၢ် ဘၣ်ပတုာ်ကွံာ်၀ဲတၢ်ကွးရီဘၢၣ်အထုးတၢ်မၤႇတၢ်မၤ၀ဲၤလီၢ်တဖၣ်ဒီး လၢဟီၣ်က၀ီၤအပူၤ ဘၣ်ယိၣ်လၢတၢ်ဒုးကဟဲက့ၤကဲထီၣ်ကဒါအဂ့ၢ်န့ၣ် လီၢ်က၀ီၤဖိတဖၣ်စံးဘၣ်ခ့ၣ်အဲးစံၣ်န့ၣ်လီၤႉ “စးထီၣ်လၢအ၀ဲသ့ၣ်ဟဲတုၤန့ၣ် လဲၤကွးရီဘၢၣ်အထုးႇလဲၤလၢခုးပူၤစံာ်ပူၤတဘူၣ်လၢၤဘၣ်ႉ ပျံၤလၢကခး၀ဲတၢ်လီၤႉ တူၢ်ဘၣ်ဒ်သိးဒီးတၢ်ဘံၣ်တၢ်ဘၢတအိၣ်လၢၤဘၣ်လီၤႉ မ့ၢ်တၢ်ဒုးကကဲထီၣ်ဧါႇမ့ၢ်ကဘၣ်စံၣ်လီၣ်ဧါႇအိၣ်ဒီးဖိဒံဖိသၣ်အဃိဘၣ်ပျံၤတၢ်လီၤႉ...

လါအ့ဖြ့ၣ် ၂၆ သီႇ ၂၀၂၁ နံၣ်ႇ ခ့ၣ်အဲးစံၣ် ကညီကီၢ်စဲၣ် မၠၣ်၀တံၣ်၀့ၢ်ပူၤ တၢ်ဟဲကွံာ်လီၤ နီၣ်ဂံၢ်(၄)က၀ီၤဒ့ သးၦၢ်အဟံၣ်ဒီးမ့ၣ်ပိၢ်အဂ့ၢ်န့ၣ် သ့ၣ်ညါဘၣ်န့ၣ်လီၤႉ ဖဲတနံၤအံၤ လါအ့ဖြ့ၣ် ၂၆ သီ ဂီၤခီ ၅း၂၀ မံးနံးအဆၢကတီၢ် ၦၤခံဂၤလၢဟဲဒိး၀ဲဒီးဆဲးကဲးတခိၣ်အံၤ ဟဲကွံာ်လီၤစိမ့ၣ်ပိၢ်လၢဟံၣ်ကရၢၢ်အချၢအဂ့ၢ်န့ၣ် (CCTV) လၢတၢ်ထီထီၣ်ဃာ်လၢသးၦၢ်အဟံၣ်တၢ်မၤနီၣ်အသိး တၢ်စံးပဲာ်ထံနီၤဖးအိၣ်၀ဲန့ၣ်လီၤႉ ခီဖျိမ့ၣ်ပိၢ်အံၤပိၢ်ဖးထီၣ်၀ဲလၢ နီၣ်ဂံၢ်(၄)က၀ီၤဒ့...

လါအ့ဖြ့ၣ် ၂၃ သီႇ ၂၀၂၁ နံၣ်ႇ ခ့ၣ်အဲးစံၣ် ဒီကလုာ်တၢ်ဃူတၢ်ဖိးပဒိၣ်ကရူၢ် (NUG) လၢကီၢ်စၢဖှိၣ်ဘျီၣ်ဒိၣ်ခၢၣ်စးကမံးတံာ်(CRPH)ဒုးအိၣ်ထီၣ်၀ဲအံၤ တတူၢ်လိာ်ဒံးဘၣ်အဂ့ၢ်န့ၣ် တၢ်ဘၣ်ဘျုးဒံၣ်မိၣ်ခြ့ၣ်စံၣ်ကညီသုးမုၢ်ဒိၣ် -DKBA ထုးထီၣ်ဒုးသ့ၣ်ညါပာ်ဖျါ၀ဲ ဖဲတနံၤအံၤ(လါအ့ဖြ့ၣ် ၂၃)သီအနံၤန့ၣ်လီၤႉ ဖဲလါအ့ဖြ့ၣ် ၂၁ သီအနံၤ တီနီၢ်မုၢ်ထီၣ် ဟီၣ်က၀ီၤအပူၤ သူၣ်က့သးၦၢ်သ၀ီသးၦၢ်တဖၣ်ဃုာ်ဒီး ကညီဒီကလုာ်စၢဖှိၣ်ကရၢ -KNU, တၢ်ဘၣ်ဘျုးဒံၣ်မိၣ်ခြ့ၣ်စံၣ်ကညီသုးမုၢ်ဒိၣ် -DKBA...

လါအ့ဖြ့ၣ် ၂၂ သီႇ ၂၀၂၁ နံၣ်ႇ ခ့ၣ်အဲးစံၣ် ကညီကီၢ်စဲၣ်ႇဖၣ်အၣ်၀့ၢ်ပူၤ ကၠိသရၣ်မုၣ်လၢအပၣ်ဃုာ်လၢတၢ်ထီဒါသုးမီၤစိရိၤ (CDM) အပူၤတဂၤ ဖဲလါအ့ဖြ့ၣ် ၂၁ သီ ဟါခါအဆၢကတီၢ် သုးကီၣ်ကးအသုးဒီးပၢၤကီၢ်သုးတဖၣ် လဲၤနုာ်လီၤဖီၣ်အီၤဖဲတၢ်လီၢ်လၢအလဲၤစံၣ်အိၣ်ခူသူၣ်အလီၢ်အဂ့ၢ်န့ၣ် သ့ၣ်ညါဘၣ်န့ၣ်လီၤႉ ကၠိသရၣ်မုၣ်နါနွ့နွ့လဲၤအံၤ မ့ၢ်၀ဲဒၣ်တီၤဖုၣ်ကၠိသရၣ်မုၣ် လီၤဘၣ်မူဒါလၢဖၣ်အၣ်ကီၢ်ဆၣ် ကီၣ်ကၠဲၣ်သ၀ီတီၤဖုၣ်ကၠိဒီး ခီဖျိဖၣ်အၣ်၀့ၢ်ပူၤသုးဒီးပၢၤကီၢ်သုးဟးဖီၣ်တၢ်အိၣ်အဃိ ဖဲအလဲၤစံၣ်အိၣ်ခူသူၣ်လၢ အသကိးအဟံၣ်အ့ၤဒူၣ်သ၀ီပူၤအဆၢကတီၢ်...

လါအ့ဖြ့ၣ် ၂၂ သီႇ ၂၀၂၁ နံၣ်ႇ ခ့ၣ်အဲးစံၣ် ခီဖျိသုးကီၣ်ကးဟဲကွံာ်လီၤမ့ၣ်ပိၢ်အဃိ လီၢ်က၀ီၤထံဖိကီၢ်ဖိကမျၢၢ်လၢအဘၣ်ပာ်တ့ၢ်ကွံာ်အဟံၣ်အဃီ ဘၣ်ဃ့ၢ်မှံဟးဖျိးတဖၣ်အံၤ ဒ်သိးကၠီၣ်တဲၣ်ၦၤဘၣ်မူဘၣ်ဒါကဒုးအိၣ်ကဒု၀ဲလၢကီၢ်ကၠီၣ်တဲၣ်ပူၤတစိၢ်တလီၢ်အဂီၢ် ကီၢ်ပူၤကီၢ်ချၢကညီတၢ်ကရၢကရိပာ်ဖှိၣ်ခဲလၢာ် ၄၁ ဒူၣ် ထုးထီၣ်၀ဲလံာ်တၢ်ပာ်ဖျါဃ့ထီၣ်ကၠီၣ်တဲၣ်ပဒိၣ် ဖဲလါအ့ဖြ့ၣ် ၂၀ သီအနံၤန့ၣ်လီၤႉ စးထီၣ်ဖဲအပူၤကွံာ်လါမးရှး ၂၇ သီအနံၤ ခီဖျိသုးကီၣ်ကးဟဲကွံာ်လီၤမ့ၣ်ပိၢ်လၢကညီဒီကလုာ်စၢဖှိၣ်ကရၢ -KNU သုးက့(၅)ဟီၣ်အ၀ီၤပူၤအဃိ ကမျၢၢ်သံဘၣ်ဒိဘၣ်ထံးအိၣ်၀ဲဒီး လီၢ်က၀ီၤဖိအကလးလၢအဘၣ်ဃ့ၢ်မှံဟးဖျိးတဖၣ်အံၤ ကီၢ်ကၠီၣ်တဲၣ်...

လါအ့ဖြ့ၣ် ၂၂ သီႇ ၂၀၂၁ နံၣ်ႇ ခ့ၣ်အဲးစံၣ် ဒ်သိးတၢ်ကဒုးဖျိးထီၣ်ကွံာ်သုးမီၤစိရိၤအဂီၢ် တကီၢ်ခါတၢ်ဂီၤမူတၢ်ကစီၣ်ရၤလီၤသးလၢ KNU˜DKBA ဒီး BGF သုးကရူၢ်တဖၣ်ပာ်ဖှိၣ်ထီၣ်သးလံတၢ်ဂ့ၢ်အံၤ မ့ၢ်တၢ်ဂီၤမူတခါလၢတၢ်ဒိဃာ်အီၤတချုးလၢမီၤစိရိၤ ဟံးန့ၢ်ကွံာ်ထံကီၢ်တၢ်စိတၢ်ကမီၤဒံးဘၣ်အခါလီၤအဂ့ၢ်န့ၣ် သ့ၣ်ညါဘၣ်န့ၣ်လီၤႉ တၢ်ဂီၤမူ၀ဲအံၤ တချုးဒံးလၢသုးဟံးန့ၢ်ထံကီၢ်တၢ်စိတၢ်ကမီၤ ဖဲအပူၤကွံာ် ၂၀၂၀ နံၣ်ႇ လါဒံၣ်စ့ဘၢၣ်အတီၢ်ပူၤ ကညီဒီကလုာ်စၢဖှိၣ်ကရၢ -KNU˜ တၢ်ဘၣ်ဘျုးဒံၣ်မိၣ်ခြ့ၣ်စံၣ်ကညီသုးမုၢ်ဒိၣ် -DKBA...

လါအ့့ဖြ့ၣ် ၂၁ သီႇ ၂၀၂၁ နံၣ်ႇ ခ့ၣ်အဲးစံၣ် ဖဲလါဖ့ၤဘြူၤအါရံၤ ၁ သီအနံၤ သုးမီၤစိရိၤဟံးန့ၢ်ကွံာ်တၢ်စိတၢ်မီၤ၀ံၤအလီၢ်ခံ ယူရပၤဘီမုၢ်စၢဖှိၣ်ကရၢစၢဖှိၣ်(EU)ဖီၣ်ဃံးဟံးအါထီၣ်ပယီၤသုးကီၣ်ကးအရ့အကျါ ပၣ်ဃုာ်၀ဲဒီးသုးကီၣ်ကးကရၢဖိ မါည့မီၣ်အဂ့ၢ်န့ၣ် ဖဲလါအ့ဖြ့ၣ် ၁၉ သီအနံၤ လံာ်တၢ်ဘိးဘၣ်ရၤလီၤပူၤအသိး သ့ၣ်ညါဘၣ်န့ၣ်လီၤႉ တၢ်ဟံး၀ဲဒၣ်သုးကီၣ်ကးအရ့လၢအ၀ဲသ့ၣ်ပၢ၀ဲလၢအမ့ၢ် ကီၢ်ပယီၤမုၢ်ကျိၤ၀ဲၤကွာ်လံၣ်မံၣ်တဲၣ်(MEHL)ႇ ကီၢ်ပယီၤမုၢ်ကျိၤ၀ဲၤကွာ်ခီၣ်ပ့ရှၢၣ်လံၣ်မံၣ်တဲၣ်ဒီး ၦၤအဂၤ ၁၀ လၢအမၤဘၣ်ထွဲလိာ်သးဒီးသုးမီၤစိရိၤအကျါ ပၣ်ဃုာ်၀ဲဒၣ်ဒီးမါည့မီၣ်န့ၣ်လီၤႉ ၦၤသ့ၣ်တဖၣ်အံၤ ခီဖျိမၤဟးဂီၤ၀ဲဒၣ်ဒံၣ်မိၣ်ခြ့ၣ်စံၣ်ဒီးသဲစးတၢ်ဒိၣ်စိႇမၤကမၣ်၀ဲဒၣ်ၦၤဂ့ၢ်၀ီခွဲးယာ်ဒိၣ်ဒိၣ်မုၢ်မုၢ်အဃိ...

လါအ့ဖြ့ၣ် ၂၀ သီႇ ၂၀၂၁ နံၣ်ႇ ခ့ၣ်အဲးစံၣ် သုးမီၤစရိၤ ၦၤကတိၤတၢ်ပၢ သုးခိၣ်ကျၢၢ်ဖိ စီၣ်မ့ထိ စံး၀ဲ ခီဖျိ ခ့ၣ်အဲၣ်ယူၣ်=ကညီဒီကလုာ်စၢဖှိၣ်ကရၢ သုးက့ ၅အံၤ လုၢ်သ့ၣ်ခါပတာ်၀ဲဒၣ်တၢ်ပတုာ်တၢ်ခး(NCA)တၢ်သိၣ်တၢ်သီအဃိ ဟ့ၣ်ပလီၢ်ဟဲကွံာ်လီၤမ့ၣ်ပိၢ်လၢ သုးက့(၅)ဟီၣ်က၀ီၤအပူၤလီၤတၢ်ဂ့ၢ်အံၤအဖီခိၣ် တမ့ၢ်တဘၣ်၀ဲအဂ့ၢ်န့ၣ် KNU သုးက့(၅)တကပၤ ထုးထီၣ်ထီဒါက့ၤ၀ဲ ဖဲတနံၤအံၤ(လါအ့ဖြ့ၣ် ၂၀)သီအနံၤန့ၣ်လီၤႉ...