ခ့ၣ်အဲးစံၣ် – KIC News

လါစဲးပထ့ဘၢၣ် ၃ သီႇ ၂၀၂၀ နံၣ်ႇ စီၤရှါ ဖဲလါနိၣ်၀့ဘၢၣ် ၈ သီအနံၤ လၢအလီၤဘၣ်၀ဲ ၂၀၂၀ တၢ်ဃုထၢဖးဒိၣ်အံၤ လၢကညီကီၢ်စဲၣ်ပူၤ ဘျီၣ်ဒိၣ်ခၢၣ်စးလၢကဒိးဃုထၢအသးလၢနီၢ်တဂၤန့ၣ်အိၣ်၀ဲ ၂၃ ဂၤ အဂ့ၢ်န့ၣ် ကီၢ်စဲၣ် တၢ်ဃုထၢခီၣ်မံရှၢၣ် ထုးထီၣ်ပာ်ဖျါ၀ဲအသိး သ့ၣ်ညါဘၣ်လီၤႉ ကညီကီၢ်စဲၣ် တၢ်ဃုထၢခီၣ်မံရှၢၣ်ကရူၢ်အဒ့ နဲၣ်ရွဲၣ် အူမီၣ်မီၣ်နဲၤ စံး၀ဲ...

လါစဲးပထ့ဘၢၣ် ၃ သီႇ ၂၀၂၀ နံၣ်ႇ နါ၀့ၤဖၠိစၣ် မိၣ်ကီၢ်စဲၣ် သထူၣ်ကီၢ်ဆၣ်အပူၤ တၢ်တီၣ်ထီၣ်၀ဲပၣ်တံၣ် (signboard) အကတီၢ် ဘၣ်ဃးဒီးတၢ်ထီထီၣ်သဃဲၤ၀ဲ ကညီဒီးပအိၣ်ကလုာ်အနီၣ်တယၢ်တၢ်ဂ့ၢ်အံၤ သထူၣ်ကီၢ်ဆၣ် ကညီလံာ်လဲၢ်တၢ်ဆဲးတၢ်လၤကရူၢ်ဒီး ကီၢ်စဲၣ် ပအိၣ် လံာ်လဲၢ်တၢ်ဆဲးတၢ်လၤကရူၢ်တဖၣ် ဖဲလါစဲးပထ့ဘၢၣ် ၁ သီအနံၤန့ၣ် ဆှၢထီၣ်လံာ်ထီဒါဆူ ဒူသထူၣ်ကီၢ်ဆၣ် တၢ်ဃုထၢခီၣ်မံရှၢၣ်ကရူၢ်အဒ့ရူအအိၣ်အဂ့ၢ်န့ၣ် သ့ၣ်ညါဘၣ်လီၤႉ ၂၀၂၀...

လါစဲးပထ့ဘၢၣ် ၂ သီႇ ၂၀၂၀ နံၣ်ႇ စးအဲၣ်ဆူ ကီၢ်ကၠီၣ်တဲၣ်–ကီၢ်ပယီၤကီၢ်ဆၢဒီတကျိၤ ကီၢ်ပယီၤခီကီၢ်ကၠိလၢအအိၣ်ဖဲကီၢ်ကၠီၣ်တဲၣ်အပူၤတဖၣ်အံၤ ဒ်တၢ်ပာ်ပနီၣ်ဃာ်တၢ်သိၣ်တၢ်သီတဖၣ်အသိး တၢ်အိးထီၣ်ကၠိကန့ၢ်အဂီၢ် တၢ်ကူၣ်ဘၣ်ကူၣ်သ့ တၢ်ကရၢကရိ လၢအဘၣ်ထဲတွဖၣ်ဒီး ကၠီၣ်တဲၣ်ၦၤဘၣ်မူဘၣ်ဒါတဖၣ် ပာ်ဖှိၣ်ထီၣ်အသးဒီးရဲၣ်ကျဲၤ၀ဲဒၣ်အဂ့ၢ်န့ၣ် သ့ၣ်ညါဘၣ်လီၤႉ ခီကီၢ်တၢ်ပာ်ဖှိၣ်မၤသကိးတၢ်ကူၣ်ဘၣ်ကူၣ်သ့၀ဲၤလီၢ် (Migrant Educational Coordination Center-MECC) နဲၣ်လီၤ၀ဲဒၣ်ဒီး တကီၢ်ခါခိၤဘံၣ်တၢ်ဆါသံသတြိာ်အကတီၢ် ကီၢ်ပယီၤခီကီၢ်ကၠိတဖၣ်အံၤ ဒ်တၢ်ပာ်ပနီၣ်ဃာ်၀ဲတၢ်အိၣ်ဆူၣ်အိၣ်ချ့အတၢ်နဲၣ်လီၤတဖၣ် တၢ်လူၤပိာ်မၤထွဲအိၣ်ႇတအိၣ်...

လါအီကူး ၂၈ သီႇ ၂၀၂၀ နံၣ်ႇ စးဖါရှီ ၀့ၢ်တကူၣ်အပူၤ ဖဲအပူၤကွံာ်နံၣ်တၢ်မၤ၀ဲဒၣ် ၆၉ ၀ီတ၀ီ ကညီမၤထူရၤမုၢ်နံၤအံၤ ခီဖျိလၢဒီၣ်စ့ၣ်ထွ့ ဟဲဟ့ၣ်ဂံၢ်ဟ့ၣ်ဘါဆီၣ်ထွဲ၀ဲအဃိ တၢ်လိာ်ဘၢလိာ်ကွီၢ်အီၤလၢ တၢ်ထုးဖှိၣ်သးလၢတၢ်မုာ်တၢ်ခုၣ်တၢ်ဘျၢသဲစး အဆၢဒိၣ် ၁၉ ဒီး လၢတၢ်ဘျၢသဲစးအံၤအပူၤ ဖဲလါအီကူး ၂၇ သီအနံၤန့ၣ် ကၠီၣ်တတါကီၢ်ဆၣ် ကွီၢ်ဘျီၣ်ရူ တၢ်စံၣ်ညီၣ်ဆၢတဲာ်လၢကဘၣ်အိၣ်ဃိာ်ပူၤ...

လါအီကူး ၂၈ သီႇ ၂၀၂၀ နံၣ်ႇ စီၤထိလ့ နံၣ်လၢကဟဲ ၂၀၂၀ တၢ်ဃုထၢအပူၤ ၀့ၢ်တကူၣ်ကီၢ်ခီဒိၣ် ကညီကလုာ်ဒူၣ်ကလုာ်ဂ့ၢ်၀ီ ခၢၣ်စးလၢကဒိးဃုထၢသးလၢကနုာ်လီၤတပြၢတၢ်တဖၣ်အကျါ ပိာ်မုၣ်တဖၣ်အါန့ၢ်ဒံးပိာ်ခွါတဖၣ်အဂ့ၢ်န့ၣ် ပၣ်တံၣ်တဖုစုာ်စုာ် ထုးထီၣ်ပာ်ဖျါ၀ဲခၢၣ်စးလၢကဒိးဃုထၢသးတဖၣ်အစရီအသိး သ့ၣ်ညါဘၣ်လီၤႉ ၀့ၢ်တကူၣ်ကီၢ်ခီႇ ကညီကလုာ်ဒူၣ်ကလုာ်ဂ့ၢ်၀ီ တၢ်ဖးဟီၣ်က၀ီၤပူၤ ပၣ်တံၣ် ၇ ခါအပူၤ ခၢၣ်စး ၇ ဂၤ ကနုာ်လီၤတပြၢအိၣ်၀ဲဒၣ်ဒီး...

လါအီကူး ၂၅ သီႇ ၂၀၂၀ နံၣ်ႇ စးဖါရှီ ၀့ၢ်တကူၣ်အပူၤ ခီဖျိလၢတၢ်မၤလၤကပီၤ၀ဲဒၣ် နံၣ် ၇၀ ၦဲၤ ကညီမၤထူရၤမုၢ်နံၤအဃိ ၦၤလၢအတီခိၣ်ရိၣ်မဲတၢ် ကညီ သးစၢ်လၢအမ့ၢ် စးသ့မ့စီၣ်ႇစးကွၢ်လၢ်ဒီး ၦၤလၢအဟဲဟ့ၣ်ဂံၢ်ဟ့ၣ်ဘါဆီၣ်ထွဲတၢ် ဒီၣ်စ့ၤထွ့တဖၣ်အံၤ ဖဲလါအီကူး ၂၄ သီ ကၠီၣ်တတါကီၢ်ဆၣ် ကွီၢ်ဘျီၣ်ရူ တၢ်စးထီၣ်လိာ်ဘၢလိာ်ကွီၢ်အ၀ဲသ့ၣ်လၢ တၢ်ထုးဖှိၣ်ရိၣ်ဖှိၣ်သးလၢတၢ်မုာ်...

လါအီကူး ၂၁ သီႇ ၂၀၂၀ နံၣ်ႇ စီၤထိလ့ ကညီပၣ်တံၣ်တဖၣ်အကျါ ခၢၣ်စးလၢကဒိးဃုထၢသးလၢအမ့ၢ် စးစွဲမဲၣ်လၢအသးနံၣ်စှၤကတၢၢ်အံၤ ကနုာ်လီၤဒိးဃုထၢအသးလၢ ကညီဒီကလုာ်ပၣ်တံၣ် (KNP) ခၢၣ်စး ဖဲမၠီမၠးကီၢ်ဆၣ်ႇ ကီၢ်ခီဒိၣ် နီၣ်ဂံၢ်(၂)တၢ်ဖးလီၢ်က၀ီၤပူၤ အဂ့ၢ်န့ၣ် စံးဘၣ်ခ့ၣ်အဲးစံၣ်လီၤႉ စးစွဲမဲၣ်အိၣ်ဖျဲၣ်ထီၣ်၀ဲဒၣ် ဖဲ၁၉၉၅ နံၣ်ႇ လါအ့ဖြ့ၣ် ၁၈ သီ မၠီမၠး၀့ၢ်ႇ သိၤလၤတဲၣ်နဲၤဒီး...

လါအီကူး ၂၁သီႇ ၂၀၂၀ နံၣ်ႇ စးအဲၣ်ဆူ မုၢ်တြီၢ်(ဖၣ်ပူၣ်)ကီၢ်ရ့ၣ်ႇ လူၢ်သီကီၢ်ဆၣ် KNU- ညီဒီကလုာ်စၢဖှိၣ်ကရၢ တၢ်ပၢဟီၣ်က၀ီၤအပူၤ ဖဲလါယူၤလံ ၂၀ သီအနံၤန့ၣ် တၢ်ကဲထီၣ်သးလၢတသီအတီၢ်ပူၤ ထွံၣ်ခံဒုအ့ၣ်၀ဲဒၣ် လီၢ်က၀ီၤသ၀ီဖိ(၅)ဂၤအကျါ အခဲအံၤ သံ၀ဲဒၣ်(၂)ဂၤလံအဂ့ၢ်န့ၣ် လီၢ်က၀ီၤၦၤဘၣ်မူဘၣ်ဒါတဖၣ် ပာ်ဂၢၢ်ပာ်ကျၢၤစံး၀ဲဒၣ်လီၤႉ ဖဲလူၢ်သီကီၢ်ဆၣ်အပူၤ ထွံၣ်လၢအတလီၤဂာ်ဒီးမုၢ်ဆ့ၣ်မုၢ်ဂီၤၦၤဘုၣ်၀ဲဒၣ်လၢဟံၣ်ဘၣ်အံၤ အ့ၣ်၀ဲဒၣ် သ့ၣ်သူခံသ၀ီဖိ(၃)ဂၤ ဒီး တယူၤခံသ၀ီဖိ(၂)ဂၤန့ၣ်လီၤႉ...

လါအီကူး ၂၀ သီႇ ၂၀၂၀ နံၣ်ႇ န့ၣ်နီၣ် ဖဲလါအီကူး ၁၉ သီ ဟါခီအဆၢကတီၢ်န့ၣ် တၢ်ဖီၣ်ချုးန့ၢ်၀ဲဒၣ် ICE ကသံၣ်မူၤဘှီး ၁ႇ၈၀၀ ကံလိဒီး ပံၤ၀ါကိၣ် လိၣ်တဖၣ် လၢဃုပၣ်( ၆ ဘ့) သိလ့ၣ်လၢအတီၣ်၀ဲဒၣ်တၢ်သူၣ်ထီၣ်ဘှီထီၣ်တၢ်ပီးတၢ်လီတဘ့ၣ်အပူၤ ဖဲ မၠၣ်၀တံၣ်–စိၣ်ဆံမၠဲၣ် ကျဲမုၢ်ဖီခိၣ် သဲဖၠူၤခၠီတြဲၤလိၤ...

လါအီကူး ၂၀ သီႇ ၂၀၂၀ နံၣ်ႇ စးအဲၣ်ဆူ တကီၢ်ခါ တၢ်မၤလိၣ်ထီၣ်ဖးထီၣ်တၢ်မုာ်တၢ်ခုၣ်အတၢ်လဲၤကျဲအံၤ ရၢၣ်ခၢၣ်သုးမုၢ် (AA) ဃုာ်ဒီး ကလံၤစိး သိၣ်မှံၤကလုာ်ဒူၣ်ဖီၣ်စုက၀ဲၤကရူၢ်တဖၣ် တပၣ်ဃုာ်၀ဲဘၣ်အဃိ ထီဒါ၀ဲဒၣ်ခဲလၢာ်တၢ်ပၣ်ဃုာ်ပၣ်ဂီၢ်သနူဒီး တၢ်ကသူၣ်ထီၣ်တၢ်မုာ်တၢ်ခုၣ်လၢအမ့ၢ်အတီအံၤ တၢ်လဲၤအကျိၤအကျဲတဘၣ်၀ဲဘၣ်အဂ့ၢ်န့ၣ် ဖဲလါအီကူး ၁၈ သီအနံၤ ကညီဒီကလုာ်တၢ်ထူၣ်ဖျဲးသုးမုၢ်ဒိၣ် (KNLA) လီၢ်ခၢၣ်သးသုး၀ဲၤလီၢ်ခိၣ်သ့ၣ် ထုးထီၣ်၀ဲဒၣ်လံာ်တၢ်ပာ်သးဒီးစံး၀ဲန့ၣ်လီၤႉ ၂၁ ယၤဖှိၣ်နံၣ်...