ခ့ၣ်အဲးစံၣ် – KIC News

လါမ့ၤ ၁၆သီ, ၂၀၂၅နံၣ်, ခ့ၣ်အဲးစံၣ်, ကီၢ်ကၠီၣ်တဲၣ်အပူၤခီကီၢ်ကၠိလၢတၢ်အိးထီၣ်ဝဲဒၣ်လၢကီၢ်ပယီၤဖိဒံဖိသၣ်အဂီၢ်သ့ၣ်တဖၣ်အံၤ,ကၠီၣ်တဲၣ်ခိၣ်နၢ်ပှၤဘၣ်မူဘၣ်ဒါတဖၣ်ကစးထီၣ်သမံသမိးမၤလီၤတံၢ်က့ၤဝဲအနီၣ်ဂံၢ်နီၣ်ဒွးအိၣ်ဝဲအဂ့ၢ်,သ့ၣ်ညါဘၣ်ဒ်ကီၢ်ပယီၤခီကီၢ်ကူၣ်သ့ပှၤဘၣ်မူဘၣ်ဒါတဖၣ်စံးဝဲဒၣ်အသိးန့ၣ်လီၤ. ဘၣ်ဃးဒီးတၢ်ကသမံသမိးမၤလီၤတံၢ်က့ၤဝဲခီကီၢ်တၢ်မၤလိကၠိတဖၣ်အနီၣ်ဂံၢ်နီၢ်ဒွးအံၤ,အပူၤကွံၥ်လါအ့ဖြ့ၣ်(၂၅)သီအနံၤတၢ်မၤဝဲပဒိၣ်ဝဲၤကျိၤတၢ်ကရၢကရိအဖု(၁၀)ဘျဲၣ်တၢ်အိၣ်ဖှိၣ်ရိဖှိၣ်အပူၤတၢ်ဒုးသ့ၣ်ညါတ့ၢ်ဝဲခီကီၢ်ကူၣ်သ့ပှၤဘၣ်မူဘၣ်ဒါတဖၣ်အိၣ်ဝဲဒၣ်အဂ့ၢ်,(Burmese Migrant Worker’s Education Committee BMWEC)ပှၤနဲၣ်တၢ်သရၣ်မုၣ်နီၢ်ဆၣ်အဲၣ်စ့ဖိစံးဝဲဒၣ်ဒ်အံၤန့ၣ်လီၤ. “ပအိၣ်ဖှိၣ်အခါဒုတဲပှၤလၢပှၤကသမံသမိးကမၤလီၤတံၢ်က့ၤကီၢ်ကၠီၣ်တဲၣ်အပူၤခီကီၢ်တၢ်မၤလိကၠိသ့ၣ်တဖၣ်အတၢ်ရဲၣ်တၢ်ကျဲၤန့ၣ်အိၣ်ဝဲဒၣ်န့ၣ်လီၤ.ပဝဲလၢအိၣ်ကီၢ်ကၠီၣ်တဲၣ်ကီၢ်ပယီၤကီၢ်ဆၢကီၢ်ဆၣ်(၅)ဘ့ၣ်အပူၤခီန့ၣ်,ပကၠိလၢအနုၥ်လီၤလၢစရီပူၤအိၣ်(၆၃)ဖျၢၣ်အဃိန့ၣ်,တဲဝဲကဘၣ်အိၣ်ဒၣ်(၆၃)ဖျၢၣ်ဒ်လီၢ်လီၢ်လီၤ.မၤအါထီၣ်တန့ၢ်လၢၤဘၣ်,ကသမံသမိးလီၤတံၢ်က့ၤဝဲလီၤ.ခဲအံၤမ့မ့ၢ်လၢစမိၤစခီတကပၤခီန့ၣ်ခဲအံၤစးထီၣ်ဘိးဘၣ်ရၤလီၤဝဲလံ,ဒ်သိးအပူၤကွံၥ်စမိၤစခီဝံၤဟဲလၢပအိၣ်အသိးန့ၣ်,ယဆိမိၣ်လၢအဝဲသ့ၣ်ကဟဲဝဲလီၤ”အဂ့ၢ်စံးဝဲဒၣ်န့ၣ်လီၤ. လၢန့ၣ်အမဲၥ်ညါ,စမိၤစခီကီၢ်ရ့ၣ်ဟီၣ်ကဝီၤအပူၤ,ကီၢ်ပယီၤခီကီၢ်တၢ်မၤလိကၠိအိၣ်ဝဲ(၅)ဖျၢၣ်ဒီးကၠိတဖျၢၣ်စုၥ်စုၥ်အပူၤကၠိဖိအိၣ်ဝဲအဂၤ(၈၀၀)ဃၣ်ဃၣ်အဂ့ၢ်သ့ၣ်ညါဘၣ်ဒ်(Migrant-Times)ပှၤဟူးဂဲၤလၢခီကီၢ်ဂ့ၢ်ဝီတၢ်ကစီၣ်ဘိးဘၣ်ရၤလီၤဝဲအသိးန့ၣ်လီၤ. ဒီးတၢ်မၤလိကၠိသ့ၣ်တဖၣ်အံၤစးထီၣ်ဖဲလါမ့ၤ(၁၇)သီအနံၤအပူၤတၢ်ကစးထီၣ်မၤဝဲတၢ်သမံသမိးတဖၣ်အိၣ်ဝဲအဂ့ၢ်,ကၠီၣ်တဲၣ်ပှၤဘၣ်မူဘၣ်ဒါတဖၣ်ထုးထီၣ်ဘိးဘၣ်ရၤလီၤဝဲလံၥ်ဖဲမဟါလါမ့ၤ(၁၄)သီအနံၤလၢစိၤရှၢၣ်မံးဒံးယၢၣ်အပူၤအိၣ်ဝဲဒၣ်န့ၣ်လီၤ. တကးဒံးဘၣ်,တၢ်သမံသမိးအတီၢ်ပူၤမ့ထံၣ်ဝဲလၢကၠိတဖၣ်အံၤတၢ်ဒုးအိၣ်ထီၣ်ဝဲလၢတဖိးသဲးစးန့ၣ်ကကးတံၥ်ကွံၥ်ဝဲတၢ်သူၣ်ထီၣ်ဘှီထီၣ်တဖၣ်အိၣ်ဝဲအသိး,မ့ထံၣ်စ့ၢ်ကီးဝဲလၢကူၣ်သ့ပှၤမၤတၢ်ဖိတဖၣ်မၤကမၣ်ဝဲကၠီၣ်တဲၣ်ကွီၢ်မ့ၣ်သဲစးန့ၣ်ကဟံးဝဲအရ့အမဲၥ်ညါ,ကပံးကွံၥ်ဝဲပှၤမၤတၢ်ဖိတဖၣ်(Visa)ဒီးကထၢနုၥ်ဝဲဆူ(BlackList)အပူၤအိၣ်ဝဲအဂ့ၢ်,ပၣ်ဖျါဃုၥ်ဝဲဒၣ်လၢလံၥ်ထုးထီၣ်ဘိးဘၣ်ရၤလီၤအပူၤစ့ၢ်ကီးန့ၣ်လီၤ. ...

လါမ့ၤ ၁၄ သီ, ၂၀၂၅ နံၣ်, ခ့ၣ်အဲးစံၣ် ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ဒူသထူၣ်ကီၢ်ရ့ၣ်(သုးက့ ၁) ကၠဲးထိၣ်ကီၢ်ဆၣ်အပူၤ သုးမီၤစိရိၤကဘီယူၤလဲၤတ့ၢ်လီၤ ကဒီး မ့ၣ်ပိၢ်တပယူၥ်ဃီလၢလီၢ်က၀ီၤဒူသ၀ီတဖၣ်အပူၤအဂ့ၢ်န့ၣ် သ့ၣ်ညါဘၣ်လၢပှၤဘၣ်မူဘၣ်ဒါအအိၣ်န့ၣ်လီၤ. ဖဲတနံၤအံၤလါမ့ၤ ၁၄ သီ မုၢ်ထူၣ် ၁၂း၀၀ နၣ်ရံၣ်အဆၢကတီၢ်န့ၣ် တၢ်ဒုးကဲထီၣ်တအိၣ်ပယီၤသုးကဘီယူၤလဲၤတ့ၢ်လီၤကဒီးမ့ၣ်ပိၢ် (၂)ဖျၢၣ်လီၤတဲၥ်ပိၢ်ဖးထီၣ်၀ဲလၢ ချၢၣ်လွံၢ်ထူၣ်ကီၢ်ရ့ၣ်(သုးက့ ၃)ဆီထံးကီၢ်ဆၣ်ပူၤတဖျၢၣ်ဒီး လၢ(သုးက့ ၁)ကၠဲးထိၣ်ကီၢ်ဆၣ်ပူၤ...

လါမ့ၤ ၁၄ သီ, ၂၀၂၅ နံၣ်, ခ့ၣ်အဲးစံၣ် တညၣ်ကၠိဒုးယၤပယီၤသုးကလၢၤလၢအိၣ်ဆီလီၤသးဖဲကီၢ်ကၠီၣ်တဲၣ်-ကီၢ်ပယီၤကီၢ်ဆၢ ဖၣ်အၣ်ကီၢ်ရ့ၣ်(သုးက့ ၇) တၢ်ကြဲၢ်ကီၢ်ဆၣ် အပူၤအံၤ ဖဲမဟါလါမ့ၤ ၁၃ သီ ဟါခီအဆၢကတီၢ်န့ၣ် တၢ်ထီၣ်န့ၢ်၀ဲလံဒီး ပယီၤသုးတကပၤသံ(၁၁)ဂၤအမဲၥ်ညါ တၢ်မၤန့ၢ်ဃုၥ်၀ဲ ကျိချံပှၥ်သၣ်အါအါဂီၢ်ဂီၢ်အဂ့ၢ်န့ၣ် ဂံၢ်ခီၣ်ထံးသုးပှၤဘၣ်မူဘၣ်ဒါစံး၀ဲန့ၣ်လီၤ. တညၣ်ကၠိပယီၤသုးကလၢၤအံၤစးထီၣ်ဖဲလါမ့ၤ ၇ သီအနံၤန့ၣ် တၢ်လဲၤခးစဲးပြဲး၀ဲဒီး ဖဲမဟါလါမ့ၤ ၁၃...

လါမ့ၤ ၁၃ သီ, ၂၀၂၅ နံၣ်, ခ့ၣ်အဲးစံၣ် ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ဒူသထူၣ်ကီၢ်ရ့ၣ်(သုးက့ ၁)ကၠဲးထိၣ်ကီၢ်ဆၣ်အပူၤ ခီဖျိကဘီယူၤဒီးကျိဖးဒိၣ်အဃိ ကရူၢ်(၃)ဘ့ၣ်ပူၤကမျၢၢ်တဖၣ်အါဒၣ်တက့ၢ်ဘၣ်ဃ့ၢ်ထီၣ်ဟးပလဲၥ်သးလၢတၢ်ဘံၣ်တၢ်ဘၢလီၢ်အဂ့ၢ်န့ၣ် ကီၢ်ရ့ၣ်ခိၣ် ပဒိၣ်စီၤစိမၠ့ၣ် စံး၀ဲန့ၣ်လီၤ. ၀ီၢ်က့ကရူၢ်,ခရၢၢ်ကရူၢ်ဒီးအလူကရူၢ် ကရူၢ်(၃)ဘ့ၣ်အံၤ စးထီၣ်ဖဲလါအ့ဖြ့ၣ်ဘူးကလၢၤတုၤလၢတလါအံၤလါမ့ၤ ၁၂ သီအနံၤန့ၣ် ခီဖျိပယီၤသုးခးလီၤကျိ ဖးဒိၣ်,ကဘီယူၤစ့ၢ်ကီး လဲၤတ့ၢ်လီၤမ့ၣ်ပိၢ်တလီၢ်လီၢ်အဃိ ကမျၢၢ်သံဘၣ်ဒိဘၣ်ထံးအမဲၥ်ညါ ဟံၣ်အူအီၣ် ဟးဂီၤကဲထီၣ်၀ဲ အဂ့ၢ်န့ၣ်...

လါမၤ ၁၃ သီ, ၂၀၂၅ နံၣ်, ခ့ၣ်အဲးစံၣ် ချၢၣ်လွံၢ်ထူၣ်ကီၢ်ရ့ၣ်,မူကီၢ်ဆၣ်ဟီၣ်ကဝီၤအပူၤ ဖဲအပူၤကွံၥ်လါမ့ၤ(၅)သီအနံၤန့ၣ် ပယီၤသုးလၢအမ့ၢ်ခီၣ်ချ့သုးရ့ၣ် (ခမရ-၄၃၉)သုးရ့ၣ်အပှၤသုးဖိတဂၤဟဲက့ၤဟ့ၣ်လီၤအသးဖဲကညီဒီကလုၥ်တၢ်ထူၣ်ဖျဲးသုးမုၢ်ဒိၣ်( KNLA )သုးရ့ၣ်နီၣ်ဂံၢ်(၈)အစုပူၤဒီးဟဲက့ၤ ဟ့ၣ်လီၤအသးဃုၥ်ဒီးတၢ်စုကဝဲၤအဂ့ၢ်ခ့ၣ်အဲၣ်ယူၣ်ထုးထီၣ်ပၥ်ဖျါဝဲဖဲမဟါအံၤန့ၣ်လီၤ. ပယီၤသုးဖိလၢအဟဲက့ၤဟ့ၣ်လီၤအသးတဂၤအံၤမ့ၢ်ဝဲ(ကိၤသဲးအီၣ်)ကိး(ကိၤသဲး),လၢအဟဲလီၤဘၣ် မူဒါဖဲပယီၤသုးခီၣ်ချ့သုးရ့ၣ်(ခမရ-၄၃၉)သုးရ့ၣ်လၢအအိၣ်ဖဲ(ပၠၣ်ဒါ)သုးကလၢၤအပူၤအံၤန့ၣ်လီၤ. အ၀ဲဟဲက့ၤဟ့ၣ်လီၤဝဲအသးဃုၥ်ဒီးတၢ်စုက ဝဲၤ MA-11 ကျိ ၁ ခိၣ်, ကျိဆၣ်ဒၢ ၃ ဘ့ၣ်, ဒီး...

လါမ့ၤ ၁၃ သီ, ၂၀၂၅ နံၣ်, ခ့ၣ်အဲးစံၣ် ဖဲမဟါလါမ့ၤ(၁၂)သီအနံၤ, ဂီၤခီ(၁၀)နၣ်ရံၣ်ဃၣ်ဃၣ်အဆၢကတီၢ် လၢစကဲကီၢ်ခီ, ဒံၤပဲယ့ၤကီၢ်ဆၣ်, ဖဲ(အိတ့ၤတွ့)သဝီတၢ်မၤလိ ကၠိအပူၤန့ၣ်မ့ၢ်လၢပယီၤသုးကီၣ်ကးအဘီယူၤဟဲကွံၥ်လီၤဝဲမ့ၣ်ပိၢ်အဃိ ကၠိသရၣ်မုၣ်(၂)ဂၤဒီးပှၤကၠိဖိဖိသၣ်အဂၤ(၂၀)ဘၣ်သံကွံၥ် ဝဲတဘျီဃီဖဲတၢ်ကဲထီၣ်သးအလီၢ်ဒီးပှၤအဂၤ(၄၀)ဘျဲၣ်ဘၣ်ဒိဝဲဒၣ်န့ၣ်လီၤ. လၢတၢ်န့ၣ်အဃိ သုးကီၣ်ကးအကဘီယူၤတၢ်ဟဲကွံၥ်လီၤမ့ၣ်ပိၢ်တဘျီအံၤအပူၤ ပှၤလၢဟ့ၣ်လီၤတၢ်ကလုၢ်တဆီမ့ၢ်ဂ့ၤ, ပှၤလၢဟဲ မၤကမၣ်တၢ်လၢအစုမ့ၢ်ဂ့ၤဒီးပှၤလၢပၣ်ဃုၥ်ပၣ်ဂီၢ်ခဲလၢၥ်သ့ၣ်တဖၣ် တၢ်ဘၣ်ဟံးန့ၢ်အဝဲသ့ၣ်အရ့ဒီးဟ့ၣ်အဝဲသ့ၣ်တၢ်ကမၣ်တုၤလီၤ တီၤလီၤအဂ့ၢ် ဒီကလုၥ်တၢ်ဃူတၢ်ဖိးအပဒိၣ်(NUG)အတၢ်ကူၣ်ဘၣ်ကူၣ်သ့ကိတိၥ်ဝဲၤကျိၤထုးထီၣ်ပၥ်ဖျါဝဲဖဲတနံၤအံၤလါမ့ၤ(၁၃)သီ အနံၤန့ၣ်လီၤ. ဒ်န့ၣ်အသိးပှၤလၢပၣ်ဃုၥ်မၤကမၣ်တၢ်သ့ၣ်တဖၣ်အံၤလၢတၢ်ဂ့ၢ်တမံၤဂ့ၤတမံၤဂ့ၤအဃိတၢ်ပျဲပူၤတၢ်ကမၣ်အိၣ်တသ့ဘၣ်အမဲၥ်ညါဒ်သိးတၢ်ကဟ့ၣ်တၢ်ကမၣ်လၢအတုၤလီၤတီၤလီၤကန့ၢ်အဂီၢ်တၢ်မၤဝဲတၢ်ဃိထံၣ်ဃုသ့ၣ်ညါတၢ်တပယူၥ်ဃီအဂ့ၢ်သ့ၣ်ညါဘၣ်ဒ်တၢ်ပၥ်ဖျါပူၤအသိးန့ၣ်လီၤ. ဘၣ်ဆၣ်မ့မ့ၢ်လၢသုးကီၣ်ကးတကပၤဘၣ်ထွဲဒီးကလံၤကျါကဘီယူၤဟဲကွံၥ်လီၤမ့ၣ်ပိၢ်ဒီးဘၣ်သံဝဲကၠိဖိ,ကၠိသရၣ်မုၣ်တၢ်ကဲထီၣ်အသးအံၤန့ၣ်သုးကီၣ်ကးတၢ်ကစီၣ်သန့တကပၤပၥ်ဖျါဝဲလၢတၢ်အံၤမ့ၢ်ဝဲဒၣ်တၢ်ကစီၣ်သန့သ့ၣ်တဖၣ်ကွဲးဘိးဘၣ်ရၤလီၤဝဲတၢ်ကစီၣ်လၢအကမၣ်,...

လါမ့ၤ ၁၂ သီ, ၂၀၂၅ နံၣ်, ခ့ၣ်အဲးစံၣ် ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ဒူသထူၣ်ကီၢ်ရ့ၣ်(သုးက့ ၁)ကီၢ်ဆၣ်ခံဘ့ၣ် လါအ့ဖြ့ၣ်တလါအတီၢ်ပူၤ ပယီၤသုးခးလီၤကျိ ဖးဒိၣ်ဒီးကဘီယူၤလဲၤတ့ၢ်လီၤမ့ၣ်ပိၢ်ခဲလၢၥ်(၁၄)ဘျီအဃိ လီၢ်က၀ီၤကမျၢၢ်သံ(၃)ဂၤ,ဘၣ်ဒိ(၁၁)ဂၤအဂ့ၢ်န့ၣ် သ့ၣ်ညါဘၣ်လၢ ကီၢ်ရ့ၣ် တၢ်မၤနီၣ်စရီအပူၤန့ၣ်လီၤ. ကၠဲးထိၣ်ဒီးဘံလ့ကီၢ်ဆၣ်အပူၤ လါအ့ဖြ့ၣ် ၁ သီတုၤ ၃၀ သီ လၢတလါအတီၢ်ပူၤ ပယီၤသုးခးလီၤကျိဖးဒိၣ်(၁၁)ဘျီ,ကဘီယူၤလဲၤ တ့ၢ်လီၤမ့ၣ်ပိၢ်(၃)ဘျီ ခဲလၢၥ်(၁၄)ဘျီအဃိ...

လါမ့ၤ ၁၂ သီ, ၂၀၂၅ နံၣ်, ခ့ၣ်အဲးစံၣ် မုၢ်ြတီၢ်ကီၢ်ရ့ၣ်,ဒွဲၣ်လိကီၢ်ဆၣ်ဟီၣ်ကဝီၤအပူၤ ပယီၤသုးလၢအိၣ်(ကတၢတံး)ဒီးဂုၤလီၤက့ၤအခံဖဲ သုးခိးကီၢ်ဆၢ(BGF ၁၀၁၃)သုး ရ့ၣ်တၢ်လီၢ်သ့ၣ်တဖၣ်န့ၣ် အခဲအံၤတၢ်ဘၣ်ဟဲဆှၢန့ၢ်အဝဲသ့ၣ်တၢ်အီၣ်ဒီး ကျိချံပှၥ်သၣ် လၢကလံၤကျါကဘီယူၤတဆီအဂ့ၢ်ကီၢ်ရ့ၣ် အ ပှၤဘၣ်မူဘၣ်ဒါစံးဝဲန့ၣ်လီၤ. (ကတၢတံး)ပယီၤသုးအံၤစးထီၣ်ဖဲဂုၤလီၤက့ၤအခံဖဲ(BGF ၁၀၁၃)တၢ်လီၢ်ဝံၤအလီၢ်ခံဘၣ်တၢ်ကဝီၤဃၥ်ဒီးတၢ်ဒီၣ်တဲၥ်ကွံၥ်ဝဲအဝဲ သ့ၣ်တၢ်လဲၤတၢ်က့ၤကျဲလၢထးခီတကပၤမ့ၢ်ဂ့ၤ,လၢလၥ်ခီတကပၤမ့ၢ်ဂ့ၤအဃိ ပယီၤသုးသ့ၣ်တဖၣ်အံၤ တၢ်ဘၣ်ဟဲတ့ၢ်လီၤန့ၢ်က့ၤ အဝဲသ့ၣ်တၢ်အီၣ်တၢ်အီ, ကသံၣ်ကသီ ဒီးကျိချံပှၥ်သၣ်သ့ၣ်တဖၣ်လၢကလံၤကျါကဘီယူၤတကပၤအဂ့ၢ် မုၢ်ြတီၢ်ကီၢ်ရ့ၣ်အပှၤက...

လါမ့ၤ ၁၂ သီ, ၂၀၂၅ နံၣ်, ခ့ၣ်အဲးစံၣ် ချၢၣ်လွံၢ်ထူၣ်ကီၢ်ရ့ၣ်/သုးက့-၃, ဆီထံးကီၢ်ဆၣ်ဟီၣ်ကဝီၤအပူၤ ပယီၤသုးခီၣ်ချ့သုးရ့ၣ်(ခမရ ၅၉၈)သုးကလၢၤလၢကညီဒီကလုၥ် တၢ်ထူၣ်ဖျဲးသုးမုၢ်ဒိၣ် KNLA ဒီး တၢ်ပၢၢ်ဆၢသုးထီၣ်မၤန့ၢ်ကွံၥ်ဝဲအံၤဖဲမဟါလါမ့ၤ(၁၁)သီအနံၤန့ၣ်ပယီၤသုးဟဲက့ ဆ့ၣ်နီၤအိၣ်က့ၤ ဝဲလံအဂ့ၢ်န့ၣ်လီၢ်ကဝီၤပှၤဘၣ်မူဘၣ်ဒါစံးဝဲန့ၣ်လီၤ. ဖဲအပူၤကွံၥ်လါမ့ၤ(၈)သီအနံၤတၢ်ထီၣ်မၤန့ၢ်ကွံၥ်ဝဲပယီၤသုး(ခမရ-၅၉၈)ကလၢၤအံၤဝံၤအလီၢ်ခံပယီၤသုးအံၤလၢကဟဲထီၣ်မၤန့ၢ် က့ၤဝဲသုးကလၢၤအံၤအဂီၢ်သူနၢၤဝဲလၢကျိဖးဒိၣ်,မၤဝဲကလံၤကျါကဘီယူၤတၢ်ခးလီၤတၢ်တပယူၥ်ဃီအဃိတၢ်ပၢၢ်ဆၢသုးတကပၤဘၣ်ဂုၤက့ၤအခံအဂ့ၢ်ဆီထံးကီၢ်ဆၣ်အပှၤဘၣ်မူဘၣ်ဒါစံးဝဲဒ်အံၤန့ၣ်လီၤ. "ပယီၤသုးအံၤခးနၢၤဝဲဒၣ်လၢကျိဖးဒိၣ်ဒီးတကးဒံးဘၣ်လၢကဘီယူၤအဃိတၢ်လဲၤထီၣ်မၤန့ၢ်နါက့နဆ့ၣ်နီၤတချုးဘၣ်. နဆ့ၣ်နီၤမ့ၢ် ချုးနါက့နကဲထီၣ်လၢကျိဖးဒိၣ်ဆၣ်ဒီးကဘီယူၤဆၣ်လီၤ. သုးကလၢၤန့ၣ်တၢ်ထီၣ်အီၤန့ၢ်ဘၣ်ဆၣ်ပယီၤသုးဟဲက့ၤမၤနၢၤလၢကျိဖး ဒိၣ်ဒီးကဘီယၤအဃိတၢ်ဂုၤက့ၤန့ၢ်အီၤမီၤနီၤ. အခဲအံၤအဝဲသ့ၣ်ဟဲက့ၤဆ့ၣ်နီၤကဒါက့ၤဝဲလီၤ. "...

လါမ့ၤ ၁၁ သီ, ၂၀၂၅ နံၣ်, ခ့ၣ်အဲးစံၣ် ခ့ၣ်အဲၣ်ယူၣ်-ကီၢ်သူလ့ၤတၢ်ပၢဒူသထူၣ်ကီၢ်ရ့ၣ်,ကၠဲးထိၣ်ကီၢ်ဆၣ်ဟီၣ်ကဝီၤအပူၤဖဲတနံၤအံၤလါမ့ၤ(၁၁)သီ,ဖဲဂီၤခီ(၁၀း၄၀)မံးနံးအ ဆၢကတီၢ်မ့ၢ်လၢပယီၤသုးကဘီယူၤ(Jet Fighter)ခံဘ့ၣ်ဟဲတ့ၢ်လီၤကဒီးဝဲပီၣ်မ့ၣ်ပိၢ်ဖးဒိၣ်(၂)ဖျၢၣ်အဃိဘၣ်ဟးဂီၤကွံၥ်ဝဲကမျၢၢ် ဟံၣ်ဃီ(၁၄)ဖျၢၣ်အဂ့ၢ်လီၢ်ကဝီၤပှၤဘၣ်မူဘၣ်ဒါစံးဝဲဒၣ်န့ၣ်လီၤ. ဖဲတဂီၤအံၤအနၣ်ရံၣ်(၁၀)ဘျဲၣ်အဆၢကတီၢ်န့ၣ်ပယီသုးကီၣ်ကး(Jet Fighter)ကဘီယူၤခံဘ့ၣ်ဟဲတ့ၢ်လီၤကဒီးဝဲပီၣ်(၅၀၀)မ့ၣ်ပိၢ် တ ဖျၢၣ်ဒီးပီၣ်(၂၀၀)မ့ၣ်ပိၢ်တဖျၢၣ်, ခဲလၢၥ်(၂)ဖျၢၣ်, ဖဲကၠဲးထိၣ်ကီၢ်ဆၣ်ဖဲဝီၢ်က့သဝီပူၤအဃိဘၣ်ဟးဂီၤကွံၥ်ဝဲဝီၢ်က့သဝီဖိအဟံၣ် (၁၄) ဖျၢၣ်အမဲၥ်ညါဘၣ်ဒိစ့ၢ်ကီးဝဲပှၤသဝီဖိ(၂)ဂၤအဂ့ၢ်န့ၣ်ကီၢ်ရ့ၣ်ပှၤဘၣ်မူဘၣ်ဒါစံးဘၣ်ခ့ၣ်အဲးစံၣ်-ကညီတၢ်ကစီၣ်န့ၣ်လီၤ. လၢတၢ်န့ၣ်အဃိမ့ၢ်ဘၣ်ကွၢ်က့ၤကၠဲးထိၣ်ကီၢ်ဆၣ်,ဝီၢ်က့သဝီအပူၤအံၤပယီၤသုးကီၣ်ကးတကပၤမၤဝဲကလံၤကျါတၢ်ဒုးဒီးခးလီၤကျိဖးဒိၣ်ဟဲအါထီၣ်ဝဲရုၢ်ရုၢ်အသိးကမျၢၢ်ဘၣ်ကွၢ်ဆၢၣ်မဲၥ်ဘၣ်ဝဲတၢ်သံတၢ်ပှၢ်,တၢ်ဘၣ်ဒိဘၣ်ထံးစ့ၢ်ကီးဟဲအါထီၣ်ဝဲရုၢ်ရုၢ်အဃိကမျၢၢ်ဒူဖိသဝီဖိသ့ၣ်တဖၣ်ဘၣ်ဃ့ၢ်ထီၣ်ကဒီးဝဲဆူခူပူၤဝ့ၢ်ပူၤဒီးပှၢ်ပူၤဟဲအါထီၣ်ဝဲအဂ့ၢ် (သုးက့-၁) အသုးက့ခိၣ်သုးခိၣ်ကျၢၢ် ဖိစီၤစိမၠ့ၣ်ထွ့ စံးဝဲဒ်အံၤ န့ၣ်လီၤ. "ဖဲဒူသဝီအပူၤန့ၣ်ပှၤဃ့ၢ်ပၥ်သးဖးယံၥ်လံ. ပှၤမ့ၢ်တဃ့ၢ်ပၥ်သးန့ၣ်ပှၤကသံဒီဒူၣ်လီၤ. အခဲအံၤတဘျီဒီးပှၤဘၣ်ဃ့ၢ်ကဒီးလီၤအဃိပှၤဘၣ်...