ခ့ၣ်အဲးစံၣ် – KIC News

လါအီကူး ၇ သီႇ ၂၀၂၃ နံၣ်ႇ ခ့ၣ်အဲးစံၣ် လၢကညီကီၢ်စဲၣ် နိၣ်တကီကီၢ်ဆၣ်အပူၤ စးထီၣ်ဖဲလါယူၤလံ ၁၇ သီတုၤလၢတလါအံၤလါအီကူးထီၣ် ၆ သီအနံၤ ခီဖျိတၢ်စူၤတပယူာ်ဃီအဃိ ထံထီၣ်တုၤလၢက၀ီၤဒ့ပူၤဒီးကၠၤအ့စ့ၣ်ကၠံ၀့ၢ်ပူၤကမျၢၢ်အဂၤ(၆၀၀)ဃၣ်ဃၣ် ဘၣ်သုးလီၢ်သုးကျဲအဂ့ၢ်န့ၣ် သ့ၣ်ညါဘၣ်လၢလီၢ်က၀ီၤကမျၢၢ်အအိၣ်န့ၣ်လီၤႉ သမ့ၤကျိအံၤထံထီၣ်တုၤ၀ဲလၢထံနီၣ်ဂံၢ်အပ့ၣ်(၃၀)ဘျဲၣ်လံဒီးကတုၤလၢတၢ်လီၤဘၣ်ယိၣ်နီၣ်ဂံၢ်အဂီၢ်အိၣ်တ့ၢ်က့ၤ ဒၣ်ထဲ(၄)ပ့ၣ်လီၤအဃိ၀့ၢ်ဒီးသ၀ီဘၢၣ်စၢၤတၢ်လဲၤတၢ်က့ၤအဂီၢ်ချံစဲးဖးဒိၣ်လၢအိၣ်ထံကျိကၢၢ်နံၤတဖၣ်အံၤ ကအိၣ်ပတုာ်အဂီၢ်အလီၢ်တအိၣ်လၢၤဘၣ်အဃိ ပနံာ်တၢ်ဖိတၢ်လံၤလၢဟးထီၣ်လီၢ်က၀ီၤပူၤတဖၣ်အံၤ တၢ်ကီတၢ်ခဲအိၣ်လၢကလဲၤစိာ်ဆါအီၤအဂ့ၢ်န့ၣ် သ့ၣ်ညါဘၣ်လၢလီၢ်က၀ီၤကမျၢၢ်တဖၣ်အအိၣ်န့ၣ်လီၤႉ “က၀ီၤဒ့(၆)န့ၣ်လီၤဘျၢလံႉလၢချံသန့အလီၢ်စ့ၢ်ကီးခီဖျိချံစဲးတဖၣ်ကအိၣ်ပတုာ်အလီၢ်တအိၣ်လၢၤဘၣ်အဃိ ဟးထီၣ်က့ၤလီၤကီခဲထီၣ်မီၤနီၤႉမ့မ့ၢ်ၦၤဘၣ်သုးလီၢ်သုးကျဲတဖၣ်န့ၣ်၀့ၢ်ပူၤၦၤဘၣ်မူဘၣ်ဒါဟဲဟ့ၣ်အ၀ဲသ့ၣ်ဟုသးႇဟဲဟ့ၣ်အ၀ဲသ့ၣ်စ့မီၤနီၤႉ(မၤစှဲၤလီ)အိၣ်အဃိၦၤဟဲမၤစၢၤတၢ်တအိၣ်ဒ်သိးလၢညါခါလၢမဘၣ်”အဂ့ၢ်န့ၣ် ကၠၤအ့စ့ၣ်ကၠံ၀့ၢ် ကမျၢၢ်ၦၤသုးလီၢ်သုးကျဲတဂၤ...

လါအီကူး ၇ သီႇ ၂၀၂၃ နံၣ်ႇ ခ့ၣ်အဲးစံၣ် စှၤသီအတီၢ်ပူၤခီဖျိတၢ်စူၤတပယူာ်ဃီဒီးသူမှဲကျိထံဒိၣ်ထီၣ်အဃိ တကီၢ်ခါခဲအံၤမၠၣ်၀တံၣ်၀့ၢ်ပူၤ က၀ီၤဒ့လၢအိၣ် တၢ်လီၢ်လီၤဖုၣ်တဖၣ်ကမျၢၢ်အဂၤ(၃၀၀၀)ဘျဲၣ်ဘၣ်သုးလီၢ်သုးကျဲလၢလီၢ်အိၣ်ကဒုလီၢ်အဂ့ၢ်န့ၣ် ဂံၢ်ခီၣ်ထံးတၢ်ကရၢကရိလၢအမၤစၢၤတၢ်တဖၣ်စံး၀ဲအသိး သ့ၣ်ညါဘၣ်န့ၣ်လီၤႉ စးထီၣ်ဖဲလါယူၤလံ ၃၁ သီအနံၤ ခီဖျိတၢ်စူၤတပယူာ်ဃီအဃိ သူမှဲကျိထံထီၣ်ဒီး မၠၣ်၀တံၣ်၀့ၢ်ဟးထီၣ် ကစၢၢ်ထံလီၤႇ ထံကျိၤတဖၣ်ၦဲၤလီၤလာ်အဃိ ထံဒိၣ်ထီၣ်၀ဲလၢ၀့ၢ်ပူၤက၀ီၤဒ့ႇကျဲမုၢ်ခိၣ်တကးဒံးဘၣ် လၢအ့ရှါကျဲမုၢ်ဖးဒိၣ်ဒီး မၠၣ်စၤနံၤသိလ့ၣ်ကရၢၢ်တကပၤန့ၣ်စ့ၢ်ကီးထံဒိၣ်ထီၣ်၀ဲအဂ့ၢ်န့ၣ် ကမျၢၢ်လၢအိၣ်မၠၣ်၀တံၣ်၀့ၢ်ပူၤတဂၤ စံး၀ဲန့ၣ်လီၤႉ အ၀ဲစံး၀ဲလၢ“ထံဒိၣ်ထီၣ်ကအိၣ်လၢ(၄)သီလံႉခဲအံၤက၀ီၤဒ့လၢအိၣ်တၢ်လီၢ်လီၤဖုၣ်တဖၣ်န့ၣ်နအိၣ်တသ့နီတတီၤ လၢၤဘၣ်ႉၦၤဘၣ်လဲၤထီၣ်သုးလီၢ်လဲၤအိၣ်လၢလီၢ်အိၣ်ကဒုလီၢ်မီၤနီၤႉဒ်ပမၤန့ၢ်စရီဖဲအပူၤကွံာ်(၄)သီအခါန့ၣ်...

လါအီကူး ၇ သီႇ ၂၀၂၃ နံၣ်ႇ ခ့ၣ်အဲးစံၣ် သုးဟံးန့ၢ်တၢ်စိတၢ်ကမီၤ၀ံၤလီၢ်ခံလၢ(ခ့ၣ်အဲၣ်ယူၣ်)ကီၢ်သူလ့ၤတၢ်ပၢဟီၣ်က၀ီၤအပူၤခီဖျိတၢ်သဘံၣ်သဘုၣ်ကဲထီၣ်၀ဲလၢပယီၤသုးဒီးဖီၣ်စုက၀ဲၤကရူၢ်အဘၢၣ်စၢၤအဃိၦၤဖိဒံဖိသၣ်လၢအဘၣ်ထီၣ်ကၠိသ့ၣ်တဖၣ်အံၤတမၤလိမၤဒိးဘၣ်တၢ်ဂ့ၤဂ့ၤလၢၤဘၣ်အဂ့ၢ်န့ၣ် ကညီဂ့ၢ်၀ီခွဲးယာ်ကရူၢ်(KHRG)စံး၀ဲန့ၣ်လီၤႉ လၢ(ခ့ၣ်အဲၣ်ယူၣ်)တၢ်ပၢဟီၣ်က၀ီၤတဖၣ်အပူၤခီဖျိပယီၤသုးခးလီၤကျိဖးဒိၣ်ဒီးကဘီယူၤဟဲခးလီၤတၢ်အဃိ ကၠိတၢ်သူၣ်ထီၣ်တဖၣ်ဟးဂီၤ၀ဲအါမးအသိးကမျၢၢ်တဖၣ်ဘၣ်ဃ့ၢ်မှံဟးဖျိး၀ဲဒီးခီဖျိကမျၢၢ်လၢအဃ့ၢ်မှံဟးဖျိးတဖၣ် အံၤတဒိးန့ၢ်ဘၣ်တၢ်ဆီၣ်ထွဲမၤစၢၤလၢလၢၦဲၤၦဲၤဘၣ်အဃိၦၤဖိဒံဖိသၣ်လၢအဘၣ်ထီၣ်ကၠိသ့ၣ်တဖၣ်အံၤတမၤလိမၤဒိးဘၣ်တၢ်လၢၤဘၣ်အဂ့ၢ်န့ၣ်(KHRG)ၦၤကတိၤတၢ်ပၢ စီၤနၢၤဒၣ်ဆူ စံး၀ဲဒ်အံၤန့ၣ်လီၤႉ အ၀ဲစံး၀ဲလၢ“ၦၤဖိဒံဖိသၣ်လၢအစံၣ်လၢခိခိၣ်ကစၢၢ်ကလိကျါတဖၣ်အံၤအ၀ဲသ့ၣ်ကမၤလိမၤဒိးတၢ်အဂီၢ်န့ၣ် သရၣ်တအိၣ်ဘၣ်ႇကၠိတၢ်ပီးတၢ်လီစ့ၢ်ကိးတအိၣ်ဘၣ်အဃိအ၀ဲသ့ၣ်ကမၤလိတၢ်အဂီၢ်န့ၣ်တၢ်ကီတၢ်ခဲအိၣ်မီၤနီၤ” အဂ့ၢ်န့ၣ် စံးဘၣ်ခ့ၣ်အဲးစံၣ်–ကညီတၢ်ကစီၣ်န့ၣ်လီၤႉ ခီဖျိကဘီယူၤဟဲခးလီၤတၢ်ႇပယီၤသုးခးလီၤကျိဖးဒိၣ်ဆူပျီပူၤအဃိကၠိတၢ်သူၣ်ထီၣ်သ့ၣ်တဖၣ်ဟးဂီၤ၀ဲဒီး ၦၤကၠိဖိသ့ၣ်တဖၣ်စ့ၢ်ကီးသံဘၣ်ဒိဘၣ်ထံးအိၣ်၀ဲဒၣ်န့ၣ်လီၤႉခီဖျိၦၤဖိိဒံဖိသၣ်ႇၦၤသူၣ်ဘီၣ်သးစၢ်သ့ၣ်တဖၣ်အံၤ တမၤလိမၤဒိးဘၣ်တၢ်ဘၣ်အဃိမ့ၢ်တၢ်လုၢ်သ့ၣ်ခါပတာ်မၤဘၣ်ဒိၦၤဟီၣ်ခိၣ်ဖိခွဲးယာ်ဒိၣ်ဒိၣ်မုၢ်မုၢ်အဂ့ၢ်န့ၣ် စီၤနၢၤဒၣ်ဆူ စံးအါထီၣ်၀ဲန့ၣ်လီၤႉ လၢန့ၣ်အမဲာ်ညါခီဖျိပယီၤသုးတဖၣ်အံၤနုာ်လီၤအိၣ်လၢကၠိကရၢၢ်ပူၤႇနုာ်လီၤအိၣ်လၢၦၤဟံၣ်ပူၤအဃိ ကမျၢၢ်တဖၣ်က့ၤအိၣ်လၢအဒူသ၀ီပူၤတဘူၣ်ဘၣ်ႇဘၣ်ဟးစံၣ်အိၣ်တၢ်ဆၢကတီၢ်ယံၤထီၣ်လံအဃိ အ၀ဲသ့ၣ်ထံၣ်ဘၣ်တၢ်ကီတၢ်ခဲဒီးတၢ်ကီတၢ်ခဲအိၣ်လၢကဆှၢအဒံၣ်အဖိလၢကၠိအဂ့ၢ်န့ၣ် သၣ်တီၣ်ကၠံကီၢ်ဆၣ် ကမျၢၢ်ၦၤပိာ်မုၣ်လၢအဃ့ၢ်တၢ်ဒုးတဂၤ စံး၀ဲဒ်အံၤန့ၣ်လီၤႉ အ၀ဲစံး၀ဲလၢ“ခီဖျိပယီၤသုးအိၣ်လၢသ၀ီပူၤအဃိပက့ၤလၢပဟံၣ်တဘူၣ်ဘၣ်န့ၣ်န့ၢ်ဖးယံၤလံႉဒ်သိးပဒံၣ်ပဖိတၢ်ကူၣ်ဘၣ်ကူၣ်သ့သုတဆဲးခံတဂ့ၤအဂီၢ်န့ၣ်ဖဲပဟဲတုၤအလီၢ်န့ၣ်ပဒုးထီၣ်အီၤကၠိလီၤႉပသ၀ီၦၤဃ့ၢ်ထီၣ်အကျါန့ၣ်ၦၤဒံဖိသၣ်တဖၣ်ထီၣ်ဘၣ်ကၠိကအိၣ်ထဲ(သၢပူတပူ)လီၤႉၦၤဖိသၣ်လၢအဂၤတဖၣ်န့ၣ်ခီဖျိကျိၣ်စ့တၢ်ကီတၢ်ခဲအိၣ်အဃိတထီၣ်ဘၣ်ကၠိဘၣ်”အဂ့ၢ်န့ၣ် စံးဘၣ်ခ့ၣ်အဲးစံၣ်–ကညီတၢ်ကစီၣ်န့ၣ်လီၤႉ ဒ်န့ၣ်အသိးခီဖျိတၢ်ဒုးတၢ်ယၤအဃိကမျၢၢ်ဃ့ၢ်ထီၣ်တဖၣ်အကျါပၣ်ဃုာ်၀ဲၦၤဖိဒံဖိသၣ်တဖၣ်အါအါဂီၢ်ဂီၢ်ဒီး...

လါအီကူး ၄ သီႇ ၂၀၂၃ နံၣ်ႇ ခ့ၣ်အဲးစံၣ် လၢကညီကီၢ်စဲၣ် မၠၣ်၀တံၣ်ကလံၤစိး စွ့ၤကိၣ်ကိၤဟီၣ်က၀ီၤအပူၤ စးထီၣ်ဖဲအပူၤကွံာ်လါယူၤ ၂၀ သီအနံၤန့ၣ် တၢ်ဖံးတၢ်မၤလီၢ်လၢအကိးလံၣ်အီၣ်ၦၤလၢ(အီၤလါ)ပူၤအံၤတဖၣ်တနီၤန့ၣ်ခီဖျိတၢ်မၤဆိကတီၢ်သးအဃိ လီၢ်ခံဖဲန့ၣ် လၢဟီၣ်က၀ီၤပူၤၦၤငါခိၣ်ဟံၣ်ခါလီၤစှၤ၀ဲအဂ့ၢ်န့ၣ် စွ့ၤကိၣ်ကိၤလီၢ်က၀ီၤကမျၢၢ်တဂၤ စံး၀ဲန့ၣ်လီၤႉ စွ့ၤကိၣ်ကိၤဟီၣ်က၀ီၤအံၤကၠီၣ်တဲၣ်မၤတဲာ်ကွံာ်လီမ့ၣ်အူတကးဒံးဘၣ်မၤတဲာ်ဃုာ်စ့ၢ်ကီး၀ဲအ့ထနဲး(WIFI)အဃိ ကၤစံၤနိၤတၢ်တၤကျိၣ်တၤစ့လီၢ်ဒီးတၢ်မၤလီၢ်လၢအကိးလံၣ်အီၣ်ၦၤလၢ(အီၤလါ)ပူၤအံၤတနီၤဆိကတီၢ်ကွံာ်သးဒီး ၦၤမၤတၢ်ဖိလၢအမၤတၢ်ဖဲတၢ်ဖံးတၢ်မၤလီၢ်သ့ၣ်တဖၣ်အံၤတနီၤက့ၤဆူအဟံၣ်အဃိၦၤငါအိၣ်ဟံၣ်ခါလီၤစှၤဒီးဟံၣ်လဲ စ့ၢ်ကီးအၦ့ၤလီၤ၀ဲဒၣ်အဂ့ၢ်န့ၣ် စွ့ၤကိၣ်ကိၤလီၢ်က၀ီၤကမျၢၢ်တဂၤ စံး၀ဲဒ်အံၤန့ၣ်လီၤႉ “ခဲအံၤတၢ်အိၣ်သးတဂ့ၤဒ်သိးလၢညါလၢၤဘၣ်ႉနဟးဃုတၢ်ဖံးတၢ်မၤစ့ၢ်ကီးတညီလၢၤဘၣ်ႉ(အီၤလါ)တၢ်မၤအိၣ်ဘှံး ၃ ခါ ညါအဃိၦၤမၤတၢ်ဖိစ့ၢ်ကီးက့ၤလၢၤလံႉဟံၣ်ခါနါက့ၦၤငါအိၣ်တအိၣ်လၢၤဘၣ်ႉ...

လါအီကူး ၄ သီႇ ၂၀၂၃ နံၣ်ႇ ခ့ၣ်အဲးစံၣ် စးထီၣ်ဖဲအပူၤကွံာ်လါယူၤလံန့ၣ်လၢမၠၣ်၀တံၣ်၀့ၢ်ဟးထီၣ်တၢ်သမံသမိးတြဲၤလီၢ်န့ၣ်ပယီၤသုးအိၣ်ခိးသမံသမိးသိလ့ၣ်လၢ အစိာ်ထီၣ်စိာ်လီၤပနံာ်တၢ်ဖိတၢ်လံၤသ့ၣ်တဖၣ်အံၤဟဲအါထီၣ်၀ဲအဂ့ၢ်န့ၣ် ၦၤနီသိလ့ၣ်ဖိလၢတအဲၣ်ဒိးပာ်ဖျါ အမံၤတဖၣ် စံး၀ဲန့ၣ်လီၤႉ အပူၤကွံာ်လၢညါလၢမၠၣ်၀တံၣ်ႇဖၣ်အၣ်ႇ၀့ၢ်တကူၣ်ႇမီၣ်လမၠဲၣ်ကျဲတကပၤန့ၣ် သိလ့ၣ်လၢအတီၣ်ပနံာ်တၢ်ဖိတၢ်လံၤတဖၣ် အလီၢ်မ့အိၣ်မးတၢ်သမံသမိး၀ဲဒီးဘၣ်ဆၣ်တကီၢ်ခါခဲအံၤလၢတၢ်ကူၣ်လဲၤမၤကၤလီၢ်(ကုန်သွယ်ရေးဇုန်)ႇသ့ၣ်ကါညံၣ်နီၣ်တၢ်သမံသမိးတြဲၤလီၢ်တကပၤန့ၣ်ပယီၤသုးသမံသမိးအိးထီၣ်ကွၢ်တၢ်ဖိတၢ်လံၤဟဲအါထီၣ်ဒိၣ်န့ၢ် အပူၤကွံာ်အဂ့ၢ်န့ၣ် ၦၤနီသိလ့ၣ်ဖိလၢတအဲၣ်ဒိးပာ်ဖျါအမံၤတဂၤ စံး၀ဲဒ်အံၤန့ၣ်လီၤႉ အ၀ဲစံး၀ဲလၢ“လၢညါမၠၣ်၀တံၣ်–၀့ၢ်တကူၣ်ကျဲန့ၣ်နလ့ၢ်ထီၣ်လ့ၢ်လိၤအ့ဆ့လီၤႉခဲအံၤအ၀ဲသ့ၣ်အိးထီၣ်ကွၢ်သမံသမိး ၀ဲခဲလၢာ်လီၤႉဒီးတခါန့ၣ်အ၀ဲသ့ၣ်ကိၢ်သး၀ဲလၢမ့ၢ်ကျိချံၦာ်သၣ်ကပၣ်ဘၣ်ဖုးလၢပသိလ့ၣ်ပူၤဧါႇမ့၀ံၤ(PDF)ဒီးတၢ်ဖိတၢ်လံၤလၢကလဲၤမၤစၢၤတၢ်တဖၣ်န့ၣ်မ့ၢ်အပၣ်ဃုာ်လၢပသိလ့ၣ်ပူၤဧါဒ်န့ၣ်အိၣ်မီၤနီၤ”အဂ့ၢ်န့ၣ် စံးဘၣ်ခ့ၣ်အဲးစံၣ်–ကညီတၢ်ကစီၣ် န့ၣ်လီၤႉ လၢမၠၣ်၀တံၣ်၀့ၢ်ဟးထီၣ်တၢ်သမံသမိးတြဲၤလီၢ်တဖၣ်န့ၣ်ခီဖျိပယီၤသုးအိၣ်ခိးသမံသမိးတၢ်ဟဲအါထီၣ်အဃိ သိလ့ၣ်လၢအစိာ်ထီၣ်စိာ်လီၤပနံာ်တၢ်ဖိတၢ်လံၤသ့ၣ်တဖၣ်အံၤတၢ်ဆၢကတီၢ်ယံၤထီၣ်၀ဲလၢကျဲပူၤအဂ့ၢ်န့ၣ် ၦၤနီသိလ့ၣ်တီၣ်ပနံာ်တၢ်ဖိတၢ်လံၤလၢအဂၤတဂၤစ့ၢ်ကီး စံး၀ဲန့ၣ်လီၤႉ “သိလ့ၣ်တီၣ်ပနံာ်တၢ်ဖိတၢ်လံၤတဖၣ်န့ၣ်နဘၣ်ဟ့ၣ်အဘူးအလဲခီဒၢးဒိၣ်ႇတကးဒံးဘၣ်ၦၤအိၣ်ခိးသမံသမိးတၢ်လၢကျဲပူၤစ့ၢ်ကီးဟဲအါထီၣ်အဃိပနီသိလ့ၣ်တဘၣ်ဂီၢ်ဘၣ်ႉလၢညါန့ၣ်နအိၣ်လၢမၠၣ်၀တံၣ်နလဲၤဆူ၀့ၢ်တကူၣ်န့ၣ်ညီညီ လီၤႉ ခဲအံၤလၢကျဲပူၤတၢ်သမံသမိးလီၢ်န့ၣ်အ၀ဲသ့ၣ်သမံသမိးတၢ်ႇနဘၣ်အိၣ်ခိးဖးယံၤညါႉလၢတၢ်ကူၣ်လဲၤမၤကၤလီၢ်...

လါအီကူး ၄ သီႇ ၂၀၂၃ နံၣ်ႇ ခ့ၣ်အဲးစံၣ် လၢကညီကီၢ်စဲၣ် နိၣ်တကီကီၢ်ဆၣ်အပူၤ စှၤသီအတီၢ်ပူၤအံၤခီဖျိတၢ်စူၤတပယူာ်ဃီအဃိ ထံဒိၣ်ထီၣ်လၢ၀ီၢ်ရီဟီၣ်က၀ီၤ ဒူသ၀ီတနီၤအပူၤဒီးတၢ်ကီတၢ်ခဲအိၣ်ထီၣ်လၢတၢ်လဲၤတၢ်က့ၤတကပၤအဂ့ၢ်န့ၣ် လီၢ်က၀ီၤကမျၢၢ်စံး၀ဲန့ၣ်လီၤႉ စှၤသီအတီၢ်ပူၤအံၤခီဖျိတၢ်စူၤပယူာ်ဃီထံကစၢၢ်လီၤအဃိ ၀ီၢ်ရီဟီၣ်က၀ီၤ(တီၤဒံ)သ၀ီဃုာ်ဒီး သ၀ီလၢအိၣ်တၢ်ခိၣ်တၢ်ဃၢၤ ဖဲန့ၣ်တနီၤထံဒိၣ်ထီၣ်၀ဲအဂ့ၢ်န့ၣ် လီၢ်က၀ီၤကမျၢၢ်တဂၤ စံးဘၣ်ခ့ၣ်အဲးစံၣ်–ကညီတၢ်ကစီၣ် ဒ်အံၤန့ၣ်လီၤႉ အ၀ဲစံး၀ဲလၢ“မ့မ့ၢ်ၦၤအိၣ်ဘူးလၢထံကျိကပၤတဖၣ်န့ၣ်ကီတစဲးမီၤနီၤႉတၢ်စူၤဖးဒိၣ်ထံဒိၣ်ထီၣ်အဃိကဟးထီၣ်က့ၤလီၤ အဂီၢ်တၢ်ကီတၢ်ခဲအိၣ်မီၤနီၤႉမ့၀ံၤလီတဲစိအကျိၤနါက့န့ၢ်တထံၣ်တန့ၢ်တထံၣ်ႉသ၀ီလၢအိၣ်တၢ်ခိၣ်တၢ်ဃၢၤဖဲအံၤတဖၣ် စ့ၢ်ကီးထံတဒိၣ်အါအါဘၣ်ဘၣ်ဆၣ်ခီဖျိတၢ်စူၤတပယူာ်ဃီအဃိဟးထီၣ်က့ၤလီၤကီခဲထီၣ်မီၤနီၤ”အဂ့ၢ်န့ၣ် စံး၀ဲန့ၣ်လီၤႉ တၢ်လီၢ်လၢထံဒိၣ်ထီၣ်သ့ၣ်တဖၣ်န့ၣ်မ့ၢ်၀ဲလၣ်ကဒၤႇထွံၣ်မီၤထိးႇလဲကနံၤႇနိၣ်ခၠိနဲၣ်ႇဃီကျါႇ၀့ခနးႇကၠီၣ်ဘလူႇလ့နိးႇ ထံနၢဆှံႇဖါပြးႇကၠီၤကွီၤႇတိၢ်တံႇထံဖိနၢသ၀ီသ့ၣ်တဖၣ်အဂ့ၢ်န့ၣ် လီၢ်က၀ီၤကမျၢၢ်တဂၤဃီ၀ဲန့ၣ် စံးအါထီၣ်၀ဲန့ၣ်လီၤႉ လၢန့ၣ်အမဲာ်ညါခီဖျိထံဒိၣ်ထီၣ်အဃိလီၢ်က၀ီၤကမျၢၢ်တဖၣ်အံၤတၢ်ကီတၢ်ခဲအိၣ်ထီၣ်လၢတၢ်လဲၤတၢ်က့ၤတကးဒံးဘၣ် အမဲာ်ညါကလဲၤပၠးသးလၢကဆါဟံၣ်အဂီၢ်စ့ၢ်ကီးခီဖျိပယီၤသုးတၢ်သမံသမိးတြဲၤလီၢ်အိၣ်ခိးသမံသမိးတၢ်အဃိ...

လါအီကူး ၃ သီႇ ၂၀၂၃ နံၣ်ႇ ခ့ၣ်အဲးစံၣ် ခီဖျိတၢ်စူၤတပယူာ်ဃီအဃိကီၢ်ကၠီၣ်တဲၣ်ကီၢ်ဆၢ မဲၢ်ဟီၤစီၤကီၢ်ရ့ၣ် မဲၢ်ရၤမိၢ်ကညီဘၣ်ကီဘၣ်ခဲဒဲက၀ီၤအပူၤ ဖဲလါအီကူး ၁ သီ မုၢ်နၤခီအဆၢကတီၢ် ခီဖျိထံကစၢၢ်လီၤထံဒိၣ်ထီၣ်အဃိ ဟံၣ်ဃီတၢ်သူၣ်ထီၣ်ဟးဂီၤ၀ဲအါမး အဂ့ၢ်န့ၣ် သ့ၣ်ညါဘၣ်လၢၦၤအိၣ်ဒဲက၀ီၤပူၤတဖၣ်အအိၣ်န့ၣ်လီၤႉ ခီဖျိထံကစၢၢ်လီၤထံဒိၣ်ထီၣ်အဃိၦၤဒဲက၀ီၤဖိအဟံၣ်ႇဒဲက၀ီၤ၀ဲၤဒၢးႇ(Office of Camp Education Entity-OCEE) ၀ဲၤဒၢးႇ ကတီၤဆိကၠိဒီးကျးဆါတၢ်တနီၤဟးဂီၤ၀ဲဒီး ၦၤအိၣ်လၢဒဲက၀ီၤပူၤတနီၤဘၣ်သုးလီၢ်သုးကျဲအဂ့ၢ်န့ၣ် ကညီပိာ်မုၣ်ကရၢ(KWO)ပာ်ဖျါ၀ဲလၢအ၀ဲသ့ၣ်(ဖ့စ်ဘူး)လံာ်မဲာ်သၣ်ပူၤန့ၣ်လီၤႉ စီၤကၠီပိၤလၢအိၣ်မဲၢ်ရၤမိၢ်ဒဲက၀ီၤပူၤတဂၤစံး၀ဲလၢ“ကဘၣ်ဖဲမုၢ်နၤခီ...

လါအီကူး ၃ သီႇ ၂၀၂၄ နံၣ်ႇ ခ့ၣ်အဲးစံၣ် ကီးတရံးကလံၤထံးဟီၣ်က၀ီၤဒူသ၀ီတဖၣ်အပူၤ ကမျၢၢ်လၢအိးထီၣ်ကျးဆါအီၣ်တၢ်သ့ၣ်တဖၣ်အံၤ တၢ်စူၤခါအတီၢ်ပူၤခီဖျိတၢ်ကီတၢ်ခဲအိၣ်လၢကလဲၤၦ့ၤတၢ်ဖိတၢ်လံၤအဃိ လၢကျးပူၤန့ၣ်ပနံာ်တၢ်ဖိတၢ်လံၤ လီၤတူာ်၀ဲ အဂ့ၢ်န့ၣ် သ့ၣ်ညါဘၣ်န့ၣ်လီၤႉ ဖဲအပူၤကွံာ်လါမ့ၤအခါခီဖျိပယီၤသုးမၤဟးဂီၤကွံာ်၀ဲကီးတရံး၀့ၢ်နုာ်လီၤကျဲသ့ၣ်တဖၣ်ခဲလၢာ်အဃိ ကလဲၤၦ့ၤတၢ်ဆါတၢ်ဖိတၢ်လံၤအဂီၢ်န့ၣ်တချုးတၢ်စူၤလီၤဒံးဘၣ်န့ၣ်လဲၤတရံးကျဲလၢသ၀ီအဂၤသ့ဒံး၀ဲဘၣ်ဆၣ် တကီၢ်ခါခဲအံၤခီဖျိတၢ်စူၤတပယူာ်ဃီအဃိ လဲၤၦၤ့တၢ်ဖိတၢ်လံၤလၢကီးတရံး၀့ၢ်ပူၤတညီလၢၤဘၣ်အဂ့ၢ်န့ၣ် ၦၤလၢအအိးထီၣ်ကျးဆါတၢ်လၢသ၀ီပူၤတဂၤ စံး၀ဲဒ်အံၤန့ၣ်လီၤႉ အ၀ဲစံး၀ဲလၢ“ပယီၤသုးမၤဟးဂီၤ၀့ၢ်ပူၤကျဲနုာ်လီၤတဖၣ်န့ၣ်ခဲလၢာ်လီၤႉဖဲတၢ်ကိၢ်ခါအခါန့ၣ်နလဲၤတရံးကျဲလၢသ၀ီ အဂၤန့ၣ်သ့ဒံးႉတၢ်စူၤလီၤဘျီကျဲဟးဂီၤႇထံကျိစ့ၢ်ကီးဒိၣ်ထီၣ်အဃိလ့ၢ်ထီၣ်လ့ၢ်လိၤတသ့လၢၤဘၣ်ႉကျဲတဂ့ၤလၢၤဘၣ်ဘျီခဲအံၤလၢကျးပူၤအံၤတၢ်ဖိတၢ်လံၤတအိၣ်လၢၤဘၣ်”အဂ့ၢ်န့ၣ် စံးဘၣ်ခ့ၣ်အဲးစံၣ်–ကညီတၢ်ကစီၣ်န့ၣ်လီၤႉ တကးဒံးဘၣ်လၢန့ၣ်အမဲာ်ညါခီဖျိပနံာ်တၢ်ဖိတၢ်လံၤအၦ့ၤထီၣ်ကးဒံးဘၣ်တၢ်စိာ်ထီၣ်စိာ်လီၤတၢ်ဖိတၢ်လံၤ အဘူးအလဲစ့ၢ်ကီးအါထီၣ်အဃိဒ်သိးအမၠးကအိၣ်တ့ၢ်အဂီၢ်ဘၣ်ဆါဒိၣ်ထီၣ်တၢ်ၦ့ၤအဂ့ၢ်န့ၣ် ကျးကစၢ်လၢအဂၤတဂၤ စ့ၢ်ကီး စံး၀ဲဒ်အံၤန့ၣ်လီၤႉ “လဲၤဒီးသိလ့ၣ်တသ့လၢၤဘၣ်အဃိပဘၣ်လဲၤၦ့ၤက့ၤလၢချံမီၤနီၤႉချံနါက့တၢ်ဖိတၢ်လံၤအၦ့ၤမ့လီၤလၢ(၁)ကလီၢ်န့ၣ် ပကဘၣ်ဟ့ၣ်ချံလဲ(၅၀၀၀)ကၠးမီၤနီၤႉခဲအံၤတၢ်ဖိတၢ်လံၤအၦ့ၤထီၣ်ခဲလၢာ်လီၤႉတၢ်ဖံးတၢ်မၤလၢအဂၤတအိၣ်ဘၣ်အဃိဒ်သိးအမၠးကအိၣ်တ့ၢ်လၢပဂီၢ်အဂီၢ်န့ၣ်ပဘၣ်ဆါဒိၣ်ထီၣ်တၢ်ၦ့ၤမီၤနီၤႉ”အဂ့ၢ်န့ၣ်...

လါအီကူး ၃ သီႇ ၂၀၂၃ နံၣ်ႇ ခ့ၣ်အဲးစံၣ် လၢကီၢ်ကၠီၣ်တဲၣ်–ကီၢ်ပယီၤကီၢ်ဆၢ ကညီဘၣ်ကီဘၣ်ခဲဒဲက၀ီၤ(၇)ဘ့ၣ်အပူၤ တနံၣ်အံၤ(၂၀၂၃–၂၀၂၄) တၢ်သိၣ်လိနံၣ် အပူၤ ခီဖျိၦၤကၠိဖိနီၣ်ဂံၢ်ဟဲအါထီၣ်အဃိ လိၣ်ဘၣ်၀ဲဒၣ်ကၠိတၢ်သူၣ်ထီၣ်တီၤဒၢးဒီး ကၠိတၢ်ပီးတၢ်လီတၢ်ဆီၣ်ထွဲမၤစၢၤတဖၣ် အဂ့ၢ်န့ၣ် သ့ၣ်ညါဘၣ်လၢကညီဘၣ်ကီဘၣ်ခဲကမံးတံာ်(KRC)အအိၣ်န့ၣ်လီၤႉ ကီၢ်ကၠီၣ်တဲၣ်–ကီၢ်ပယီၤကီၢ်ဆၢ မဲၢ်လးႇအူးဖၠၣ်ႇနိၣ်ဖိႇမဲၢ်လးအူးႇမဲၢ်ရၤမိၢ်ႇထါမ်ဟ့ၣ်ႇဘၣ်ဒိၤယါဘၣ်ကီဘၣ်ခဲ ဒဲက၀ီၤ (၇)ဘ့ၣ်အံၤအပူၤ ခီဖျိတနံၣ်အံၤၦၤကၠိဖိနီၣ်ဂံၢ်ဟဲအါထီၣ်အဃိ လံာ်လဲၢ်တကူတလၢတကးဒံးဘၣ် လၢကမၤအအါထီၣ်ကၠိတၢ်သူၣ်ထီၣ်တီၤဒၢးအံၤအဂီၢ်တၢ်မၤစၢၤတအိၣ်၀ဲဘၣ်အဂ့ၢ်န့ၣ် (KRC)ကူၣ်သ့မူဒါခိၣ် စီၤဟ့ၣ်စိ စံး၀ဲဒ်အံၤန့ၣ်လီၤႉ အ၀ဲစံး၀ဲလၢ“တနံၣ်အံၤၦၤကၠိဖိနီၣ်ဂံၢ်ဒုဟဲအါထီၣ်ဖးအါညါႉလၢကၠိသရၣ်၊မုၣ်တၢ်ဆီၣ်ထွဲမၤစၢၤနါက့လိၣ်စ့ၢ်ႉ...

လါအီကူး ၃ သီႇ ၂၀၂၃ နံၣ်ႇ ခ့ၣ်အဲးစံၣ် လၢတနီသရံၣ်ကီၢ်ခီဒိၣ် တနီသရံၣ်ကီၢ်ဆၣ်ဒူသ၀ီတဖၣ်အပူၤ ဘၣ်လၢတၢ်စူၤခါအဆၢကတီၢ်ဘၣ်ဆၣ် ခီဖျိတၢ်ဒုးကဲထီၣ်လၢခံခီခံကပၤအဘၢၣ်စၢၤတပယူာ်ဃီအဃိၦၤမၤအီၣ်စံာ်ဖိတဖၣ်တၢ်ကီတၢ်ခဲအိၣ်လၢကသူၣ်ဘု အဂ့ၢ်န့ၣ် လီၢ်က၀ီၤကမျၢၢ်စံး၀ဲန့ၣ်လီၤႉ လၢတနီသရံၣ်ကီၢ်ဆၣ်ဒူသ၀ီတဖၣ်အပူၤစးထီၣ်ဖဲအပူၤကွံာ်လါယူၤလံထီၣ်တၢတနွံအခါန့ၣ် တၢ်ဒုးကဲထီၣ်၀ဲလၢပယီၤသုးဒီးတၢ်ဒီသဒၢကမျၢၢ်သုးကရူၢ်အဘၢၣ်စၢၤဒီးခီဖျိကမျၢၢ်တဖၣ်အံၤဘၣ်ဃ့ၢ်မှံဟးဖျိး အဃိ ကမျၢၢ်ၦၤအီၣ်စံာ်ဖိတဖၣ်တၢ်စူၤခါအတီၢ်ပူၤအံၤအ၀ဲသ့ၣ်တသူၣ်ဘၣ်ဘုဘၣ်အဂ့ၢ်န့ၣ် လီၢ်က၀ီၤကမျၢၢ်တဂၤ စံး၀ဲဒ်အံၤန့ၣ် လီၤႉ အ၀ဲစံး၀ဲလၢ“တနံၣ်အံၤၦၤဘၣ်ဟးစံၣ်အါမီၤနီၤႉဖဲအံၤတၢ်စူၤခါကိးနံၣ်ဒဲးန့ၣ်ၦၤသူၣ်ဘုလီၤႉ ခဲအံၤတၢ်ဒုးကဲထီၣ်မီၤနီၤႉ အဃိၦၤသူၣ်ဘုတဂၤမးတဘူၣ်လၢၤဘၣ်ႉမ့နၢ်ဟူကျိဖးဒိၣ်သီၣ်န့ၣ်ဘၣ်စံၣ်လီၤ”အဂ့ၢ်န့ၣ် စံးဘၣ်ခ့ၣ်အဲးစံၣ်–ကညီတၢ်ကစီၣ် န့ၣ်လီၤႉ လၢန့ၣ်အမဲာ်ညါခီဖျိပယီၤသုးနုာ်လီၤအိၣ်ဆီလီၤသးလၢသ၀ီပူၤခးလီၤကျိဖးဒိၣ်တပယူာ်ဃီအဃိ ကမျၢၢ်ၦၤမၤအီၣ်စံာ်ဖိတဖၣ်အံၤ ဘၣ်ဃ့ၢ်မှံဟးဖျိး၀ဲအဂ့ၢ်န့ၣ် ၦၤမၤအီၣ်စံာ်ဖိလၢတအဲၣ်ဒိးပာ်ဖျါအမံၤတဂၤ...