ပယီၤသုးခးသံ၀ဲကညီပိာ်မုၣ်တဂၤအဖီခိၣ် လီၢ်က၀ီၤဖိလၢအကထိပာ်ဖျါထီၣ်တၢ်ဘၣ်သး
လါယူၤလံ ၂၂ သီႇ ၂၀၂၀ နံၣ်ႇ ခ့ၣ်အဲးစံၣ် ကညီကီၢ်စဲၣ်ႇ ဖၣ်ပူၣ်(မုၢ်တြီၢ်)ကီၢ်ရ့ၣ်ႇ ဒွဲၣ်လိကီၢ်ဆၣ်ႇ ခူၣ်သူၣ်ထၣ်သ၀ီကရူၢ်အပူၤ ပယီၤသုးဖိ ၂ ဂၤခးသံ၀ဲဒၣ်သ၀ီဖိပိာ်မုၣ်တဂၤကဲထီၣ်သး၀ံၤအလီၢ်ခံ ဖဲတနံၤအံၤ(လါယူၤလံ ၂၂ သီ)အနံၤန့ၣ် လီၢ်က၀ီၤသ၀ီဖိလၢအကထိပာ်ဖှိၣ်ထီၣ်သးဒီး ပာ်ဖျါထီၣ်အတၢ်ဘၣ်သးတခါကဲထီၣ်သးန့ၣ်လီၤႉ ပယီၤသုးကလၢၤလၢအအိၣ်ဆီလီၤအသးဖဲခူၣ်သူၣ်ထၣ်သ၀ီကရူၢ်တဖၣ်လၢအမ့ၢ် ၀ီၢ်မုၢ်ႇ ခူၣ်သူၣ်ထၣ်ႇ က့ၣ်ကိာ်ႇ မဲၤ၀့ၤ သုးကလၢၤ ၄ ခါအံၤအမဲာ်ညါ လီၢ်က၀ီၤသ၀ီဖိ ၁ႇ၅၀၀ ဘျဲၣ် ဒ်သိးပယီၤသုးကလၢၤတဖၣ် ကဟးထီၣ်ကွံာ်အဂီၢ် စိာ်ထီၣ်၀ဲဒၣ်လံာ်က့ ဖိးစထၢၣ်တဖၣ်ဒီး ဃ့ထီၣ်ပာ်ဖျါထီၣ်၀ဲအသးန့ၣ်လီၤႉ ဖဲအပူၤကွံာ် လါယူၤလံ ၁၆ သီအနံၤ တၢ်ကဲထီၣ်သးလၢပယီၤသုးဖိ ၂ ဂၤ ခးသံ၀ဲဒၣ်ပိာ်လိထၣ်သ၀ီ ဖိ ကညီမုၣ် နီၢ်မုၣ်နီၤ၀ံၤ ဟံ၀ဲဒၣ်အဖဲထူနၢ်ဒံးတဖၣ်အမဲာ်ညါႇ ဖဲတနံၣ်အံၤ ၂၀၂၀ အတီၢ်ပူၤ ပယီၤသုးအံၤ ခးလီၤ၀ဲဒၣ်ကျိဖးဒိၣ်လၢသ၀ီပူၤအိၣ်၀ဲအဖီခိၣ် ကဲထီၣ်၀ဲဒၣ်တၢ်ဘၣ်ယိၣ်ဘၣ်ဘှီတၢ်ပျံၤတၢ်ဖုးလၢဒူဖိသ၀ီဖိအဂီၢ် လီၤအဂ့ၢ်န့ၣ် လံာ်တၢ်ပာ်ဖျါလၢအဘၣ်ထွဲဒီးတၢ်ပာ်ဖျါထီၣ်သးတနံၤအပူၤ ပာ်ဖျါဃာ်၀ဲလီၤႉ လၢန့ၣ်အမဲာ်ညါ သုးကလၢၤတဖၣ်မ့ၢ်ဆဲးအိၣ်ဒံး၀ဲဒၣ်န့ၣ် လီၢ်က၀ီၤဖိတဖၣ်အတၢ်ဘံၣ်တၢ်ဘၢအဂီၢ် တၢ်ဘၣ်ယိၣ်ဘၣ်ဘှီအိၣ်၀ဲဒၣ်အသိး တၢ်မၤသံ၀ဲလီၢ်က၀ီၤသ၀ီဖိတဖၣ်စ့ၢ်ကီး ဟဲကဲထီၣ်ကဒါအသးသ့၀ဲအဃိ သုးကလၢၤလၢအိၣ်တၢ်လီၢ်ဖဲအံၤတဖၣ်...
မ့ၣ်ပိၢ်ပိၢ်ဖးထီၣ်အဃိ ဖိသၣ် ၄ ဂၤ ဘၣ်ဒိ
လါယူၤလံ ၂၂ သီႇ ၂၀၂၀ နံၣ်ႇ ခ့ၣ်အဲးစံၣ် ကညီကီၢ်စဲၣ်ႇ မၠၣ်၀တံၣ်ကီၢ်ရ့ၣ် ထံ၀ၣ်ကျ့ၣ်သ၀ီကရူၢ်ႇ သ့ၣ်၀ါပူၤသ၀ီအပူၤ ဖဲမဟါ(လါယူၤလံ ၂၁ သီ)အနံၤန့ၣ် ခီဖျိလၢမ့ၣ်ပိၢ်လီၢ်လံၤတဖျၢၣ်ပိၢ်ဖးထီၣ်ကဲထီၣ်သးအဃိ ဖိသၣ် ၄ ဂၤ ဘၣ်ဒိဘၣ်ထံး၀ဲဒၣ်ဒီး တကီၢ်ခါခဲအံၤ ဘၣ်တၢ်ကူစါယါဘျါအ၀ဲသ့ၣ်ဖဲမၠၣ်၀တံၣ်တၢ်ဆါဟံၣ်အဂ့ၢ်န့ၣ် သ့ၣ်ညါဘၣ်န့ၣ်လီၤႉ ဖဲမဟါ မုၢ်ထူၣ် ၁၂ နၣ်ရံၣ် ၃၀ မံးနံးအဆၢကတီၢ်န့ၣ် ဖိသၣ်တဖၣ်အံၤ ဖဲလဲၤကွၢ်ကျီၢ်လၢ ၦၤဖီၣ်စုက၀ဲၤကရူၢ်အလီၢ်အကျဲလီၢ်လံၤအလီၢ်အခါန့ၣ် ဖီၣ်ဘၣ်၀ဲဒၣ်မ့ၣ်ပိၢ်အံၤဒီးပိၢ်ဖးထီၣ်၀ဲလီၤအဂ့ၢ်န့ၣ် ဖိသၣ်လၢအတုၤမၠၣ်၀တံၣ်တၢ်ဆါဟံၣ်လၢအဘၣ်ဒီးမ့ၣ်ပိၢ် အပၢ်တဂၤစံးဘၣ်ခ့ၣ်အဲးစံၣ်လီၤႉ ခီဖျိလၢမ့ၣ်ပိၢ်ပိၢ်ဖးထီၣ်အံၤအဃိ စီၤဆၣ်သူလ့ၤ ၁၃ နံၣ်ႇ စီၤပီၤကုး ၁၂ နံၣ်ႇ စီၤမီၤခၣ် ၁၄ နံၣ်ဒီး စီၤကၠီၤကျၢၤ ၁၃နံၣ် တဖၣ်အံၤ ဘၣ်ဒိဘၣ်ထံး၀ဲဒၣ်တဂၤစုာ်စုာ်ဒီး ဖဲန့ၣ်အကျါတဂၤန့ၣ် အစုတူာ်ႇ မဲာ်ချံဘၣ်ဒိဒီး အခိၣ်သၣ်ဃံဘၣ်ဒိဘၣ်ထံး၀ဲနးနးကလဲာ်အဃိ တၢ်အိၣ်သးလီၤဘၣ်ယိၣ်ဘၣ်ဘှီအိၣ်၀ဲဒၣ်အဂ့ၢ်န့ၣ် သ့ၣ်ညါဘၣ်လီၤႉ
KNP ကနုာ်လီၤတပြၢ၀ဲတၢ်လီၢ် ၃ တီၤ လၢကရ့ၣ်နံၣ်ကီၢ်စဲၣ် ဖါစီကီၢ်ဆၣ်
လါယူၤလံ ၂၁ သီႇ ၂၀၂၀ နံၣ်ႇ စီၤထိလ့ ကရ့ၣ်နံၣ်ကီၢ်စဲၣ်(ကယါ)ႇ ဘီၤလၣ်ခဲကီၢ်ရ့ၣ်ႇ ဖါစီ၀့ၢ်ပူၤန့ၣ်် ကညီကလုာ်ပၣ်တံၣ် (KNP) အံၤ နံၣ်လၢကဟဲ ၂၀၂၀ တၢ်ဃုထၢန့ၣ် ကနုာ်လီၤတပြၢ၀ဲတၢ်လီၢ် ၃ တီၤအဂ့ၢ်န့ၣ် ဖါစီကီၢ်ဆၣ်ႇ ၦၤပၢၤလီၢ်ဆ့ၣ်နီၤ စီၤဘံၤ၀ါ စံးဘၣ်ခ့ၣ်အဲးစံၣ် ဖဲလါယူၤလံ ၂၀ သီအနံၤန့ၣ်လီၤႉ ဖါစီအပူၤ KNP ကနုာ်လီၤတပြၢ၀ဲလၢ ကလုာ်ဘျီၣ်ဒိၣ်ခၢၣ်စး ၁ ဂၤႇ ကမျၢၢ်ဘျီၣ်ဒိၣ်ခၢၣ်စးတၢ်လီၢ်တတီၤဒီး လၢကီၢ်စဲၣ်ဘျီၣ်ဒိၣ်အဂီၢ် ကနုာ်လီၤတပြၢ၀ဲလၢတၢ်လီၢ်တတီၤအဃိ ခၢၣ်စးလၢကနုာ်ဒိးဃုထၢအသးတဖၣ်န့ၣ် မ့ၢ်၀ဲဒၣ်ထဲပိာ်ခွါတဖၣ်လီၤအဂ့ၢ်န့ၣ် KNP ဖါစီကီၢ်ဆၣ် ပၢဆှၢတၢ်ကမံးတံာ်ဒီး ပၣ်တံၣ်၀ဲၤကျိၤခိၣ် ခိၣ်နၢ်ဒိၣ်ထီတဖၣ် စံး၀ဲန့ၣ်လီၤႉ “လၢပကီၢ်ဆၣ်အပူၤန့ၣ် တနီၤန့ၣ် စီၤစုၤ၀ဲဒၣ်ဒီးပၣ်တံၣ်ထံရူၢ်ကီၢ်သဲးအနံၣ် ၇၀န့ၣ် အိၣ်၀ဲဒၣ်လီၤႉ တနီၤစ့ၢ်ကီး စီၤစုၤ၀ဲဒၣ်ဒီးကညီပၣ်တံၣ်စ့ၢ်ကီး အိၣ်၀ဲလီၤႉ ဘၣ်မနုာ်အဃိလဲၣ်န့ၣ် ပၣ်တံၣ်ဖးဒိၣ်တဖၣ်ဒီး ပၣ်တံၣ်လၢ အအိၣ်ဆီလီၤအသးဖဲကီၢ်စဲၣ်တဖၣ်စ့ၢ်ကီးအိၣ်၀ဲအဃိ စီၤစုၤ၀ဲဒၣ်ဒီးကညီကလုာ်ပၣ်တံၣ်န့ၣ် အိၣ်၀ဲလီၤႉ တၢ်လီၢ်သၢတီၤလၢာ်အဂီၢ် ကဂုာ်ကျဲးစၢးလၢအဂ့ၤကတၢၢ်လီၤႉ ကန့ၢ်အဂီၢ်...
နံၣ် ၇၀ ၦဲၤ ကညီမၤထူရၤမုၢ်နံၤ တၢ်သ့ၣ်နီၣ်ဆၢက့ၤအဂီၢ် တၢ်ကမၤ၀ဲအတၢ်ဟူးတၢ်ဂဲၤ ၄ ခါ
လါယူၤလံ ၂၀ သီႇ ၂၀၂၀ နံၣ်ႇ စီရှါ ဖဲလါအီကူာ် ၁၂ သီအနံၤ လၢအလီၤဘၣ်၀ဲ နံၣ် ၇၀ ၦဲၤ ကညီမၤထူရၤမုၢ်နံၤ အတၢ်သ့ၣ်နီၣ်ဆၢက့ၤအဂီၢ် ကညီသးစၢ်လၢအအိၣ်၀့ၢ်တကူၣ်တဖၣ် ရဲၣ်ကျဲၤပာ်၀ဲလၢကမၤ၀ဲတၢ်ဟူးတၢ်ဂဲၤ ၄ ခါအဂ့ၢ်န့ၣ် သးစၢ်တဂၤလၢအမ့ၢ် စီၤကၠီၤလ့ စံးဘၣ်ခ့ၣ်အဲးစံၣ် ဖဲလါယူၤလံ ၁၇ သီအနံၤန့ၣ်လီၤႉ တၢ်ဟူးတၢ်ဂဲၤသ့ၣ်တဖၣ်န့ၣ် တၢ်ကထုးထီၣ်ဒီးနီၤလီၤ၀ဲဒၣ် ဘၣ်ဃးဒီးကညီမၤထူရၤ တၢ်သ့ၣ်နီၣ်လံာ်အိၣ်၀ဲအသိးႇ လၢ (social media) တဆီ တၢ်ကထုးထီၣ်ရၤလီၤ၀ဲဘၣ်ဃးဒီးကညီမၤထူရၤ အဂ့ၢ်အကျိၤလၢပကြၢးသ့ၣ်ညါအီၤတဖၣ်ႇ တၢ်တၢၣ်ပီၣ်တဲသကိးတဖၣ်န့ၣ် တၢ်ကမၤ၀ဲဒၣ်လၢ (online) ဒီး မၤထူရၤတဂၤလၢအမ့ၢ် စီၤဘးအူကၠံ အအိၣ်ဖျဲၣ်ထီၣ်အလီၢ်သ၀ီပူၤ တၢ်ကသူၣ်၀ဲသ့ၣ်တၢ်ရဲၣ်တၢ်ကျဲၤတဖၣ် တၢ်ကမၤ၀ဲဒၣ်လီၤအဂ့ၢ်န့ၣ် သ့ၣ်ညါဘၣ်လီၤႉ ဘၣ်ထဲဒွီးတၢ်ကမၤ၀ဲတၢ်ဟူးတၢ်ဂဲၤတၢ်ရဲၣ်တၢ်ကျဲၤအံၤ အတၢ်မုၢ်လၢ်ကွၢ်စိန့ၣ် စီၤကၠီၤလ့ စံး၀ဲ “ကညီဒီကလုာ်အတၢ်ဟူးတၢ်ဂဲၤတဖၣ်အံၤန့ၣ် က့ၤပဲာ်ထံနီၤဖးကဒါက့ၤဒီး ဒ်သိးခါဆူညါတၢ်အိၣ်မူကဂ့ၤဒိၣ်ထီၣ်အဂီၢ် သးစၢ်တဖၣ်ကဘၣ်ပာ်ဖှိၣ်မၤသကိးတၢ်လၢကျဲဒ်လဲၣ်အဂီၢ် ကဘၣ်စးထီၣ်ဃုကျဲဒ်လဲၣ်ႉ ၀ံၤဘျီလၢကလုာ်အဂီၢ်န့ၣ် ဒ်သိးကညီသးစၢ်တဖၣ် ကသ့ၣ်ညါအါထီၣ်ဒိၣ်ထီၣ်အဂီၢ် မုၢ်လၢ်ကွၢ်စိဒီးမၤ၀ဲလီၤ” အဂ့ၢ်န့ၣ် စံး၀ဲလီၤႉ လၢတၢ်ဟူးတၢ်ဂဲၤတဖၣ်အကျါ ဖဲအပူၤကွံာ်တလါဘျဲၣ်အခါန့ၣ် ဘၣ်ဃးဒီးတၢ်ကစီၣ်တၢ်ဟူးတၢ်ဂဲၤတပၤန့ၣ်...
တၢ်ခးသံ၀ဲကညီမုၣ်တဂၤအဖီခိၣ် KNU ထီဒါဒီး ဆှၢဟ့ၣ်၀ဲလံာ်ဆူ JMC-S အအိၣ်
လါယူၤလံ ၂၀ သီႇ ၂၀၂၀ နံၣ်ႇ ခ့ၣ်အဲးစံၣ် ကညီကီၢ်စဲၣ်ႇ မုၢ်တြီၢ်လီၢ်က၀ီၤပူၤ ဖဲလါယူၤလံ ၁၆ သီအနံၤန့ၣ် ပယီၤသုးဖိခံဂၤခးသံ၀သ၀ီဖိပိာ်မုၣ်တဂၤအဖီခိၣ် တၢ်ကဃိထံမၤဖျါထီၣ်ဒီးဟံအီၤအရ့အဂီၢ် KNU- ညီဒီကလုာ်စၢဖှိၣ်ကရၢ ကညီဒီကလုာ်တၢ်ထူၣ်ဖျဲးသုးမုၢ်ဒိၣ်-KNLA သုးက့(၅)အံၤ ဆှၢဟ့ၣ်၀ဲလံာ်ဆူ ကီၢ်စဲၣ် တၢ်ကွၢ်ဟုၣ်ကွၢ်စူၣ်တၢ်ပတုာ်တၢ်ခးသဃဲၤကမံးတံာ် (JMC-S) အအိၣ် ဖဲလါယူၤလံ ၁၈ သီအနံၤန့ၣ်လီၤႉ ဖဲမုၢ်တြီၢ်(ဖၣ်ပူၣ်)ကီၢ်ရ့ၣ်ႇ ဒွဲၣ်လိကီၢ်ဆၣ်ႇ ပိာ်လိထၣ်သ၀ီ နီၢ်မုၣ်နီၤလၢအသးနံၣ်အိၣ်၀ဲ(၄၀)နံၣ်အံၤ ပယီၤသုး နီၣ်ဂံၢ်(၈) ပၢဆှၢရဲၣ်ကျဲၤသုး၀ဲၤလီၢ်ခိၣ်သ့ၣ်(စကခ) စုဒုၣ်တီၤအဖီလာ်ႇ ခီၣ်ချ့သုးရ့ၣ် (ခမရ–၄၀၉) လၢအအိၣ်ခူၣ်သူၣ်ထၣ်သ၀ီ အၦၤသုးဖိခံဂၤလၢအမ့ၢ် မီၣ်သါမိလွ့ၣ် ဒီး မီၣ်အ့မ့သူၣ်အံၤ ခးသံ၀ဲဒၣ်ပိာ်မုၣ်အံၤလၢဟံၣ်ပူၤဒီး ဃဲၣ်လီၤဟံ၀ဲဒၣ်အဖဲထူတဘိဒီးနၢ်ဒံးတခိၣ်လီၤအဂ့ၢ်န့ၣ် လၢလံာ်၀ဲန့ၣ်အပူၤ ပာ်ဖျါ၀ဲန့ၣ်လီၤႉ ဖဲတၢ်တၢၣ်ပီၣ်တဲသကိးတၢ်မုာ်တၢ်ခုၣ်အဆၢကတီၢ် တၢ်မၤဒ်အံၤသ့ၣ်တဖၣ်န့ၣ် လုၢ်သ့ၣ်ခါပတာ်ဒီးမၤကမၣ်၀ဲဒၣ် ထံကီၢ်ဒီဘ့ၣ်တၢ်ပတုာ်တၢ်ခးလံာ်ဃံးဃာ် (NCA) ဒီး လၢတၢ်သ့ၣ်တဖၣ်အံၤအဖီခိၣ် KNLA သုးက့(၅)တကပၤ ထီဒါ၀ဲတဲာ်တဲာ်ဖျုဖျုအဂ့ၢ်ဒီး တၢ်ကဲထီၣ်သးအဖီခိၣ် တၢ်ကဃိထံမၤဖျါထီၣ်ဒီးကဟံအရ့လီၤအဂ့ၢ်န့ၣ် ဘၣ်တၢ်တၢၣ်၀ဲဒၣ်န့ၣ်လီၤႉ တၢ်ကဲထီၣ်သးန့ၣ် ဖဲလါယူၤလံ ၁၆ သီအနံၤ...
တၢ်ကပာ်ပနီၣ်ဒ်ကညီအဂီၢ် ဘံလ့ႇ မယါကိသ၀ီဖိတဖၣ် တီၣ်ဖျါထီၣ်၀ဲဆူမိၣ်ဘျီၣ်ဒိၣ်အအိၣ်
လါယူၤလံ ၁၆ သီႇ ၂၀၂၀ နံၣ်ႇ နါ၀့ၤဖၠိစၣ် မိၣ်ကီၢ်စဲၣ်ႇ ဘံလ့ကီၢ်ဆၣ်ႇ မယါကိဒူသ၀ီကရူၢ် သ၀ီဖိတဖၣ်အါဒၣ်တက့ၢ်န့ၣ် မ့ၢ်၀ဲဒၣ်ကညီကလုာ်ဘၣ်ဆၣ်ႇ လၢအမ့ၢ်ကညီန့ၣ် ၦၤလၢအဘၣ်ထွဲတဖၣ် ခီဖျိလၢတၢ်ပာ်ပနီၣ်တအိၣ်၀ဲဘၣ်အဃိႇဒ်သိးတၢ်ကက့ၤပာ်ပနီၣ်အီၤန့ၣ် တီၣ်ဖျါထီၣ်၀ဲဒၣ်ဆူ မိၣ်ကီၢ်စဲၣ်ဘျီၣ်ဒိၣ် ကလုာ်ဒူၣ်ဂ့ၢ်၀ီကမံးတံာ်အအိၣ်အဂ့ၢ်န့ၣ် သ၀ီဖိတဂၤလၢအမ့ၢ် စီၤမၠ့ၣ်၀့ၤ စံး၀ဲန့ၣ်လီၤႉ ဖဲမယါကိသ၀ီကရူၢ်အပူၤန့ၣ် သ၀ီအိၣ်၀ဲ ၁၆ ဖျၢၣ်ဒီး သ၀ီတဖၣ်န့ၣ်အါဒၣ်တက့ၢ် ကညီကလုာ်တဖၣ်အိၣ်ဆိး၀ဲဒၣ်အသိး ကလုာ်လၢအဂၤတဖၣ်စ့ၢ်ကီးအိၣ်ဆိး၀ဲဒၣ်န့ၣ်လီၤႉ ဘၣ်ဆၣ် ကညီတဖၣ်န့ၣ် ထံဖိကီၢ်ဖိခိၣ်ဂီၤ(မှတ်ပံုတင်)ႇ အိၣ်ဖျဲၣ်စရီ ဒီး ဟံၣ်ခိၣ်စရီအပူၤန့ၣ် ၦၤလၢတၢ်ထၢနုာ်၀ဲ ဒၣ်လၢအမ့ၢ်ပယီၤကလုာ်အိၣ်၀ဲဒၣ်အဃိ ဒ်သိးတၢ်ကက့ၤဘှီဘၣ်၀ဲအဂီၢ် တၢ်တီၣ်ဖျါထီၣ်ဃာ်၀ဲလၢ ၂၀၁၉ နံၣ်လံၤလံၤလီၤအဂ့ၢ်န့ၣ် သ၀ီဖိတဖၣ်စံး၀ဲလီၤႉ “ပ၀ဲသ့ၣ်တဖၣ်ပမ့ၢ်ကညီဘၣ်ဆၣ် လၢပဖိပလံၤခိၣ်ဂီၤအပူၤန့ၣ် ကဲထီၣ်၀ဲဒၣ်လၢပယီၤန့ၣ် ပတတူၢ်လိာ်ဘၣ်ႉ ခဲအံၤ မ့မ့ၢ်ပသ၀ီန့ၣ် ၦၤဆိမိၣ်၀ဲဒၣ်လၢပယီၤသ၀ီလီၤႉ ပ၀ဲသ့ၣ်တဖၣ်ပတဲကညီကျိာ်မ့ၢ်တဘၣ်လၢၤဘၣ် ဘၣ်ဆၣ် မ့ၢ်ကညီလီၤႉ ခီဖျိလၢဆီတလဲ၀ဲဒ်န့ၣ်အဃိ ဖဲအပူၤကွံာ်တၢ်ဃုထၢန့ၣ် ကညီကလုာ်ဂ့ၢ်၀ီ တၢ်ဖးမးပသ၀ီန့ၣ်ထၢနုာ်တန့ၢ်ဘၣ်လီၤႉ ပ၀ဲသ့ၣ်တဖၣ်ပတူၢ်ဘၣ်လၢ ပတၢ်ခွဲးတၢ်ယာ်ဆှူကွံာ်၀ဲအသိးလီၤ” အဂ့ၢ်န့ၣ် ၦၤလၢအတီခိၣ်ရိၣ်မဲဒီးတီၣ်ဖျါထီၣ်လံာ် သ၀ီဖိ စီၤမၠ့ၣ်၀့ၤ စံး၀ဲန့ၣ်လီၤႉ ဘၣ်ဃးဒီးတၢ်တီၣ်ဖျါထီၣ်လံာ်အံၤဆူ...
လီၢ်က၀ီၤဖိလၢအပာ်ဖျါထီၣ်သးတဖၣ် ပယီၤသုးလိာ်ဘၢလိာ်ကွၢ်၀ဲအဖီခိၣ် ယိၤဒိၣ်တၢ်ကရၢကရိ ၃၀ ဘျဲၣ် ထီဒါ၀ဲ
လါယူၤလံ ၁၄ သီႇ ၂၀၂၀ နံၣ်ႇ စးအဲၣ်ဆူ သုးမုၢ်ဒိၣ်ခး၀ဲအဃိ ယိၤဒိၣ်သ၀ီဖိလၢအဘၣ်ဒိဘၣ်ထံးဒီးသံ၀ဲဒၣ်တဖၣ်အဂီၢ် ဒ်သိးကဒိးန့ၢ်ဘၣ်တၢ်ထဲသိး တုၤသိးအဂီၢ် လီၢ်က၀ီၤဖိတဖၣ်ပာ်ဖှိၣ်ထီၣ်အသးဒီးပာ်ဖျါထီၣ်အသးအံၤန့ၣ် ၦၤလၢအတီခိၣ်ရိၣ်မဲတၢ်တဖၣ် ပယီၤ သုးမုၢ်ဒိၣ်အံၤလိာ်ဘၢလိာ်ကွီၢ်၀ဲဒၣ်အဖီခိၣ် ဖဲလါယူၤလံ ၁၃ သီအနံၤ ယိၤဒိၣ်ကမျၢၢ်တၢ်ကရၢကရိ ၃၀ ဘျဲၣ်ထီဒါ၀ဲ အဂ့ၢ် ထုးထီၣ်၀ဲလံာ်တၢ်ပာ်သးဒီးဘိးဘၣ်ရၤလီၤ၀ဲန့ၣ်လီၤႉ ဖဲအပူၤကွံာ် လါယူၤလံ ၁၀ သီအနံၤန့ၣ် ယိၤဒိၣ်(ကီၢ်စဲၣ်) ကလံၤစိးႇ ကၠီၣ်မဲကီၢ်ဆၣ်အပူၤ ယိၤဒိၣ်လီၢ်က၀ီၤကမျၢၢ် တကလးဘျဲၣ်အံၤ ခီဖျိလၢပယီၤသုးကျိၤခးလီၤတၢ်ဖီၣ်၀ဲဒီးမၤဒၢၣ်၀ဲဒူသ၀ီဖိအဃိ လီၢ်က၀ီၤသ၀ီဖိ ၃ ဂၤ သံ၀ဲဒၣ် အဖီခိၣ် ဒ်သိးကဒိးန့ၢ်ဘၣ်တၢ်ထဲသိးတုၤသိးအဂီၢ် တၢ်ပာ်ဖျါထီၣ်၀ဲတၢ်ဘၣ်သးဒီး ၦၤလၢအတီခိၣ်ရိၣ် မဲ၀ဲတၢ်ပာ်ဖျါထီၣ်သးတဖၣ်လၢအမ့ၢ် လီၢ်က၀ီၤသ၀ီဖိ ၃ ဂၤအံၤ ပယီၤသုးတပၤကဟံအရ့လီၤအဂ့ၢ်န့ၣ် ဖဲတၢ်တနံၤန့ၣ်ထုးထီၣ်ပာ်ဖျါ၀ဲလီၤႉ လၢပယီၤသုးလံာ်တၢ်ပာ်ဖျါအံၤအဖီခိၣ် ယိၤဒိၣ်ကမျၢၢ်တၢ်ကရၢကရိပာ်ဖှိၣ်ခဲလၢာ်(၃၆)ဒူၣ် ဒ်သိးကဒိးန့ၢ်ဘၣ်တၢ် ထဲသိးတုၤသိးအဂီၢ် တၢ်ပာ်ဖျါထီၣ်တၢ်ဘၣ်သးအံၤအဖီခိၣ် တၢ်ဟံးဂ့ၢ်၀ီအံၤ ပတုာ်ကွံာ်အီၤဒီး ပယီၤသုးလၢအမၤကမၣ်တၢ်တဖၣ် ဟံးအီၤဂ့ၢ်၀ီအဂ့ၢ်န့ၣ် ယိၤဒိၣ်ကမျၢၢ်တၢ်ကရၢကရိတဖၣ် ဃ့ထီၣ်၀ဲဖဲမဟါအနံၤန့ၣ်လီၤႉ လံာ်တၢ်ပာ်ဖျါ ၦၤကတိၤတၢ်ပၢ စဲလ့ စံး၀ဲ “အနီၢ်ကီၢ်ကီၢ်တခီန့ၣ် ပယီၤသုးအံၤမ့ၢ်အဲၣ်ဒိးမၤသံထံဖိကီၢ်ဖိကမျၢၢ်န့ၣ်...
ဟဲက့ၤကံၢ်စုၦိၢ်ဒီးစှီၤ
ဟဲက့ၤကံၢ်စုၦိၢ်ဒီးစှီၤ ဖီလါခူးဖးလၢၦၢ်ကျါ မ့ၢ်ကညီဖိကံၢ်စုလါ တၢ်စူၤလါခူးမ့ၢ်တုၤဃီၤ ဟဲက့ၤကံၢ်စုၦိၢ်ဒီးစှီၤ လၢပျၢၤဖံဖုမၤယုၤ၀ဲ သုတလီၤမၢ်ပၢၤဃာ်နဲ ကလုာ်ဂၤဆဲးလၤပီညါ လုၢ်ဘၢကွံာ်နၤလၢာ်လံဧါ တၢ်ကတိၤထူရူၢ်ဆဲးလၤ သုတကျီၣ်ကျဲဒီးၦၤဂၤ မ့ၢ်တပၢၤဃာ်ကျၢၤနဲဒၣ် ကလီၤမၢ်နီၤ“ခွံတလၣ်” မှံၤၦၢ်ဟ့ၣ်ပလီၢ်အါစု “နီၢ်ဘျီ”ကလီၤလံာ်န့ၢ်သု ပိာ်ထွဲနီၢ်ဘျီခံတဂ့ၤ ြပုကလၤဟဲက့ၤဟဲက့ၤႉႉႉ တၢ်လီၢ်“မူတကဲၣ်သံလါ” ပလီၢ်သးလံၤမုၣ်လံၤခွါ သွၣ်ခိၣ်လိထံးအိၣ်တဂ့ၤ ြပုကလၤဟဲက့ၤဟဲက့ၤႉႉႉ ဖံဖုလၢပျၢၤမၣ်လိာ်ပာ် မ့ၢ်လီၤဃံၢ်၀ံၣ်ထီၣ်လိာ်သး ဒီပုၢ်၀ဲၢ်သးမ့ၢ်ချၢၣ်ချဲ ကွၢ်တပူၤကီတပူၤခဲ မှံၤၦၢ်လၢပျၢၤထံၣ်စိဃာ် ဟ့ၣ်ပလီၢ်သိၣ်ပာ်တဲပာ် “ဒ့ၣ်ကအီၣ်လိာ်ဒ့ၣ်အသး ညၣ်ကအီၣ်လိာ်ညၣ်အသး” တၢ်ကတိၤမၤတ့ၢ်သးလံ ၦိၢ်ဒီးစှီၤဆိမိၣ်မ့ၢ်ထံ ဟးကိးမိၢ်ၦၤမိၢ်တဂ့ၤ ၦၤမိၢ်တဒုးအီၣ်ပမ့ၤ ြပုကလၤဟဲက့ၤစၢ်ခီ ဟဲက့ၤအိၣ်လၢဟံၣ်လၢဃီႉႉႉ ဖုစဂီၤလံၤခွါသ့ၣ်ဧၢ–(စှီၤ) ဖံပအိၣ်လံၤမုၣ်သ့ၣ်ဧၢ–(ၦိၢ်) ကၢၤဖှိၣ်သးတနံၣ်တဘျီ ဖီၣ်လိာ်စုသးတဖျၢၣ်ဃီ တၢ်စူၤလါခူးမ့ၢ်တုၤဃီ ဟဲက့ၤကံၢ်စုၦိၢ်ဒီးစှီၤႉ လၢ–တံနိ (သ၀ီတါ) နီၢ်ဘျီ–မုၣ်ကီၤလံၢ် မူတကဲၣ်သံလါ–တၢ်လီၢ်လၢအိၣ်ဒီးတၢ်သူၣ်ဖှံသးညီလၢကကွဲန့ၢ်လွဲန့ၢ်ၦၤဆူတၢ်တဂ့ၤတၢ်ဟးဂီၤအလီၢ်လၢအိၣ်ဒီး ပိာ်မုၣ်ပိာ်ခွါဆါလီၤအီၣ်သးအလီၢ်
ကညီသးစၢ်ခဲလၢာ်အဂီၢ် တၢ်မၤရဲၣ်ကျဲၤခိၣ်သ့ၣ်သနူပြတီ၁်တခါ ကဟးထီၣ်၀ဲ
လါယူၤလံ ၁၀ သီႇ ၂၀၂၀ နံၣ်ႇ စးဖါရှီ ကညီသးစၢ်လၢလီၢ်က၀ီၤတၢ်လီၢ်အါတီၤတဖၣ် ဒ်သိးကနုာ်လီၤပၣ်ဃုာ်လၢကညီဒီကလုာ်အဖီတၢၣ်ဒီး တၢ်သူၣ်ထီၣ်ထံကီၢ်တၢ်ဖံးတၢ်မၤတဖၣ်ကန့ၢ်အဂီၢ် မုၢ်လၢ်ဒီးကွဲးလီၤပာ်လီၤ၀ဲ ကညီသးစၢ်တၢ်မၤရဲၣ်ကျဲၤခိၣ်သ့ၣ် အသနူပြတီ၁်တခါ ကဟးထီၣ်၀ဲဒၣ်လီၤအဂ့ၢ်န့ၣ် သ့ၣ်ညါဘၣ်လီၤႉ ဒ်သိးဒီးတၢ်ကကဲွးလီၤပာ်လီၤ၀ဲ တၢ်မၤရဲၣ်ကျဲၤခိၣ်သ့ၣ်သနူပြတိ၁် လၢအဘၣ်ထွဲဒီးကညီသးစၢ်ခဲလၢာ်တဖၣ် အန့ၢ်အဂီၢ် ကီၢ်ပူၤႇ ကီၢ်ချၢႇ ကညီသးစၢ်တၢ်ကရၢကရိလၢအအိၣ်ကီၢ်ဆၢတဖၣ်စုာ်စုာ်အံၤ ကညီသးစၢ်တဖၣ် ပၣ်ဃုာ်၀ဲတၢ်ကွဲးလီၤပာ်လီၤသနူပြတိ၁်ကမံးတံာ်အံၤ ဘၣ်တၢ်ဒုးအိၣ်ထီၣ်အီၤဒီးမၤလိၣ်ထီၣ်ဖးထီၣ်၀ဲဒၣ်န့ၣ်လီၤႉ ဖဲတလါအံၤ လါယူၤလံ ၃ သီ တုၤလၢ ၉ သီအနံၤ တၢ်ကွဲးလီၤပာ်လီၤသနူပြတီ၁်ကမံးတံာ်အံၤ မၤ၀ဲတၢ်အိၣ်ဖှိၣ်ဖဲ ၀့ၢ်တကူၣ်၀ံၤအလီၢ်ခံ သနူပြတီ၁်တခါအံၤ ကဟးထီၣ်၀ဲဒၣ်လီၤႉ တၢ်ကွဲးလီၤပာ်လီၤ ကညီသးစၢ်တၢ်မၤရဲၣ်ကျဲၤခိၣ်သ့ၣ် ၦၤလၢအတီခိၣ်ရိၣ်မဲဒီးကရၢကရိတၢ်ကရူၢ်တဂၤလၢအမ့ၢ် စီၤထိထိ စံး၀ဲ “တၢ်အ၀ဲအံၤန့ၣ် ဖဲအပူၤကွံာ် ၂၀၁၉ နံၣ် လါစဲးပထ့ဘၢၣ်န့ၣ် ကညီသးစၢ်တဖၣ်ထံၣ်အိၣ်သ ကိးလိာ်အသးဖဲမဲၢ်ဆီးဒီး တၢ်တၢၣ်ပီၣ်တဲသကိးအတၢ်ပိာ်ထွဲထီၣ်အခံလီၤႉ တၢ်သ့ၣ်တဖၣ်အံၤ တၢ်မၤရဲၣ်ကျဲၤခိၣ် သ့ၣ်သနူပြတီ၁် ကရူၢ်တဖၣ်ကွဲးလီၤပာ်လီၤ၀ဲလီၤႉ ခဲအံၤ စးထီၣ်ကွဲးလီၤ၀ဲလၢ Zero အဆၢကတီၢ်လီၤမီၤႉ အခဲအံၤတၢ် ၆ သီ ၇...
JMC-U တၢ်အိၣ်ဖှိၣ် လၢဆိကတီၢ်သးလၢ ၂ နံၣ်ဃၣ်ဃၣ် တၢ်က့ၤစးထီၣ်ကဒါ
လါယူၤလံ ၈ သီႇ ၂၀၂၀ နံၣ်ႇ စီၤထိလ့ ကီၢ်စၢဖှိၣ်အပတီၢ် တၢ်ခိးကွၢ်ဟုၣ်ကွၢ်စူၣ်တၢ်ပတုာ်တၢ်ခးသဃဲၤ ကမံးတံာ် (JMC-U) ၁၉ ၀ီတ၀ီ တၢ်အိၣ်ဖှိၣ် လၢအဆိကတီၢ်သးခံနံၣ်ဃၣ်ဃၣ်အံၤ ဖဲလါယူၤလံ ၇ သီအနံၤန့ၣ် တၢ်စးထီၣ်မၤ၀ဲတၢ်အိၣ်ဖှိၣ်ဖဲ န့ၣ်ပၠံၣ်တီၣ်ႇ Horizon Lake View Hotel န့ၣ်လီၤႉ ဖဲအပူၤကွံာ် ၂၀၁၈ နံၣ်အတီၢ်ပူၤန့ၣ် ဘၣ်ထွဲ NCA တၢ်မၤလိၣ်ထီၣ်ဖးထီၣ် တၢ်တၢၣ်ပီၣ်တဲသကိးတဖၣ်အပူၤန့ၣ် တၢ်ထိၣ်ဃူထိၣ်ဖိးအကတီၢ် တၢ်ကတာ်ထီဃာ်အသးတဖၣ်အိၣ်ထီၣ်၀ဲအဃိႇ ခ့ၣ်အဲၣ်ယူၣ်–ကညီဒီကလုာ်စၢဖှိၣ်ကရၢ ဒီး RCSS တဖၣ် ဘၣ်ပတုာ်ဃာ်၀ဲ ထံရူၢ်ကီၢ်သဲးတၢ်တၢၣ်ပီၣ်တဲသကိးတဖၣ်အံၤ တစိၢ်တလီၢ်အသိးႇ JMC တၢ်တၢၣ်ပီၣ်တဲသကိးတဖၣ်စ့ၢ်ကီး တၢ်ပတုာ်စိဃာ်၀ဲတစိၢ်တလီၢ်၀ံၤအလီၢ်ခံ တၢ်က့ၤမၤကဒါ JMC-U တၢ်အိၣ်ဖှိၣ် ဒ်အခဲအံၤလီၤအဂ့ၢ်န့ၣ် JMC-U ၦၤပၢၤလီၢ်ဆ့ၣ်နီၤ =၂ တၢတဂၤ သုးခိၣ်ကျၢၢ် စီၤအါစဲးဖိ စံး၀ဲလီၤႉ “တၢ်သးလီၤပလိာ်လၢအပၣ်ဃုာ်၀ဲဒၣ်လၢ NCA အပူၤတဖၣ် တၢ်ကဘၣ်ပာ်ပနီၣ်၀ဲႇ...