ကညီကီၢ်စဲၣ်ပူၤ ၦၤလၢကနုာ်လီၤဒိးဃုထၢသးလၢနီၢ်တဂၤ အိၣ်၀ဲ ၂၃ ဂၤ
လါစဲးပထ့ဘၢၣ် ၃ သီႇ ၂၀၂၀ နံၣ်ႇ စီၤရှါ ဖဲလါနိၣ်၀့ဘၢၣ် ၈ သီအနံၤ လၢအလီၤဘၣ်၀ဲ ၂၀၂၀ တၢ်ဃုထၢဖးဒိၣ်အံၤ လၢကညီကီၢ်စဲၣ်ပူၤ ဘျီၣ်ဒိၣ်ခၢၣ်စးလၢကဒိးဃုထၢအသးလၢနီၢ်တဂၤန့ၣ်အိၣ်၀ဲ ၂၃ ဂၤ အဂ့ၢ်န့ၣ် ကီၢ်စဲၣ် တၢ်ဃုထၢခီၣ်မံရှၢၣ် ထုးထီၣ်ပာ်ဖျါ၀ဲအသိး သ့ၣ်ညါဘၣ်လီၤႉ ကညီကီၢ်စဲၣ် တၢ်ဃုထၢခီၣ်မံရှၢၣ်ကရူၢ်အဒ့ နဲၣ်ရွဲၣ် အူမီၣ်မီၣ်နဲၤ စံး၀ဲ “ၦၤလၢကဒိးဃုထၢသးလၢနီၢ်တဂၤအိၣ်၀ဲ၂၃ ဂၤလီၤ” အဂ့ၢ်န့ၣ် စံးဘၣ်ခ့ၣ်အဲးစံၣ် ဖဲလါစဲးပထ့ဘၢၣ် ၂ သီအနံၤန့ၣ်လီၤႉ ၦၤလၢကဒိးဃုထၢသးလၢနီၢ်တဂၤလၢ ဒီကလုာ်ဘျီၣ်ဒိၣ်န့ၣ်(၃)ဂၤႇ ကီၢ်စဲၣ်ဘျီၣ်ဒိၣ်(၁၁)ဂၤႇ ကမျၢၢ်ဘျီၣ်ဒိၣ်(၁)ဂၤဒီး ကလုာ်ဒူၣ်ကလုာ်တဖၣ်န့ၣ် မိၣ်(၁)ဂၤႇ ပအိၣ်(၃)ဂၤဒီး ပယီၤ(၄)ဂၤ ကနုာ်လီၤတပြၢ၀ဲဒၣ်အဂ့ၢ်န့ၣ် သ့ၣ်ညါဘၣ်လီၤႉ ၦၤလၢကနုာ်လီၤဒိးဃုထၢသးလၢ မိၣ်(တလၢၤ)ကလုာ် ဘျီၣ်ဒိၣ်ခၢၣ်စးလၢနီၢ်တဂၤ တကီၢ်ခါ မ့ၢ်စ့ၢ်ကီး မိၣ်လံာ်လဲၢ်ဒီးတၢ်ဆဲးတၢ်လၤကရၢ(ကညီကီၢ်စဲၣ်)ၦၤပၢၤလီၢ်ဆ့ၣ်နီၤ မ့စီၣ်မ့အူစံး၀ဲ “ဆီတလဲသးလၢမိၣ်ကလုာ်ထံရူၢ်ကီၢ်သဲးအံၤဒီး ကနုာ်လီၤတပြၢသးလၢဘျီၣ်ဒိၣ်ခၢၣ်စးန့ၣ်လီၤႉ လံာ်လဲၢ်တၢ်ဆဲးတၢ်လၤ(ကရၢ)အံၤ မနုၤထံရူၢ်ကီၢ်သဲးပၣ်တံၣ် အတၢ်ဒိၣ်စိဒိၣ်ကမီၤအဖီလာ် တဘၣ်ဒိၣ်စိဘၣ်မီၤႉ တၢ်အဃိန့ၣ် တမ့ၢ်ထံရူၢ်ကီၢ်သဲးပၣ်တံၣ်ဖိဘၣ်အဃိ တလိၣ်ဟးထီၣ်လၢ(လံာ်လဲၢ်တၢ်ဆဲးတၢ်လၤကရၢ)ဘၣ်ဒီး ဆဲးဟံ၀ဲဒၣ်မူဒါလီၤ” အဂ့ၢ်န့ၣ် စံး၀ဲလီၤႉ ၦၤလၢကဒိးဃုထၢသးလၢနီၢ်တဂၤ ၂၃...
ပၣ်တံၣ် (signboard) အဖီခိၣ် တၢ်သူ၀ဲဒၣ်ကညီဒီးပအိၣ်ကလုာ်နီၣ်တယၢ်တၢ်ဂ့ၢ် လံာ်လဲၢ်ဒီးတၢ်ဆဲးတၢ်လၤကရူၢ်ထီဒါ၀ဲ
လါစဲးပထ့ဘၢၣ် ၃ သီႇ ၂၀၂၀ နံၣ်ႇ နါ၀့ၤဖၠိစၣ် မိၣ်ကီၢ်စဲၣ် သထူၣ်ကီၢ်ဆၣ်အပူၤ တၢ်တီၣ်ထီၣ်၀ဲပၣ်တံၣ် (signboard) အကတီၢ် ဘၣ်ဃးဒီးတၢ်ထီထီၣ်သဃဲၤ၀ဲ ကညီဒီးပအိၣ်ကလုာ်အနီၣ်တယၢ်တၢ်ဂ့ၢ်အံၤ သထူၣ်ကီၢ်ဆၣ် ကညီလံာ်လဲၢ်တၢ်ဆဲးတၢ်လၤကရူၢ်ဒီး ကီၢ်စဲၣ် ပအိၣ် လံာ်လဲၢ်တၢ်ဆဲးတၢ်လၤကရူၢ်တဖၣ် ဖဲလါစဲးပထ့ဘၢၣ် ၁ သီအနံၤန့ၣ် ဆှၢထီၣ်လံာ်ထီဒါဆူ ဒူသထူၣ်ကီၢ်ဆၣ် တၢ်ဃုထၢခီၣ်မံရှၢၣ်ကရူၢ်အဒ့ရူအအိၣ်အဂ့ၢ်န့ၣ် သ့ၣ်ညါဘၣ်လီၤႉ ၂၀၂၀ တၢ်ဃုထၢအဂီၢ် ထံရူၢ်ကီၢ်သဲးပၣ်တံၣ်တဖၣ် တီၣ်ထီၣ်၀ဲဒၣ်ပၣ်တံၣ် (signboard) တဖၣ် လၢဒူသ၀ီအပူၤန့ၣ်လီၤႉ ဖဲန့ၣ်ကလုာ်ထံရူၢ်ကီၢ်သဲး ဒံၣ်မိၣ်ကရဲၣ်တ့ၣ်ပၣ်တံၣ် (DNP) ဒီး ဃူဖိးကလုာ်ဒူၣ်ကလုာ် ဒံၣ်မိၣ်ခြ့ၣ်စံၣ်ပၣ်တံၣ် (UNDP) ခံဖုအံၤ မၤ၀ဲတၢ်တီၣ်ထီၣ်ပၣ်တံၣ် (signboard) ဖဲသထူၣ်ကီၢ်ဆၣ် ဒူသ၀ီတနီၤအခါန့ၣ် ထီထီၣ်၀ဲဒၣ်ကညီဒီကလုာ်အနီၣ်တယၢ်ဒီး ပအိၣ်ကလုာ်အနီၣ်တယၢ်အံၤ ထီၣ်ထီၣ်သဃဲၤ၀ဲဒၣ်ဒီးပၣ်တံၣ်အနီၢ်တယၢ်အံၤန့ၣ် တၢ်ထံၣ်ကမၣ်အိၣ်ထီၣ်သ့၀ဲအဃိ လံာ်လဲၢ်တၢ်ဆဲးတၢ်လၤ ကရူၢ်တဖၣ် ဘၣ်ထီဒါ၀ဲဒၣ်ဒ်အံၤလီၤအဂ့ၢ်န့ၣ် စံး၀ဲလီၤႉ မိၣ်ကီၢ်စဲၣ် ပအိၣ်လံာ်လဲၢ်တၢ်ဆဲးတၢ်လၤကရူၢ် ၦၤပၢၤလီၢ်ဆ့ၣ်နီၤ ခိၤဖိဆီ စံး၀ဲ “ဒ်သုထံၣ်ဘၣ်အသိးလီၤ ဒူသ၀ီတနီၤန့ၣ် ဖဲအကျါပၣ်တံၣ်တခါန့ၣ် အ၀ဲသ့ၣ်ပၣ်တံၣ်အနီၣ်တယၢ်ထီန့ၢ်ဒံးပ၀ဲဒၣ်...
ခီကီၢ်ကၠိလၢအအိၣ်ဖဲကီၢ်ကၠီၣ်တဲၣ်ကီၢ်ဆၢတဖၣ် ဒ်သိးအိးထီၣ်ကန့ၢ်အဂီၢ် ဘၣ်တၢ်ရဲၣ်ကျဲၤ၀ဲ
လါစဲးပထ့ဘၢၣ် ၂ သီႇ ၂၀၂၀ နံၣ်ႇ စးအဲၣ်ဆူ ကီၢ်ကၠီၣ်တဲၣ်–ကီၢ်ပယီၤကီၢ်ဆၢဒီတကျိၤ ကီၢ်ပယီၤခီကီၢ်ကၠိလၢအအိၣ်ဖဲကီၢ်ကၠီၣ်တဲၣ်အပူၤတဖၣ်အံၤ ဒ်တၢ်ပာ်ပနီၣ်ဃာ်တၢ်သိၣ်တၢ်သီတဖၣ်အသိး တၢ်အိးထီၣ်ကၠိကန့ၢ်အဂီၢ် တၢ်ကူၣ်ဘၣ်ကူၣ်သ့ တၢ်ကရၢကရိ လၢအဘၣ်ထဲတွဖၣ်ဒီး ကၠီၣ်တဲၣ်ၦၤဘၣ်မူဘၣ်ဒါတဖၣ် ပာ်ဖှိၣ်ထီၣ်အသးဒီးရဲၣ်ကျဲၤ၀ဲဒၣ်အဂ့ၢ်န့ၣ် သ့ၣ်ညါဘၣ်လီၤႉ ခီကီၢ်တၢ်ပာ်ဖှိၣ်မၤသကိးတၢ်ကူၣ်ဘၣ်ကူၣ်သ့၀ဲၤလီၢ် (Migrant Educational Coordination Center-MECC) နဲၣ်လီၤ၀ဲဒၣ်ဒီး တကီၢ်ခါခိၤဘံၣ်တၢ်ဆါသံသတြိာ်အကတီၢ် ကီၢ်ပယီၤခီကီၢ်ကၠိတဖၣ်အံၤ ဒ်တၢ်ပာ်ပနီၣ်ဃာ်၀ဲတၢ်အိၣ်ဆူၣ်အိၣ်ချ့အတၢ်နဲၣ်လီၤတဖၣ် တၢ်လူၤပိာ်မၤထွဲအိၣ်ႇတအိၣ် တၢ်စးထီၣ်သမံသမိး၀ဲဒၣ်ဒီး မ့ၢ်လီၤပလိာ်သးဒီးတၢ်ပာ်ပနီၣ်ဃာ်တၢ်သိၣ်တၢ်သီတဖၣ်န့ၣ် တၢ်ကဒုးအိးထီၣ်၀ဲကၠိအဂ့ၢ်န့ၣ် ကီၢ်ပယီၤခီကီၢ်ၦၤမၤတၢ်ဖိတဖၣ် တၢ်ကူၣ်ဘၣ်ကူၣ်သ့ကမံးတံာ် (BMWEC) ၦၤပၢၤလီၢ်ဆ့ၣ်နီၤ နီၢ်ဖီရ့ၣ် စံး၀ဲလီၤႉ အ၀ဲစံး၀ဲလၢ “အပူၤကွံာ်န့ၣ် ခီကီၢ်ကၠိတဖၣ် တၢ်ပာ်ပနီၣ်၀ဲဒၣ်လၢအဂီၤအပတီၢ်လီၤႉ ခဲအံၤ ဒ်သိးကလီၤစှၤလၢအဘီအပတီၢ်ကန့ၢ်အဂီၢ် MECC ဒီး ပ၀ဲဒၣ်တၢ်ကူၣ်ဘၣ်ကူၣ်သ့တၢ်ကရၢကရိတဖၣ်ႇ တၢ်အိၣ်ဆူၣ်အိၣ်ချ့ၦၤဘၣ်မူဘၣ်ဒါတဖၣ် ထံၣ်လိာ်သးန့ၣ်လီၤႉ အ၀ဲသ့ၣ်တဖၣ် နဲၣ်လီၤ၀ဲဒၣ်ပကျဲတဖၣ်န့ၣ် တချုးလၢကၠိအိးထီၣ်ဒံးဘၣ်န့ၣ် ဒ်သိးကတုၤလၢအဘီအပတီၢ်ကန့ၢ်အဂီၢ် တၢ်ကဘၣ်ထိၣ်၀ဲဒၣ်တၢ်ကိၢ် ၁၄ သီန့ၣ်လီၤႉ တချုးဒံးလၢပဟးထိၣ်တၢ်ကိၢ်ဒံးဘၣ်န့ၣ် ဟ့ၣ်၀ဲဒၣ်ပတၢ်သိၣ်လိလီၤ”အဂ့ၢ်န့ၣ် စံးဘၣ်ခ့ၣ်အဲးစံၣ်လီၤႉ ဒ်သိးခီကီၢ်ကၠိသ့ၣ်တဖၣ်ကအိးထီၣ်ကဒါကန့ၢ်အဂီၢ် ကီၢ်ပယီၤခီကီၢ်ကၠိ(၆၉)ဖျၢၣ်အံၤ တၢ်နီၤဖးလီၤ၀ဲဒၣ် ၂ ဒူၣ်ဒီး ဘၣ်ဃးတၢ်တြီဆၢခိၤဘံၣ်တၢ်ဆါ...
ၦၤလၢဟဲဟ့ၣ်ဂံၢ်ဟ့ၣ်ဘါဆီၣ်ထွဲကညီမၤထူရၤမုၢ်နံၤ တၢ်စံၣ်ညီၣ်လီၤလၢကလီၤဘၣ်ဃိာ်ပူၤ ၁၅ သီ
လါအီကူး ၂၈ သီႇ ၂၀၂၀ နံၣ်ႇ စးဖါရှီ ၀့ၢ်တကူၣ်အပူၤ ဖဲအပူၤကွံာ်နံၣ်တၢ်မၤ၀ဲဒၣ် ၆၉ ၀ီတ၀ီ ကညီမၤထူရၤမုၢ်နံၤအံၤ ခီဖျိလၢဒီၣ်စ့ၣ်ထွ့ ဟဲဟ့ၣ်ဂံၢ်ဟ့ၣ်ဘါဆီၣ်ထွဲ၀ဲအဃိ တၢ်လိာ်ဘၢလိာ်ကွီၢ်အီၤလၢ တၢ်ထုးဖှိၣ်သးလၢတၢ်မုာ်တၢ်ခုၣ်တၢ်ဘျၢသဲစး အဆၢဒိၣ် ၁၉ ဒီး လၢတၢ်ဘျၢသဲစးအံၤအပူၤ ဖဲလါအီကူး ၂၇ သီအနံၤန့ၣ် ကၠီၣ်တတါကီၢ်ဆၣ် ကွီၢ်ဘျီၣ်ရူ တၢ်စံၣ်ညီၣ်ဆၢတဲာ်လၢကဘၣ်အိၣ်ဃိာ်ပူၤ ၁၅ သီန့ၣ်လီၤႉ ဒ်န့ၣ်အသိး ဖဲတနံၣ်အံၤတၢ်မၤ၀ဲ နံၣ် ၇၀ ၦဲၤ ကညီမၤထူရၤမုၢ်နံၤအံၤန့ၣ် ၦၤလၢဘၣ် တၢ်လိာ်ဘၢလိာ်ကွီၢ်၀ဲဒၣ်လၢအမ့ၢ် စးသ့စီၣ်မ့ ဒီး စီၤဆၣ်ကွၢ်လၢ်တဖၣ်အံၤစ့ၢ်ကီး တၢ်က့ၤသ့ၣ်နံၤဖးသီက့ၤအ၀ဲသ့ၣ် ဖဲလါစဲးပထ့ဘၢၣ် ၁ သီဒီး တၢ်ကဆဲးသမံသမိး၀ဲဒၣ်န့ၣ်လီၤႉ ဒီၣ်စ့ၣ်ထွ့အံၤစ့ၢ်ကီး ခီဖျိလၢတၢ်ဆဲးလိာ်ဘၢလိာ်ကွီၢ်အီၤလၢ တၢ်ထုးဖှိၣ်သးလၢတၢ်မုာ်တၢ်ခုၣ်တၢ်ဘျၢသဲစး အဆၢဒိၣ် ၂၀ အံၤအဃိ ကဆဲးသဂၢၢ်တၢ်မူးတၢ်ရၢ်ဒီး စးသ့စီၣ်မ့ႇစီၤဆၣ်ကွၢ်လၢ်တဖၣ်အံၤအဂ့ၢ်န့ၣ် သ့ၣ်ညါဘၣ်လီၤႉ ၦၤသၢဂၤလၢတၢ်လိာ်ဘၢလိာ်ကွီၢ်၀ဲလၢ တၢ်ထုးဖှိၣ်ရိၣ်ဖှိၣ်ထီၣ်သးလၢတၢ်မုာ်တၢ်ခုၣ်ဒီး တၢ်ဟးဒုးနဲၣ်တၢ်ပာ်ဖျါထီၣ် တၢ်ဘၣ်သးတၢ်ဘျၢသဲစး အဆၢဒိၣ်(၂၀) ၦၤသ့ၣ်တဖၣ်အံၤန့ၣ် တၢ်စးထီၣ်လိာ်ဘၢလိာ်ကွီၢ်အ၀ဲသ့ၣ် ဖဲလါအီကူး ၂၄ သီဒီး ကၠီၣ်တတါကီၢ်ဆၣ်...
၀့ၢ်တကူၣ် ၦၤလၢကနုာ်လီၤတပြၢသးလၢကညီဂ့ၢ်၀ီတဖၣ်အကျါ ပိာ်မုၣ်အါ၀ဲ
လါအီကူး ၂၈ သီႇ ၂၀၂၀ နံၣ်ႇ စီၤထိလ့ နံၣ်လၢကဟဲ ၂၀၂၀ တၢ်ဃုထၢအပူၤ ၀့ၢ်တကူၣ်ကီၢ်ခီဒိၣ် ကညီကလုာ်ဒူၣ်ကလုာ်ဂ့ၢ်၀ီ ခၢၣ်စးလၢကဒိးဃုထၢသးလၢကနုာ်လီၤတပြၢတၢ်တဖၣ်အကျါ ပိာ်မုၣ်တဖၣ်အါန့ၢ်ဒံးပိာ်ခွါတဖၣ်အဂ့ၢ်န့ၣ် ပၣ်တံၣ်တဖုစုာ်စုာ် ထုးထီၣ်ပာ်ဖျါ၀ဲခၢၣ်စးလၢကဒိးဃုထၢသးတဖၣ်အစရီအသိး သ့ၣ်ညါဘၣ်လီၤႉ ၀့ၢ်တကူၣ်ကီၢ်ခီႇ ကညီကလုာ်ဒူၣ်ကလုာ်ဂ့ၢ်၀ီ တၢ်ဖးဟီၣ်က၀ီၤပူၤ ပၣ်တံၣ် ၇ ခါအပူၤ ခၢၣ်စး ၇ ဂၤ ကနုာ်လီၤတပြၢအိၣ်၀ဲဒၣ်ဒီး ဖဲအကျါန့ၣ်မ့ၢ်၀ဲဒၣ် ပိာ်မုၣ် ၄ ဂၤဒီး ပိာ်ခွါ ၃ ဂၤလီၤအဂ့ၢ်န့ၣ် သ့ၣ်ညါဘၣ်လီၤႉ ခၢၣ်စးပိာ်မုၣ်တဖၣ်န့ၣ်မ့ၢ်၀ဲဒၣ် ဒီကလုာ်ဒံၣ်မိၣ်ခြ့ၣ်စံၣ်ကရၢစိ (NLD) အံၤ လၢအမ့ၢ် တကီၢ်ခါ ၀့ၢ်တကူၣ်ကီၢ်ခီဒိၣ် ကလုာ်ဘျီၣ်ဒိၣ်ခၢၣ်စး နီၢ်စူၤစဲနၤလၣ်လၣ်စိႇ ဃူဖိး ကလုာ်ဒူၣ်ကလုာ်ဒံၣ်မိၣ်ခြ့ၣ်စံၣ်ပၣ်တံၣ် (UNDP) နီၢ်အိလၣ်ႇ ကမျၢၢ်တၢ်နဲၣ်ကျဲပၣ်တံၣ် (PPP) နီၢ်လ့သ့ၤကံၤထိႇ ကမျၢၢ်တၢ်ဘၣ်ဘျုးပၣ်တံၣ် (UBP) နၣ်သ့သ့ခဲၤသ့ၣ်တဖၣ် အဂ့ၢ်န့ၣ် ပၣ်တံၣ်သ့ၣ်တဖၣ်အံၤ ထုးထီၣ်ဘိးဘၣ်ရၤလီၤ၀ဲန့ၣ်လီၤႉ “ဒ်သိးဒီးကညီကလုာ်တဖၣ် ကန့ၢ်ဘၣ်တၢ်ခွဲးတၢ်ယာ်လၢလၢၦဲၤၦဲၤအဂီၢ်ႇ ကဒိးန့ၢ်ဘၣ်တၢ်ထဲသိးတုၤသိးအဂီၢ် အဲၣ်ဒိးဟူးဂဲၤ၀ဲအဃိ နုာ်လီၤတပြၢ၀ဲလီၤ” အဂ့ၢ်န့ၣ်...
၀့ၢ်တကူၣ် ၦၤမၤလၤကပီၤကညီမၤထူရၤမုၢ်နံၤတဖၣ် တၢ်စးထီၣ်လိာ်ဘၢလိာ်ကွီၢ်အီၤလၢ တၢ်ထုးဖှိၣ်ရိဖှိၣ် တၢ်ဘျၢသဲစး အဆၢဒိၣ် ၂၀
လါအီကူး ၂၅ သီႇ ၂၀၂၀ နံၣ်ႇ စးဖါရှီ ၀့ၢ်တကူၣ်အပူၤ ခီဖျိလၢတၢ်မၤလၤကပီၤ၀ဲဒၣ် နံၣ် ၇၀ ၦဲၤ ကညီမၤထူရၤမုၢ်နံၤအဃိ ၦၤလၢအတီခိၣ်ရိၣ်မဲတၢ် ကညီ သးစၢ်လၢအမ့ၢ် စးသ့မ့စီၣ်ႇစးကွၢ်လၢ်ဒီး ၦၤလၢအဟဲဟ့ၣ်ဂံၢ်ဟ့ၣ်ဘါဆီၣ်ထွဲတၢ် ဒီၣ်စ့ၤထွ့တဖၣ်အံၤ ဖဲလါအီကူး ၂၄ သီ ကၠီၣ်တတါကီၢ်ဆၣ် ကွီၢ်ဘျီၣ်ရူ တၢ်စးထီၣ်လိာ်ဘၢလိာ်ကွီၢ်အ၀ဲသ့ၣ်လၢ တၢ်ထုးဖှိၣ်ရိၣ်ဖှိၣ်သးလၢတၢ်မုာ် တၢ်ခုၣ်ဒီး တၢ်ဟးဒုးနဲၣ်တၢ်ပာ်ဖျါထီၣ်အတၢ်ပာ်သး တၢ်ဘျၢသဲစး အဆၢဒိၣ် ၂၀ အဂ့ၢ်န့ၣ် သ့ၣ်ညါဘၣ်လီၤႉ ဘၣ်ထွဲဒီးတၢ်လိာ်ဘၢလိာ်ကွီၢ်တဖၣ်အံၤ ၀့ၢ်တကူၣ်ကီၢ်ခီဒိၣ် ပၢၤကီၢ်ရူနဲၣ်လီၤ၀ဲဒီး ကၠီၣ်တတါကီၢ်ဆၣ် ပၢၤကီၢ်ရူ ပၢၤကီၢ်ခိၣ် မၠိသဲၣ် ကဲ၀ဲဒၣ်ၦၤလိာ်ကွီၣ်တၢ်ဖိလီၤအဂ့ၢ်န့ၣ် လၢတၢ်လိာ်ဘၢလိာ်ကွီၢ်အဖီခိၣ် ၦၤလၢအဟးလူၤမၤ စၢၤဟံးထီၣ်ဖီၣ်ထီၣ်တၢ်တဖၣ် စံး၀ဲအသိးသ့ၣ်ညါဘၣ်လီၤႉ စးသ့စီၣ်မ့ စံး၀ဲ “တၢ်လိာ်ဘၢလိာ်ကွီၢ်ၦၤလၢတၢ်ထုးဖှိၣ်သးလၢတၢ်မုာ်တၢ်ခုၣ် တၢ်ဘျၢသဲစး အဆၢဒိၣ် ၂၀ န့ၣ်လီၤႉ အခီၣ်ထံးန့ၣ် ပကစၢ်ဒၣ်၀ဲကဟံတၢ်အုၣ်ကီၤသးလီၤမီၤႉ ဘၣ်ဆၣ် ဒီၣ်စ့ၤထွ့စ့ၢ်ကီးပၣ်ဃုာ်၀ဲအဃိ သ့ၣ်ညါ ဘၣ်ဖဲတနံၤညါအံၤလီၤႉ ဒီၣ်စ့ၤထွ့စ့ၢ်ကီးတဟံ၀ဲဒၣ်တၢ်အုၣ်ကီၤသးဘၣ်အဃိန့ၣ် ပ၀ဲစ့ၢ်ကီးပတဟံ တၢ်အုၣ်ကီၤသးလၢၤဘၣ်ႉ ပတဒိးသမံသမိးသးလၢၤဘၣ်ႉ ပကသဂၢၢ်ဆဲးလဲၤ၀ဲဒ်အံၤလီၤ”အဂ့ၢ်န့ၣ်...
ကညီပၣ်တံၣ်အကျါ ခၢၣ်စးလၢကဒိးဃုထၢသးလၢအသးနံၣ်စှၤကတၢၢ် စးစွဲမဲၣ် ကနုာ်လီၤတပြၢလၢမၠီမၠးပူၤ
လါအီကူး ၂၁ သီႇ ၂၀၂၀ နံၣ်ႇ စီၤထိလ့ ကညီပၣ်တံၣ်တဖၣ်အကျါ ခၢၣ်စးလၢကဒိးဃုထၢသးလၢအမ့ၢ် စးစွဲမဲၣ်လၢအသးနံၣ်စှၤကတၢၢ်အံၤ ကနုာ်လီၤဒိးဃုထၢအသးလၢ ကညီဒီကလုာ်ပၣ်တံၣ် (KNP) ခၢၣ်စး ဖဲမၠီမၠးကီၢ်ဆၣ်ႇ ကီၢ်ခီဒိၣ် နီၣ်ဂံၢ်(၂)တၢ်ဖးလီၢ်က၀ီၤပူၤ အဂ့ၢ်န့ၣ် စံးဘၣ်ခ့ၣ်အဲးစံၣ်လီၤႉ စးစွဲမဲၣ်အိၣ်ဖျဲၣ်ထီၣ်၀ဲဒၣ် ဖဲ၁၉၉၅ နံၣ်ႇ လါအ့ဖြ့ၣ် ၁၈ သီ မၠီမၠး၀့ၢ်ႇ သိၤလၤတဲၣ်နဲၤဒီး တကီၢ်ခါခဲအံၤ အသးနံၣ်အိၣ်ဒံးဒၣ်ထဲ ၂၅ နံၣ်ဒီး လွံၢ်လါဘျဲၣ်အသိး အ၀ဲဖျိထီၣ်၀ဲဒၣ်သးဂ့ၢ်၀ီပီညါလံာ်ဒီး လၢကညီပၣ်တံၣ်တဖၣ်အကျါ မ့ၢ်ခၢၣ်စးလၢအသးနံၣ်စှၤကတၢၢ်တဂၤန့ၣ်လီၤႉ “တၢ်မုၢ်လၢ်အခိၣ်သ့ၣ်န့ၣ် ပ၀ဲသးစၢ်တဖၣ်န့ၣ် လၢပထံကီၢ်ဂီၢ်ႇ လၢပဟီၣ်က၀ီၤအဂီၢ် နုာ်လီၤမၤစၢၤတၢ်သ့၀ဲလီၤန့ၣ် အဲၣ်ဒိးဟ့ၣ်တၢ်သ့ၣ်ညါတခါလီၤ” အဂ့ၢ်န့ၣ် အ၀ဲစံး၀ဲလီၤႉ ကညီဒီကလုာ်ပၣ်တံၣ်အံၤ လၢအ့ၣ်ယၣ်၀တံၣ်ႇ ပကိႇ ၀့ၢ်တကူၣ်ကီၢ်ခီဒိၣ်ႇ ကယါကီၢ်စဲၣ် ဒီးဖါစီကီၢ်ဆၣ်တဖၣ်အံၤန့ၣ် ခၢၣ်စး ၁၃ ဂၤ ကနုာ်လီၤတပြၢ၀ဲဒၣ်အသိး သးစၢ်ဒီးၦၤဒိၣ်တုၤခိၣ်ၦဲၤတဖၣ်ပၣ်ဃုာ်၀ဲအဂ့ၢ်န့ၣ် ပၣ်တံၣ် နဲၣ်ရွဲၣ်သဃဲၤ မါကၠီၤည့ စံး၀ဲန့ၣ်လီၤႉ မၠီမၠးကီၢ်ဆၣ်ပူၤ ကလုာ်ဘျီၣ်ဒိၣ်ႇ ကမျၢၢ်ဘျီၣ်ဒိၣ်ႇ ကီၢ်ခီဒိၣ်ဘျီၣ်ဒိၣ် နီၣ်ဂံၢ်...
မုၢ်တြီၢ်လီၢ်က၀ီၤဖိလၢထွံၣ်အ့ၣ်၀ဲ ၅ ဂၤအကျါ သံ၀ဲ ၂ ဂၤ
လါအီကူး ၂၁သီႇ ၂၀၂၀ နံၣ်ႇ စးအဲၣ်ဆူ မုၢ်တြီၢ်(ဖၣ်ပူၣ်)ကီၢ်ရ့ၣ်ႇ လူၢ်သီကီၢ်ဆၣ် KNU- ညီဒီကလုာ်စၢဖှိၣ်ကရၢ တၢ်ပၢဟီၣ်က၀ီၤအပူၤ ဖဲလါယူၤလံ ၂၀ သီအနံၤန့ၣ် တၢ်ကဲထီၣ်သးလၢတသီအတီၢ်ပူၤ ထွံၣ်ခံဒုအ့ၣ်၀ဲဒၣ် လီၢ်က၀ီၤသ၀ီဖိ(၅)ဂၤအကျါ အခဲအံၤ သံ၀ဲဒၣ်(၂)ဂၤလံအဂ့ၢ်န့ၣ် လီၢ်က၀ီၤၦၤဘၣ်မူဘၣ်ဒါတဖၣ် ပာ်ဂၢၢ်ပာ်ကျၢၤစံး၀ဲဒၣ်လီၤႉ ဖဲလူၢ်သီကီၢ်ဆၣ်အပူၤ ထွံၣ်လၢအတလီၤဂာ်ဒီးမုၢ်ဆ့ၣ်မုၢ်ဂီၤၦၤဘုၣ်၀ဲဒၣ်လၢဟံၣ်ဘၣ်အံၤ အ့ၣ်၀ဲဒၣ် သ့ၣ်သူခံသ၀ီဖိ(၃)ဂၤ ဒီး တယူၤခံသ၀ီဖိ(၂)ဂၤန့ၣ်လီၤႉ ဖဲသ၀ီ၀ဲန့ၣ်အကျါ ဖဲလါအီကူး ၁၈ သီအနံၤန့ၣ် သ့သူခံသ၀ီ စီၤကီၢ်ရ့ၣ်ထူ သးနံၣ်(၄၅)နံၣ်အံၤ သံ၀ဲဒၣ်ဒီး ဖဲလါအီကူး(၁၂)သီအနံၤ တယူၤခံသ၀ီဖိ စီၤအဲၣ်စၢၤ (၆၀)နံၣ် သံ၀ဲဒၣ်အဂ့ၢ်န့ၣ် မုၢ်တြီၢ်ကီၢ်ရ့ၣ် ကီၢ်ပူၤကညီၦၤလီၢ်အိၣ်ကမှံဖိကမံးတံာ် (Committee for Internally Displaced Karen People-CIDKP) မူဒါခိၣ် နီၢ်ခၠဲၤရံၤ စံး၀ဲန့ၣ်လီၤႉ အ၀ဲစံး၀ဲလၢ “ၦၤလၢအသံတဖၣ်န့ၣ် အထးခိၣ်ထံယွၤလီၤႇ ကသါဃံးႇ ခိၣ်မူၤႇ မဲာ်မူၤႇ ဘှီးဒီး အ့ၣ်တဃံာ်အမဲ၀ံၤသံ၀ဲဒၣ်လီၤႉ ၦၤလၢအအိၣ်တ့ၢ်တဖၣ်န့ၣ် တဘၣ်နီတမံၤဒံးဘၣ်”အဂ့ၢ်န့ၣ် စံးဘၣ်ခ့ၣ်အဲးစံၣ်လီၤႉ ၦၤလၢအသံ...
DKBA ဖီၣ်ချုးန့ၢ်၀ဲ ကသံၣ်မူၤဘှီး ၁ႇ၈၀၀ ကံလိဘျဲၣ်
လါအီကူး ၂၀ သီႇ ၂၀၂၀ နံၣ်ႇ န့ၣ်နီၣ် ဖဲလါအီကူး ၁၉ သီ ဟါခီအဆၢကတီၢ်န့ၣ် တၢ်ဖီၣ်ချုးန့ၢ်၀ဲဒၣ် ICE ကသံၣ်မူၤဘှီး ၁ႇ၈၀၀ ကံလိဒီး ပံၤ၀ါကိၣ် လိၣ်တဖၣ် လၢဃုပၣ်( ၆ ဘ့) သိလ့ၣ်လၢအတီၣ်၀ဲဒၣ်တၢ်သူၣ်ထီၣ်ဘှီထီၣ်တၢ်ပီးတၢ်လီတဘ့ၣ်အပူၤ ဖဲ မၠၣ်၀တံၣ်–စိၣ်ဆံမၠဲၣ် ကျဲမုၢ်ဖီခိၣ် သဲဖၠူၤခၠီတြဲၤလိၤ အဂ့ၢ်န့ၣ် သ့ၣ်ညါဘၣ်လၢ DKBA ၦၤဘၣ်မူဘၣ်ဒါအအိၣ်လီၤႉ တၢ်ကဲထီၣ်သးန့ၣ် တၢ်ဘၣ်ဘျုးဒံၣ်မိၣ်ခြ့ၣ်စံၣ်ကညီသုးမုၢ်ဒိၣ် (DKBA) နီၣ်ဂံၢ် ၉၀၉ သုးရ့ၣ်ႇ သုးဒ့ခိၣ် သုးခိၣ် စီၤဖါဒံၣ် တီခိၣ်ရိၣ်မဲကရူၢ်အံၤ ဖဲလါအီကူး ၁၉ သီ မုၢ်ထူၣ် ၁၁ နၣ်ရံၣ် ၁၅ မံးနံးအဆၢကတီၢ် ကိးသမံ၀ဲဒၣ်သိလ့ၣ်အံၤ ဖဲသဲဖၠူၤခၠီတြဲၤအ၀ဲန့ၣ်အကတီၢ် ဖီၣ်ချုးန့ၢ်၀ဲကသံၣ်မူၤဘှီးတဖၣ်ဃုာ်ဒီး ၦၤလၢအိၣ်သိလ့ၣ်အပူၤ ၄ ဂၤန့ၣ်လီၤႉ ဘၣ်ထွဲဒီးတၢ်ဖီၣ်ချုးန့ၢ်ကသံၣ်မူၤဘှီးတၢ်ဂ့ၢ်အံၤ တၢ်ကသမံသမိး၀ဲအဂီၢ် ၦၤလၢတၢ်ဖီၣ်ချုးန့ၢ်၀ဲ ၄ ဂၤအံၤ DKBA ဟ့ၣ်အးလီၤက့ၤ၀ဲဒၣ်ဆူ မၠၣ်၀တံၣ်ဟီၣ်က၀ီၤ...
တၢ်မုာ်တၢ်ခုၣ်အတၢ်လဲၤကျဲလၢတပၣ်ဃုာ်ဒီးကလံၤစိးကရူၢ်အံၤ ထီဒါ၀ဲခဲလၢာ် တၢ်ပၣ်ဃုာ်သနူအဂ့ၢ် KNLA စံး၀ဲ
လါအီကူး ၂၀ သီႇ ၂၀၂၀ နံၣ်ႇ စးအဲၣ်ဆူ တကီၢ်ခါ တၢ်မၤလိၣ်ထီၣ်ဖးထီၣ်တၢ်မုာ်တၢ်ခုၣ်အတၢ်လဲၤကျဲအံၤ ရၢၣ်ခၢၣ်သုးမုၢ် (AA) ဃုာ်ဒီး ကလံၤစိး သိၣ်မှံၤကလုာ်ဒူၣ်ဖီၣ်စုက၀ဲၤကရူၢ်တဖၣ် တပၣ်ဃုာ်၀ဲဘၣ်အဃိ ထီဒါ၀ဲဒၣ်ခဲလၢာ်တၢ်ပၣ်ဃုာ်ပၣ်ဂီၢ်သနူဒီး တၢ်ကသူၣ်ထီၣ်တၢ်မုာ်တၢ်ခုၣ်လၢအမ့ၢ်အတီအံၤ တၢ်လဲၤအကျိၤအကျဲတဘၣ်၀ဲဘၣ်အဂ့ၢ်န့ၣ် ဖဲလါအီကူး ၁၈ သီအနံၤ ကညီဒီကလုာ်တၢ်ထူၣ်ဖျဲးသုးမုၢ်ဒိၣ် (KNLA) လီၢ်ခၢၣ်သးသုး၀ဲၤလီၢ်ခိၣ်သ့ၣ် ထုးထီၣ်၀ဲဒၣ်လံာ်တၢ်ပာ်သးဒီးစံး၀ဲန့ၣ်လီၤႉ ၂၁ ယၤဖှိၣ်နံၣ် ပ့ၣ်လိၣ် တၢ်အိၣ်ဖှိၣ်အပူၤ ကလုာ်ဒူၣ်ဖီၣ်စုက၀ဲၤကရူၢ်လၢအတဆဲးလီၤဃာ် တၢ်ပတုာ်တၢ်ခးဘၣ် တဖၣ်န့ၣ် ကွဲမု၁်၀ဲတန့ၢ်ဘၣ် အမဲာ်ညါ ပာ်ပနီၣ်၀ဲ AA လၢၦၤမၤပူထီၣ်လီထီၣ်တၢ်ကရူၢ်ဒီး လဲၤကပၤကွံာ်၀ဲတၢ်မုာ်တၢ်ခုၣ်အတၢ်လဲၤကျဲအံၤန့ၣ် တၢ်လၢပနာ်န့ၢ် တၢ်သူၣ်ထီၣ်တၢ်မုာ်တၢ်ခုၣ်အကျိၤအကျဲအံၤ မ့ၢ်တၢ်တလိၤအကျဲဘၣ်အဂ့ၢ် KNU- ညီဒီကလုာ်စၢဖှိၣ်ကရၢ စုဒုၣ်တီၤအဖီလာ် KNLA လီၢ်ခၢၣ်သး သုး၀ဲၤလီၢ်ခိၣ်သ့ၣ် ၦၤကတိၤတၢ်ပၢ သုုးခိၣ်ကျၢၢ်ဖိ မါရှၣ်ထူဂီၤ စံး၀ဲလီၤႉ အ၀ဲစံး၀ဲလၢ “ကလံၤစိးကရူၢ်ဒီး AA တပၣ်ဃုာ်ဘၣ်န့ၣ် တၢ်မုာ်တၢ်ခုၣ်တၢ်မၤအကျိၤအကျဲအံၤ မ့ၢ်ကီၢ်ပူၤ လၢအလၢၦဲၤဒီးတၢ်မုာ်တၢ်ခုၣ်လံန့ၣ် တဲတသ့ဒံးဘၣ်ႉ မ့ၢ်တၢ်လၢအထီဒါ၀ဲဒၣ် ခဲလၢာ်တၢ်ပၣ်ဃုာ်ပၣ်ဂီၢ်န့ၣ်လီၤႉ တပၤန့ၣ်...